Ծերացող Քարաբերդի տեղը գտել են սփյուռաքահայերը

82
(Թարմացված է 20:40 19.07.2021)
Քարաբերդում երիտասարդներ չկան, քանի որ մանկապարտեզ և դպրոց գյուղը չունի։ Չնայած գյուղը երիզում է խիտ կանաչը, սակայն այստեղ ոռոգման ջուր էլ չկա։ Տեղի բնակիչները հույս ունեն, որ իրենց զավակները մի օր վերադառնալու են գյուղ։

Լոռու մարզի Քարաբերդ գյուղում միայն տարեցներն են ապրում. տեղի բնակիչները հումորով են վերաբերվում իրավիճակին` ասելով, թե իրենց գյուղում երիտասարդների տարիքը 60 տարեկանից է սկսվում։

Քարաբերդն ամենաքիչ բնակեցված գյուղն է Հայաստանում` 60 անձ կա գյուղում։ Այստեղ երիտասարդություն չկա, քանի որ կրթական հաստատություն` մանկապարտեզ ու դպրոց չկա։

«Ում երեխան մեծանում է, գնում են ընտանիքով տնից, որպեսզի մանկապարտեզ գնան, դպրոց հաճախեն։ Կամաց-կամաց ծերանոց դարձավ մեր գյուղը»,–ասում է գյուղապետը` Յուրա Շավելյանը։

Քարաբերդում ապրուստի հիմնական միջոցն անասնապահությունն ու մեղվաբուծությունն է։ Գյուղում ոռոգման ջուր չկա, որպեսզի «վարեն-ցանեն»։ Սակայն այնպես չէ, որ գյուղում դրական ոչինչ չկա. Քարաբերդում 17-րդ դարի եկեղեցի է եղել, որը, սակայն, այժմ կիսաքանդ վիճակում է. եկեղեցու ներսում 4-րդ դարի խաչքար կա։

Բացի այդ, Քարաբերդն ասես դրախտում տեղակայված լինի` չորս կողմը սարեր և անտառներ են։ Տեղի հրաշալի բնությունն էլ տեսել ու անտարբեր չեն մնացել սփյուռքահայերը, որոնք հյուրատուն են կառուցում գյուղում` Քարաբերդին երկրորդ շունչ տալով։

Տեղի բնակիչները հույս ունեն, որ իրենց` խոպան կամ Վանաձոր գնացած զավակները մի օր վերադառնալու են գյուղ։

Կարևոր է բուժել Արցախի վերքերը. Խրամորթ գյուղի դպրոցը կվերանորոգվի սփյուռքի միջոցներով

82
թեգերը:
տեսանյութ, Լոռի, Գյուղ
Ըստ թեմայի
Ինչո՞ւ Խծաբերդ և Հին Թաղեր գյուղերն անցան Ադրբեջանին. Արտակ Բեգլարյանն իր վարկածն է ասում
Ռուս խաղաղապահները մարդասիրական և բժշկական ակցիաներ են իրականացրել Արցախի Հաթերք գյուղում
«Փաշինյանը պիտի լուծի էս հարցը». գյուղացին ահազանգում է` գետերը դատարկ են

Խաբարովսկի երկրամասում ինքնաթիռ Է կործանվել, մահացածներ կան. տեսանյութ

75
Ինքնաթիռի կործանման երեք վարկած է դիտարկվում։ Դեպքի վայր է մեկնել քննչական խումբը։

Խաբարովսկի երկրամասում թեթև շարժիչով ինքնաթիռ է կործանվել, ինչի հետևանքով երկու մարդ է մահացել։ Տեղեկությունը հայտնում է ՌԻԱ Նովոստին։

Ինքնաթիռն ընկել է այս գիշեր «Կալինկա» օդանավակայանի մոտ։ ՌԴ Քննչական կոմիտեի տրանսպորտի քննչական վարչությունը հայտնել է, որ նախնական տվյալներով՝ Sierra P2002 օդանավում եղել է երկու մարդ, մեկը մահացել է, մյուսը՝ հոսպիտալացվել։

«Ցավոք, կինը (օդանավի ընկնելու հետևանքով տուժած. խմբ.) մահացել է», - ՌԻԱ Նովոստիին հայտնել են առողջապահության տարածաշրջանային նախարարությունից:

Գործակալությունը տեղեկացնում է, որ կինն օդաչու էր։

Լիբանանում վթարի ենթարկված ինքնաթիռի օդաչուն հայ էր. ԶԼՄ

Քրեական գործ է հարուցվել է ՌԴ ՔՕ 263–րդ հոդվածով՝ «երթևեկության անվտանգության եւ օդային տրանսպորտի շահագործման կանոնների խախտում», առավելագույն պատիժը՝ 15 տարվա ազատազրկում: Ինքնաթիռի կործանման երեք վարկած է դիտարկվում՝ օդաչուի սխալ, օդանավի տեխնիկական անսարքություններ, եղանակային անբարենպաստ պայմաններ։ Դեպքի վայր է մեկնել քննչական խումբը։

Շվեդիայում ինքնաթիռ է կործանվել, զոհեր կան. ԶԼՄ

75
թեգերը:
տեսանյութ, ինքնաթիռ, Խաբարովսկ, Ռուսաստան
(1:05 / 6.13Mb / просмотров видео: 1423)

Դրոնների խաղը` 32-րդ ամառային օլիմպիական խաղերում. շլացնող տեսանյութ

146
(Թարմացված է 00:20 24.07.2021)
Թիմերի շքերթի ժամանակ Հայաստանի դրոշակակիրներն են եղել հանրապետության բազմակի չեմպիոն և ռեկորդակիր, լողորդ Վարսենիկ Մանուչարյանը և անվանի բռնցքամարտիկ Հովհաննես Բաչկովը։

Տոկիոյի Ազգային մարզադաշտում հուլիսի 23–ին վառվեց 32-րդ ամառային օլիմպիական խաղերի կրակը։ Բացման հանդիսավոր արարողությանը մասնակցել է նաև Հայաստանի օլիմպիական հավաքականը։

Կրակը վառեց «Մեծ սաղավարտի» մրցաշարերի քառակի հաղթող, աշխարհի նախկին առաջին ռակետ, ճապոնացի Նաոմի Օսական։

Օլիմպիական խաղերի բացման արարողությանը մասնակցում էին 205 երկրների մարզիկներ, ինչպես նաև փախստականների օլիմպիական թիմը:

Թիմերի շքերթի ժամանակ Հայաստանի դրոշակակիրներն էին հանրապետության բազմակի չեմպիոն և ռեկորդակիր, լողորդ Վարսենիկ Մանուչարյանը և անվանի բռնցքամարտիկ Հովհաննես Բաչկովը։

Նշենք, որ օլիմպիական խաղերն անցկացվում են մեկ տարի ուշացումով կորոնավիրուսի համավարակի պատճառով:

Օլիմպիական հավաքական. ովքեր կներկայացնեն Հայաստանը Տոկիոյում

Հուլիսի 23-ից օգոստոսի 8-ն անցկացվող 2021 Օլիմպիական խաղերին մասնակցելու համար Ճապոնիայի մայրաքաղաք Տոկիո են ժամանել մոտ 200 երկրների 11 հազար մարզիկներ: Նրանք պայքարելու են մեդալների 339 հավաքածուների համար։

Սպորտային այս տոնին Հայաստանը ներկայացնում են 17 մարզիկներ 8 մարզաձևերում:

Sputnik Արմենիայի տեսանյութում կարող եք տեսնել 32-րդ ամառային օլիմպիական խաղերի կրակը վառելու ժամանակ դրոններով կազմած տեսարանը։ 

Ներքին խոհանոց. ինչո՞վ են սնվում օլիմպիական մարզիկներն ու լրագրողները Տոկիոյում

146
թեգերը:
Տոկիո, տեսանյութ, Օլիմպիական խաղեր
Ըստ թեմայի
Եռագույնն ու հայ մարզիկները օլիմպիական խաղերի բացմանը. օրվա կադր
Տոկիոյում վառվել է օլիմպիական կրակը. ամենավառ կադրերը՝ Sputnik-ի աչքերով
Առանց աղմուկի ու հանդիսատեսի. մեկնարկում են 32-րդ ամառային Օլիմպիական խաղերը
Արմեն Սարգսյանը Տոկիոյում

«Վաղը նավթ չենք վաճառելու, այլ...». ՀՀ նախագահը պատմել է` ում հետ ինչ է խոսել Տոկիոյում

0
(Թարմացված է 12:46 24.07.2021)
Տոկիոյում հայաստանյան լրատվամիջոցներին տված հարցազրույցում ՀՀ նախագահ Արմեն Սարգսյանը հետաքրքիր համեմատություն է արել` նշելով, որ քաղաքականությունն ու բիզնեսը ինչ–որ իմաստով նաև սպորտի էլեմենտներ ունեն։

ԵՐԵՎԱՆ, 24 հուլիսի – Sputnik.  ՀՀ նախագահ Արմեն Սարգսյանը, որը Ճապոնիա է մեկնել աշխատանքային այցով, հարցազրույց է տվել տեղում աշխատող հայաստանյան լրատվամիջոցներին, այդ թվում` Sputnik Արմենիային։

Արմեն Սարգսյանը շեշտել է, որ Տոկիո է մեկնել ոչ միայն հայ մարզիկների կողքին լինելու, այլև Ճապոնիայի ղեկավարների հետ հանդիպելու նպատակով։

«Երեկ հանդիպեցի Ճապոնիայի կայսեր հետ, և բավական հետաքրքիր զրույց ունեցանք, թե ինչպես կարող են երկու երկրներն իրար հետ ավելի սերտ համագործակցեն և՛ քաղաքականության, և՛ մշակույթի ու կրթության ոլորտում։ Այսօր շատ հաջող հանդիպում ունեցա Ճապոնիայի վարչապետի հետ, որի ընթացքում առնվազն 5 կոնկրետ ծրագրերի մասին խոսեցինք, որոնք կապված են ճապոնական Հայաստանում ճապոնական բիզնեսի կամ ներդրումների հետ»,– ասաց Սարգսյանը` հավելելով, որ Ճապոնիան աշխարհի տեխնոլոգիական ամենաառաջատար երկրներից մեկն է, որի հետ համագործակցությունը, նախագահի բնորոշմամբ, մեծ արժեք ունի։

Առաջիկա երկու օրերին Արմեն Սարգսյանը հանդիպումներ է ունենալու նաև Ճապոնիայի առաջատար տեխնոլոգիական ընկերությունների ղեկավարների հետ։

«Մեր երկրի ապագան մեր ամենամեծ ռեսուրսի` մարդկային ռեսուրսի ճիշտ օգտագործման մեջ է։ Մեր ապագան գիտությունն է, նոր տեխնոլոգիաները։ Մենք վաղը նավթ չենք վաճառելու, այլ գաղափարներ, մտքեր, տեխնոլոգիական հաջողություններ։ Իսկ դրա համար պետք է այսօր սովորեն աշխարհի լավագույններից, իրենց հետ աշխատենք, որպեսզի վաղը կարողանանք աշխարհում դեր ունենալ»,– ասաց ՀՀ նախագահը։

Սարգսյանը հետաքրքիր համեմատություն արեց` նշելով, որ քաղաքականությունը, բիզնեսը ինչ–որ իմաստով նաև սպորտի էլեմենտներ ունեն։

«Երբ ես թենիս էի խաղում, միշտ փորձում էի խաղալ ինձնից ավելի ուժեղի հետ, որովհետև այդկերպ ես անընդհատ աճում էի։ Երբ խաղում էի ավելի թույլի հետ, իմ որակն իջնում էր։ Սա կյանքի օրենքներից մեկն է։ Եթե ուզում եմ երկրում լավագույն տնտեսությունն ու տեխնոլոգիան ունենալ, պետք է աշխատեմ և մրցեմ աշխարհի լավագույնների հետ»,– ասաց նա։

Ինչ վերաբերում է սպորտին, Արմեն Սարգսյանը ցավով հայտնեց, որ այսօր այլևս ժամանակ չունի նախկինի պես մարզվելու ու թենիս խաղալու, բայց որոշել է անպայման վերադառնալ կորտ։ Նա բոլորին հորդորեց ժամանակ գտնել նաև սպորտի ու մարզվելու համար։ Ըստ ՀՀ նախագահի` դա նաև կորոնավիրուսի հետևանքների դեմ պայքարելու լավագույն միջոցն է։

Հիշեցնենք` Արմեն Սարգսյան երեկ ներկա է եղել ամառային օլիմպիական խաղերի բացման արարողությանը, իսկ այսօր հետևել է մարմնամարզիկ Արթուր Դավթյանի ելույթներին։

0
թեգերը:
սպորտ, Արմեն Սարգսյան, Հայաստան