Միքայել Գրիգորյանը երեկ փայլեց ռուսական Առաջին ալիքով հեռարձակվող «Ձայնը. երեխաներ» նախագծում։ Նա երգեց Նարգիզի և Մաքսի Ֆադեևի «Մենք երկուսով» երգը։
Նրա ելույթից հետո դահլիճն ու ժյուրին տևական ժամանակ հոտնկայս ծափահարում էր։
Միշայի օգտին քվեարկեցին հեռուստադիտողների 39,6%-ը, բայց 1% չբավարարեց, որ նա հայտնվի եզրափակիչ փուլում։
Միքայել Գրիգորյանը 2017 թվականին մասնակցել է «Մանկական Եվրատեսիլին»։ Առաջին անգամ նա բեմ է դուրս եկել 5 տարի առաջ, երբ 4 տարեկան էր, հարազատ Արցախի 21-ամյակին նվիրված միջոցառումների շրջանակում։ Հենց այդ ժամանակ է ծանոթացել իր ապագա պրոդյուսերի` Լիրա Քոչարյանի հետ։ Բացի այդ, Միշան սովորում է «Արցախի ձայնը» պրոդյուսերական կենտրոնում (վոկալ, դաշնամուր, ջութակ), որի կազմում ելույթ է ունեցել Ֆրանսիայում, Շվեյցարիայում, Ռուսաստանում, Հայաստանում և այլ երկրներում։
2015 թվականին Միշան թողարկել է իր առաջին երգը` «Փոքրիկ ղարաբաղցին», որը մեծ տարածում է գտել հայրենիքում։ 2016 թվականին մասնակցել է Մանկական Նոր Ալիքին, որտեղ զբաղեցրել է 2-րդ տեղը։
