Հայաստանի տարածքում այսօր կեսօրից արդեն սկսվել է անձրևն ու ամպրոպը, իսկ առանձին վայրերում նաև կարկուտ է տեղում։ Այս մասին Facebook-ի իր էջում գրել է Արտակարգ իրավիճակների նախարարության Հիդրոմետ ծառայության օդերևութաբանական կենտրոնի պետ Գագիկ Սուրենյանը։
«Երևանում որոտաց գարնան առաջին ամպրոպը, այ հիմա կարող ենք ասել, որ լիարժեք գարուն է»,-գրել է նա։
Էջի հետևորդները կարծես այնքան էլ հիացած չեն եղանակով ու սկսել են կատակել։
«Մեզ միայն ամպրոպն էր պակասում գարունը լիարժեք վայելելու հանար»,« դուրսը Մի կտոր հաց ենք ուտում գոնե էդ մի հարամ արեք, վա՜յ» ,«լիարժեք կարանտին ես կասեի»,-կատակել են նրանք։
Հիշեցնենք, որ ՀՀ արտակարգ իրավիճակների նախարարությունից հայտնել էին, որ Հանրապետությունում և Երևան քաղաքում ապրիլի 19-ի կեսօրից հետո, ապրիլի 20-24-ը ժամանակ առ ժամանակ սպասվում է անձրև և ամպրոպ, ամպրոպի ժամանակ հնարավոր է քամու ուժգնացում մինչև 15-17 մ/վրկ։
Օդի ջերմաստիճանն ապրիլի 22-ի և 23-ի ցերեկը կնվազի 5-7 աստիճանով:
