Տեսանյութում շունն իր ամանից հաց է ուտում, սակայն միևնույն ժամանակ նա պարբերաբար տեղից պոկվում է. հետևի թաթերը բարձրանում են և արդյունքում նա գլխիվայր շուռ գալիս։ Այս տեսարանը ծիծաղեցրել է օգտատերերի մի մասին, սակայն մյուսներին` տխրեցրել։
«Ինչ–որ բան այն չէ վեստիբուլյար ապարատի, կամ ողնաշարի հետ, ինչ–որ հիվանդություն է։ Անհապաղ պետք է անասնաբույժի մոտ տանել։ Եթե, իհարկե, սա մարդիկ չեն անում նրա հետ։ Այնպիսի տպավորություն է, որ ինչ–որ մեկը նրան բարձրացնում է և շուռ տալիս (գուցե ուժեղ օդ են փչում)։ Ինչպես են այդ «կենդանասերները» իրենց «ուրախ նկարներով» հոգնեցրել», – գրում է Ելենա Դմիտրիևան։
Ալեքսեյ Չերեզովն էլ նույն կարծիքի է. «Ինչ–որ մեկը լավ ծաղրել է շանը։ Ընկերներս նույնպես ապշահար գրում էին. «Չհասկացա։ Ինչպե՞ս է սա հնարավոր։ Իսկ վզկա՞պն ումն է։ Չէ՞ որ այնտեղ երկու շուն կտեղավորվի։ Գուցե նյարդային հիվանդություն ո՞ւնի։ Պետք է ուտելիքով ամանը տակդիրի վրա դնել, այլապես խնդիր կառաջանա ողնաշարի հետ»»։
Սակայն վիրտուալ հանրության մյուս ակտիվիստները այս աստիճան հոռետեսական գնահատականների հետ համաձայն չեն. «Շան ու կատվի ձագերը միշտ սոված են։ Երբ մեծանում են, պետք է ավելի հաճախ կերակրել։ Համովն է նա։ Կարծես մենք լինենք աշխատանքից կամ պահքից հետո։ Ծիծաղելի է և վերջ, եթե նույնիսկ ինչ–որ մեկը կատակ է անում»։
