Բառերն ավելորդ են․ արցախցի Միշան «Ձայնի» հանդիսատեսին ստիպեց ոտքի կանգնել. տեսանյութ

2642
(Թարմացված է 13:09 25.05.2019)
Միքայել Գրիգորյանը հուզեց հանդիսատեսին ու ստիպեց, որ իրեն հոտնկայս լսեն։ Նույնիսկ Դմիտրի Նագիևը նախանձեց նրա տաղանդին։

«Ձայնը. երեխաներ» շոուի մասնակից Միքայել Գրիգորյանն այնքան էմոցիոնալ երգեց լ Ֆիլիպ Կիրկորովի «Անցորդները» («Прохожие») երգը, որ հանդիսատեսը չդիմացավ ու երգի երկրորդ մասից ոտքի կանգնեց։

Մայիսի 24-ին Առաջին ալիքը «Ձայնը. երեխաներ» շոուի եզրափակիչ փուլը նորից անցկացրեց ու նախագծի պատմության մեջ առաջին անգամ եզրափակիչի բոլոր մասնակիցներին հաղթող հայտարարեց։ Այսինքն` հաղթող ճանաչվեցին Միքայել Գրիգորյանը, Ռոբերտ Բագրատյանը, Երժան Մաքսիմը, Նինո Չեսները, Վարելի Կուզակովը, Ռենատա Թաիրովան, Անաստասիա Սիսաուրին, Մարիամ Աբդելկադերը և Միկելա Աբրամովան։ Երգչուհի Ալսուի դուստրը՝ Միկելա Աբրամովան, որն ավելի վաղ նախագծի վեցերորդ եթերաշրջանի հաղթող էր հայտարարվել, որոշել էր չմասնակցել հաղորդման հատուկ թողարկմանը։

Միշան իսկապես շատ հուզիչ երգեց. ասես, ոչ թե երեխայի, այլ մեծահասակի կատարում լիներ։ Մի մարդու կատարում, որը մեծ սեր է ապրել։ Նրա ցնցող ելույթը դահլիճում ոչ ոքի անտարբեր չթողեց։ Վերջին ակորդից հետո դահլիճը սկսեց բացականչել․ «Կեցցես, կեցցես»։ Հաղորդավար Դմիտրի Նագիևն էլ չդիմացավ ու ասաց, որ երբ ինքը փորձում է Միշայի պես գեղեցիկ երգել, «թակիչով վանականը» բղավում է` ամոթ։

Երիտասարդ երգիչը ելույթից հետո խոստովանեց, որ շոուն մեծ փորձ տվեց, ու դա լավ մեկնարկ է իր կարիերայի համար։

Հիշեցնենք` ապրիլի 26-ին ռուսական Առաջին ալիքի եթերում ցուցադրված «Ձայնը. երեխաներ» շոուի վեցերորդ եթերաշրջանի եզրափակիչ փուլը սկանդալի վերածվեց։ Հեռուստաընկերությունը որոշեց չեղարկել շոուի արդյունքը, ըստ որի հաղթել էր երգչուհի Ալսուի դուստր Միկելա Աբրամովան։ Առաջին ալիքն այդ որոշումը կայացրեց` հիմնվելով Group-IB ընկերության ստուգման միջանկյալ տվյալների վրա։ Համացանցում բուռն քննարկումներ ծավալվեցին, և մարդիկ կասկած հայտնեցին, որ Առաջին ալիքը ծախվել է, իսկ Աբրամովայի ծնողները ձայներ են գնել իրենց դստեր համար։

 

2642
թեգերը:
տեսահոլովակ, Ալսու, «Ձայնը»
Ըստ թեմայի
Արցախցի Միշան հերթական հաղթանակը գրանցեց «Ձայնը» շոուում. տեսանյութ
Միշան «Ձայնը. Երեխաների» երկրպագուներին ներկայացրել է Արցախը և պատմել ժենգյալով հացի մասին
Սկանդալ «Ձայնը, երեխաների» շուրջ. Երժան Մաքսիմի համերգին սպասում են Ալսուին ու նրա դստերը
Արցախցի Միշան հերթական անգամ ցնցեց «Ձայնը» շոուի հանդիսատեսին. հուզիչ ելույթի տեսանյութը
Ալսուի դստեր մարզիչ Սվետլանա Լոբոդան բաց կթողնի «Ձայնը. երեխաներ» շոուի հատուկ թողարկումը

Գորշ գայլերը` Վայոց Ձորի անտառներում. տեսանյութ

186
(Թարմացված է 18:49 13.05.2021)
Տեսանյութը հատկապես կհետաքրքրի վայրի բնության սիրահարներին, ովքեր հետևում են վայրի կենդանիների վարքին։

Կովկասյան կենսաբազմազանության ապաստարանի (CWR) տեսախցիկներն արձանագրել են, թե ինչպես են հայաստանյան անտառներում բնակվող գորշ գայլերն արթնանում վայրի բնության մեջ ու ինչպես են սկսում իրենց նոր օրը։

Տեսանյութը հատկապես կհետաքրքրի վայրի բնության սիրահարների համար, ովքեր հետևում են վայրի կենդանիների վարքին։

Եզակի տեսանյութը նկարահանվել է Վայոց Ձորի բնության հատուկ պահպանվող տարածքում։

Գորշ կամ մոխրագույն գայլը  (լատ.՝ Canis lupus) գրանցված է Հայաստանի Կարմիր գրքում։

Այս կենդանիները հատկապես ակտիվ են գիշերը, և օրվա լուսավոր ժամերին նույնիսկ թակարդ– տեսախցիկների միջոցով նրանց հազվադեպ կարելի է տեսնել։  Գորշ գայլը ընդունակ է մինչև 55-60 կմ/ժ արագություն զարգացնել և մեկ գիշերվա ընթացքում հաղթահարել 60-80 կմ տարածություն։

Նշենք, որ շուրջ 30 000 հա զբաղեցնող Կովկասյան կենսաբազմազանության ապաստարանը (ԿԿԱ) միակ մասնավոր կառավարվող բնապահպանական տարածքն է ողջ Հարավային Կովկասում: Յուրահատուկ հարուստ կենսաբազմազանությամբ այս տարածքը գտնվում է Վայրի բնության և մշակութային արժեքների պահպանման հիմնադրամի (FPWC) վերահսկողության ներքո: Վայրի բնության մեջ այսօր անվտանգ ապրում են ոչ միայն գայլեր, այլև արջեր, աղվեսներ, լուսան, ընձառյուծ ու այլ կենդանիներ։

Կովկասյան Կենսաբազմազանության Ապաստարանն ընդգրկում է շուրջ 10000 հա պահպանվող տարածք և հարակից է «Խոսրովի անտառ» պետական արգելոցին:

186
թեգերը:
Անտառ, գայլ, Վայոց Ձոր

Թաքնված տեսախցիկն արձանագրել է հայաստանյան լուսանի «մլավոցը». տեսանյութ

138
(Թարմացված է 17:30 10.05.2021)
Կովկասյան կենսաբազմազանության ապաստարանի պատասխանատուների համոզմամբ` լուսանն այստեղ ապահով ու անվտանգ է։

Կովկասյան կենսաբազմազանության ապաստարանի (CWR) անտառապահ Վարդան Գեղամյանի թակարդ–տեսախցիկն արձանագրել է բնության մեջ լուսանի արձակած «մլավոցը»։

Եզակի այդ տեսանյութը նկարահանվել է «Խոսրովի անտառ» պետական արգելոցին հարակից տարածքում։

Կովկասյան կենսաբազմազանության ապաստարանի պատասխանատուների համոզմամբ` լուսանն իրեն այստեղ ապահով ու անվտանգ է զգում։

Հայաստանում տարածված է սովորական լուսանի կովկասյան ենթատեսակը (Lynx lynx dinniki)։ Հայաստանում կովկասյան լուսանը տարածված է Արարատի, Լոռու, Տավուշի, Սյունիքի Կոտայքի, և Գեղարքունիքի մարզերի անտառներում։

Շուրջ 30․000 հա զբաղեցնող Կովկասյան կենսաբազմազանության ապաստարանը (ԿԿԱ) միակ մասնավոր կառավարվող բնապահպանական տարածքն է ողջ Հարավային Կովկասում: Յուրահատուկ հարուստ կենսաբազմազանությամբ այս տարածքը գտնվում է Վայրի բնության և մշակութային արժեքների պահպանման հիմնադրամի (FPWC) վերահսկողության ներքո:

Կովկասյան կենսաբազմազանության ապաստարանն ընդգրկում է շուրջ 10000 հա պահպանվող տարածք և հարակից է «Խոսրովի անտառ» պետական արգելոցին:

138
թեգերը:
տեսախցիկ, Անտառ, լուսան, Հայաստան
Ըստ թեմայի
Փոքրիկն իր լեզվով է «Շունն ու կատուն» ասմունքում. զվարճալի տեսանյութ
«Քաշիր ձեռքերդ». ինչպես է կատուն փրկել երեխայի կյանքը. տեսանյութ
Քաղցած, բայց հպարտ. զուսպ շունը համացանցի աստղ է դարձել. տեսանյութ
Երուսաղեմ

Հրթիռի առաջ բոլորը հավասար են. Իսրայելի հայերը` ռմբակոծության տակ կյանքի մասին

75
(Թարմացված է 00:00 18.05.2021)
Պաղեստինա-իսրայելական հակամարտության սրումը չէր կարող չանդրադառնալ Իսրայելի հայ համայնքի վրա։ Թե ինչով և ինչպես են ապրում հայերն այս օրերին, պարզել է Sputnik Արմենիան։

ԵՐԵՎԱՆ, 17 մայիսի – Sputnik. Իսրայելի հայ համայնքը փորձում է որքան հնարավոր է` սովորական ռեժիմով ապրել, զբաղվել առօրյա հոգսերով։ Բնակչությունը, չնայած ռմբակոծություններին և ավերածություններին, խուճապահար չէ, և այս հարցում Իսրայելի իշխանությունների հսկայական վաստակը կա, որոնք, մեր հայրենակիցների կարծիքով, պատրաստ էին ստեղծված իրավիճակին։

Հայկական թաղամասը

Երուսաղեմի հայոց թեմի գրասենյակի ղեկավար Հովնան Բաղդասարյանը Sputnik Արմենիայի թղթակցի հետ զրույցում նշեց, որ հայկական թաղամասը Երուսաղեմի ուղղությամբ հրթիռային հարվածից չի տուժել: Ընդհանուր առմամբ, հոգևոր և աշխարհիկ կյանքն այստեղ սովորական հունով է ընթանում։

«Այստեղ ամեն ինչ հանգիստ է, ավերածություններ, տուժածներ, տարհանվածներ չկան։ Սակայն հրթիռային հարվածները շարունակվում են Իսրայելի հարավում, որտեղ նույնպես կան մեր հայրենակիցներից»,-ասաց Բաղդասարյանը` ավելացնելով, որ հայրապետության տվյալներով՝ այնտեղ ևս տուժած հայեր չկան։

Հոգևորականը պատմեց, որ պետությունը հոգ է տարել իր քաղաքացիների մասին և բոլոր բնակելի շենքերը հագեցած են ռմբապաստարաններով։ Ազդանշանը լսելուն պես բնակիչներն անմիջապես իջնում են այնտեղ։

Արյունախեղդ Պաղեստինը. Գազայի հատվածին հասցված հարվածների զոհերը` լուսանկարներում

Բաղդասարյանը նշեց, որ արաբների և հրեաների միջև բախումներն Իսրայելի ներսում տեղի են ունեցել «խառը» քաղաքներում (այդպես են անվանում քաղաքները, որտեղ կողք-կողքի հրեաներ և արաբներ են ապրում)։ Ընդհանուր առմամբ` նա նշեց, որ հայ համայնքում սրացման առաջին օրվանից խուճապ չի եղել, հայկական վարժարանները շարունակում են գործել, եկեղեցիներն ու գրասենյակներն աշխատում են։

«Մեզ մոտ խուճապ ու վախ չկա»,-ասաց Բաղդասարյանը։

Հրթիռի առաջ բոլորը հավասար են

Հրթիռի առաջ բոլորը հավասար են, և դա հստակ գիտակցում են Իսրայելի իշխանությունները, որոնք միանման հոգածությամբ են վերաբերում բոլոր քաղաքացիներին՝ անկախ նրանց էթնիկ պատկանելությունից։ Sputnik Արմենիայի հետ զրույցում նման կարծիք հայտնեց տեղի հայ համայնքի ներկայացուցիչ Տիգրան Մամաջանյանը։

Թուրքիան կաջակցի պաղեստինցիներին այնպես, ինչպես Ղարաբաղում սատարեց Բաքվին. Էրդողան

Նրա խոսքով` հիանալի են աշխատում նաև փրկարար ծառայությունները, որոնք շատ արագ արձագանքում են արտակարգ իրավիճակներին։ Օրինակ՝ հրթիռը որոշակի վայր ընկնելու դեպքում փրկարարներն անմիջապես գալիս են դեպքի վայր, մարում հրդեհը, անհրաժեշտության դեպքում ՝ տարհանում մարդկանց։

«Մենք փորձում ենք սովորական ռեժիմով ապրել։ Ովքեր աշխատում են` շարունակում են աշխատանքի գնալ, շատերը ստիպված են տանը մնալ և երեխաներին հետևել, քանի որ որոշ քաղաքներում դպրոցներն ու մանկապարտեզները փակ են»,-ասաց Մամաջանյանը։

Իսրայելի բոլոր սփյուռքահայկական կազմակերպությունները սերտ կապ են պահպանում։ Ճշտված տվյալներով՝ մինչ այժմ էթնիկ հայերի շրջանում հրթիռային հարձակումների հետևանքով տուժածներ չկան: Մամաջյանը նաև ընդգծեց, որ չեն տուժել նաև հայկական ճարտարապետական հուշարձանները:

Ընդհանուր առմամբ, ըստ նրա, կարելի է հանգել այն եզրակացության, որ պետությունը պատրաստ է այս տեսակի պատերազմին։ Միակ բանը, որ մեր հայրենակիցներին անհանգստացնում է այս օրերին, այն է, որ Իսրայելի տարբեր քաղաքներում արաբ բնակչությունը ջարդեր է կազմակերպում ի աջակցություն պաղեստինցիների։

Ըստ հայկական աղբյուրների՝ հայկական արքայական տոհմերի ներկայացուցիչները Երուսաղեմ են ժամանել դեռևս 4-րդ դարում։ Նրանք այստեղ տներ են կառուցել, որոնց նմանությամբ էլ հետագայում կառուցվել է ամբողջ հայկական թաղամասը։

Պաղեստինը չի ուզում, որ Անկարան պաղեստինյան սրացումը համեմատի Ղարաբաղի իրավիճակի հետ

75
թեգերը:
հայեր, ռմբակոծություն, Պաղեստին, Իսրայել
Ըստ թեմայի
Որո՞նք են իսրայելա-պաղեստինյան առճակատման պատճառները
3 երկիր ՄԱԿ-ի ԱԽ-ի նիստ անցկացնելու առաջարկ է արել իսրայելա-պաղեստինյան հարցի առնչությամբ
«Ուժեղ ու զսպող դաս տալ Իսրայելին». Պուտինն ու Էրդողանը քննարկել են իրավիճակը Պաղեստինում