Կովկասյան ընձառյուծը հանգիստ զբոսնում է Հայաստանի ծաղկած լեռներում. տեսանյութ

288
Վայրի բնության և մշակութային արժեքների պահպանման հիմնադրամի տեսախցիկները Հայաստանի լեռներում հերթական անգամ «որսացել» են կովկասյան ընձառյուծին։

Հայաստանի լեռներում տեղադրված տեսախցիկների օբյեկտիվում դարձյալ կովկասյան հովազ է հայտնվել։ Այս մասին հայտնում է Վայրի բնության և մշակութային արժեքների պահպանման հիմնադրամը (FPWC)։

Որսագողերն ու ծառագողերը քրեական պատասխանատվության կենթարկվեն

«Կրկին ուրբաթ է, և կրկին մենք նկարահանել ենք մեր հովազին՝ հայաստանյան լեռներում հանգիստ զբոսնելիս: Այս երիտասարդ, ուժեղ արուն պիտի սկիզբը դնի իր պես հիասքանչ հովազների նոր պոպուլյացիաների»,– նշված է հիմնադրամի հաղորդագրության մեջ։

Հիշեցնենք` երկարատև ընդամիջումից հետ Կովկասյան հովազն առաջին անգամ տեսախցիկների տեսադաշտում էր հայտնվել 2013թ–ին, Արարատի մարզի Ուրցաձոր գյուղի շրջակայքում` Խոսրովի արգելոցի հատուկ պահպանվող տարածքում։

Լավ լուրերի շարքից. Վայոց ձորում մարդիկ նկարել են կովկասյան ընձառյուծին. տեսանյութ

Կովկասյան ընձառյուծը (առաջավորասիական/կովկասյան/պարսկական հովազ, Panthera pardus ciscaucasica/Panthera pardus saxicolor /Panthera pardus transcaucasica) գրանցված է Կարմիր գրքում։ Ոչնչացման եզրին գտնվող կատվազգիների ընտանիքի  որսի կամ ոչնչացման դեպքում նոր օրենսդրական կարգավորմամբ նախատեսվում է 100 մլն դրամ տուգանք` նախկին 3 մլն–ի փոխարեն։

Նշենք, որ 2019թ–ը հայտարարվել է Կովկասյան ընձառյուծի տարի։

288
Ըստ թեմայի
Ունիկալ ընձառյուծի ճանապարհորդությունը. ուր է Հայաստանից հասել երեքոտանի գիշատիչը
Կովկասյան ընձառյուծի հերթական «սելֆին». այս անգամ էլ նրան ֆիքսել են Ուրցաձորում
Երկու ընձառյուծ` նույն տարածքում. որտեղի՞ց է հայտնվել 2–րդ գեղեցկուհին

sys_stories