Երևանում թափառող շունը «մաստեր կլաս» է անում անկարգապահ հետիոտների համար. տեսանյութ

1090
(Թարմացված է 13:43 08.02.2020)
Փողոցն անցումով անցնող շան տեսանյութը համացանցում լուրջ արձագանք է ստացել։ Օգտատերերին հիացրել է խելացի կենդանու պահվածքը։

Երևանի Հալաբյան–Արզումանյան փողոցների խաչմերուկում նկարահանված տեսանյութը լուրջ քննարկման առիթ է դարձել Facebook սոցիալական ցանցում։ Փողոցը բացառապես կանաչ լույսի տակ ու վերգետնյա անցումով հատող թափառող շունը հիացրել է բոլորին։

«Հարգելի կամիկաձե հետիոտներ, դիտեք այս վիդեոն և հետևություն արեք»,– գրել է հրապարակման հեղինակը։

Շան դաստիարակությամբ հիացած մարդիկ մեկնաբանություններում գրել են. «Երևանի բոլոր անմիտ հետիոտներին կարող է «մաստեր կլաս» տալ այս հրաշք շնիկը»։

Ինչպես են կատուները դուրս գալիս լաբիրինթոսից. զվարճալի տեսանյութ

Պարզվում է` տեսանյութի հերոսին շատ լավ են ճանաչում Աջափնյակի բնակիչները։ Օգտատերերից մեկը գրել է. «Մեր Էնջին է։ Շատ մարդկանցից խելացի է ու կարգուկանոնով»։

«Էս շանը տեսնելուց հասկացա, որ պետք է լիքը մարդկանց ստերիլիզացիա անել»,– գրել է մեկ ուրիշը։

Մեկն էլ ափսոսանք է հայտնել, որ քաղաքապետարանը ստերջացրել է կենդանուն։

«Էս շունը պիտի բազմանար։ Քաղաքապետարանը պիտի փողոցն անթույլատրելի վայրերով անցնող հետիոտներին ստերջացնի, ոչ թե Էնջիի նման խելացի շներին»,– գրել է նա։

Շան տեսանյութն արդեն հազարավոր արձագանքների է արժանացել Facebook-ում։ Իսկ տեսանյութը մեծ արագությամբ տարածվում է ու գովեստի նոր խոսքեր ավելացնում Էնջիի հասցեին։

«Քույրիկ ջան, ոնց որ հոգեբան լինես». արցունքաբեր գազով «զինված» տաքսու վարորդ Թամարան

1090
թեգերը:
տեսանյութ, Շուն, Երևան, Հայաստան
Ըստ թեմայի
Շան պաշտամունք, կամ ինչու են նախաքրիստոնեական Հայաստանում շներին տերերի հետ թաղել
«Հաֆ» անունով բադիկն իրեն շան պես է պահում. տեսանյութ
Շան քոթոթը ծնվել է երկու քթով. տեսանյութ

sys_stories