Օլիմպիական պարգևավճարները կվերանայվեն․ Փաշինյանը հյուրընկալել է խաղերի մասնակիցներին

69
(Թարմացված է 21:36 15.07.2021)
Հանդիպմանը ներկա է եղել նաև Հայաստանի ազգային օլիմպիական կոմիտեի նախագահ Գագիկ Ծառուկյանը, որը գոհունակություն է հայտնել կառավարության հետ աշխատանքից։

 ՀՀ վարչապետի պաշտոնակատար Նիկոլ Փաշինյանը հյուրընկալել է ամառային օլիմպիական խաղերին մասնակցող Հայաստանի հավաքականի մարզիկներին և մարզիչներին: Հանդիպմանը ներկա են եղել նաև վարչապետի աշխատակազմի ղեկավար Արայիկ Հարությունյանը, Կրթության, գիտության, մշակույթի և սպորտի նախարարի պաշտոնակատար Վահրամ Դումանյանը, Հայաստանի ազգային օլիմպիական կոմիտեի նախագահ Գագիկ Ծառուկյանը, ԿԳՄՍ նախարարի տեղակալ Կարեն Գիլոյանը: Այս մասին տեղեկացնում է վարչապետի կայքը։

Նիկոլ Փաշինյանը ողջունել է մարզիկներին և հույս հայտնել, որ այս օլիմպիական խաղերում ՀՀ–ն ներկայացնող մարզիկները կունենան կոնկրետ արդյունքներ:

«Հաղթանակները մեզ շատ անհրաժեշտ են, սովորականից ավելի շատ, որպեսզի մեր երկիրն այս ծանր փորձությունների միջով անցնելուց հետո ինքնավստահությունը, ապագայի նկատմամբ հավատը, վստահությունը սեփական ուժերի նկատմամբ վերականգնի։ Կասկած չկա, որ յուրաքանչյուր մարզիկն առավելագույնը կանի՝ Հայաստանի Հանրապետության դրոշը, օրհներգը օլիմպիական հարթակից ներկայացնելու համար», - ասել է Փաշինյանը:

ԿԳՄՍ նախարարի պաշտոնակատար Վահրամ Դումանյանը տեղեկացրել է, որ նախարարությունն ամեն ինչ արել է և կշարունակի անել՝ մարզիկների պատրաստվածությունը լավագույնս ապահովելու համար:

Հայաստանի ազգային օլիմպիական կոմիտեի նախագահ Գագիկ Ծառուկյանն էլ նշել է, որ 3-5 մեդալ են ակնկալում։

«Բոլորն էլ չեմպիոներ են, պատրաստվել են, փորձառու են, մասնակցել են և՛ օլիմպիական, և՛ աշխարհի և՛ Եվրոպայի առաջնությունների: Իրենց կյանքի նպատակն է, որ կարողանան մասնակցել օլիմպիական խաղերին, ազգի պատիվը բարձր պահել, եռագույնը բարձրացնել, հիմնը հնչեցնել: Ոչ մի խնդիր չկա, բոլոր հարցերը կառավարության, նախարարության, ֆեդերացիայի և Օլիմպիական կոմիտեի հետ համատեղ կարգավորվել են»,- նշել է Ծառուկյանը:

Տոկիոյի օլիմպիական խաղերում Հայաստանից երկու լողորդ կմասնակցի

ԿԳՄՍ փոխնախարար Կարեն Գիլոյանն էլ նշել է, որ ամենօրյա կապի մեջ են եղել Օլիմպիական կոմիտեի հետ, որևէ չլուծված խնդիր չի մնացել, սակայն հավելել է, որ օլիմպիական պարգևավճարները վերջին տարիներին չեն վերանայվել:

Արձագանքելով՝ վարչապետի պաշտոնակատար Նիկոլ Փաշինյանը նշել է, որ հարցին կտրվի անհրաժեշտ լուծում:

Նշենք, որ օլիմպիական խաղերին Հայաստանից մասնակցում է 8 մրցաձևերից 17 մարզիկ։

Հիշեցնենք` Տոկիոյի օլիմպիական խաղերը կանցկացվեն հուլիսի 23–ից օգոստոսի 8–ը։

4 օր արձակուրդ, 5 օր վատ եղանակ. Փաշինյանին զայրացրեց օլիմպիականներին գույք չգնելու թեման

69
թեգերը:
Նիկոլ Փաշինյան, օլիմպիադա, Օլիմպիական խաղեր, պարգևավճար
Ըստ թեմայի
Արման Դարչինյանը Տոկիոյի օլիմպիական խաղերի ուղեգիր նվաճեց. տեսանյութ
Հետհաշվարկը տրված է. Երևանում վառեցին օլիմպիական ժամացույցի լույսերը. տեսանյութ
Արմեն Մելիքյանն ու Կարեն Ասլանյանը օլիմպիական ուղեգիր վաստակեցին
Բռնցքամարտիկ Հովհաննես Բաչկովն օլիմպիական ուղեգիր նվաճեց

Տպավորություն է, թե Փաշինյանը ՊՆ–ում չէր, այլ էկոնոմիկայի նախարարությունում. Մանգասարյան

41
(Թարմացված է 21:09 04.08.2021)
Վիտալի Մանգասարյանը Sputnik Արմենիայի եթերում անդրադարձել է ՊՆ–ում վարչապետ Նիկոլ Փաշինյանի ելույթի կարևոր դրույթներին, սահմանային լարվածության հանգուցալուծման տարբերակներին, ինչպես նաև սահմանազատման ու ապաշրջափակման խնդիրներին։

Թշնամին կրակում է մեր սահմաններին, իսկ մենք խոսում ենք ճանապարհների ապաշրջափակման մասին, մինչդեռ երկրի ղեկավարությունը պետք է հստակեցնի, թե որոնք ենք բանակի առջև դրված առաջնահերթ խնդիրները։ Sputnik Արմենիայի հետ զրույցում նման կարծիք հայտնեց «Հենակետ» վերլուծական կենտրոնի փորձագետ Վիտալի Մանգասարյանը։

Նրա խոսքով` Հայաստանը պետք ձգտի ադրբեջանական կողմին թելադրել իր օրակարգը և՛ ուժային, և՛ դիվանագիտական բաղադրիչներով, ու թեև առաջնահերթություն է տրվում խնդիրը դիվանագիտական ճանապարհով հանգուցալուծելուն, սակայն մինչ օրս հայկական դիվանագիտության քայլերը տեսանելի չեն, և որևէ արդյունք, ըստ էության, չկա։

«Այնպիսի տպավորություն է, որ վարչապետը երեկ գտնվում էր ոչ թե ՊՆ–ում, այլ էկոնոմիկայի նախարարությունում, որովհետև ճանապարհների ապաշրջափակման, դեմարկացիայի հետ կապված հարցերը գեներալիտետի իրավասության տիրույթում չեն։ Այնինչ ՊՆ–ում երկրի ղեկավարությունը պետք է հստակեցներ, թե որոնք են բանակի առջև դրված առաջնահերթ խնդիրները, անհրաժեշտ է այսօրվանից պարզել, թե ինչպիսի բանակ ենք ուզում ունենալ երկու–երեք տարի հետո»,– ասաց փորձագետը։

Մանգասարյանի կարծիքով` դեմարկացիայի և դելիմիտացիայի հարցում պետք չէ շտապել, որովհետև Ադրբեջանի այսպես կոչված տարածքային ամբողջականության ճանաչման պարագայում արցախյան խնդիրի էջը մեր ձեռքով իսկ կփակենք, մինչդեռ արցախյան հարցն ուղիղ համեմատական է մեր բանակի հզորացմանը։ Ըստ նրա`միայն դիվանագիտության և բանակի ներդաշնակ և զուգահեռ հզորացմամբ հնարավոր կլինի լուծել Հայաստանի համար օրակարգային ու կենսական նշանակություն ունեցող հարցերը։

Հիշեցնենք`ՀՀ վարչապետ Նիկոլ Փաշինյանը երեկ այցելել էր ՊՆ և աշխատակազմին ու ԶՈւ բարձրագույն սպայակազմին ներկայացրել պաշտպանության նորանշանակ նախարար Արշակ Կարապետյանին: 

Կոմունիկացիաների բացումն իրականում մեր օրակարգն է, ոչ թե Ադրբեջանի. Փաշինյան

41
թեգերը:
Հայաստան, Նիկոլ Փաշինյան
թեմա:
Sputnik զրույց
Ըստ թեմայի
Նիկոլ Փաշինյանը կմեկնի Իրան
Եղել են իրավիճակներ, երբ չենք կարողացել քաղաքական կամք դրսևորել. Փաշինյանը` ֆիննախում
Լուրջ մարտահրավերների ու անորոշությունների շրջան. Մերկելը շնորհավորել է Փաշինյանին

Չեխիայում գնացքներ են բախվել, զոհեր կան. համացանցում կադրեր են հայտնվել դեպքի վայրից

50
Ուղևորատար գնացքների բախման հետևանքով մարդիկ են մահացել։ Ըստ նախնական տվյալների` վթարը տեղի է ունեցել մեքենավարներից մեկի պատճառով։

Չեխիայի արեւմուտքում գտնվող Միլավիցե բնակավայրի մոտ երկու մարդատար գնացքներ են բախվել։ Մահացել են գնացքների մեքենավարներն ու ուղևորներից մեկը։ Տուժել է 52 մարդ, որոնցից 7-ը ծանր վնասվածքներ են ստացել։

Սատկած կենդանիներ, մոխրացած տներ ու անտառներ. հրդեհի ճիրաններում հայտնված Թուրքիան

Նախնական տվյալներով՝ վթարը տեղի է ունեցել մեքենավարներից մեկի պատճառով։

Խորտակված մեքենաներ, ջրասույզ եղած տներ և փողոցներ. Չինաստանի ջրհեղեղը` լուսանկարներով

Ըստ չեխական ԶԼՄ-ների՝ Դոմաժլիցեի հիվանդանոցը չեղյալ է հայտարարել բոլոր պլանային գործողությունները, որպեսզի տեղ ազատի տուժածների համար:

Ջրհեղեղներ Իրանում. զոհեր կան

50
Ընտրություններ

Շատ ձայն ստանալը դեռ ցուցիչ չէ. միլիոնավոր մարդիկ քվեարկել էին ԱՄՆ-ն քանդած նախագահի օգտին

0
(Թարմացված է 22:04 04.08.2021)
​Եկեք անկեղծ լինենք։ Բավական տարօրինակ է այն խոսքը, որն առանձին գործիչներ վերջին օրերին հնչեցնում էին մեր խորհրդարանում։
Այն, որ ընտրվել ես, կարևոր է, բայց շատ ավելի կարևոր է, թե ինչպիսին կմնաս սերունդների հիշողության մեջ

Նրանցից ոմանք շատ հստակ ակնարկում էին՝ իմ օգտին հունիսի 20-ին ձայն են տվել բազմահազար ընտրողներ, որոնք կողմ են արտահայտվել ինձ առաջադրած քաղաքական ուժին, ուրեմն ժողովուրդը բարձր է գնահատում նաև իմ արժանիքները, իսկ ձեր բացասական  գնահատականները խիստ սուբյեկտիվ են։ Մարդ ակամայից ուզում է տալ հանրահայտ հարցը. «Յա, իրո՞ք»։

Ախր հունիսին մենք մեր նորագույն պատմության ընթացքում առաջին անգամ ընդհանրապես չենք քվեարկել անձերի օգտին, իսկ եթե չկա այդ ռեյտինգային կոչված համակարգը, կներե՛ք, ինչի՞ վրա են հիմնվում ձեր բարձր անձնական ռեյտինգի մասին սեփական դատողությունները։

Բայց՝ դա էլ մի կողմ։ Ենթադրենք, թե ժողովուրդն անձամբ ձեզ իրոք անչափ սիրում է և քվեարկել է հենց ձեր օգտին։ Համաձայնե՛ք, Ամերիկայի բոլոր առաջնորդներին էլ իրենց ժողովուրդը ընտրել է, դա հո չի՞ նշանակում, որ 46-ն էլ լավն են։ Գիտե՞ք, թե ինչ են ասում, օրինակ, Ջեյմս Բյուքենենի մասին։ Մասնագետները համակարծիք են՝ եթե այդ մարդը ղեկավարեր Ամերիկան ևս 4 տարի, հիմա Միացյալ Նահանգները որպես պետություն ընդհանրապես գոյություն չէր ունենա։ Ամերիկացի պրոֆեսոր Կորենտին Սելլինը փաստում է. «Նրա նախագահությունն իսկական քաղաքական աղետ էր. այնպես պառակտեց հասարակությունը, որ նրա հեռանալուց ընդամենը չորս շաբաթ հետո կործանարար քաղաքացիական պատերազմ սկսվեց Հյուսիսի և Հարավի միջև,ու ԱՄՆ-ը արդեն բաժանվում էր երկու մասի։ Բարեբախտաբար, Բյուքենենին փոխարինեց Աբրահամ Լինքոլնը»։

Հիմա ասեք, խնդրեմ, երկուսն էլ անկասկած ընտրվել են, բայց արդյոք կարելի՞ է նույն գնահատականը տալ այն ղեկավարին, որն ամերիկացիներին բաժանեց «սևերի» ու «սպիտակների»,  քաղաքացիական պատերազմ հրահրեց, և այն առաջնորդին, որի հսկայական ջանքերի գնով հաջողվեց հաղթահարել իր նախորդի ապաշնորհ գործունեության աղետաբեր հետևանքները ու փրկել երկիրը։

Նոր կառավարությունը կազմավորելիս բրիտանացի Փարքինսոնին էլ լսեք

Սա ես չեմ ասում՝ մի քանի շաբաթ առաջ Սի-ՍՓԱՆ ամերիկյան հեռուստաալիքը հրապարակեց 140 փորձագետների գնահատականների հիման վրա արված եզրակացություններն ԱՄՆ-ի մոտ չորսուկես տասնյակ նախագահների վերաբերյալ։ Նրանց գործունեությունը դիտարկվել է տարբեր տեսանկյուններից՝ մարդկանց համոզելու ունակություն, ճգնաժամերի կարգավորում, տնտեսական կառավարում, բարոյական հեղինակություն, միջազգային հարաբերություններ, Կոնգրեսի հետ համագործակցություն, համընդհանուր իրավական արդարության ապահովում։ Եվ ի՞նչ՝ Աբրահամ Լինքոլնն առաջին տեղում է, Ջեյմս Բյուքենենը՝ ամենավերջին։

Բա ասում եք՝ ժողովուրդը ինձ ձայն է տվել, ուրեմն լավն եմ։ Ջեյմս Բյուքենենի հարյուր հազարավոր կողմնակիցներն էլ, իհարկե, հավատացել են, որ նա հենց այն մարդն է, որը Ամերիկան կտանի դեպի պայծառ ապագա, բայց սերունդները հո չեն մոռանա, որ այդ մարդը՝ փոխանակ միավորելու, ամեն ինչ արեց քաղաքացիներին միմյանց դեմ տրամադրելու համար, փոխանակ ամրապնդելու երկրի անվտանգությունը, քիչ էր մնում կործաներ պետությունն ընդհանրապես։

Եվ ինչո՞ւ հեռու գնանք։ Մեր օրերում էլ չափազանց ուսանելի օրինակներ կան, երբ ղեկավարի ինքնագնահատականը խիստ տարբերվում է մասնագետների կարծիքից։ Հիշեք, թե քանի անգամ է Դոնալդ Թրամփը կրկնել. «Ես Ամերիկայի պատմության մեջ ամենալավ նախագահն եմ»։ Իսկ գիտե՞ք, թե ամերիկացի նախագահների այդ ցուցակում որ տեղն են Թրամփին հատկացրել 140 փորձագետները՝ 41-րդ հորիզոնականը, ամենավատ նախագահ Ջեյմս Բյուքենենից ոչ շատ հեռու։ Այնինչ, Թրամփը շարունակում է պնդել՝ ոչ միայն Հիլարի Քլինթոնին, Ջո Բայդենին էլ եմ հաղթել։

Մենք հնդիկների ու գերմանացիների հետ գործ չունենք, մեր պատգամավորը պետք է լավ ապրի

Ճիշտ է, Թրամփի դեպքում պետք է մի կարևոր վերապահում անել՝ այդ մարդը նույնիսկ պարտությունից հետո հիմա էլ հանրապետականների ճամբարում ամենահայտնի գործիչն է, և ամենևին չի բացառվում, որ կրկին նախագահի թեկնածու կառաջադրվի 2024 թվականի նախագահական ընտրություններում։ Միգուցե նույնիսկ հաղթի և կարողանա կտրուկ շտկել իր դիրքն Ամերիկայի նախագահների ցուցակում։ Բայց դա, համաձայնեք, ընդամենը ենթադրությունների ոլորտից է։ Իսկ առայժմ ամերիկացի փորձագետները համոզված են՝ այն մարդը, որը փորձում էր բոլորին համոզել, թե իրենից ավելի լավ նախագահ չի եղել, իրականում ամենավատերից մեկն էր։ Թեև որեւէ մեկը չի կասկածում՝ այո՛, միլիոնավոր մարդիկ քվեարկել էին հենց նրա օգտին։

0
թեգերը:
ԱՄՆ, Նախագահ, Դոնալդ Թրամփ, Հայաստան, Ընտրություններ, քվեարկություն, Պատգամավոր, ԱԺ
թեմա:
5 րոպե Դուլյանի հետ
Ըստ թեմայի
Միշտ չէ, որ աշխատում է «Մեր դեմ խաղ չկա» հանրահայտ սկզբունքը
«Ի՞նչ եմ արել, որ տաք սուրճ էլ չեք տալիս. ընդամենը 77 մարդու եմ սպանել»
Նա խրտնեցրել է եվրոպացիներին ու 2 ոտքը դրել մի կոշիկի մեջ. ինչպես Յանշան շշպռեց Սորոսին