Ղազախ աղջիկը հայերեն երգ է ներկայացրել իրենց Got Talent հեռուստաշոուի ընթացքում. տեսանյութ

210
(Թարմացված է 19:46 24.02.2020)
Ղազախական Got Talent հեռուստաշոուի ժյուրի անդամներին հիացրել է հայերեն լեզվով իրենց եթերում հնչած երգը 13-ամյա ղազախ աղջկա կատարմամբ։

Համացանցում տարածում է գտնում ղազախական հեռուստաընկերության տարածած տեսանյութը, որտեղ 13-ամյա ղազախ աղջնակը հայերեն լեզվով երգում է երգչուհի Սիլվա Հակոբյանի «Գիշեր է» երգը։

Աղջնակը երգը ներկայացնում է մրցութային «Տաղանդ» (Got Talent) հեռուստաշոուի ընթացքում։

Պետք է նկատել, որ հեռուստանախագծի ժյուրիին հիացնում է թե երգը, թե երիտասարդ մասնակցի կատարումը։ Նրանք կատարման ժամանակ իրենց դեմքերի արտահայտությամբ փաստում են դա։

Հաշվի առնելով, որ նորաթուխ երգչուհին ընդամենը 13 տարեկան է, իսկ երգի լեզուն նրա համար բացարձակ օտար, նա բավականին հստակ է արտաբերում հայերեն բառերը։

Ինչպես է հայ ատամնաբույժը համոզում ռուս փոքրիկին բուժել ատամը. տեսանյութ

Տեսանյութը Facebook–ի իր էջին տեղադրել է նաև հայ երգչուհին` Սիլվա Հակոբյանը։ Բազմաթիվ օգտատերեր հիացական մեկնաբանություն են գրել օտար աղջկա հայերեն  երգ ընտրելու և ներկայացնելու և նրա լավ կատարման վերաբերյալ։

Հայ փոքրիկը ֆուրոր է անում Բարսելոնայում. տեսանյութ

210
թեգերը:
Սիլվա Հակոբյան, երգչուհի, շոու բիզնես, երգ, Ղազախստան

«Լացացրին». համացանցը հիացած է վրացական համույթի հայկական կատարումից. տեսանյութ

711
(Թարմացված է 23:58 27.05.2020)
Լիլիթ Հովհաննիսյանի և Վաչե Ամարյանի հայտնի երգը հավանել է նաև վրացական «Մետեխի» համույթը։

Տեսանյութը, որում վրացական «Մետեխի» համույթը հայկական երգ է կատարում, իր էջում հրապարակել է երգիչ Վաչե Ամարյանը։

«Բրավո, վրացի եղբայրներ, @bravo_metehi_official, հիանալի կատարեցիք մեր դուետը»,– գրել է նա։

Տեսանյութի սկզբում խմբի մասնակիցներից մեկը ուղերձ է հղում եղբայրական հայ ժողովրդին։

«Մենք միասին ենք դիմավորում լուսաբացը, մեր երկինքն ու աստղերը նույն են։ Այս երգը արևոտ Վրաստանից հայաստանցի մեր եղբայրների և քույրերի մոտ է թռչում»,– ասում է նա։

Գրառումն ու կատարումը շատ են հավանել բաժանորդները։ Տեսանյութն ավելի քան 2800 լայք է հավաքել։ Այն տարածել է ավելի քան 1100 օգտատեր։ Մեկնաբանություններում հայ օգտատերերը շնորհակալություն են հայտնել վրացական համույթին։

«Բրավո, եղբայրներ։ Լացացրիք։ Գեղեցիկ է, շնորհակալություն, գենացվալե։ Վրացական տարբերակը շատ գեղեցիկ է. մարմինս փշաքաղվում է նման հիանալի երգչախմբի կատարումից։ Կեցցեք։ Երգն ինձ տանում է, ցնցող է։ Հաջողություն ձեզ», – գրել է ակտիվիստ Սուրեն Հակոբյանը։

«Ներեցեք իմ հայերենի համար»․ ուկրաինացի փոփ երգչուհին կատարում է Սիրուշոյի երգը․ տեսանյութ

Նրա հետ համակարծիք են նաև մյուս օգտատերերը. «Բրավո, հիասքանչ կատարում է, կարևորը՝ հոգով։ Շնորհակալություն, մեր թանկագին վրացի եղբայրներ։ Խոսքեր չկան, միայն հույզեր են։ Տկվեն գենացվալե»։

Վայելեք տեսանյութն ու բարձրացրեք ձեր տրամադրությունը։

«Barev dzez». չինացին օգտատերերին հայերեն է սովորեցնում պարզ և արդյունավետ տարբերակով

711
թեգերը:
երգչախումբ, երգչուհի, երգիչ, տեսանյութ, օգտատեր, համացանց, Լիլիթ Հովհաննիսյան, Վրաստանի Հանրապետություն, Հայաստան
Ըստ թեմայի
Առցանց դասեր հայերենով․ Վրաստանում նոր նախագիծ են կյանքի կոչել
«Ինձ համար սա չափազանց դժվար է». Ֆրանսիայի դեսպանը հայերեն է սովորում
«Լա՞վ ես, կյանքս, իմ անունը` Գոքոր Տիգրանյան». մեքսիկացին հայերեն է խոսում. տեսանյութ
«Սիրում եմ քեզ». ինչպես հայերեն ուղերձը հայտնվեց իտալական Vogue–ում

«Ո՛չ, հարգելի դատարան». զավեշտալի դեպք կառավարության նիստի ժամանակ. տեսանյութ

296
(Թարմացված է 12:47 27.05.2020)
Վարչապետ Նիկոլ Փաշինյանն անթաքույց ծիծաղով ընդունեց փոխնախարար Գրիգորյանի շփոթմունքը:

Կառավարության այսօրվա նիստում զավեշտալի դեպք տեղի ունեցավ ՀՀ վարչապետ Նիկոլ Փաշինյանի և արդարադատության փոխնախարար Ռաֆիկ Գրիգորյանի միջև:

Փոխնախարարը ներկայացում էր «Հայաստանի Հանրապետության վարչական դատավարության օրենսգրքում փոփոխություններ և լրացում կատարելու մասին» և «Վարչարարության հիմունքների և վարչական վարույթի մասին» ՀՀ օրենքում լրացում կատարելու մասին» ՀՀ օրենքների նախագծերի փաթեթը, երբ վարչապետը պարզաբանեց, որ նախագիծը կոչված է կանխելու դատարանի որոշմամբ շինարարության դադարեցման արատավոր դեպքերը:

«Իսկ եթե դատարանը որոշի, որ այդ մարդու շինարարությունը 5 տարով կասեցվում է, հետո պարզվի, որ ապօրինի է կասեցվել այդ մարդու վնասը ով է փոխհատուցելու»,- հարցրեց Փաշինյանը:

«Ո՛չ, հարգելի դատարան»,- սովորույթի համաձայն ասաց իրավաբան աշխատած փոխնախարարն ու առաջինը հենց ինքն էլ ծիծաղեց իր շփոթմունքի վրա:

Վարչապետն ու ներկաները ևս ծիծաղեցին:

«Մասնագիտական է»,- ծիծաղելով ասաց Փաշինյանը:

«Այո՛, մասնագիտական է»,- արձագանքեց փոխնախարարն ու շարունակեց պատասխանը՝ ասելով, որ փոխհատուցման հարցը ներկայացրած նախագիծը չի կարգավորում:

Նշենք, որ Ռաֆիկ Գրիգորյանը 2019 թվականի հուլիսի 19-ի է ՀՀ վարչապետի որոշմամբ նշանակվել է ՀՀ արդարադատության նախարարի առաջին տեղակալ։

Է՛լ «այ հոգնած», է՛լ «անբարոյականի վաստակ». Աժ-ում կրքերը գագաթնակետին հասան. տեսանյութ

Մինչ այդ նա 2011թ.–ից իրավաբանական ոլորտում է աշխատել։ Եղել է «Բրեյվ» ՍՊԸ իրավախորհրդատվական ընկերության իրավաբանը, «Ֆինանսական համակարգի հաշտարարի գրասենյակ» հիմնադրամի պահանջները քննող մասնագետ-իրավաբանը, ՄԱԿ-ի Միացյալ ազգերի Բնակչության հիմնադրամը փորձագետը։

296
թեգերը:
Դատարան, Վարչապետ, փոխնախարար, զվարճալի տեսանյութ, կառավարություն, Նիկոլ Փաշինյան
Արմեն Սարգսյան

«Սա հսկայական դժբախտություն է». Արմեն Սարգսյանը` կորոնավիրուսի մասին

0
(Թարմացված է 12:26 29.05.2020)
Արմեն Սարգսյանը կոչով դիմել է քաղաքացիներին ու շնորհակալություն հայտնել բժիշկներին։

ԵՐԵՎԱՆ, 29 մայիսի – Sputnik. ՀՀ նախագահ Արմեն Սարգսյանը դիմել է ՀՀ քաղաքացիներին՝ կոչ անելով քաղաքացիներին լինել զգոն և պահպանել անհրաժեշտ բոլոր կանոնները:

«Չեմ ուզում` մեր հայրենակիցներից որևէ մեկը մտածի, որ եթե օրական 10 կամ ավելի քիչ մարդիկ են մահանում, կարելի է սա համարել սովորական կյանք։ Սա սովորական կյանք չէ։ Սա հսկայական դժբախտություն է: Պատկերացրեք 5, 10, 15 ընտանիքներ իրենց հարազատներին են կորցրել»,-ասել է նախագահը:

Սարգսյանը ցավակցություն է հայտնել մահացածների հարազատներին՝ ևս մեկ անգամ հորդորելով լինել շատ ուշադիր, սկզբունքային ու կարգապահ:

Նախագահը նաև իր շնորհակալական խոսքն է ուղղել բժիշկներին՝ ծանրաբեռնված ու նվիրված աշխատանքի համար:

«Անկախ նրանից, թե ինչ է կատարվում, մենք այսօր գիտենք, որ բժիշկներն աշխատում են օր ու գիշեր, իրենց ու իրենց ընտանիքի կյանքն են վտանգի տակ դնում։ Հիվանդանոցներին պետք է վերաբերվենք որպես առողջության բաստիոնների, ամրոցների։ Բոլոր բժիշկներին հայտնում եմ իմ խորին շնորհակալությունը՝ սկսած գլխավոր բժիշկներից մինչև հերթապահ բժիշկներ, սանիտարներ, պահակներ։ Դուք այսօրվա մեր հերոսներն եք»,- ասված է նախագաի ուղերձում։

Ի դեպ, նախագահն իր ուղերձը հղել է կրթության փորձագետ Անահիտ Բախշյանի հետ հանդիպման ժամանակ:

Հատկանշական է, որ նախագահի մամուլի ծառայության հրապարակած տեսանյութում ու լուսանկարներում հանդիպմանը ներկա Արմեն Սարգսյանը, Անահիտ Բախշյանն ու նախագահի աշխատակազմի աշխատակիցը դիմակներով չեն: Հանդիպման սկզբում նախագահն առաջարկում է հանել դիմակները՝ նշելով, որ միմյանցից բավական հեռավորության վրա են գտնվում:

Նշենք, որ Հայաստանում կորոնավիրուսով վարակվածների թիվը մեկ օրում ավելացել է 460-ով և հասել 8676–ի։

0