Հայ երգիչն Ազնավուր է երգում Բրյուսելի` կարանտինում գտնվող բնակիչների համար. տեսանյութ

394
(Թարմացված է 17:32 29.03.2020)
Ամեն օր` նույն ժամին, երգիչը դուրս է գալիս պատշգամբ և երգում բրյուսելցիների համար։ Հանդիսատեսը հիացած է նրա կատարմամբ։

Համացանցում հոլովակ է տարածվել, որում հայազգի երգիչ Տիգրան Հանջարյանը, որը Բրյուսելում կարանտինի մեջ է գտնվում, որոշել լցնել իր օրն ու զվարճացնել Բելգիայի մայրաքաղաքի բնակիչներին։

Իր պատշգամբից նա «մինի-համերգ» է կազմակերպում, որի ընթացքում ներկայացնում է աշխարհահռչակ Շառլ Ազնավուրի երգերը։ Ամեն օր` նույն ժամին երգիչը դուրս է գալիս պատշգամբ և երգում է բրյուսելցիների համար։ Նրա ելույթների ժամանակ շրջակա շենքերի բնակիչները դուրս են գալիս իրենց պատշգամբները և վայելում հայ երաժշտի կատարումները։

Համացանցի օգտատերերին շատ է դուր եկել նրա կատարումը, մի քանի հարյուր մարդ տարածել է այն, ևս մի քանի տասնյակը մեկնաբանություններ են թողել․ «Տաղանդ է, ինչպես է երգում, հրաշալի է, բրավո՜», «Աստված մեզ փրկի», «Թույն, երգում է, կարծես շնչի», «Գեղեցիկ է»,–գրել են նրանք։

Դժվար է չվարակվել Cor UNO virus պարով, երբ բոլորը կարանտինում են. տեսանյութ

Նշենք, որ Բելգիայի իշխանությունները կորոնավիրուսի համաճարակի տարածումը կանխելու նպատակով մարտի 28-ին որոշում են ընդունել համընդհանուր կարանտինի ռեժիմը երկարաձգել մինչև ապրիլի 19-ը՝ այնուհետև մինչև մայիսի 3-ը ձգելու հավանականությամբ։

«Է՜հ». ռուսական հաղորդման հեղինակը հիացմունքով է պատմել Հայաստանի մասին. տեսանյութ

394
թեգերը:
կորոնավիրուս, Բելգիա, հայ, երգիչ, Շառլ Ազնավուր
Ըստ թեմայի
Իսպանացի ոստիկանները երգերով ուրախացնում են մեկուսացման մեջ գտնվողներին. տեսանյութ
Վեհափառը հանրապետական մաղթանք է կատարում հանուն երկրի ու ժողովրդի բարօրության. տեսանյութ
«Մնացեք տանը, որ մամաս շուտ գա տուն». Մասիսի բժիշկների երեխաների հուզիչ ֆլեշմոբը

«Լավագույն միջոցը սթրեսի դեմ». բուժաշխատողների զգացմունքային տանգոն հուզել է օգտատերերին

71
Համացանցում մի տեսանյութ է տարածվել, որում պաշտպանիչ հանդերձանքով և դիմակներով բուժաշխատողները շատ գեղեցիկ տանգո են պարում հիվանդանոցում։

Համավարակով տարված չպետք է մոռանալ պարը։ Այս մասին է փաստում երկու բուժաշխատողների զգացմունքային տանգոն հայտնի Historia de un amor («Սիրո պատմություն») երգի ներքո։

Նրանք պարում են հիվանդանոցում, թեև գեղեցիկ զգեստը ստիպված են փոխարինել պաշտպանիչ հանդերձանքով, իսկ կոշիկները, ռետինե սապոգներով։ Անգամ նրանց դեմքերը չեն երևում. դրանք թաքնված են դիմակների տակ։

Սակայն այդ ամենը չի խանգարում, որպեսզի տեսանյութը համացանցում լայնորեն տարածվի։ Օգտատերերի մեծ մասը կարողացել է ըստ արժանվույն գնահատել գեղեցիկ պարը։

«Բրավո», «հիանալի է», «պարզապես հիասքանչ է, նույնիսկ այդ անհեթեթ դեղին սապոգներով», «լավագույն դեղամիջոցը սթրեսի դեմ», «հուսով եմ՝ նրանք նույնքան վիրտուոզ են բուժում». այսպիսի մեկնաբանություններ են գրել օգտատերերը:

Շերամն ու կորոնավիրուսը. Գյումրիում բժիշկները ոչ միայն բուժում են, այլև երգում. տեսանյութ

71
թեգերը:
օգտատեր, կորոնավիրուս, Պար, բժիշկ
թեմա:
Կորոնավիրուսը Հայաստանում և Արցախում
Ըստ թեմայի
Բելգիայում բժիշկները մեջքով են թեքվել վարչապետին` բողոքի ակցիա իրականացնելով. տեսանյութ
Հայաստանում բժիշկները ծափերով են ճանապարհում կորոնավիրուսից բուժվածներին. տեսանյութ
Կորոնավիրուսի հետ կռիվ տվող հայ բժիշկները. բացառիկ տեսանյութ
Իրանցի բժիշկները պարում են կորոնավիրուսով վարակվածներին ուրախացնելու համար. տեսանյութ

Նոր Նորքում անցակետեր են տեղադրվել. ոստիկանությունն ուժեղացված ծառայություն է իրականացնում

162
(Թարմացված է 13:48 31.05.2020)
Վարորդը, ում կողքին նստած ուղևորը դիմակով չէր, փախել է ոստիկաններից: Ոստիկանության աշխատակիցները հետապնդում են նրան՝ պատասխանատվության ենթարկելու համար:

ՀՀ ոստիկանությունը կորոնավիրուսի տարածումը կանխելու շրջանակում շարունակում է արտակարգ ռեժիմով ծառայություն իրականացնել Երևանի տարբեր վարչական շրջաններում:
Հերթը Նոր Նորք համայնքինն է: Այսօր այստեղ ոստիկանական անշարժ անցակետեր են տեղակայվել:

Ոստիկանները կանգնեցնում են մասնավոր ավտոմեքենաները, ստուգում վարորդի ու ուղևորների դիմակ կրելու պահանջի պարտադիր կատարումը: Հանրային տրանսպորտում ևս ստուգվում է պարետի որոշման պահանջների կատարումը, հատկապես կանգնած ուղևորներ չտեղափոխելու արգելքը:

Տեսանյութում երևում է, թե ինչպես է Opel մակնիշի ավտոմեքենայի վարորդը խույս տալիս ոստիկաններից: Ոստիկանները նկատում են, որ ավտոմեքենայի ուղևորն առանց դիմակի է, իսկ վարորդը չի ենթարկվում ոստիկանների՝ մեքենան կանգնեցնլու պահանջին: Ոստիկանության աշխատակիցները հետապնդում են նրան՝ պատասխանատվության ենթարկելու համար:

Նշենք, որ մինչ օրս ոստիկանությունն ուժեղացված հսկողություն է իրականացրել Նոր Նորք, էրեբունի, Դավթաշեն վարչական շրջաններում:

Անվտանգության կանոնների խախտումներ են արձանագրվել գյուղատնտեսական շուկաներում

Հիշեցնենք՝ մայիսի 25–ից ՀՀ պարետ Տիգրան Ավինյանն արտակարգ դրության ժամանակ գործող սահմանափակումներում որոշ փոփոխություններ է կատարել։ Այսուհետ դիմակ կրելը պարտադիր է փակ տարածքներում, նույնիսկ ավտոմեքենայում, եթե առկա է մեկից ավելի մարդ: Իսկ բաց հասարակական վայրերում քաղաքացիները պարտավոր են իրենց մոտ ունենալ ու ոտիկանի պահանջով ներկայացնել դիմակներ:

932 տնտեսվարող պարետի սահմանած կանոնները չեն պահպանել. նրանց գործունեությունը կասեցած է

162
թեգերը:
Արտակարգ դրություն, Ոստիկանություն, վարորդ, դիմակ, Հայաստան
Ըստ թեմայի
Նոր թրենդային աքսեսուար. թանգարանները հայտնի կտավներով դիմակներ կպատրաստեն
Դիմակ կրելով կյանքեր կփրկեք. ԱԻՆ-ի մեքենաները շրջում են բակերով և իրազեկում. տեսանյութ
Հայ երիտասարդը ուտել-խմելու դիմակ է պատրաստել. զվարճալի տեսանյութ
«Պետք է ուտելիս դիմակ կրել». Արսեն Թորոսյանի որդին շփոթեց պահանջները. տեսանյութ
Բողոքի ակցիա, ԱՄՆ

Ավելի քան 60 սպա և գործակալ է տուժել ԱՄՆ-ում տեղի ունեցած ցույցերի ժամանակ

0
(Թարմացված է 23:35 31.05.2020)
Ցույցերի ժամանակ անցած գիշեր մեկ անձ է ձերբակալվել։ Ցուցարարներից ոչ ոք Սպիտակ տան ճաղավանդակներից այն կողմ չի անցել։

ԵՐԵՎԱՆ, 31 մայիսի –Sputnik.  ԱՄՆ գաղտնի ծառայությունների ավելի քան 60 սպա և հատուկ գործակալներ տուժել են Սպիտակ տան մոտ ընթացող ցույցի ժամանակ, նրանցից 11-ը հիվանդանոց է տեղափոխվել բուժզննման համար: Տեղեկությունը հայտնում է Գաղտնի ծառայությունների մամուլի ծառայությունը։

Այդ ծառայությունն ապահովում է ԱՄՆ կառավարական մարմինների և ղեկավարության անվտանգությունը։

«Ուրբաթ գիշերվանից մինչև կիրակի առավոտ Գաղտնի ծառայության ավելի քան 60 սպա և հատուկ գործակալ բազմաթիվ վնասվածքներ են ստացել նրանց ուղղությամբ նետած աղյուսների, քարերի, շշերի, ճայթուկների և այլ առարկաների պատճառով։ Ընդհանուր առմամբ 11 տուժած տեղի հիվանդանոց է տեղափոխվել, նրանց օգնություն է ցուցաբերվել, վնասվածքները կյանքի համար վտանգավոր չեն», – նշված է հաղորդագրության մեջ։

Նշվում է, որ ցույցի ժամանակ անցած գիշեր մեկ անձ է ձերբակալվել։ Ցուցարարներից ոչ ոք Սպիտակ տան ճաղերից այն կողմ չի անցել։

«Չեմ կարողանում շնչել»․ խռովությունները տարածվել են ԱՄՆ-ում

ԱՄՆ նախագահ Դոնալդ Թրամփն ավելի վաղ գովել է ծառայության գործողություններն ու քննադատել ցուցարարներին։

Անկարգությունները սկսվել էին ԱՄՆ Մինեապոլիս և մի շարք այլ  քաղաքներում այն բանից հետո, երբ ոստիկանության ձեռքից մահացավ աֆրոամերիկացի Ջորջ Ֆլոյդը։

Համացանցում տեսանյութ էր հայտնվել որում երևում է, թե ինչպես են մայիսի 25-ին Մինեապոլիսում աֆրոամերիկացի 46-ամյա Ջորջ Ֆլոյդի նկատմամբ ոստիկանության երկու ծառայողներ բռնություն կիրառում: Նրանցից մեկը ծնկով սեղմել էր գետնին պառկած Ֆլոյդի կոկորդն ու մի քանի րոպե պահել այդ դիրքում, չնայած որ քաղաքացին ասում էր, որ չի կարողանում շնչել ու թախանձագին խնդրում էր բաց թողնել իրեն։

Ոստիկանները անտեսել էին ոչ միայն իրենց զոհի, այլև հավաքվածների զգուշացումները, որ դադարեցնեն քաղաքացու նկատմամբ բռնությունը:

Իսկ երբ Ֆլոյդը կորցրել է գիտակցությունը, նրան տեղափոխել են հիվանդանոց, որտեղ էլ բժիշկներն արձանագրել են նրա մահը:

Ոստիկան Դերեկ Շովինը նախ հեռացվել էր ոստիկանության համակարգից, ապա՝ ձերբակալվել:

Աշխատանքից հեռացվել են միջադեպին մասնակցած ևս երեք ոստիկան:

Մինեապոլիսում անկարգությունները շարունակվում են․ ցուցարարները բանկ են հրկիզել

0
թեգերը:
Ձերբակալում, հիվանդանոց, Տուժածներ, Բողոքի ակցիա, ԱՄՆ
Ըստ թեմայի
ԱՄՆ-ն դադարեցնում է հարաբերությունները ԱՀԿ–ի հետ. Թրամփ
Կորոնավիրուսի մասին ապատեղեկատվություն տարածող կայքն աշխատել է ԱՄՆ փողերով
Թրամփն ասել է՝ ինչու է ԱՄՆ-ն թոքերի արհեստական շնչառության սարքեր տրամադրում այլ երկրների
ԱՄՆ–ում բնակվող հայերից մեկը Դավիթ Տոնոյանին է փոխանցել իր պապի` 100 տարվա ստացականը