Սահակյանցները տեսահոլովակ են նկարել Սոսո Պավլիաշվիլու երգի համար. տեսանյութ

248
Հայտնի մուլտիպլիկատորներ Դավիթ և Հայկ Սահակյանցները մուլտիպլիկացիոն տեսահոլովակ են նկարել Սոսո Պավլիաշվիլու «Քեզ համար» երգի համար։ Վրացի երգիչն այս մասին հայտնել է Instagram–ի իր էջում։

Պավլիաշվիլին Comedy Club–ի նկարահանումներից մեկի ժամանակ տեսել է Սահակյանց եղբայրների մուլտֆիլմը, կապ է հաստատել նրանց հետ, և ահա արդյունքը։

«Սիրելի ընկերներ, շտապում եմ տեղեկացնել «Քեզ համար» երգի ու տեսահոլովակի պրեմիերայի մասին։ Մուլտիպլիկացիոն տեսահոլովակի հեղինակներն են Դավիթ և Հայկ Սահակյանցները, որոնք հայ ռեժիսոր, սցենարիստ ու մուլտիպլիկատոր Ռոբերտ Սահակյանցի որդիներն են։ Նա նվիրել է մեզ «Կապույտ ծովում, սպիտակ փրփուրի մեջ...» մուլտֆիլմը»,– գրել է Պավլիաշվիլին։

Նրա խոսքով` երգն ու տեսահոլովակը շատ ջերմ, դինամիկ ու բարի է ստացվել։ Երգիչն իր ստեղծագործությունը նվիրել է կանանց։

«Սիրելի կանայք ու աղջիկներ, մենք ապրել, ապրում ու ապրելու ենք, որ դուք ձեզ երջանիկ զգաք։ Դա է մեր գլխավոր առաքելությունը», – գրել է Պավլիաշվիլին։

Գրառումն ու երգը ոգևորել են երգչի բաժանորդներին։ Նրանք գովեստի խոսքեր են գրել նաև Սահակյանց եղբայրների հասցեին։

16 ժամվա ընթացքում հրապարակումն արդեն ավելի քան 6 հազար «like»–ի արժանացել։

248
Ըստ թեմայի
«Մի գնա» երգով վարակվեց նաև Սոսո Պավլիաշվիլին. տեսանյութ
Սրտաճմլիկ կատարում. հայ փոքրիկ երգիչն ապշեցրել է Սոսո Պավլիշվիլիին նրա հիթի կատարմամբ
«Ծեր, ալեհեր վրացի» Սոսո Պավլիաշվիլին ծնունդը նշել է Հայաստանում. տեսանյութ
«Նվիրվում է իսկական տղամարդկանց». Սոսո Պավլիաշվիլին ներկայացրել է իր նոր երգը. տեսանյութ

sys_stories