«Շամանի» ճանապարհորդությունը շարունակվում է. վիրուսը «քշողին» նկատել են Արագածոտնում

540
(Թարմացված է 22:53 29.04.2020)
Տղամարդու մասին առաջին տեսանյութն արժանացավ հանրության ուշադրությանը։ Օգտատերերը կատակեցին, թե նա վանում է կորոնավիրուսի ոգին։ Այժմ Sputnik Արմենիան հետևում է Հայաստանում նրա տեղաշարժին։

Հայ հանրության սիրելին դարձած արտասովոր «շամանը», որը վանում է կորոնավիրուսի ոգին, որոշել է Երևանի կենտրոնական փողոցներից մարզեր տեղափոխվել։ Sputnik Արմենիայի ընթերցողներն այս անգամ նրան նկատել են Արագածոտնի մարզի Արագած գյուղում, որը գտնվում է մայրաքաղաքից 70 կմ դեպի արևմուտք։

Մեր «շամանը» մի լավ պատրաստվել է ճանապարհորդությանն ու թմբուկից բացի այս անգամ իր հետ նաև մեծ պայուսակ է վերցրել։ Ի դեպ, Երևանում նա ավելի համեստ էր և ջանում էր անցորդներին չնայել, մինչդեռ Արագածոտնում իրեն տեսանկարահանող մարդուն «շամանը» ողջունում է թմբուկի հարվածով։

Ավելի վաղ նրան նկարահանել էին Երևանի Երվանդ Քոչարի փողոցում։ Տղամարդը նույն հագուստով քայլում էր ամայի փողոցով և թմբկահարում։ Միևնույն ժամանակ նա ինչ–որ տարօրինակ ու անհասկանալի բան էր երգում։ «Շամանի» մասնակցությամբ առաջին տեսանյութը համացանցի օգտատերերը շատ էին հավանել։ Նրանք կատակել էին, թե նրան հրավիրել են, որպեսզի վանի կորոնավիրուսի ոգին։

Երևանում շրջող տարօրինակ տղամարդուն մեկ այլ փողոցում են նկատել․ տեսանյութ

540
թեգերը:
տղամարդ, Արագածոտնի մարզ, կորոնավիրուս
Ըստ թեմայի
Արդյո՞ք հնարավոր է երկրորդ անգամ վարակվել կորոնավիրուսով
Կորոնավիրուսն ու արտակարգ դրությունը ստիպում են օրենքներ փոխել. ԱԺ-ն դեմ չէ
Շիրակում կորոնավիրուսի դեպքերի մեծ մասը փոխկապակցված են. մարզպետը մանրամասներ է հայտնել
Կորոնավիրուսը հստակեցնում է աշխատողի ու գործատուի հարաբերությունները. նոր սահմանումներ

Գագիկ Ծառուկյանը կենդանաբանական այգուն կնվիրի իր մեծացրած առյուծին. տեսանյութ

262
(Թարմացված է 16:29 20.05.2020)
Ծառուկյանը վերջերս լույս աշխարհ եկած նորածին ալբինոս կորյունների եռյակին շարունակում է ամենօրյա հոգատարությամբ խնամել։

«Բարգավաճ Հայաստան» կուսակցության նախագահ Գագիկ Ծառուկյանը հունիսի 1-ի` Երեխաների պաշտպանության օրվան ընդառաջ Երևանի կենդանաբանական այգուն կնվիրի իր մեծացրած Սիմբա անունով առյուծին:

Տեղեկությունը կորյունին կերակրելու տեսանյութին կից Facebook–ի իր էջում գրել է Գագիկ Ծառուկյանը։

Բարի գալուստ, Բեմբի. Երևանի կենդանաբանական այգում բնակվող եղջերուն մայրիկ է դարձել

Նա տեղեկացրել է նաև, որ վերջերս լույս աշխարհ եկած նորածին ալբինոս կորյունների եռյակին շարունակում է ամենօրյա հոգատարությամբ խնամել։

«Կենդանիները բնության հրաշալիքներն են: Նորածին կենդանիները շատ անօգնական են լինում, ունենում մեր խնամքի, ուշադրության ու սիրո կարիքը»,–գրել է նա:

Նա տեղեկացրել է, որ կենդանաբանական այգուն նվիրվող եզակի ցեղատեսակի Սիմբա անունով առյուծի մասին անձամբ է մշտապես հոգ տարել ու խնամել: Այսօր արդեն նա մեծացել և ամուր կանգնած է ոտքերի վրա:

Երևանի կենդանաբանական այգին բացվում է. այցելուների համար նոր կանոններ կգործեն

«Հուսով եմ, որ հազարավոր մանուկներ բնության այս հրաշալիքին տեսնելով ու շփվելով` էլ ավելի կսիրեն բնությունն ու կենդանական աշխարհը»,–գրել է Ծառուկյանը:

Հիշեցնենք, որ մայիսի 4–ին ԲՀԿ առաջնորդ, ԱԺ «Բարգավաճ Հայաստան» խմբակցության ղեկավար Գագիկ Ծառուկյանը Facebook-ի իր էջում գրել էր, որ առավոտյան եզակի ցեղատեսակի ալբինոս առյուծի 4 ձագ է լույս աշխարհ եկել:

262
թեգերը:
Կենդանաբանական այգի, առյուծ, Գագիկ Ծառուկյան
Ըստ թեմայի
Ջայլամը վազել է հեծանվի հետևից ու համացանցի աստղ դարձել. զվարճալի տեսանյութ
Երկվորյակ նորածինները քաղցր–քաղցր «զրուցում» ու ծիծաղում են. տեսանյութ
Հայկական արտադրության անօդաչու թռչող սարքը բարեհաջող փորձարկվել է. տեսանյութ

Քաղաքապետարանը երբևէ նման տեխնիկա չի ունեցել. ինչպես են Երևանում բուժում փողոցի ծառերը

231
(Թարմացված է 15:52 20.05.2020)
Քաղաքապետարանից հայտնում են, որ նորագույն, շարժական տեխնիկան ապահովում է բուժման արդյունավետությունը, նվազեցնում դեղի կորուստը:

Երևանի քաղաքապետարանի Facebook-ի պաշտոնական էջում տեսանյութ է հրապարակվել, որում երևում է՝ ինչպես են «Կանաչապատում և շրջակա միջավայրի պահպանություն» ՀՈԱԿ-ի աշխատակիցները նորագույն մեթոդով և շարժական տեխնիկայի գործադրմամբ բուժում մայրաքաղաքի ճամփեզրերին եղած ծառերը:

Հայկական արտադրության անօդաչու թռչող սարքը բարեհաջող փորձարկվել է. տեսանյութ

«Թումանյան, Նալբանդյան փողոցներում, Սայաթ-Նովա պողոտայում կատարվել են թեղի տեսակի ծառերի բուժման աշխատանքներ: Դրանք իրականացվել են նորագույն, շարժական տեխնիկայով, ինչն ապահովում է բուժման արդյունավետությունը, նվազեցնում դեղի կորուստը»,- նշված է հաղորդագրության մեջ:

Երևանի քաղաքապետարանից հայտնում են նաև, որ «Կանաչապատում և շրջակա միջավայրի պահպանություն» ՀՈԱԿ-ը մինչ այս նման տեխնիկա չի ունեցել:

Նոր սերնդի անօդաչուն շուտով օդ կբարձրանա. տեսանյութ

231
թեգերը:
ծառ, Երևանի քաղաքապետարան, Հայաստան
Ըստ թեմայի
«Անբախտ» գողերը. տղամարդիկ տերմինալը գրկած դուրս են հանել, բայց տեղ չեն հասցրել. տեսանյութ
Երկվորյակ նորածինները քաղցր–քաղցր «զրուցում» ու ծիծաղում են. տեսանյութ
«Ուկրաինական թոփ մոդելի» հաղթող Սամվել Թումանյանը ցնցել է իր կրքոտ պարով. տեսանյութ
Ջայլամը վազել է հեծանվի հետևից ու համացանցի աստղ դարձել. զվարճալի տեսանյութ
Депутат Владимир Варданян перед зданием Дома правительства Армении (20 мая 2019). Еревaн

Վարդանյանն Էդմոն Մարուքյանին մեղադրեց պետության հեղինակության հետ խաղալու մեջ

0
(Թարմացված է 13:55 26.05.2020)
ԱԺ «Իմ քայլը» խմբակցության պատգամավոր Վլադիմիր Վարդանյանը «Լուսավոր Հայաստան» խմբակցության ղեկավարին ասաց, որ պետք չէ կոնֆիդենցիալ հարցերը բարձրաձայնել. դա կարող է անցանկալի հետևանքներ ունենալ։

ԵՐԵՎԱՆ, 26 մայիսի – Sputnik. «Իմ քայլը» խմբակցության պատգամավոր Վլադիմիր Վարդանյանն ԱԺ ամբիոնից բավականին վրդովված անդրադարձավ «Լուսավոր Հայաստան» խմբակցության ղեկավար Էդմոն Մարուքյանի ելույթին։

Մարուքյանը կասկածի տակ էր առել Վարդանյանի անաչառությունը որպես Եվրոպայի խորհրդի համապատասխան հանձնաժողովում COVID 19-ի զեկույցի համազեկուցող։

«Չեմ կարող չանդրադառնալ պարոն Մարուքյանի ասածներին. մե՜ծ, մեծ հարցական է՝ արդյո՞ք պարոն Մարուքյանն իրավունք ուներ այդ հարցը բարձրաձայնել որպես իրավաբան, որպես պատգամավոր, որպես ԵԽԽՎ անդամ և որպես իրավական հարցերի և մարդու իրավունքների հարցերի հանձնաժողովի առաջին փոխնախագահ, որովհետև դա դեռևս կոնֆիդենցիալ է, որոշումը դեռ կայացված չէ»,–ասաց Վարդանյանը:

Նա հավելեց՝ այո, քննարկվում էր հարց, որ ինքն էլ կարող է նշանակվել զեկուցող, չնայած այս քննարկումից հետո չգիտի՝ ինչ կստացվի: Նա ասաց, որ զեկույցը վերաբերում է մարդու իրավունքների պաշտպանությանը COVID-19-ի պայմաններում:

«Երաշխավորել եմ և երաշխավորում եմ, որ ես, այո, օբյեկտիվ եմ լինելու բոլոր 47 պետությունների նկատմամբ և արձանագրելու եմ ցանկացած խախտում, որը, իմ կարծիքով, կգտնվի արժանի արձանագրվելու այդ զեկույցում, բայց այս կարգի հարցերը բերել և քննարկել ԱԺ ամբիոնից, վտանգել պետությանդ հեղինակությունը, կասկածի տակ դնել որոշակի գործընթացներ, չեմ ուզում մեկնաբանել, թող մեկնաբանի ՀՀ քաղաքացին»,- ասաց նա:

Հիշեցնենք, որ այսօր ԱԺ նախագահ Արարատ Միրզոյանը հայտարարեց, որ համավարակով պայմանավորված` ԱԺ նիստերի դահլիճում նախազգուցացվելուց հետո 1 կամ 7 օրով դուրս կհրավիրվեն բոլոր այն պատգամավորները, որոնք դիմակ չեն կրում։

Էդմոն Մարուքյանը Միրզոյանի այս հայտարարությունը համարեց ոչ սահմանադրական, նշելով, որ ԱԺ նիստերին դիմակով չխոսելը չի կարող համարվել կանոնների խախտում։

Նա հիշեցրեց Սահմանադրության այն նորմը, որով արտակարգ դրությունը չի տարածվում ԱԺ-ի վրա, հետևաբար, արտակարգ դրության շրջանակներում պարետի որոշումները չեն կարող կիրառվել խորհրդարանում և չեն կարող հիմք հանդիսանալ պատգամավորին դահլիճից դուրս հրավիրելու համար։

Նա մեղադրեց Միրզոյանին ԱԺ-ում երկակի ստանդարտներ կիրառելու մեջ, հիշեցնելով, որ երբ իր հանդեպ բռնություն էին գործադրում, որևէ պատգամավորի նախազգուշացում չտրվեց և որևէ պատգամավոր դուրս չհրավիրվեց ԱԺ դահլիճից։

Մարուքյանը նաև հայտարարեց, որ Վլադիմիր Վարդանյանը Եվրոպայի խորհրդի համապատասխան հանձնաժողովում պետք է հաստատվի որպես COVID 19-ի զեկույցի համազեկուցող, որով նա 47 անդամ-պետություններում պետք է տեսնի` մարդու իրավունքներն ինչպես են խախտել COVID 19-ի ժամանակ` արտակարգ դրությունից ելնելով։

Մարուքյանը մեղադրեց Վարդանյանին, որ նա ձայն չի հանում, երբ ԱԺ-ում երկակի ստանդարտներ են կիրառվում և, ըստ էության, ոնտահարվում է Սահմանադրությունը` ԱԺ կանոնակարգ օրենքի սխալ կիրարկմամբ:

Հետևաբար կասկածի տակ է Վարդանյանի` Եվրոպայի խորհրդում օբյեկտիվ զեկուցով հանդես գալու հարցը։

0