(2:16 / 17.21Mb / просмотров видео: 45)

Պատրաստ ենք օրերով սպասել․ իրանցիները Երևանում հերթ են կանգնել պատվաստման կետերի մոտ

156
(Թարմացված է 20:00 12.07.2021)
Իրանի քաղաքացիները պատվաստումների շարժական կետերի մոտ հերթի կանգնելու պատճառով չեն հասցնում վայելել Հայաստանի գեղեցկությունը։ Նրանք համարում են, որ իրավիճակի միակ բացասական կողմը դա է։

Իրանցիները Երևանում ստիպված են օրերով հերթ կանգնել պատվաստման շարժական կետերի մոտ կորոնավիրուսային վարակի դեմ պատվաստանյութը ստանալու համար։ Սակայն նրանց համար դա խոչընդոտ չէ, քանի որ մեր երկրում նրանք կարող են ավելի արագ պատվաստվել, քան Իրանում։ Sputnik Արմենիայի թղթակիցը զրուցել է նրանց հետ։

Վերջին օրերին համացանցում լուսանկարներ ու տեսանյութեր են տարածվում, որոնցում իրանցիների հերթեր են սահմանային անցակետերում և պատվաստման շարժական կայանների մոտ․ նրանք Հայաստան են գալիս COVID-19-ի դեմ պատվաստվելու։

Ավելի վաղ Հայաստանի էկոնոմիկայի նախարար Վահան Քերոբյանը սքրինշոթ էր հրապարակել իրանցի լրագրող Ֆարնազ Ֆասիհիի էջից, որտեղ մեծ խմբերով Հայաստան մտնող իրանցիներն էին, և նշել էր, որ ժամանակն է լրջորեն մտածել բժշկական զբոսաշրջության զարգացման մասին:

Պատվաստանյութի հետևից Հայաստան եկած իրանցիները բողոքում են հերթերից։ Նրանցից մեկն արդեն երեք օր է, ինչ այստեղ է, պատրաստվում էր այսօր հայրենիք վերադառնալ, բայց ստիպված է եղել հետաձգել մեկնումը։

Կինը կարծում է, որ շատ ավելի հաճելի է մեր երկրում գտնվել զբոսաշրջիկի կարգավիճակում․ պատվաստանյութի հերթերի պատճառով նա չի հասցնում ոչինչ տեսնել Հայաստանում։

Ընդ որում` միայն Հյուսիսային պողոտայի շարժական կետը օրական մինչև 100 քաղաքացու է սպասարկում։ Առաջնահերթությունը տրվում է ՀՀ քաղաքացիներին, նրանք պատվաստումը ստանում են անկախ օտարերկրացիներին հերթից։ Ինչպես Sputnik Արմենիային հայտնեց պատվաստման կետի բժիշկը, իրենք աշխատում են հերթափոխով, ժամը 12։00-ից մինչև 20։00։

«Ամեն ինչ անում ենք, որ հասցնենք բոլորին սպասարկել»,- Sputnik Արմենիային ասաց կինը։

Ավելի վաղ ՀՀ առողջապահության նախարար Անահիտ Ավանեսյանը լրագրողներին հայտնել էր, որ օտարերկրացիների պատվաստման տոկոսն աննշան է: Սակայն պարբերաբար սոցիալական ցանցերում հայտնվում են շարժական կետերի մոտ պատվաստման իրենց հերթին սպասող իրանցիների հերթերը։ Բացի այդ, Ավանեսյանն ասել էր, որ հուլիսի 15-ից օտարերկրացիները կկարողանան պատվաստվել Հայաստանում, եթե առնվազն 10 օր գտնվեն երկրում: Նա ընդգծել էր, որ այսուհետ օտարերկրացիները չեն կարողանա պատվաստանյութ ստանալ պոլիկլինիկաներում։ Նրանց պատվաստելու են բացառապես շարժական կետերում։

Փետրվարի 9-ին Իրանում սկսվել է կորոնավիրուսի դեմ բնակչության անվճար կամավոր պատվաստումը ռուսական «Սպուտնիկ V» դեղամիջոցով: Բացի այդ, օգտագործվում են չինական «Sinopharm» ընկերության, հնդկական «Bharat Biotech» ընկերության և բրիտանա-շվեդական «AstraZeneca» ընկերության դեղամիջոցները։

Հայաստանում պատվաստումն իրականացվում է «Սպուտնիկ V», «AstraZeneca» և «ԿորոնաՎակ» դեղամիջոցներով։ Անվճար և կամավոր հիմունքներով պատվաստվում են 18 տարեկանից բարձր անձինք։

156
թեգերը:
կորոնավիրուս, պատվաստումներ, տեսանյութ, Իրանի Իսլամական Հանրապետություն, Հայաստան
Ըստ թեմայի
71 նոր դեպք, 3 մահ` մեկ օրում. կորոնավիրուսային հիվանդության ընթացքը Հայաստանում
«Հաշվապահի քույրը հո չի՞ խաբում…». ահա թե ինչու են մարդիկ խուսափում պատվաստվելուց
Ավանեսյանը չի բացառում, որ որոշ խմբերի համար պատվաստումը պարտադիր դառնա
(0:48 / 6.54Mb / просмотров видео: 1558)

Ստավրոպոլում սպանվել է քրեական հետախուզության պետի հայազգի տեղակալը. տեսանյութ

327
(Թարմացված է 16:40 24.07.2021)
Տեսանյութում երևում է, որ տղամարդը մոտեցել է ոստիկանական ավտոմեքենային ու դիմահար կրակ բացել ոստիկանության պաշտոնյայի վրա։

ՌԴ Ստավրոպոլ քաղաքում անհայտ անձը գնդակահարել է ոստիկանության բաժանմունքի քրեական հետախուզության պետի տեղակալ Ռուսլան Աբովյանին: Տեղեկությունը հայտնում են ռուսաստանյան լրատվամիջոցները։

ՌԻԱ Նովոստին նաև տեսանյութ է հրապարակել, որում երևում է, որ տղամարդը մոտեցել է ոստիկանական ավտոմեքենային ու դիմահար կրակ բացել ոստիկանության պաշտոնյայի վրա։ Նախնական տեղեկություններով` Աբովյանն առնվազն 9 վնասվածք է ստացել և մահացել հիվանդանոցում։

Սպանության կասկածանքով հետախուզում է հայտարարվել 1977 թ. ծնված Զաուրբեկ Կ.-ի նկատմամբ: Ենթադրվում է, որ նա հանցագործության վայրից փախել է «ՎԱԶ 2109» ավտոմեքենայով։

Լքված ավտոմեքենան ավելի ուշ հայտնաբերվել է Անդրոպովի շրջանի «Կովկաս» ավտոճանապարհին։

Բացահայտվել է անցած տարի կատարված ահասարսուռ սպանությունը. մանրամասներ

Իրավապահների կարծիքով՝ տղամարդը կարող է զինված լինել։ Նրան հայտնաբերելու համար ոտքի են հանվել բոլոր ստորաբաժանումները, այդ թվում՝ հատուկ ջոկատը (ОМОН)։

Մոսկվայում թայբոքսինգի չեմպիոն Աշոտ Բոլյանի սպանության գործով վճիռ է կայացվել

327
(2:36 / 20.66Mb / просмотров видео: 92)

«Երկրորդ ցատկով բերեցի, սաղ դզեցի». Արթուր Դավթյանը` իր օլիմպիական ելույթի մասին

271
(Թարմացված է 14:55 24.07.2021)
Մարզիկն ափսոսանք հայտնեց, որ նժույգթափեր վարժությունում անհաջող է հանդես եկել, բայց նաև նշեց`եթե լավ ելույթ ունենա, կարող է առաջին տեղը գրավել։

Ճապոնիայի մայրաքաղաք Տոկիոյում ընթացող 32-րդ ամառային օլիմպիական խաղերի մասնակից, մարմնամարզիկ Արթուր Դավթյանն այսօր Տոկիոյում հայաստանյան լրատվամիջոցների հետ զրույցում մեկնաբանել է իր ելույթը` սպորտային մարմնամարզության մրցաշարի նժույգթափեր վարժության որակավորման փուլում։

«Առաջին ցատկը մի փոքր մեծ քայլ արեցի, բայց երկրորդ ցատկով շատ լավ ելույթ ունեցա, բերեցի, սաղ դզեցի»,– ասաց նա։

Մարզիկն ափսոսանք հայտնեց, որ նժույգթափեր վարժությունում անհաջող է հանդես եկել, բայց խոստովանեց, որ ինքն անձամբ ավելի շատ հենացատկի վրա է կենտրոնացած եղել, քանի որ հենց այդ մարզաձևում հույս ունի եզրափակիչ դուրս գալ։

«Մրցումները դեռ շարունակվում են, որքան ես գիտեմ` եզրափակիչն օգոստոսի 3-ին է լինելու։ Տա Աստված` նույն ձևով կարողանամ կատարել, շատ լավ կլինի»,– ասաց նա։

Հարցին, թե հատկապես ինչը պիտի շտկի իր ելույթում ավելի լավ արդյունքի հասնելու համար, Դավթյանը պատասխանեց. «Հատկապես առաջին ցատկը պիտի կարողանամ ավելի լավ կատարել։ Առաջին քայլը ինչքան փոքր կարողանամ անել, այնքան բարձր գնահատական կստանամ։ Այնպես, ինչպես այս անգամ երկրորդ ցատկն արեցի ու լավագույն արդյունք գրանցեցի, եթե կարողանամ առաջինն էլ այդպես կատարել, երկրորդն էլ, շատ բարձր գնահատական ստանամ, միգուցե առաջին տեղ էլ կարողանամ գրավել»,– ասաց նա։

Խոսելով օլիմպիական խաղերի կազմակերպման մակարդակից` հայ մարզիկը դժգոհություն հայտնեց միայն ավտոբուսների ժամային «անհասկանալի» գրաֆիկից, որի պատճառով իրենք այսօր չեն կարողացել իրենց հարմար ժամին մեկնող ու ժամանող ավտոբուս գտնել ու ստիպված են եղել մարզասրահ հասնել այլ ավտոմեքենայով։

Արթուր Դավթյանը նշեց, որ ավտոբուսներից դժգոհ է ոչ միայն Հայաստանի թիմը, այլև բոլորը։

Հիշեցնենք` հայ մարմնամարզիկն այսօր փայլուն հանդես եկավ հենացատկի որակավորման փուլում՝ երկու ցատկի հանրագումարով արժանանալով 14,866 գնահատականի: Իսկ նժույգթափեր վարժության որակավորման փուլում նա 14.566 գնահատական ստացավ։ Այս արդյունքն ամենայն հավանականությամբ բավարար չի լինի եզրափակիչ դուրս գալու համար: Նա 9-րդ տեղում է, իսկ եզրափակիչի ուղեգիր են նվաճում 1-8-րդ տեղ գրաված մարմնամարզիկները:

Հայաստանն օլիմպիական խաղերում ներկայացնում են 17 մարզիկ` հունահռոմեական ոճի ըմբիշներ Արմեն Մելիքյանը (60 կգ), Կարեն Ասլանյանը (67 կգ), Կարապետ Չալյանը (77 կգ), Արթուր Ալեքսանյանը (97 կգ), ազատ ոճայիններ Արսեն Հարությունյանը (57 կգ) Վազգեն Թևանյանը (65 կգ), բռնցքամարտիկներ Կորյուն Սողոմոնյանը (52 կգ), Հովհաննես Բաչկովը (63 կգ), Արման  Դարչինյանը (75 կգ), սպորտային մարմնամարզիկ Արթուր Դավթյանը, հրաձգուհի Էլմիրա Կարապետյանը, ծանրորդներ Իզաբելա Յայլյանը  (59 կգ), Սիմոն Մարտիրոսյանը (109 կգ), ձյուդոիստ Ֆերդինանդ Կարապետյանը (73 կգ), եռացատկորդ Լևոն Աղասյանը, լողորդներ Արթուր Բարսեղյանը և Վարսենիկ Մանուչարյանը:

Օլիմպիական խաղերը կավարտվեն օգոստոսի 8-ին: 

Դրոնների խաղը` 32-րդ ամառային օլիմպիական խաղերում. շլացնող տեսանյութ

271
թեգերը:
Օլիմպիական խաղեր, Արթուր Դավթյան, Հայաստան
Ոստիկանության մեքենա

Երևանում փողոցն անցնելիս մոտ 30 տարեկան տղամարդ է հոսանքահարվել ու մահացել

15
(Թարմացված է 10:30 25.07.2021)
Քաղաքացին հոսանքահարվել է ճանապարհի բաժանարար բետոնե արգելապատնեշներին կից գտնվող էլեկտրական բաց հոսանքալարից։

ԵՐԵՎԱՆ, 25 հուլիսի - Sputnik. Այսօր՝ հուլիսի 25-ին, ողբերգական դեպք է տեղի ունեցել Երևանում: Ժամը 02:15-ի սահմաններում Վաղարշապատի բժշկական կենտրոնի շտապօգնության կայանից ոստիկանության Մալաթիայի բաժին ահազանգ է ստացվել, որ բժիշկների հեթապահ խումբը կանչով մեկնել է Մայրաքաղաքային 19 հասցեի մոտ, որտեղ հայտնաբերել են տղամարդու դի: Տեղեկությունը հայտնում է shamsyan.com-ը։

Պարզվել է, որ նշված հասցեի մոտ, ճանապարհի չթույլատրվող հատվածով անցնելիս, ճանապարհի բաժանարար բետոնե արգելապատնեշներին կից գտնվող էլեկտրական բաց հոսանքալարից քաղաքացին հոսնաքահարվել և տեղում մահացել է:

Ժամանած դատաբժշկի նախնական եզրակացության համաձայն՝ դիակի վրա բռնության հետքեր չեն հայտնաբերվել, իսկ մահացածը կլինի մոտ 30 տարեկան:

Փաստի առթիվ ոստիկանության Մալաթիայի բաժնի հետաքննական բաժանմունքի հետաքննիչի կողմից նյութեր են նախապատրաստվում:

Դժբախտ պատահար Երևանում. մեքենան վթարի է ենթարկվել, երբ վարորդը փորձել է օգնել ուղևորին

Նշանակվել են մի շարք փորձաքննություններ, այդ թվում՝ դիակի դատաբժշկական:

Ոստիկանությունը պարզում է մահացածի ինքնությունը:

Դժբախտ պատահար երկաթուղում. 33-ամյա էլեկտրամեխանիկը մահացել է աշխատանքի ժամանակ

15
թեգերը:
տղամարդ, Մահ, հոսանքահարվել, Երևան
Ըստ թեմայի
Ողբերգական դեպք Արարատի մարզում. 23-ամյա երիտասարդը հոսանքահարվել է ու մահացել
Այնթապ գյուղում տղամարդը հոսանքահարվել ու մահացել է
Արմավիրում 35–ամյա տղամարդը գողության պահին հոսանքահարվել է ու մահացել. տեսանյութ