(1:05 / 7.84Mb / просмотров видео: 1552)

Ռուս-թուրքական մոնիթորինգային կենտրոնը վերահսկում է հրադադարի պահպանման ռեժիմը ԼՂ-ում

146
(Թարմացված է 12:55 20.07.2021)
«Ֆորպոստ» ԱԹՍ-ի հաշվարկը օդային հսկողություն է իրականացնում օրական քսանչորս ժամ, շաբաթը յոթ օր ռեժիմով։

ԵՐԵՎԱՆ, 20 հուլիսի - Sputnik. Ռուս-թուրքական համատեղ կենտրոնի զինծառայողները շարունակում են կատարել Լեռնային Ղարաբաղի հակամարտության գոտում հրադադարի ռեժիմի պահպանման մոնիթորինգի խնդիրները, տեղեկացնում են ՌԴ ՊՆ-ից:

Իրադրության նկատմամբ վերահսկողությունն իրականացվում է շուրջօրյա ռեժիմով՝ «Ֆորպոստ» եւ «Օռլան-10« անօդաչու թռչող սարքերի (ԱԹՍ) օգնությամբ:

«Անօդաչու թռչող սարքերի հաշվարկները վերահսկման միջոցառումներ են կատարում ռուս-թուրքական համատեղ կենտրոնի գոտում։ «Ֆորպոստ» ԱԹՍ-ի հաշվարկը օդային հսկողություն է իրականացնում օրական քսանչորս ժամ, շաբաթը յոթ օր», - հայտնել է անօդաչու ավիացիայի հաշվարկման պետ Իգոր Պետրեևը:

Կենտրոնի զինծառայողները իրական ժամանակի ռեժիմում անօդաչու թռչող սարքերից տվյալներ ու պատկերներ են ստանում կառավարման այն կետին, որտեղ իրադրության շուրջօրյա հսկողություն է իրականացվում պատասխանատվության գոտու գրեթե ողջ տարածքում:

Լեռնային Ղարաբաղի հակամարտության գոտում հրադադարի վերահսկողության ռուս-թուրքական համատեղ կենտրոնը բացվել է 2021-ի հունվարի 30-ին՝ Ռուսաստանի և Թուրքիայի պաշտպանական գերատեսչությունների ղեկավարների` 2020 թվականի նոյեմբերի 11-ին ստորագրած հուշագրի համաձայն:

Խաղաղապահների մարդասիրական ակցիան Արցախի հեռավոր Մաճկալաշեն գյուղում․ տեսանյութ

Համատեղ կենտրոնի անձնակազմը ներկայացված է պարիտետային հիմունքներով` յուրաքանչյուր կողմից 60 զինծառայող: Կենտրոնն ուղիղ կապ ունի հակամարտության կողմերի ռազմական կառավարման մարմինների և ռուսական խաղաղապահ զորակազմի շտաբի հետ: Կենտրոնը տեղակայված է Ադրբեջանի տարածքում։

146
թեգերը:
Արցախ, հրադադար, Ռուսաստան, Թուրքիա
Ըստ թեմայի
Ինչպես են ռուս խաղաղապահներն ապահովում Լաչինի միջանցքի անվտանգությունը
Արցախում Ռուսաստանի խաղաղապահ զորախումբը մարտական պատրաստության պարապմունքներ է անցկացրել
Ռուս խաղաղապահները 18 տոննա մարդասիրական բեռ են հասցրել Արցախ

Քոչարի` Արարարտի փեշին. նորակոչիկները երդումից հետո պար են բռնել Խոր Վիրապում. տեսանյութ

54
(Թարմացված է 22:00 31.07.2021)
Նորակոչիկներից մեկն իր ծառայակից նոր ընկերներին սովորեցրել է Սղերդի քոչարի պարը։

Հայ զինծառայողները խրոխտ շուրջպար են բռնել Արարատի փեշին բազմած Խոր Վիրապ վանական համալիրի պատերի ներքո։ Տեսանյութն իր Facebook–ի էջում հրապարակել է Վահագն Միքայելյան օգտատերը, որը, դատելով գրառումներից, նորակոչիկ է։

Իրենց զինվորական երդման օրը ռազմատենչ ազգային պար պարելը հենց նրա նախաձեռնությունն է եղել։ Վահագնը իր ծառայակից նոր ընկերներին սովորեցրել է Սղերդի քոչարի պարը։

Տղաները, հայրենիքին զինվորական երդում տալուց հետո, Արարատի փեշին պարել են խրոխտ ազգային քոչարին ու ոգևորել ներկաներին։

54
թեգերը:
Խոր Վիրապ, Քոչարի, Զինվոր, նորակոչիկ

Եթե մի պոստը տվեցիր, հաջորդը չես կարա պահես. Երասխում թշնամու սադրանքներից չեն ընկճվում

589
(Թարմացված է 19:20 31.07.2021)
Երասխում հայկական դիրքերի ուղղությամբ ադրբեջանցիները գրեթե ամեն օր են կրակում` ամենատարբեր տրամաչափի զինատեսակներից, բայց ո՛չ մեր զինծառայողները, ո՛չ էլ թշնամուց ընդամենը 400-500 մետր հեռավորության վրա բնակվող գյուղացիները խուճապի չեն մատնվում։

Սահակյանների ընտանիքը գյուղի հնաբնակներից է։ Երբ Մարտունուց Երասխ տեղափոխվեցին, Հակոբի 3 որդիներն արդեն ծնվել էին։ Դուստրը ծնվեց Երասխում։

Հակոբն 90-ականներին ակտիվորեն ներգրվված է եղել Երասխի ինքնապաշտպանական մարտերում։ Այսօրվա պես հիշում է` ինչպես ազատագրեցին իրենց տնից ընդամենը 400-500 մետր հեռավորության վրա գտնվող բարձունքը։

Կրակելու են մի տեղ, վերցնելու են ուրիշ տեղ. պաշտպանության նախկին նախարարը` Երասխի մասին

«1990-94 թթ․ ջոկատում եմ եղել, ջոկատի հրամանատարը  եղել է մեր գյուղապետի հայրը, որը հենց սարը գրավելու հաջորդ օրը զոհվեց դիրքում։ Դրանից հետո գնացել ա փոխադարձ կրակոցներ առայսօր»,- Sputnik Արմենիայի հետ զրույցում ասաց նա։

Կրակոցներից այստեղ վաղուց չեն վախենում։ Թշնամուն լավ են ճանաչում. Թուրքիան չլինի` նրանք չեն համարձակվի նույնիսկ մեկ մմ առաջ գալ։

«Ադրբեջանը չի կարող հաղթել հային, ուզում է` 10-ը հոգով մեկի դեմ գա՝ չի կարող։ Հլը թող Թուրքիան իր եղած-չեղածը հետ քաշի, տեսնեմ՝ դա մի օր կդիմանա՞։ Չի՛ դիմանա»,- ասում է Հակոբ Սահակյանը։

Հակոբ Սահակյանն իր համագյուղացիներին ու մյուս սահմանամերձ համայնքների բնակիչներին հորդորում է չհանձնվել ու սեփական հող ու ջրից չհեռանալ։ Իրենք պարտավոր են հենակետում կանգնած զինվորի թիկունքն ամուր պահել, իսկ հայ զինվորը կպայքարի այնքան, մինչև թշնամին հասկանա, որ արյամբ գծված հայկական սահմաններին չի կարող տիրանալ։

«Այդ պոստը եթե այսօր մենք տանք իրենց, վաղը կասեն՝ էսի տվեք, մյուս օրը կասեն՝ էսի լրիվ մերն ա, Տիգրանաշենը տվեք, Քյարքի կոչվածը ու էդպես շարունակ․․․Էսօր եթե մեկը տվեցիր, հաջորդն արդեն չես կարա պահես»,–ասում է Հակոբը։

Երասխի փողոցները դատարկ են. մարդիկ դաշտերում իրենց բերքն են հավաքում։ Երասխի գինու գործարանի տարածքում մեզ հանդիպած տղամարդկանց  մի մասը հրաժարվում է տեսախցիկի առաջ խոսել։ Ավելի «համարձակները», պարզվում է, հարևան Սուրենավանի բնակիչներ են։ Աշխատանքն է նրանց այստեղ բերել։ Հարցնում ենք` չե՞ն վախենում արդյոք այստեղ աշխատանքի գալ, երբ մի քանի մետրի վրա կրակում են։

«Ինչի՞ց վախենանք։ Թող իրենք մեզնից վախենան։ Ամբողջ օրը ստեղ ենք, դրանց հետ 92 թվականից էլ «քյալլա ենք տալիս»։ Բոլորի տրամադրությունն էլ գերազանց է, բոլորն էլ աշխատում են, ոչ մեկն էլ խնդիր չունի։ Ինչ էլ որ կատարվում է` պրովոկացիոն բաներ են։ Մենք պիտի պայքարենք մեր հող ու ջրի համար»,- ասում է նրանցից մեկը։

Հիշեցնենք` հուլիսի 28-ին ադրբեջանական ԶՈւ ստորաբաժանումները հերթական անգամ դիմել էին սադրանքի և խախտել հրադադարը հայ-ադրբեջանական սահմանի հյուսիսարևելյան հատվածում: Հայաստանն ու Ադրբեջանը համաձայնել էին Մոսկվայի միջնորդությամբ դադարեցնել կրակը։

Ադրբեջանական ստորաբաժանումները, տալով կորուստներ, հետ են շպրտվել. ՊՆ

Հայկական կողմն ունի երեք զոհ, հինգ վիրավոր։

Հուլիսի 29-ին` ժամը 03:00-ի սահմանում, հայ-ադրբեջանական սահմանի Գեղարքունիքի հատվածում, Քարվաճառի ուղղությամբ ադրբեջանական ԶՈւ ստորաբաժանումները, խախտելով նախորդ օրը ձեռք բերված` կրակի դադարեցման վերաբերյալ պայմանավորվածությունը, կրկին դիմել էին սադրանքի ու կրակ բացել հայկական դիրքերի ուղղությամբ։

Հայ-ադրբեջանական սահմանի Գեղարքունիքի հատվածում արձանագրվել են ԱԹՍ-ների՝ ՀՀ օդային տարած մուտք գործելու փորձեր։

Հուլիսի 30–ին, Խոցվել է Ադրբեջանի ԶՈւ սպառազինության մեջ գտնվող «Aerostar» տիպի ԱԹՍ, որի բեկորներն ընկել են Գեղարքունիքի մարզի Վանեվան գյուղից 3.5 կիլոմետր դեպի հյուսիս։

589
թեգերը:
Երասխ, ադրբեջանցի, հայ-ադրբեջանական, Սահման, կրակոց
Ըստ թեմայի
Երասխում այս պահին իրավիճակը հանգիստ է
Թշնամին կրակ է բացել Երասխի հատվածում տեղակայված հայկական դիրքերի ուղղությամբ
«Ժամանակավորապես վերադարձել եմ»․ Երասխի գյուղապետը պատմել է իր վիճակի մասին
Իզաբել Բայրաքդարյանը

Մի ուրիշ Կլեոպատրա․ Իզաբել Բայրաքդարյանը «վերակենդանացրեց» Հայաստանի մոռացված թագուհուն

25
(Թարմացված է 22:48 31.07.2021)
Կանադացի օպերային երգչուհի Իզաբել Բայրաքդարյանը Կոնստանտին Օրբելյանի ղեկավարությամբ հայկական թագուհու մասին արիաներ է կատարում Կաունասի սիմֆոնիկ նվագախմբի հետ։

ԵՐԵՎԱՆ, 31 հուլիսի - Sputnik. Ամերիկյան առաջատար  կոնսերվատորիաներից մեկի՝ Իսթմենի երաժշտության դպրոցի պրոֆեսոր Ռալֆ Պ. Լոկը «Մի ուրիշ Կլեոպատրա. Հայաստանի թագուհին» դասական ալբոմը սքանչելի է անվանել։

Ալբոմում ներկայացված են Յոհան Հասեի, Քրիստոֆ Գլյուկի և Անտոնիո Վիվալդիի արիաները՝ նվիրված հայոց թագուհուն` Տիգրան Մեծի կնոջը՝ Կլեոպատրա Պոնտացուն: Արիան Կաունասի քաղաքային սիմֆոնիկ նվագախմբի հետ կատարում է կանադացի ճանաչված օպերային երգչուհի, Operalia մրցույթի մրցանակակիր, «Գրեմմի» և «Ջունո» մրցանակների դափնեկիր հայազգի Իզաբել Բայրաքդարյանը, Կոնստանտին Օրբելյանի ղեկավարությամբ:

Изабель Байракдарян и Константин Орбелян на 62-й ежегодной премии ГРЭММИ (26 января 2020). Лос-Анджелес
© AFP 2020 / Amy Sussman / Getty Images via AFP
Իզաբել Բայրաքդարյանը և Կոնստանտին Օրբելյանը

Ռալֆ Պ. Լոկի գրախոսությունը հրապարակվել է Artsfuse-ի արվեստի մասին առցանց ամսագրում:

Նոր ձայնասկավառակում ներկայացված բոլոր երեք օպերաները նվիրված են մի թեմայի՝ Տիգրանի (որն այդ ժամանակ արքայազն էր) և «մի ուրիշ Կլեոպատրայի» սիրուն։ Այդ սերը ամեն կերպ խոչընդոտում էր աղջկա հայրը ՝ Միտրիդատ VI-ը ։

Հոդվածում հեղինակը պատմում է դրամատիկ սոպրանոյի տեր երգչուհու հայկական ծագման մասին։ «Իզաբել Բայրաքդարյանը հայ ընտանիքի զավակ է։ Նրանք Կանադա են տեղափոխվել Լիբանանից, երբ նա դեռ դեռահաս էր։ Օպերայի սիրահարներն ամբողջ աշխարհում գնահատել են նրա արտիստիզմը, լսել նրա ձայնասկավառակները... միլիոնավոր կինոմաններ վայելել են նրա երգը «Մատանիների տիրակալը» ֆիլմում։

Ըստ երաժշտության պրոֆեսորի՝ այս սկավառակի հաճույքի համար կարելի է բազմիցս լսել։

«Հին Հայաստանի զույգի մասին արիաներն ինձ դրդեցին ավելի մոտիկից ծանոթանալ այդ հողի և ժողովրդի պատմությանը։ Հռոմեական կայսրության ժամանակ, ավելի ճիշտ՝ Տիգրան Մեծի օրոք, Հայաստանը խոշոր տերություն էր։ Մի քանի հարյուր տարի անց, Տիրիդատ III-ի (Տրդատ) օրոք, Հայաստանը դարձավ քրիստոնեությունը որպես պաշտոնական կրոն ընդունած առաջին պետությունը։ Այս կարևոր իրադարձությունը կարող է հիմք դառնալ նոր լավ օպերայի կամ ֆիլմի համար»- գրում է Ռալֆ Պ. Լոկը։

Կլեոպատրա Պոնտացին (մ. թ. ա. 110 - մ. թ. ա. 58) պոնտական արքայադուստր է, որի ծնողները Միհրդատ- VI ու նրա քույրն են՝ Լաոդիկան: (նա նաև հայտնի է որպես Կլեոպատրա Ավագ)։

Կլեոպատրան Մեծ Հայքի թագավոր Տիգրան Մեծի կինը դարձավ մ. թ. ա. 94 թվականին՝ դրանով իսկ ամրապնդելով դաշինքը Պոնտոսի և Հայաստանի միջև։ Նրանք ունեցան երեք որդի՝ Տիգրան ավագը, Զարեհը և Տիգրան կրտսերը և երկու դուստր. նրանցից մեկն ամուսնացավ պարթևական արքա Բակուր Առաջինի, իսկ մյուսը ՝ Ատրպատականի կառավարիչ Միհրդատի հետ։

25
թեգերը:
Տիգրան Մեծ, Կին, օպերա, Կոնստանտին Օրբելյան
Ըստ թեմայի
Կոնստանտին Օրբելյանը Նյու Յորքի քաղաքային օպերայի երաժշտական տնօրեն և դիրիժոր է նշանակվել
Մանսուրյանի «Քավարանը». հայ դասականը դիմել է իտալացի դասականին
Մաեստրո Մուտին Երևանում կկատարի Մանսուրյանի երաժշտությունը, ապա «կբարձրանա Արարատ»