Փիսոյավարի մերսում. կատուն տիրոջ համար լիցքաթափող երեկո է կազմակերպել. տեսանյութ

95
Համացանցում տեսանյութ է հայտնվել, որտեղ շոտլանդական ցեղատեսակի կատուն ջանասիրաբար, բայց միաժամանակ քնքշորեն մերսում է տիրոջը։ Այնպիսի տպավորություն է, որ փոքրիկ գիշատիչի թաթերին ճիրանների փոխարեն փափլիկ բարձիկներ են։

Կադրերում երևում է` ինչպես է կատուն տիրոջ մեջքին նստած մերսում նրա պարանոցն ու մեջքը։

Տեսանյութը բազում դրական մեկնաբանություններ ու «լայքեր» է հավաքել։

«Այսպիսի Եվա եմ ուզում». շնիկը հալեցնում է օգտատերերի սրտերը․ տեսանյութ

Սագն օգնում է փոսից հանել փոքրիկի հողաթափը. զվարճալի տեսանյութ

Շները փորձել են տիրուհուն հեռու պահել օձից, բայց չեն կարողացել նրան փրկել սողունից․ տեսանյութ

 

95
թեգերը:
կատու, զվարճալի տեսանյութ
Ըստ թեմայի
Կատուն անջատում է տիրուհու հեռախոսի զարթուցիչը. զվարճալի տեսանյութ
Եգիպտացորենով կատուն համացանցի աստղ է դարձել․ զվարճալի տեսանյութ
Ինչպես է գող կատուն գումար «թռցնում» տիրոջ պայուսակից. զվարճալի տեսանյութ

Հնարամիտ տղաները «կորոնավիրուսային» ջրոցի են խաղում Երևանում. տեսանյութ

774
(Թարմացված է 17:52 19.07.2020)
Երևանն անցած տարիների պես «ջրով ողողված» չէ։ Մարդիկ բակերում քիչ են հավաքվում ջրոցի խաղալու և անցորդներին ջրելու համար։

Այսօր Հայաստանում տոնում են Վարդավառը։ Հայ առաքելական եկեղեցում էլ Հիսուս Քրիստոսի պայծառակերպության տոնն է։ Հայոց մեջ շատ սիրված ու դարերի ի վեր մեծ ժողովրդականություն վայելող այս տոնն այս տարի, մեղմ ասած, համեստ է անցնում։

Կորոնավիրուսի համավարակի պատճառով ՀՀ պարետ Տիգրան Ավինյանը կոչ էր արել զերծ մնալ Վարդավառն ավանդական կերպով տոնելու գայթակղությունից, խուսափել մարդաշատ վայրեր հաճախելուց ու մարդկային կուտակումներ ենթադրող միջոցառումներից:

Երևանն անցած տարիների պես «ջրով ողողված» չէ։ Մարդիկ բակերում քիչ են հավաքվում ջրոցի խաղալու և անցորդներին ջրելու համար։

Բայց տեղ–տեղ հանդիպում են տոնի սիրահարներ, որոնք փորձում են հիշեցնել, որ այսօր Վարդավառ է։ Հնարամիտ տղաները, սոցիալական հեռավորությունը պահելու համար, «կաբրիոլետ» ավտոմեքենայի միջին են ջուր ցողում Երևանի Թումանյան փողոցում։

Ջրոցի, քոչարի ու հայկական ծիրան. հայերը կրկին քեֆ են կազմակերպել Մոսկվայում. տեսանյութ

774
թեգերը:
ավտոմեքենա, ջուր, Երևան, Վարդավառ
Ըստ թեմայի
«Վարդավառին եկեք, անվճար տարեք». Գոհար Ավետիսյանը շատ ծիրան ու դեղձ է գնել հայերից
Ինչ էին հայերը մատուցում Վարդավառին. սիրված տոնի 5 ավանդական ճաշատեսակի բաղադրատոմս

Մոսկվայում ծիրանի վաճառքը վերածվել է տոնախմբության. հերթի կանգնած հայերը չեն ձանձրանում

396
(Թարմացված է 23:27 28.07.2020)
Սոցցանցերում տարածվում են տեսանյութեր, որտեղ երևում է, թե ինչպես են ադրբեջանական շուկայից վտարված հայկական ծիրանները վաճառվում զուռնա – դհոլի հնչյունների ներքո։

Ռուսաստանում ապրող հայերը «Бухта» առևտրի կենտրոնում ծիրանի վաճառքը վերածել են իսկական տոնախմբության։

Երեկ երեկոյան թվում էր` անելանելի վիճակ է ստեղծվել, քանի որ ադրբեջանական շուկայից հանել էին տվել հայկական ծիրանով բեռնված բեռնատարները։ Վաճառականները մտահոգ էին` բերքը կարող է փչանալ։

Սակայն այսօր արդեն ոչ միայն մի քանի շուկաներում նրանց տեղ առաջարկեցին վաճառքն իրականացնելու համար, այլև տեղում ապրող հայերն ինքնակազմակերպվեցին ու գնացին ծիրան գնելու։

Ծիրան գնելու ցանկություն շատերն ունեն, իսկ հերթի մեջ կանգնած հայերը ձանձրանալու փոխարեն հայկական երաժշտության ներքո պարում են` ուրախ տրամադրություն փոխանցելով մյուսներին։

Ծառուկյանը ծիրանով բեռնատարներին կայանատեղի է տրամադրել Սանկտ Պետերբուրգում

Հիշեցնենք` Մոսկվայի մեծածախ շուկաներից մեկից՝ «Ֆուդ սիթի» գյուղմթերքի շուկայից, կեսգիշերին հանել էին հայկական ապրանքներով բեռնված բեռնատարները։ Խնդիրն այն է, որ շուկան պատկանում է ծագումով ադրբեջանցի գործարարներ Գոդ Նիսանովին և Զարահ Իլիևին:

Սակայն ինչպես ՌԴ–ում Հայաստանի դեսպանությունը, այնպես էլ ԲՀԿ ղեկավար Գագիկ Ծառուկյանը, «Տաշիր» ընկերությունների տնօրեն Սամվել Կարապետյանը և այլոք արագ խնդիրը լուծեցին` բեռնատարներին տեղ տրամադրելով այլ շուկաներում։

Լուծումը գտնվեց. ադրբեջանցիների շուկայից վտարած ծիրանը կարող են այլ շուկաներ տանել

396
թեգերը:
Պար, Մոսկվա, հայեր, հայ, ծիրան
Ըստ թեմայի
Լոնդոնում լարված վիճակ է. հայերը պաշտպանում են ՀՀ դեսպանատունը ադրբեջանցիներից. տեսանյութ
Վնասվածք ստացած և բերման ենթարկված ադրբեջանցիներ․ Լեհաստանում հայերի ցույցը թեժ է անցել
Ինչ է լինելու «ծիրանի դեպքից» հետո ՌԴ ապրանք տանողների հետ. դեսպանության մեկնաբանությունը
Երևան, արխիվային լուսանկար

Չկա չարիք առանց բարիքի. ինչու են Հայաստանում համավարակից հետո սկսել քիչ ամուսնալուծվել

61
(Թարմացված է 23:48 03.08.2020)
Հոգեբանն ու ազգագրագետը բացատրել են Հայաստանում ամուսնալուծությունների թվի կրճատման պատճառները։ Ավելին` նրանք հարսանիքների ու նորածինների բում են կանխատեսում տարեվերջին։

ԵՐԵՎԱՆ, 3 օգոստոսի – Sputnik. Կորոնավիրուսը մարդկանց կյանքում շատ բան փոխեց, իսկ կարանտինը բազմաթիվ վատ հետևանքներ ունեցավ։ Դրանցից մեկը մի շարք երկրներում ամուսնալուծությունների բռնկումն էր, ինչը հոգեբանները բացատրում են տևական մեկուսացմամբ և չորս պատի մեջ մնալով։

Որքան էլ զարմանալի թվա, բայց թվերը վկայում են, որ բոլորվին այլ է իրավիճակը Հայաստանում. ամուսնալուծությունների թիվը ոչ միայն նվազել է անցած տարվա նույն ժամանակահատվածի համեմատ, այլև չի ավելացել կարանտինի ավարտից հետո։

Sputnik Արմենիայի հարցմանն ի պատասխան ՀՀ արդարադատության նախարարությունից հայտնեցին, որ 2020 թվականի առաջին կիսամյակում գրանցվել է 1453 ամուսնալուծություն, անցած տարվա նույն ժամանակահատվածում` 2136, այսինքն` այս տարի 683–ով պակաս։ Հատկանշական է, որ մարտին, երբ կարանտին հայտարարվեց, գրանցվել էր 295 ամուսնալուծություն, իսկ հաջորդ ամիսներին թիվը կրճատվել է. ապրիլին գրանցվել է 141 ամուսնալուծություն, մայիսին` 161, իսկ հունիսին գրեթե հասել է այն մակարդակին, որը եղել էր գարնան սկզբին, ավելի ստույգ` 276։

Հոգեբան Կարինե Նալչաջյանը բացատրում է, որ դժվար իրավիճակում, որում հայտնվել են ընտանիքները համավարակի և սահմանափակումների պատճառով (որպես հետևանք` գործազրկություն և ֆինանսական դժվարություններ), անձնական խնդիրները մի կողմ են քաշվել։ Ըստ նրա` դժվար է պատկերացնել հայկական ընտանիք, որում ամուսիններից մեկը պնդում է ամուսնալուծվել, երբ մյուսը խնդիրներ ունի։

«Անձամբ ես գիտեմ մի ընտանիք, որը մտադիր էր ամուսնալուծվել, բայց համավարակի պատճառով ժամանակավորապես հետաձգեց այդ հարցը։ Սակայն սա չի նշանակում, որ բոլոր հետաձգված ամուսնալուծությունները չեն կայանալու, կամ ամուսինները մտափոխվել են», – ասաց նա։

Վիճակագրության համաձայն` առավել հաճախ ամուսնալուծվում են երիտասարդները, քանի որ ամուսինների հարաբերություններում ճգնաժամ և տարաձայնություններ են սկսվում ամուսնության երկրորդ–երրորդ տարում։ Որպես կանոն` դա պայմանավորված է այն հանգամանքով, որ սպասումներն ու իրականությունը չեն համընկնում, ինչպես նաև ի հայտ են գալիս կենցաղային խնդիրներ, որոնց շատերը պատրաստ չեն լինում։ Հոգեբանի խոսքով` ընտանիքների մեծ մասը հաղթահարում է այդ ճգնաժամը և հետո հումորով պատմում դրա մասին։

Սակայն ոչ միշտ է այդպես լինում։ Ազգագրագետ Սվետլանա Պողոսյանի դիտարկմամբ` հայկական ընտանիքներում հաճախ առաջին տարիներին ամուսնալուծության նախաձեռնողը կինն է լինում, իսկ տղամարդը փորձում է ամուսնությունը խզել ավելի մեծ տարիքում։ Դա պայմանավորված է երեխաներին մեծացնելու, նրանց ոտքի կանգնեցնելու և հետո նոր սեփական անձով ու սեփական երջանկությամբ զբաղվելու ցանկությամբ (եթե գիտակցել է, որ կողքին այն մարդը չէ, որին կցանկանար տեսնել)։

Ինչ վերաբերում է ամուսնալուծությունների թվի կրճատմանը, ապա ազգագրագետը չի բացառում, որ զույգերը պարզապես չեն գրանցում ամուսնալուծությունը կամ էլ ժամանակավորապես հրաժարվել են այդ գաղափարից։

«Չկա չարիք առանց բարիքի։ Գուցե բարդ իրավիճակն ու մեկուսացումը թույլ տան զույգերին վերանայել իրավիճակը և վերաիմաստավորել հարաբերությունները։ Սակայն Հայաստանը միշտ եղել է ամուսնալուծությունների ցածր ցուցանիշ ունեցող երկրների թվում, քանի որ հայերը մեծ պատասխանատվությամբ են վերաբերվում ընտանիքի ինստիտուտին», – ասաց նա։

Միևնույն ժամանակ Պողոսյանը չբացառեց, որ կարանտինը կարող է նաև երկրորդ լավ կողմ ունենալ. արդեն ձմռանը իսկական «բեյբի բում» կլինի, իսկ միայնակները կմտածեն ընտանիք ստեղծելու մասին։ Այս համատեքստում նա նշեց, որ գրանցված ամուսնությունների քանակը իրական պատկերը չի արտացոլում, քանի որ շատերը պարզապես հետաձգել են հարսանիքը կամ չեն գրանցվել ՔԿԱԳ–ում։

«Հայերը սովոր են բոլոր ավանդույթներով ճոխ հարսանիքներ անել, ու 20 հոգանոց խնջույքների վերաբերյալ կանոնը հաստատ ստիպել է նրանց հետաձգել հարսանիքը, քանի որ շատերը պարզապես այդ թվի մեջ չեն տեղավորվի», – ընդգծեց փորձագետը։

Նշենք, որ ՀՀ արդարադատության նախարարության տվյալներով` 2020 թվականի առաջին կիսամյակում գրանցվել է 4885 ամուսնություն, իսկ 2019 թվականի նույն ժամանակահատվածում` 7285։ Համեմատության համար նշենք նաև, որ 2020 թվականի ապրիլին գրանցվել է ընդամենը 233 ամուսնություն, իսկ մեկ տարի առաջ` 1353։

61
թեգերը:
համավարակ, կորոնավիրուս, Սվետլանա Պողոսյան, Կարինե Նալչաջյան, ամուսնալուծություն, ամուսնություն, Հայաստան
Ըստ թեմայի
«Եթե ամուսնության առաջարկ անի, կհամաձայնեմ». Լոլիտան պատմել է նոր հարաբերությունների մասին
Վալերիայի կրտսեր որդին ամուսնանում է Լիանա Վոլկովայի հետ. կրեատիվ առաջարկության տեսանյութը
Թուրքական սերիալի ճանաչված դերասանուհին ամուսնացել է հայ գործարարի հետ
Աշխարհի ամենաերիտասարդ վարչապետն ամուսնացել է ֆուտբոլիստի հետ. լուսանկար