Ռուսաստանում փորձարկել են C-500 համակարգը

Աշխարհում նմանը չունի. Ռուսաստանում փորձարկել են C-500 համակարգը․ տեսանյութ

608
(Թարմացված է 13:12 20.07.2021)
Ռուսաստանի պաշտպանության նախարարությունում նշել են, որ C-500 զենիթահրթիռային համակարգը նախատեսված է հավանական հակառակորդի օդատիեզերական հարձակման գոյություն ունեցող ու հեռանկարային միջոցների ամբողջ սպեկտրը խոցելու համար:

Կապուստին Յար զորավարժարանում կայացել են C-500 նորագույն զենիթահրթիռային համակարգի փորձարկումները։ Տեղեկությունը հրապարակվել է Ռուսաստանի պաշտպանության նախարարության պաշտոնական կայքում:

«Կապուստին Յար զորափորձարանում C-500 նորագույն զենիթահրթիռային համակարգը իրականացրել է արագընթաց բալիստիկ թիրախով փորձնական մարտական հրաձգություն։ Օբյեկտիվ վերահսկողության միջոցների տվյալներով՝ թիրախը խոցված է», - նշված է հաղորդագրության մեջ։

Նշվում է, որ C-500 զենիթահրթիռային համակարգը աշխարհում նմանը չունի ու նախատեսված է հավանական հակառակորդի օդատիեզերական հարձակման ողջ սպեկտրը խոցելու համար՝ բարձունքների ու արագությունների ամբողջ տիրույթում:

Փորձարկումների շրջանակում անցկացված մարտական հրաձգությունները հաստատել են ՀՕՊ-ի ռուսական ռազմական տեխնիկայի նախանշված մարտավարատեխնիկական բնութագրերն ու բարձր հուսալիությունը:

Հիշեցնենք, որ C-500 «Պրոմեթեյը» նոր սերնդի «երկիր-օդ» զենիթահրթիռային համակարգ է։

Իրանը ներկայացրել է սեփական արտադրության «Բավար-373» զենիթահրթիռային համալիրը

Այն իրենից ներկայացնում է հեռահարության ունիվերսալ համալիր՝ ՀՀՊ բարձր ներուժով։ Համակարգը կարող է ոչնչացնել ոչ միայն բալիստիկ, այլև աերոդինամիկական թիրախները, ինչպես նաև թևավոր հրթիռները։ Խոցման շառավիղը մոտ 600 կիլոմետր է։

 

608
թեգերը:
սպառազինություն, Ռուսաստան, զենիթահրթիռային համալիր
Ըստ թեմայի
«Արգելման գոտի» ՆԱՏՕ-ի համար. ռուսական «Իսկանդերները» նոր հրթիռներ են ստացել
ԱԹՍ–ներ, տանկեր, ՀՕՊ և ոչ միայն. ռուս փորձագետը խոսել է հայկական բանակի կարիքների մասին
Ինչո՞ւ են ՌԴ գերձայնային հրթիռները «խանգարում» ամերիկյան F-35-ի և F-22-ի շահագործմանը

Քոչարի` Արարարտի փեշին. նորակոչիկները երդումից հետո պար են բռնել Խոր Վիրապում. տեսանյութ

146
(Թարմացված է 22:00 31.07.2021)
Նորակոչիկներից մեկն իր ծառայակից նոր ընկերներին սովորեցրել է Սղերդի քոչարի պարը։

Հայ զինծառայողները խրոխտ շուրջպար են բռնել Արարատի փեշին բազմած Խոր Վիրապ վանական համալիրի պատերի ներքո։ Տեսանյութն իր Facebook–ի էջում հրապարակել է Վահագն Միքայելյան օգտատերը, որը, դատելով գրառումներից, նորակոչիկ է։

Իրենց զինվորական երդման օրը ռազմատենչ ազգային պար պարելը հենց նրա նախաձեռնությունն է եղել։ Վահագնը իր ծառայակից նոր ընկերներին սովորեցրել է Սղերդի քոչարի պարը։

Տղաները, հայրենիքին զինվորական երդում տալուց հետո, Արարատի փեշին պարել են խրոխտ ազգային քոչարին ու ոգևորել ներկաներին։

146
թեգերը:
Խոր Վիրապ, Քոչարի, Զինվոր, նորակոչիկ

Եթե մի պոստը տվեցիր, հաջորդը չես կարա պահես. Երասխում թշնամու սադրանքներից չեն ընկճվում

668
(Թարմացված է 19:20 31.07.2021)
Երասխում հայկական դիրքերի ուղղությամբ ադրբեջանցիները գրեթե ամեն օր են կրակում` ամենատարբեր տրամաչափի զինատեսակներից, բայց ո՛չ մեր զինծառայողները, ո՛չ էլ թշնամուց ընդամենը 400-500 մետր հեռավորության վրա բնակվող գյուղացիները խուճապի չեն մատնվում։

Սահակյանների ընտանիքը գյուղի հնաբնակներից է։ Երբ Մարտունուց Երասխ տեղափոխվեցին, Հակոբի 3 որդիներն արդեն ծնվել էին։ Դուստրը ծնվեց Երասխում։

Հակոբն 90-ականներին ակտիվորեն ներգրվված է եղել Երասխի ինքնապաշտպանական մարտերում։ Այսօրվա պես հիշում է` ինչպես ազատագրեցին իրենց տնից ընդամենը 400-500 մետր հեռավորության վրա գտնվող բարձունքը։

Կրակելու են մի տեղ, վերցնելու են ուրիշ տեղ. պաշտպանության նախկին նախարարը` Երասխի մասին

«1990-94 թթ․ ջոկատում եմ եղել, ջոկատի հրամանատարը  եղել է մեր գյուղապետի հայրը, որը հենց սարը գրավելու հաջորդ օրը զոհվեց դիրքում։ Դրանից հետո գնացել ա փոխադարձ կրակոցներ առայսօր»,- Sputnik Արմենիայի հետ զրույցում ասաց նա։

Կրակոցներից այստեղ վաղուց չեն վախենում։ Թշնամուն լավ են ճանաչում. Թուրքիան չլինի` նրանք չեն համարձակվի նույնիսկ մեկ մմ առաջ գալ։

«Ադրբեջանը չի կարող հաղթել հային, ուզում է` 10-ը հոգով մեկի դեմ գա՝ չի կարող։ Հլը թող Թուրքիան իր եղած-չեղածը հետ քաշի, տեսնեմ՝ դա մի օր կդիմանա՞։ Չի՛ դիմանա»,- ասում է Հակոբ Սահակյանը։

Հակոբ Սահակյանն իր համագյուղացիներին ու մյուս սահմանամերձ համայնքների բնակիչներին հորդորում է չհանձնվել ու սեփական հող ու ջրից չհեռանալ։ Իրենք պարտավոր են հենակետում կանգնած զինվորի թիկունքն ամուր պահել, իսկ հայ զինվորը կպայքարի այնքան, մինչև թշնամին հասկանա, որ արյամբ գծված հայկական սահմաններին չի կարող տիրանալ։

«Այդ պոստը եթե այսօր մենք տանք իրենց, վաղը կասեն՝ էսի տվեք, մյուս օրը կասեն՝ էսի լրիվ մերն ա, Տիգրանաշենը տվեք, Քյարքի կոչվածը ու էդպես շարունակ․․․Էսօր եթե մեկը տվեցիր, հաջորդն արդեն չես կարա պահես»,–ասում է Հակոբը։

Երասխի փողոցները դատարկ են. մարդիկ դաշտերում իրենց բերքն են հավաքում։ Երասխի գինու գործարանի տարածքում մեզ հանդիպած տղամարդկանց  մի մասը հրաժարվում է տեսախցիկի առաջ խոսել։ Ավելի «համարձակները», պարզվում է, հարևան Սուրենավանի բնակիչներ են։ Աշխատանքն է նրանց այստեղ բերել։ Հարցնում ենք` չե՞ն վախենում արդյոք այստեղ աշխատանքի գալ, երբ մի քանի մետրի վրա կրակում են։

«Ինչի՞ց վախենանք։ Թող իրենք մեզնից վախենան։ Ամբողջ օրը ստեղ ենք, դրանց հետ 92 թվականից էլ «քյալլա ենք տալիս»։ Բոլորի տրամադրությունն էլ գերազանց է, բոլորն էլ աշխատում են, ոչ մեկն էլ խնդիր չունի։ Ինչ էլ որ կատարվում է` պրովոկացիոն բաներ են։ Մենք պիտի պայքարենք մեր հող ու ջրի համար»,- ասում է նրանցից մեկը։

Հիշեցնենք` հուլիսի 28-ին ադրբեջանական ԶՈւ ստորաբաժանումները հերթական անգամ դիմել էին սադրանքի և խախտել հրադադարը հայ-ադրբեջանական սահմանի հյուսիսարևելյան հատվածում: Հայաստանն ու Ադրբեջանը համաձայնել էին Մոսկվայի միջնորդությամբ դադարեցնել կրակը։

Ադրբեջանական ստորաբաժանումները, տալով կորուստներ, հետ են շպրտվել. ՊՆ

Հայկական կողմն ունի երեք զոհ, հինգ վիրավոր։

Հուլիսի 29-ին` ժամը 03:00-ի սահմանում, հայ-ադրբեջանական սահմանի Գեղարքունիքի հատվածում, Քարվաճառի ուղղությամբ ադրբեջանական ԶՈւ ստորաբաժանումները, խախտելով նախորդ օրը ձեռք բերված` կրակի դադարեցման վերաբերյալ պայմանավորվածությունը, կրկին դիմել էին սադրանքի ու կրակ բացել հայկական դիրքերի ուղղությամբ։

Հայ-ադրբեջանական սահմանի Գեղարքունիքի հատվածում արձանագրվել են ԱԹՍ-ների՝ ՀՀ օդային տարած մուտք գործելու փորձեր։

Հուլիսի 30–ին, Խոցվել է Ադրբեջանի ԶՈւ սպառազինության մեջ գտնվող «Aerostar» տիպի ԱԹՍ, որի բեկորներն ընկել են Գեղարքունիքի մարզի Վանեվան գյուղից 3.5 կիլոմետր դեպի հյուսիս։

668
թեգերը:
Երասխ, ադրբեջանցի, հայ-ադրբեջանական, Սահման, կրակոց
Ըստ թեմայի
Երասխում այս պահին իրավիճակը հանգիստ է
Թշնամին կրակ է բացել Երասխի հատվածում տեղակայված հայկական դիրքերի ուղղությամբ
«Ժամանակավորապես վերադարձել եմ»․ Երասխի գյուղապետը պատմել է իր վիճակի մասին
Երասխում ադրբեջանցիները կրակել են սնունդ տեղափոխող մեքենայի վրա

Երասխում ադրբեջանցիները կրակել են սնունդ տեղափոխող մեքենայի վրա

210
(Թարմացված է 00:15 01.08.2021)
Ժամը 22։00-ի դրությամբ իրադրությունը հայ-ադրբեջանական սահմանին հարաբերականորեն կայուն է և գտնվում է ՀՀ ԶՈՒ ստորաբաժանումների լիարժեք վերահսկողության ներքո։

ԵՐԵՎԱՆ, 31 հուլիսի - Sputnik. Երասխում այսօր ադրբեջանցիները կրակել են սնունդ տեղափոխող մեքենայի վրա։ Տեղեկությունը հայտնում է ՀՀ ՊՆ մամուլի ծառայություը։

Попавший под обстрел ВС Азербайджана военный грузовик
Երասխում ադրբեջանցիները կրակել են սնունդ տեղափոխող մեքենայի վրա

«Հուլիսի 31-ին, ժամը 18:10-ից մինչև 18:50-ը, ադրբեջանական ԶՈՒ ստորաբաժանումները հերթական անգամ դիմել են սադրանքի` տարբեր տրամաչափի հրաձգային զինատեսակներով կրակ բացելով հայ-ադրբեջանական սահմանի Երասխի հատվածում տեղակայված հայկական դիրքերի ուղղությամբ:

Մասնավորապես` թիրախային կրակ է արձակվել թիկունքային ապահովման (սնունդ տեղափոխող) մեքենայի վրա` լրջորեն վնասելով այն»,-ասված է հաղորդագրության մեջ:

Տեղեկացվում է, որ հայ դիրքապահների պատասխան գործողություններից հետո հակառակորդի կրակը լռեցվել է: Հայկական կողմից տուժածներ չկան:

Ժամը 22։00-ի դրությամբ իրադրությունը հայ-ադրբեջանական սահմանին հարաբերականորեն կայուն է և գտնվում է ՀՀ ԶՈՒ ստորաբաժանումների լիարժեք վերահսկողության ներքո

Ինչպես արդեն հաղորդեկլ էինք, այսօր, ժամը 06։30-ին էլ, ադրբեջանական ԶՈւ ստորաբաժանումները կրակ էինն բացել հայ-ադրբեջանական սահմանի Երասխի հատվածում տեղակայված հայկական դիրքերի ուղղությամբ և փորձել ինժեներական տեխնիկայի կիրառմամբ ամրաշինական աշխատանքներ իրականացնել։

210
թեգերը:
Երասխ, Սահման, կրակոց, սնունդ, ավտոմեքենա, Հայաստան
թեմա:
Սահմանային խախտումներ. իրադրությունը Սյունիքում և Գեղարքունիքում
Ըստ թեմայի
Ի՞նչ քարտեզներ են փոխանցվել Երևանին և Բաքվին, կամ սահմանի լարումը սահմանազատման համար է
Ինչո՞ւ Ալիևը գնաց զոհողությունների, կամ այլևս Ադրբեջան չկա, կա Թուրքիա-1 և Թուրքիա-2
Քոչարի` Արարարտի փեշին. նորակոչիկները երդումից հետո պար են բռնել Խոր Վիրապում. տեսանյութ