Շքեղ ավտոմեքենաներ, երգիչներ` եկած օվկիանոսի այն կողմից. Պզոյի դստեր հարսանիքի տեսանյութը

2031
(Թարմացված է 18:42 01.05.2019)
Շքեղ ու թանկարժեք ավտոմեքենաներ, երգիչներ` եկած օվկիանոսի այն կողմից և հարևան երկրից, պարային խմբեր, թանկարժեք հարսանյաց սրահ ու մեծ, շատ մեծ տորթ։ Այս ամենը առկա էր եղել Պզոյի դստեր հարսանիքին։

Ապրիլի 26–ին Երևանում կայացավ քրեական հեղինակություն Պզոյի (Արմեն Ղազարյան) դստեր հարսանիքը։ Այսօր արդեն համացանցում տեսանյութ է հայտնվել, որտեղ 7 րոպեների ընթացքում ներկայացվում է, թե ինչ է տեղի ունեցել հարսանեկան ողջ օրվա ընթացքում։

Հարսանիքին ներկա էին  գողական ու մերձգողական համայնքի ներկայացուցիչները։ Իրենց ներկայությամբ նորապսակներին շնորհավորեցին ու հարսանիքը «ծաղկացրին» երգիչներ Հարութ Փամբուկչյանը, Թաթան, Արմենչիկը, Սոսո Պավլիաշվիլին, Ռազմիկ Ամյանը, Արամեն, Սպիտակցի Հայկոն և այլք։ Հարսանիքին մասնակցում էին նաև բազմաթիվ պարային խմբեր։ Աննկարագրելի մեծ ու սպիտակը տորթը գրավել էր հարսանեկան դահլիճը մի մասը։

Նորապսակների պսակադրությունը կատարվել է Էջմիածնի Սուրբ Հռիփսիմե եկեղեցում։ Պսակը կատարել է Արցախի թեմի առաջնոր Պարգև Սրբազանը։

2031
թեգերը:
հարսանիք

Կենգուրուներն ուրախ թռվռում են ձյան տակ․ Գագիկ Սուրենյանը զվարճալի տեսանյութ է հրապարակել

146
(Թարմացված է 21:59 13.08.2020)
Ավստրալիայի Նոր Հարավային Ուելս նահանգում ուժեղ ձյուն է տեղացել։ Տարածաշրջանի համար անսովոր եղանակից շատ են ուրախացել կենգուրուները։

Շրջակա միջավայրի նախարարության Հիդրոօդերևութաբանության և մոնիտորինգի կենտրոնի տնօրենի տեղակալ Գագիկ Սուրենյանը զվարճալի տեսանյութ է հրապարակել Facebook-ում։ Կադրերում երևում է, թե ինչպես են կենգուրուները թռվռում ձյան մեջ։

50 երկրով շրջագայած ամերիկացին տուն է գնել հայկական գյուղում և ապրում է իր կենդանիների հետ

«Ավստրալիա, ձնամրրիկ և ուրախ կենգուրուներ», - գրել է Սուրենյանը։

Կենգուրուները կռիվ են անում հենց ճանապարհի մեջտեղում. տեսանյութ

Ավստրալիայի Նոր Հարավային Ուելս նահանգում ուժեղ ձյուն է տեղացել։ Տարածաշրջանի համար անսովոր եղանակից շատ ուրախացել են տեղական կենգուրուները։ Իսկ մարդկանց համար դժվար օրեր են սկսվել՝ ձյունը սահմանափակել է երթևեկությունը, փչացրել էլեկտրական լարերը, որոշ տների տանիքներ վնասվել են։

Պարզվել է Կարմիր կատարից ձգվող խողովակի առեղծվածը. ո՞վ է ջուր գողացել խառնարանային լճից

146
թեգերը:
կենգուրու, տեսանյութ, Գագիկ Սուրենյան, Ավստրալիա
Ըստ թեմայի
«Կեղտ չէ, հող է». նախկին պատգամավորը կյանքը «քաղցրացնելու» հետաքրքիր ձև է գտել
Ջրիմուռների արտազատած թունանյութն ազդում է մարդկանց և ձկնեղենի վրա. Սևանը դեռ «ծաղկում է»
Թունավորված մեղուների առեղծվածը. ինչպես է գյուղացին ունքը շինելու տեղ աչքը հանում
Հայերի ստեղծած բջջային խաղով աշխարհում ավելի քան 3 մլն մարդ կենդանիներ են «խնամում»

Շատ հուզիչ. Սանկտ Պետերբուրգում բնակվող 5-ամյա հայուհին Պարույր Սևակ է արտասանում

231
(Թարմացված է 12:06 10.08.2020)
Փոքրիկ ասմունքողն առանձին էջ ունի Instagram-ում, որտեղ կարելի է լսել նրա բոլոր կատարումները:

Բոլորովին էլ պարտադիր չէ, որ երեխաները դպրոց հաճախեն, այն էլ հայկական, որպեսզի անգիր անեն հայ մեծերի ստեղծագործությունները։ Սանկտ-Պետերբուրգում բնակվող 5-ամյա Էմիլյա Մարգարյանը ասվածի վառ օրինակն է։ Փոքրիկն իր էջն ունի Instagram-ում, որտեղ կարելի է տեսնել նրա երգերն ու ասմունքը։

Այս անգամ Էմիլյան իր  հետևորդներին ներկայացրել է Պարույր Սևակի «Քիչ ենք, բայց հայ ենք» բանաստեղծությունը։

«Պարզապես մենք էլ պիտի ընդունենք‚ որ մե՛նք‚ միայն մե՜նք Արարատ ունենք»,- արտասանում է փոքրիկ գեղեցկուհին և նրա աչքերը փայլում են։

«Ապրես, հրեշտակ ջան», «խելացիները փոքրուց են երևում», «աչքերիդ կայծերին մատաղ», «այո, հայ ենք ու հպարտ ենք, որ հայ ենք»,- գրել են Էմիլիայի էջին հետևողները։

Էմիլյայի էջն այժմ 2500 հետևորդ ունի։ Նրա տեսանյութերը տարածվում են հայկական տարբեր խմբերում և էջերում։

Ի՞նչ է պատմում տղան իր սիրելի կատվին. փոքրիկի ու փիսիկի տեսանյութը հուզել է շատերին

Ալեքսանդր Լուկաշենկոն պարում է շրջանավարտ աղջիկների հետ. տեսանյութ

Փոքրիկն իր լեզվով է «Շունն ու կատուն» ասմունքում. զվարճալի տեսանյութ

«Մամ, զանգիր Պուտինին». փոքրիկը խնդրում է բացել դպրոցները

231
թեգերը:
տեսանյութ, Սանկտ Պետերբուրգ, Պարույր Սևակ, բանաստեղծություն, հայ
Ըստ թեմայի
Ինչից են հուզվում փոքրիկ հրաշքները. զվարճալի տեսանյութ բազմաթիվ երեխաների մասնակցությամբ
Փոքրիկ «ավազակների» անհավատալի արկածները. զվարճալի տեսանյութ
«Վայ, համով ջան». փոքրիկ խոհարարը ժենգյալով հացի վարպետության դաս է տալիս. տեսանյութ
«Ղարաբաղի նախշուն բաջի». փոքրիկ հայուհու հեզիկ պարը. տեսանյութ

Եվրամիությունը ԱՄՆ–ին դեմարշ է հղել. ո՞րն է անհամաձայնության պատճառը

0
(Թարմացված է 00:49 15.08.2020)
Ի՞նչ են ուզում ցույց տալ եվրոպացիները, կկառուցվի արդյո՞ք ռուսական գազատարը`դիտեք տեսանյութում։

ԵՄ–ն ԱՄՆ–ին դեմարշ է հղել նոր պատժամիջոցների պատճառով, որոնք նրանք մտադիր են կիրառել «Հյուսիսային հոսք 2»–ի պատճառով։  Իրենց դժգոհությունն են հայտնել ԵՄ 27 անդամ երկրներից 24-ը։ Տեղեկությունը հայտնել է Welt գերմանական պարբերականը։ Ամերիկացիների դեմ հանդես են եկել նաև այն պետությունները, որոնք նախկինում չէին հանդգնում դա անել։ Ռուս քաղաքագետներն այստեղ Վաշինգտոնին ուղղված ակնարկ են տեսնում։

Եվրոպական երկրներն ԱՄՆ–ին իրենց բողոքն են արտահայտել «Հյուսիսային հոսք 2»–ի դեմ նրանց կողմից կիրառվող նոր պատժամիջոցների հետ կապված։

ԵՄ–ի պատվիրակության և Պետդեպի տեսակոնֆերանսի ժամանակ դեմարշին 24 երկիր է միացել։ Բողոքի նոտա չեն հղել ընդամենը ԵՄ 3 պետություն, սակայն դեռ հայտնի չէ` որոնք են դրանք։

Ավելի վաղ եվրահանձնակատար Կադրի Սիմսոնը հայտարարել էր, որ ԱՄՆ պատժամիջոցները խախտում են միջազգային իրավունքը։

 «Գործունեությունը, որը համապատասխանում է ԵՄ օրենքներին և միջազգային իրավունքին, և որն իրականացնում են եվրոպական ձեռնարկությունները, օրինական է։ Այդ պատճառով պատժամիջոցների կիրառումն այդ գործունեության նկատմամբ կասկածելի է»,–ասել է Սիմսոնը։

Ռուսաստանյան քաղաքագետները կարծում են, որ այս դեմարշը Վաշինգտոնին ուղղված ազդակ է, որ ԵՄ–ն մտադիր չէ հարմարվել ԱՄՆ-ի շահերին։

«Նույնիսկ զարմանալի է, որ այն երկրները, որոնք սովորաբար նախագծին դեմ են արտահայտվում (Լեհաստանը, Մերձբալթյան երկրները, Ռումինիան և Խորվաթիան), այս անգամ նման բան չարեցին։ Ամենայն հավանականությամբ, Գերմանիան և ԵՄ–ն ճնշում էին գործադրել` առաջնորդվելով նրանով, որ եվրոպական խոշոր երկրները և նույնիսկ ոչ այնքան խոշորները, ինչպեսին Ավստրիան է, չեն ցանկանում կախվածության մեջ լինել ամերիկյան թանկարժեք հեղուկ գազից  և, քաղաքական նկատառումներից ելնելով, չեն ուզում խզել կապերը Ռուսաստանի հետ»,– ասել է քաղաքագետ, ՌՊՀՀ–ի դոցենտ Վադիմ Տրուխաչյովը։

«Եվրոպան այլ շահեր ունի». Ավստրիան քննադատել է «Հյուսիսային հոսք–2»–ի պատժամիջոցները

Ռուսական գազատարի նկատմամբ ԱՄՆ–ն պատժամիջոցներ էր կիրառել 2019 թվականի վերջին։ Իսկ այս ամառ ամերիկացիները լրացուցիչ սահմանափակումներ կիրառեցին «Հյուսիսային հոսք 2»–ի նկատմամբ։

Պատժամիջոցներն անդրադարձան եվրոպական ընկերությունների վրա, որոնք մասնակցել են ռուսական նախագծի իրականացմանը։

Ռուսաստանը հայտարարեց, որ կարող է իր ուժերով ավարտին հասցնել «Հյուսիսային հոսք 2»–ը, ինչում կօգնի Nord Stream 2 AG ընկերությունը։

ՌԴ արտգործնախարար Սերգեյ Լավրովը հայտնեց, որ դա տեղի կունենա առաջիկայում։

Պատժամիջոցները չեն խանգարի ավարտել «Հյուսիսային հոսք–2»–ի շինարարությունը. Նովակ

 «Մենք գնահատում ենք Բեռլինի սկզբունքային դիրքորոշումն այս բացառապես կոմերցիոն նախաձեռնության վերաբերյալ, որը կօգնի դիվերսիֆիկացնել բնական գազի մատակարարումների երթուղին և ամրապնդել Եվրոպայի էներգետիկ անվտանգությունն այն գնահատականների հիման վրա, որոնք տալիս են եվրոպական երկրները, այլ ոչ այն գնահատականների, որոնք արվում են օվկիանոսի մյուս կողմից»,–ասել է Լավրովը։

«Հյուսիսային հոսք 2»–ը նախատեսում է Ռուսաստանի ափերից Բալթիկ ծովով մինչև Գերմանիա գազատարի երկու գիծ կառուցել։ Գազատարը նախատեսվում է գործարկել մինչև տարեվերջ։

0
թեգերը:
Սերգեյ Լավրով, Գերմանիա, Ռուսաստան, Եվրոպա, ԱՄՆ, «Հյուսիսային հոսք» նախագիծ