Գտել են «Մակարով» ատրճանակ, «Ֆ-1» նռնակներ, թմրամիջոցներ. 32-ամյա տղամարդ է ձերբակալվել

81
(Թարմացված է 16:27 20.07.2021)
Խուզարկության արդյունքում տղամարդու մոտ տարբեր քաշով մարիխուանայի նմանվող զանգվածներ են հայտնաբերվել։

ՀՀ ոստիկանության ծառայողները իրացնելով ստացված տեղեկատվությունը, մայրաքաղաքի տարբեր փողոցներում հայտնաբերել ու Էրեբունու բաժին են բերման ենթարկել վեց տղամարդու, որոնք կասկածվել են ապօրինի թմրանյութ պահելու և օգտագործելու մեջ։ Տեղեկությունը հայտնում է ՀՀ ոստիկանության մամուլի ծառայությունը։

Նշվում է, որ հուլիսի 15-ին իրականացված հատուկ միջոցառման ընթացքում նրանք խուզարկվել են, որի արդյունքում ոստիկանները հայտնաբերել են մեթամֆետամինի ու մարիխուանայի նմանվող զանգվածներ։

Նշվում է, որ բերման ենթարկվածներից մեկը ոստիկանության Մասիսի բաժնի կողմից հետախուզվում էր։

«Ոստիկանության ծառայողները տեղեկություն ունեին, որ թմրամիջոցի նմանվող զանգվածները տղամարդկանց իրացրել էր 32-ամյա մի տղամարդ։ Հուլիսի 15-ի երեկոյան նա ևս հայտնաբերվեց, բերման ենթարկվեց ու խուզարկվեց»,–նշված է հաղորդագրության մեջ։

Խուզարկության արդյունքում տղամարդու մոտ տարբեր քաշով մարիխուանայի նմանվող զանգվածներ են հայտնաբերվել։ Հարուցված քրեական գործի շրջանակներում, դատարանի որոշմամբ, խուզարկվել է նաև նրա բնակության վայրը։

«Հայտնաբերվեցին տարբեր քաշով թմրամիջոցների նմանվող զանգվածներ, քացախաթթվի անհիդրիդ, ինչպես և «Մակարով» ատրճանակ, պայթուցիչներով «Ֆ-1» տիպի նռնակներ և այլն»,–նշված է հաղորդագրության մեջ։

32-ամյա տղամարդը ձերբակալվել է։ Նշանակվել են փորձաքննություններ։ Հանգամանքները պարզվում են։

Իրանից ներմուծված սրբապատկերների բաղադրության մեջ 7 կգ թմրանյութ է հայտնաբերվել. տեսանյութ

81
թեգերը:
Ձերբակալություն, թմրամիջոցներ, նռնակ, Ոստիկանություն
Ըստ թեմայի
ԱԱԾ-ն թմրամիջոցների ապօրինի շրջանառության հերթական դեպքերն է բացահայտել
Հնարամիտները. «Արմավիր» ՔԿՀ–ում ատամի մածուկի մեջ թմրամիջոց է հայտնաբերվել
Պոկեր ու թմրանյութեր. Երևանի Սայաթ-Նովա փողոցում ապօրինի խաղատուն է հայտնաբերվել

Խաբարովսկի երկրամասում ինքնաթիռ Է կործանվել, մահացածներ կան. տեսանյութ

73
Ինքնաթիռի կործանման երեք վարկած է դիտարկվում։ Դեպքի վայր է մեկնել քննչական խումբը։

Խաբարովսկի երկրամասում թեթև շարժիչով ինքնաթիռ է կործանվել, ինչի հետևանքով երկու մարդ է մահացել։ Տեղեկությունը հայտնում է ՌԻԱ Նովոստին։

Ինքնաթիռն ընկել է այս գիշեր «Կալինկա» օդանավակայանի մոտ։ ՌԴ Քննչական կոմիտեի տրանսպորտի քննչական վարչությունը հայտնել է, որ նախնական տվյալներով՝ Sierra P2002 օդանավում եղել է երկու մարդ, մեկը մահացել է, մյուսը՝ հոսպիտալացվել։

«Ցավոք, կինը (օդանավի ընկնելու հետևանքով տուժած. խմբ.) մահացել է», - ՌԻԱ Նովոստիին հայտնել են առողջապահության տարածաշրջանային նախարարությունից:

Գործակալությունը տեղեկացնում է, որ կինն օդաչու էր։

Լիբանանում վթարի ենթարկված ինքնաթիռի օդաչուն հայ էր. ԶԼՄ

Քրեական գործ է հարուցվել է ՌԴ ՔՕ 263–րդ հոդվածով՝ «երթևեկության անվտանգության եւ օդային տրանսպորտի շահագործման կանոնների խախտում», առավելագույն պատիժը՝ 15 տարվա ազատազրկում: Ինքնաթիռի կործանման երեք վարկած է դիտարկվում՝ օդաչուի սխալ, օդանավի տեխնիկական անսարքություններ, եղանակային անբարենպաստ պայմաններ։ Դեպքի վայր է մեկնել քննչական խումբը։

Շվեդիայում ինքնաթիռ է կործանվել, զոհեր կան. ԶԼՄ

73
թեգերը:
տեսանյութ, ինքնաթիռ, Խաբարովսկ, Ռուսաստան
(1:05 / 6.13Mb / просмотров видео: 1317)

Դրոնների խաղը` 32-րդ ամառային օլիմպիական խաղերում. շլացնող տեսանյութ

135
(Թարմացված է 00:20 24.07.2021)
Թիմերի շքերթի ժամանակ Հայաստանի դրոշակակիրներն են եղել հանրապետության բազմակի չեմպիոն և ռեկորդակիր, լողորդ Վարսենիկ Մանուչարյանը և անվանի բռնցքամարտիկ Հովհաննես Բաչկովը։

Տոկիոյի Ազգային մարզադաշտում հուլիսի 23–ին վառվեց 32-րդ ամառային օլիմպիական խաղերի կրակը։ Բացման հանդիսավոր արարողությանը մասնակցել է նաև Հայաստանի օլիմպիական հավաքականը։

Կրակը վառեց «Մեծ սաղավարտի» մրցաշարերի քառակի հաղթող, աշխարհի նախկին առաջին ռակետ, ճապոնացի Նաոմի Օսական։

Օլիմպիական խաղերի բացման արարողությանը մասնակցում էին 205 երկրների մարզիկներ, ինչպես նաև փախստականների օլիմպիական թիմը:

Թիմերի շքերթի ժամանակ Հայաստանի դրոշակակիրներն էին հանրապետության բազմակի չեմպիոն և ռեկորդակիր, լողորդ Վարսենիկ Մանուչարյանը և անվանի բռնցքամարտիկ Հովհաննես Բաչկովը։

Նշենք, որ օլիմպիական խաղերն անցկացվում են մեկ տարի ուշացումով կորոնավիրուսի համավարակի պատճառով:

Օլիմպիական հավաքական. ովքեր կներկայացնեն Հայաստանը Տոկիոյում

Հուլիսի 23-ից օգոստոսի 8-ն անցկացվող 2021 Օլիմպիական խաղերին մասնակցելու համար Ճապոնիայի մայրաքաղաք Տոկիո են ժամանել մոտ 200 երկրների 11 հազար մարզիկներ: Նրանք պայքարելու են մեդալների 339 հավաքածուների համար։

Սպորտային այս տոնին Հայաստանը ներկայացնում են 17 մարզիկներ 8 մարզաձևերում:

Sputnik Արմենիայի տեսանյութում կարող եք տեսնել 32-րդ ամառային օլիմպիական խաղերի կրակը վառելու ժամանակ դրոններով կազմած տեսարանը։ 

Ներքին խոհանոց. ինչո՞վ են սնվում օլիմպիական մարզիկներն ու լրագրողները Տոկիոյում

135
թեգերը:
Տոկիո, տեսանյութ, Օլիմպիական խաղեր
Ըստ թեմայի
Եռագույնն ու հայ մարզիկները օլիմպիական խաղերի բացմանը. օրվա կադր
Տոկիոյում վառվել է օլիմպիական կրակը. ամենավառ կադրերը՝ Sputnik-ի աչքերով
Առանց աղմուկի ու հանդիսատեսի. մեկնարկում են 32-րդ ամառային Օլիմպիական խաղերը
Սաիդ Խատիբզադե

Թեհրանը պատրաստ է հաշտեցնել Երևանին ու Բաքվին

0
(Թարմացված է 11:55 24.07.2021)
Իրանական կողմը մտահոգված է հայ-ադրբեջանական սահմանին տեղի ունեցած փոխհրաձգություններով, ինչպես նաև զինծառայողների վիրավորվելու ու զոհվելու դեպքերով:

ԵՐԵՎԱՆ, 24 հուլիսի – Sputnik. Իրանը պատրաստ է օգնել Հայաստանին և Ադրբեջանին կայուն խաղաղության հաստատելու հարցում։ ԻԻՀ պետական լրատվական IRNA գործակալության փոխանցմամբ` այս մասին հայտարարել է Իրանի ԱԳՆ պաշտոնական ներկայացուցիչ Սաիդ Խատիբզադեն։

Նա ափսոսանք է հայտնել երեք հայ զինծառայողների վիրավորվելու, ադրբեջանցի զինվորականի մահվան և փոխհրաձգությունների վերաբերյալ:

Խատիբզադեն կողմերին զսպվածության կոչ է արել` հայտարարելով երկու երկրների միջև սահմանային վեճերի խաղաղ կարգավորման անհրաժեշտության մասին: Այդ համատեքստում Խատիբզադեն հայտարարել է, որ Իրանը պատրաստ է աջակցել երկու երկրների հաշտեցմանը։

Հիշեցնենք` հուլիսի 23-ին Ադրբեջանի զինված ուժերը կրակ էին բացել հայ-ադրբեջանական սահմանի Գեղարքունիքի հատվածում տեղակայված հայկական դիրքերի ուղղությամբ։

Ադրբեջանական կողմի հերթական սադրանքի հետևանքով ինտենսիվ փոխհրաձգության ժամանակ հրազենային վնասվածքներ էին ստացել ՀՀ ԶՈւ 3 զինծառայողներ։

Նույն օրը` ժամը 23:00-ի սահմանում, Երասխի տարածքում Ադրբեջանը ԱԹՍ–ով ՀՀ տարածք մուտք գործելու փորձ է արել։ Ըստ ՀՀ ՊՆ–ի` ՀՀ ԶՈւ ՀՕՊ ստորաբաժանումները կասեցրել են հայ-ադրբեջանական սահմանի հարավարևմտյան ուղղությամբ ԱԹՍ-ով ՀՀ օդային տարածք մուտք գործելու փորձը:

0
թեգերը:
Սահման, Իրանի Իսլամական Հանրապետություն, Ադրբեջան, Հայաստան
Ըստ թեմայի
Ադրբեջանցիները ինժեներական ակտիվ աշխատանքներ են իրականացնում Շուռնուխում. Հակոբ Արշակյան
Երասխում Հայաստանի զինված ուժերի կոշտ արձագանքն անսպասելի էր Ադրբեջանի համար. փորձագետ
Ադրբեջանի սադրիչ քայլերը նոր սպառնալիք են ստեղծում Հայաստանի և Արցախի համար. Փաշինյան