(3:28 / 21.30Mb / просмотров видео: 1863)

Գերմանիայում հեղեղումների զոհերի թիվը հասել է 42-ի

103
(Թարմացված է 18:07 15.07.2021)
Ռայնլանդ Պֆալց դաշնային երկրամասի ներքին գործերի նախարարը հայտարարել է, որ անհետ կորած է համարվում մոտ 70 մարդ:

Գերմանիայի Ռայնլանդ Պֆալց և Հյուսիսային Ռեյն Վեստֆալիա դաշնային երկրամասերում անձրևների հետևանքով առաջացած հեղեղումների պատճառով զոհերի թիվը հասել է 42-ի։ Տեղեկությունը հայտնում է ՌԻԱ Նովոստին:

Հաղորդվում է, որ Ռայնլանդ Պֆալցում 18 մարդ է զոհվել։ Հեղեղների պատճառով 6 տուն է փլուզվել։

Տեղատարափ անձրևները և հեղեղումները խախտել են երկաթուղային, ավտոմոբիլային և գետային տրանսպորտի աշխատանքը, Ռեյն գետի վրա նավարկությունը դադարեցվել է:

Գերմանիայի կանցլեր Անգելա Մերկելը հայտարարել է, որ ցնցված է Գերմանիայում ջրհեղեղների հետևանքներից։

«Ես ցնցված եմ այս աղետից, շատ մարդիկ են տուժել ջրհեղեղի գոտիներում։ Ես ցավակցում եմ զոհվածների և անհայտ կորածների հարազատներին», - Մերկելի հայտարարությունը մեջբերում է Գերմանիայի կառավարության պաշտոնական ներկայացուցիչ Շտեֆեն Զայբերտը։

Մերկելը նաև շնորհակալություն է հայտնել փրկարարներին իրենց աշխատանքը արտակարգ կատարեօու համար:

Ռայնլանդ Պֆալց դաշնային երկրամասի ներքին գործերի նախարարը հայտարարել է, որ անհետ կորած է համարվում մոտ 70 մարդ:

Ջրհեղեղի պատճառով Յալթայի բնակիչներին տարհանում են

103
թեգերը:
Մահ, տեսանյութ, Զոհ, ջրհեղեղ, Գերմանիա
Ըստ թեմայի
Հնդկաստանում ջրհեղեղ է. 17 մարդ է մահացել
Իրանում 7 մարդ է զոհվել ջրհեղեղի հետևանքով
Ճապոնիայում ջրհեղեղների և սողանքների հետևանքով ավելի քան 60 մարդ Է մահացել

Հնից եկած ընդդիմությունը չի կարող նորը դառնալ. Սուրենյանցը մեծ ցնցումներ է կանխատեսում

75
(Թարմացված է 21:29 27.07.2021)
Քաղաքագետ Սուրեն Սուրենյանցը Sputnik Արմենիայի եթերում անդրադարձել է հետընտրական իրողություններին, ԱԺ–ում նախատեսվող քննարկումներին, իշխանության և ընդդիմության վարքագծի, մարտավարության հետ կապված հարցերին։

Հայաստանում գործ ունենք հիբրիդային ռեժիմի հետ, քանի որ քաղաքական համակարգն ինքնաբավ չէ, և ընտրություններում ռեսուրսների անհավասարության պատճառով բացակայում է մրցակցային բաղադրիչը։ Այսպիսի կարծիք ունի քաղաքագետ Սուրեն Սուրենյանցը։

«Հայաստանում դեմոկրատիան անշրջելի չէ, դա հնարավոր է այն երկրներում, որտեղ ընտրությունների միջոցով իշխանություն է փոխվել, մինչդեռ մեր երկրում անցած երեսուն տարիների ընթացքում չի հիշվի գեթ մեկ դեպք, երբ ընտրությունների ճանապարհով տեղի է ունեցել իշխանափոխություն։ Հայաստանում գործ ունենք հիբրիդային ռեժիմի հետ, որը ֆորմալ առումով պահպանում է դեմոկրատիայի կանոնները, բայց իրականության մեջ իշխանությունը պաշտոնավարում է ավտորիտար մեթոդներով»,– Sputnik Արմենիային ասաց քաղաքագետը։

Սուրենյանցի պնդմամբ` թեև Փաշինյանի վերընտրության շուրջ կար արտաքին քաղաքական կենտրոնների կոնսենսուս, սակայն ընդդիմությունը պետք է ունենար դրան հակադրվելու օրակարգ, որի պայմաններում կտեսնեինք հետընտրական ակտիվություն, փողոցային պայքար, մինչդեռ հիմա ԱԺ–ում ունենք երկու ընդդիմադիր ֆրակցիա, որոնք վստահ են, որ Նիկոլ Փաշինյանը մեկ կամ երկու տարվա ընթացքում սայթաքելու է, հետևաբար հույս ունեն դիվիդենտներ շահել գործող իշխանության ֆիասկոյից։ Ընդ որում` ընդդիմադիրներն, ըստ քաղաքագետի, սպասելու են առանց ֆիասկոյին նպաստելու, առանց նախաձեռնողականության, ինչի մասին ակնառու կերպով բարձրաձայնում են։

«Բայց եթե նույնիսկ խորհրդարանի ներսում հանգիստ լինի, արտաքին մարտահրավերները գնալով ահագնանում են, և Հայաստանի շուրջ օղակն ավելի է սեղմվում։ Բոլորը սպասելու են նոր քաղաքական ճգնաժամին, որի հանգուցալուծումը լինելու են նոր արտահերթ ընտրությունները։ Գալիք երկու տարվա ընթացքում գործող քաղաքական համակարգն իր իշխանական և ընդդիմադիր թևերով կփլուզվի, մեզ սպասում է քաղաքական շատ մեծ վակուում, որը լցնելու համար պետք է այսօրվանից սկսած փնտրենք ու պատրաստենք այդ վակուումը լցնելու քաղաքական այլընտրանքներ»,–ասաց քաղաքագետը։

Սուրենյանցի գնահատմամբ` եթե ֆորսմաժորային իրավիճակը չհաղթահարվի, ապա կլինեն ավելի մեծ ցնցումներ, որովհետև ունենք իշխանություն, որը շատ ակտիվ վազում է դեպի հին բարքերը, և ունենք հնից եկած ընդդիմություն, որը նոր դառնալ չի կարող։

75
թեգերը:
ԱԺ, Սուրեն Սուրենյանց, Հայաստան
թեմա:
Sputnik զրույց
Ըստ թեմայի
Եթե Փաշինյանը նախապես ասեր, թե ինչ է անելու` հաստատ այդքան ձայն չէր հավաքի. քաղաքագետ
Փաշինյանի կադրային ռեզերվը բավական սահմանափակ է. Հրանտ Միքայելյան
Սուր ելույթներ, շոուներ, թատրոն. ինչպիսի՞ն կլինի 8-րդ գումարման խորհրդարանը

Բաթումի փողոցները հեղեղված են անձրևաջրերով. տեսանյութ

248
(Թարմացված է 16:19 27.07.2021)
Տարերքի դեմ պայքարում են Աջարիայում, Սվանեթիայում և Սամեգրելոյում: Արևմտյան Վրաստանի մի քանի գյուղեր արտաքին աշխարհի հետ կապ չունեն։

Հորդառատ անձրևը հեղեղել է մի շարք փողոցներ վրացական Բաթում կուրորտային քաղաքում։ Որոշ փողոցներում դժվարությամբ են տեղաշարժվում նույնիսկ տրանսպորտային միջոցները։

Վրացական «Իմեդի» հեռուստաալիքը տեսանյութ է հրապարակել, որտեղ երևում են ջրհեղեղի հետևանքները։

Փրկարարներն աշխատում են արտակարգ ռեժիմով: Բաթումում հեղեղվել են շենքերի առաջին հարկերը, քաղաքի բնակիչները չեն կարողանում դուրս գալ տներից: «Բաթումի Ցկալի» («Բաթումի Ջուր») ՍՊԸ-ում հայտարարում են, որ հատուկ խմբեր են ուղարկվել այն փողոցներ,  որոնք հորդառատ անձրևների ժամանակ հաճախ են ջրածածկ լինում։

Բնակիչները մեղադրում են քաղաքի իշխանություններին ոչ որակյալ ենթակառուցվածքների համար։ Նրանք նշում են, որ նման իրավիճակ է ստեղծվում յուրաքանչյուր հորդառատ անձրևից հետո։ Ներկայումս աշխատանքներ են տարվում խողովակների մաքրման ուղղությամբ։

248
թեգերը:
ջրհեղեղ, Բաթում, Վրաստանի Հանրապետություն
Ըստ թեմայի
Ի՞նչ է կատարվում Չինաստանի Հենան նահանգում ջրհեղեղից հետո. լուսանկարներ
Թուրքիայում հորդառատ անձրևները վերածվել են ջրհեղեղի. տեսանյութ
Թուրքիայում ջրհեղեղի հետևանքով մարդիկ են մահացել. տարերքը տներ է քանդել
Կովն ու հովիվը

Հայաստանում քանի՞ մարդ է սիբիրյան խոցով վարակվել. նախարարության պատասխանը

0
Վարակման դեպքեր հայտնաբերվել են Շիրակի ու Գեղարքունիքի մարզերում։ Մահվան դեպքեր չեն գրանցվել։

ԵՐԵՎԱՆ, 28 հուլիսի - Sputnik. Հայաստանում այս տարվա հունիս-հուլիս ամիսներին արձանագրվել է սիբիրյան խոցով վարակվելու 15 դեպք։ Տեղեկությունը Sputnik Արմենիայի գրավոր հարցմանն ի պատասխան հայտնեցին առողջապահության նախարարությունից։

«Վարակվելու 8 դեպք գրանցվել է Գեղարքունիքի մարզում՝ 3-ը` հունիսին ու 5-ը` հուլիսին։ Եվս 7 դեպք՝ Շիրակում հուլիսին։ 2020 թվականի ընթացքում վարակման դեպքեր չեն եղել», - նշեցին գերատեսչությունում՝ ընդգծելով, որ դեպքերից ոչ մեկը մահվան ելքով չի եղել։

Հիշեցնենք՝ Իսահակյան գյուղում սիբիրախտ հիվանդության պատճառով խոշոր և մանր եղջերավոր կենդանիների անկումներ էին արձանագրվել: Հունիսի 30-ին և հուլիսի 1-ին սիբիրյան խոց նախնական ախտորոշմամբ Գյումրու ինֆեկցիոն հիվանդանոց էին տեղափոխվել Իսահակյան գյուղի 7 բնակիչ: Նույն ախտորոշմամբ հուլիսի 4-ին ևս  մեկ հիվանդ էր տեղափոխվել հիվանդանոց:

Կենդանիների մոտ սիբիրյան խոցի նոր դեպքեր չկան. ՀՀ ամենամեծ անասնաշուկան վերահսկվում է

Սիբիրյան խոցը վարակիչ հիվանդություն է, որը, որպես կանոն, լինում է խոտակեր կենդանիների (կովեր, ոչխարներ, այծեր) մոտ: Մարդիկ կարող են վարակվել վարակված կենդանիներից կամ վարակված կենդանական ծագում ունեցող մթերքներից։ Սիբիրյան խոցի հիմնական կլինիկական արտահայտումները մաշկային են, քիթ-կոկորդի, աղիքային, թոքային։

0
թեգերը:
ՀՀ Առողջապահության նախարարություն, կով, Հայաստան, սիբիրյան խոց
Ըստ թեմայի
Իսահակյան գյուղում արձանագրվել են սիբիրյան խոցի դեպքեր. կան հոսպիտալացվածներ
Իսահակյան գյուղի անասնաբույժն ինքնասպան է եղել. այդտեղ սիբիրյան խոց էր հայտնաբերվել
Անասունին մորթել և վաճառել են գյուղում` չկասկածելով, որ սիբիրյան խոց է. մանրամասներ