Մեծատառով տաղանդ. «Ձայնը» շոուի մասնակից Ռոբերտ Բագրատյանի էներգետիկան գերեց բոլորին

904
«Ձայնը․ երեխաներ» շոուի մասնակից Ռոբերտ Բագրատյանը ցույց է տվել ժյուրիին և հանդիսատեսին, թե ինչպես պետք է վայելել ռոք երաժշտությունը։

Ռոբերտը երգեց Scorpions խմբի Still Loving You ստեղծագործությունը։ Առաջին իսկ ակորդներից հետո հանդիսատեսը ոտքի կանգնեց և սկսեց «բրավո» բղավել։ Տղան հիրավի հիանալի ելույթ ունեցավ և հաճույք ստացավ իր ելույթից։

Նրա ուսուցիչը՝ Սվետլանա Լոբոդան, չթաքցրեց, որ իրեն դուր եկավ Ռոբերտի ելույթը և համարի ընթացքում կանգնած ծափահարեց նրան։

Չնայած փայլուն ելույթին՝ տղան չանցավ «Ձայնը․ երեխաներ» շոուի սուպերեզրափակիչ փուլ, որում հաղթեց Ալսուի դուստրը՝ Միկելա Աբրամովան։

Օգտատերերը հիացական մեկնաբանություններ են թողել Youtube-ում տեսանյութի տակ։

«Դու սուպեր ես։ Դու պայթեցրիր այդ բեմը, դու արեցիր դա։ Մի տխրիր, միշտ չէ, որ արդար է լինում, թեև այդ շոուն արդեն վաղուց արդար չէ», - գրել է PIPA NONE11-ը։

«Այդ գրողի տարած էներգետիկան։ Այդ ելույթը կմնա պատմության մեջ», - գրել է օգտատեր Քրիստինա Կիմը։

«Մեծատառով տաղանդ։Արդար նախագծում դու հաստատ կհաղթեիր», - նշել է Սերգեյ Զախարովը։

Հիշեցնենք, որ 13–ամյա Ռոբերտը վերջնագիր է ներկայացրել մորը. կա՛մ իրեն ուղարկում է մրցույթի, կա՛մ ինքը դադարում է երգել։ Տղան երգել է և իմպրովիզացված համերգներ կազմակերպել։ Իսկ երբ դպրոց է գնացել, երգել է ոչ միայն դասամիջոցների, այլ նաև դասերի ժամանակ։ Հենց դա էլ տպավորել է նրա առաջին ուսուցչուհուն և խորհուրդ է տվել ծնողներին տղային ուղարկել վոկալի ստուդիա։

Նա ամենից հաճախ երգում է Ֆրեդի Մերկուրիի երգերը, որովհետև հենց նա է պատանի երգչի կուռքը։ Ի դեպ, Ռոբերտը հենց «The Show Must Go On» երգն է կատարել «Կույր լսումների» ժամանակ և անցել մրցույթի հաջորդ փուլ։ Տղան խոստովանել է, որ երբ երգչուհի Սվետլանա Լոբոդան շրջվել է իր կողմ, սիրտը սկսել է արագ բաբախել։

Ռոբերտը ծնվել է 2006թ–ին Երևանում։ Մայրը ծնունդով Արցախից է, հայրը` Ծաղկաձորից։ Ընտանիքը 2010թ–ին տեղափոխվել է Դոնի Ռոստով։

904
Ըստ թեմայի
Սկանդալ «Ձայնը» նախագծում. Ալսուի դուստրը երգել է մահացած Նաչալովայի երգը. տեսանյութ
Փոքրիկ Ռոբերտը գիտի` ինչ է ուզում. «Ձայնը. երեխաներ» շոուի մասնակցի տատիկը ֆրի է խոստացել
Միշան «Ձայնը. Երեխաների» երկրպագուներին ներկայացրել է Արցախը և պատմել ժենգյալով հացի մասին
Արցախցի Միշան հերթական անգամ ցնցեց «Ձայնը» շոուի հանդիսատեսին. հուզիչ ելույթի տեսանյութը
Ալսուի դստեր հաղթանակից հետո «Ձայնը․ երեխաներ» շոուի քվեարկության արդյունքը կստուգեն

sys_stories