Ընդդիմությունը պետք է վերցնի մանդատները. Պողոսյանը` քաղաքական անոմալիայի մասին

109
(Թարմացված է 17:30 09.07.2021)
Սահմանադրագետ Վարդան Պողոսյանը Sputnik Արմենիայի հետ զրույցում անդրադարձել է հետընտրական գործընթացների իրավաքաղաքական ու սահմանադրական գործոններին` նշելով դրանց դրսևորման առանձնահատկությունները։

Վարդան Պողոսյանի դիտարկմամբ` եթե ընդդիմությունը բոյկոտի խորհրդարանի աշխատանքն ու հրաժարվի մանդատներից, դա որևէ իրավական հետևանք չի առաջացնի, ու թեև քաղաքական անոմալիա է, երբ երկիրը կատաստրոֆայի հասցրած ուժը հաղթում է ընտրություններում, այնուամենայնիվ խորհրդարանում իրավասահմանադրական ուժեղ լծակներ ստացած արմատական ընդդիմությունը պետք է վերցնի մանդատները և համադրի խորհրդարանական ամբիոնն ու արտախորհրդարանական հարթակները, որպեսզի պայքարը դարձնի ավելի արդյունավետ ու նպատակասլաց, առավել ևս, որ ձգտում է ցույց տալ, թե այս իշխանությունն ունի լեգիտիմության մեծ դեֆիցիտ։

«Ընդդիմության պարագայում ցանկալի է համադրել պայքարի մեթոդները, առաջնայինը պետք է լինի խորհրդարանական ամբիոնի օգտագործումը։ Ընդդիմությունն այս պատերազմի կործանարար արդյունքներից հետո պետք է մի քանի հարցադրումներ կատարի ու պատասխաններ ստանա առ այն, թե ինչու հայտնվեցինք նման իրավիճակում։ Ընդդիմությունն իրավունք ունի բոլորին հուզող հարցերը բարձրացնել ինստիտուցիոնալ մակարդակով` քանզի ունենալով մեկ երրորդ մեծամասնություն` կարելի է ստեղծել քննիչ հանձնաժողով, ինչն, ըստ Սահմանադրության, արվում է պաշտպանության իրավասու հանձնաժողովի միջոցով, որը կքննի բոլոր հարցերի կոմպլեքսը»,– Sputnik Արմենիային ասաց սահմանադրագետը։

Պողոսյանի համոզմամբ` ընտրությունների արդյունքները վիճարկելու նպատակով ՍԴ դիմելու ընդդիմության քայլը ճիշտ է բոլոր առումներով, թեև ինքն ակնկալիք չունի, որ ՍԴ–ն կարող է արդյունքները չեղարկող կամ բեկանող որոշում ընդունել, որովհետև մենք հիմա գործ ունենք ոչ սահմանադրական կազմ ունեցող Սահմանադրական դատարանի հետ և այլ հարց է` դատարանի որոշումն ընտրությունների վերաբերյալ կլինի սահմանադրական, թե ոչ։

Այդուհանդերձ ՍԴ–ն իր որոշման մեջ, ըստ նրա, պետք է առնվազն որոշակի ուղենիշներ դնի ապագայի համար և գնահատականներ տա որոշ երևույթներին, օրինակ` վարչական ռեսուրսի տոտալ օգտագործման խնդրին։ ՍԴ–ն, տեսնելով այն պատկերը, որ ներկայացնում են ընդդիմադիրները, պետք է անի հստակ հետևություններ, հասկանա, թե ինչ բացթողումներ են եղել ընտրությունների ժամանակ, դրանց տա իրավական գնահատական, ինչը նաև ապագայում արգելապատնեշ կհանդիսանա նման խախտումներ իրականացնելու ճանապարհին։

Հիշեցնենք, որ հունիսի 20-ին կայացած խորհրդարանական արտահերթ ընտրություններում անցողիկ շեմը հաղթահարել են ՔՊ-ն (53.92%) ու «Հայաստան» դաշինքը (21.04%)։ «Պատիվ ունեմ» դաշինքն էլ (5.23%) խորհրդարան կանցնի իրավունքի ուժով՝ որպես երրորդ ամենաշատ ձայներ ստացած քաղաքական ուժ։

«Հայաստան» դաշինքը, «Զարթոնք» ազգային քրիստոնեական կուսակցությունը, «Հայոց հայրենիք» կուսակցությունը և «Պատիվ ունեմ» կուսակցությունների դաշինքն ԱԺ արտահերթ ընտրությունների արդյունքները վիճարկել են հուլիսի 2-ին ՍԴ ներկայացված դիմումներով։

Նրանք պահանջում են կա՛մ ընտրությունների արդյունքներն անվավեր ճանաչել, կա՛մ անվավեր ճանաչել և սահմանել մանդատների ճանաչման նոր կարգ, կա՛մ անվավեր ճանաչել և նշանակել ընտրությունների երկրորդ փուլ։

Սահմանադրական դատարանն այսօր` հուլիսի 9–ին, քննում է ԱԺ արտահերթ ընտրությունների արդյունքները վիճարկող քաղաքական ուժերի դիմումը։

109
թեգերը:
Հայաստան, Սահմանադրական դատարան, Ընտրություններ, ընդդիմություն, մանդատ
թեմա:
Sputnik զրույց (296)
Ըստ թեմայի
«Խորհրդարանում օր ու արև չենք տալու այս իշխանություններին». Իշխան Սաղաթելյան
ՀՀ–ում ԱՄՆ դեսպանը հանդիպել է «Հայաստան» դաշինքի կուսակցությունների ղեկավարների հետ
Իշխանությունը քաղաքական հետապնդումներ է իրականացնում. «Հայաստան» դաշինք

Ծեծկռտուք և կրակոցներ Նանսենի փողոցում. ոստիկանները հայտնաբերել են միջադեպի մասնակիցներին

53
(Թարմացված է 18:41 03.08.2021)
Միջադեպի մասնակիցներից մեկը, որը մարմնական վնասվածքներ էր ստացել, տեղափոխվել է հիվանդանոց։

ՀՀ ոստիկանությունը հայտնաբերել է Նոր Նորք վարչական շրջանի Նանսենի փողոցում տեղի ունեցած ծեծկռտուքի մասնակիցներին ու կրակոցներ արձակած անձանց։

Նշվում է, որ հուլիսի 31-ի առավոտյան Նոր Նորքի համայնքային ոստիկանները տեղեկություն են ստացան, որ Նանսենի փողոցում կրակոցներ են հնչել։ Այդ ընթացքում բաժնում ահազանգ է հնչել, որ Նանսենի փողոցում ծեծկռտուք է, կրակոցներ են լսվում։ Ոստիկանները տեղում հայտնաբերել են միջադեպի մասնակիցներից մի քանիսին։ Տղամարդիկ բերման են ենթարկվել բաժին։

Պարզվել է, որ մի խումբ անձինք Նանսենի թիվ 1 հասցեի մոտ կենցաղային հարցերի շուրջ վիճել են ու փոխադարձ հարվածներ հասցրել իրար։

Այդ ընթացքում նրանցից մեկը գազային ատրճանակով կրակոցներ է արձակել։

Երևանում ոստիկանների մասնակցությամբ ծեծկռտուք է տեղի ունեցել. տեսանյութ

Կրակողը բերման ենթարկվածների թվում է եղել։ Երևանի Մայակ թաղամասում բնակվող 36-ամյա տղամարդու խուզարկությամբ ատրճանակը հայտնաբերվել է։

Միջադեպի մասնակիցներից մեկը, որը մարմնական վնասվածքներ էր ստացել, տեղափոխվել է հիվանդանոց։

Նշանակվել են դատաձգաբանական ու դատաբժշկական փորձաքննություններ։ Հանգամանքները պարզվում են։

Ծեծկռտուք Կենտրոնի թաղապետարանում. վարչություններից մեկի պետին տեղափոխել են հիվանդանոց

53
թեգերը:
Ծեծկռտուք, Երևան, ոստիկան
Ըստ թեմայի
Կրակոցներ Երևանում. պարեկները բերման են ենթարկել «Զազոյին», «Զոզոյին» ու «Զիզիին»
Կրակոցներ Երևանում. հայտնի գործարարին պատկանող մեքենայի վրա կրակոցի հետքեր են եղել
Երևանում վիճաբանությունն ավարտվել է կրակոցով. 30–ամյա տղամարդու ոտքն ամպուտացրել են

Մարությանը շարունակում է պայքարել ապօրինի շինությունների դեմ. հերթը Քանաքեռ–Զեյթունինն է

82
(Թարմացված է 11:26 03.08.2021)
Երևանի քաղաքապետարանը հրապարակել է հերթական տեսանյութը, որում երևում է ապօրինի շինությունները քանդող բուլդոզերի աշխատանքը։

Երևանի քաղաքապետ Հայկ Մարությանի հանձնարարականով շարունակվում է ապօրինի շինությունների դեմ պայքարը։ Արդեն  ապօրինի շինություններ են ապամոնտաժվել Շենգավիթում, Էրեբունիում և Նոր Նորքում, Դավթաշենում, այժմ հերթը Քանաքեռ–Զեյթուն թաղամասինն է։

Երևանի քաղաքապետարանը հրապարակել է հերթական տեսանյութը, որում երևում է, թե ինչպես է բուլդոզերը քանդում ապօրինի կառույցները։

«Մայրաքաղաքի ապօրինի կառուցված շինությունների ապամոնտաժումը շարունակվում է: Տեսանյութը Քանաքեռ-Զեյթուն վարչական շրջանից է», – գրված է տեսանյութին կից։

Ապամոնտաժվել են ոչ միայն տաղավարներ և քարե կառույցներ, այլև մեքենայի կայանման համար նախատեսված ձողեր։

Դալմայի այգիներում ապօրինի շինություններ են ապամոնտաժվում

82
թեգերը:
Հայաստան, Երևան, Հայկ Մարության, տեսանյութ
Սյունիք

Ադրբեջանցի զինծառայողները Ճակատեն և Դավիթ Բեկ գյուղերից գողացել են 8 կով և 1 ցուլ. ՄԻՊ

65
(Թարմացված է 00:17 04.08.2021)
ՀՀ ՄԻՊ–ը ևս մեկ անգամ վերահաստատել է, որ ՀՀ բնակչության պաշտպանության, իրավունքների երաշխավորման համար Սյունիքի և Գեղարքունիքի շուրջ անհրաժեշտ է ստեղծել անվտանգության գոտի:

ԵՐԵՎԱՆ, 4 օգոստոսի – Sputnik. Հայաստանի մարդու իրավունքների պաշտպան Արման Թաթոյանը ֆեյսբուքյան իր էջում ներկայացրել է, թե վերջին օրերին ինչ ահազանգեր է ստացել ադրբեջանական զինծառայողների` Սյունիքի հատվածից անասուններ գողանալու վերաբերյալ։

«Ադրբեջանական զինծառայողները գողացել են ՀՀ Սյունիքի մարզի Կապանի Ճակատեն և Դավիթ Բեկ գյուղերի 3 ընտանիքի պատկանող 8 կով և 1 ցուլ»,–գրել է նա:

Մասնավորապես, ՀՀ մարդու իրավունքների պաշտպանի աշխատակազմը 2021 թվականի օգոստոսի 3-ի ահազանգերով պարզել է, որ Սյունիքի մարզի Կապան համայնքի Ճակատեն գյուղի վարչական տարածքում՝ անմիջապես գյուղից մոտ 1 կմ հեռավորության վրա գտնվող արոտավայրում 2021 թվականի հուլիսի 26-ին արածացնելու են տարել գյուղի երկու ընտանիքին պատկանող 4 կովեր:

Կենդանիներն, արածելով, հասել են գյուղի վարչական տարածքում գտնվող «Յուրդեր» անվամբ արոտավայրը և մոտեցել ադրբեջանական զինված ուժերի վերահսկողության տակ գտնվող տարածքին: Ըստ ահազանգերի՝ դրանից հետո ադրբեջանական զինծառայողները կենդանիներին կապել են իրենց հատվածում, թույլ չեն տվել վերադառնալ և, բնակիչները շուրջ 5 օր իրենց բնակելի տան դիմացի սարից հեռադիտակով տեսել են, որ կենդանիները գտնվում են «Ջամբար» կոչվող տարածքում, իսկ օգոստոսի 1-ի դրությամբ կենդանիներն արդեն անհետացել են:

Նշված դեպքից բացի, 2021 թվականի օգոստոսի 2-ին Մարդու իրավունքների պաշտպանի աշխատակազմը ևս մեկ ահազանգ է ստացել այն մասին, որ ՀՀ Սյունիքի մարզի Կապան համայնքի Դավիթ Բեկ գյուղի բնակիչը գյուղի 3 ընտանիքի պատկանող 6 խոշոր եղջերավոր կենդանիների (1 ցուլ, 5 կով) 2021 թվականի հուլիսի 14-ին արածացնելու է տարել գյուղին պատկանող՝ շուրջ 1.5 կմ հեռավորության վրա գտնվող արոտավայր:

Վերին Շորժայում մարդիկ ադրբեջանական նշանառության տակ են. Թաթոյանը լուսանկար է հրապարակել

Գյուղի բնակիչը, կարճ ժամանակ հեռացել է արոտավայրից և վերադառնալուն պես հայտնաբերել, որ կենդանիներից 5-ը չկան, իսկ կովերից մեկը ադրբեջանական զինված ուժերի վերահսկողության տակ գտնվող կողմից վերադառնում է՝ պարանը գլխին կապած (ինքը կենդանիներին առանց պարան է արածացնելու տարել):

Հեռվում նկատել է, թե ինչպես են ադրբեջանական զինծառայողները դեպի իրենց խորքը քշում կենդանիներին:

Նշված երկու դեպքերում էլ տեղի ունեցածի մասին բնակիչները տեղեկացրել են գյուղերի վարչական շրջանների ղեկավարներին:

Դեպքերի մասին տեղյակ են պահվել նաև ՀՀ Զինված ուժերի ներկայացուցիչները և ՌԴ սահմանապահները: Կենդանիների վերադարձման ուղղությամբ տարվող բանակցությունները օգոստոսի 3-ի դրությամբ արդյունք չեն տվել:

Ադրբեջանական զինծառայողները հրաժարվում են վերադարձնել կենդանիներին՝ պատճառաբանելով, թե նրանք իրենց մոտ չեն:

Այս տվյալները Մարդու իրավունքների պաշտպանի աշխատակազմը հաստատել է Ճակատեն և Դավիթ Բեկ գյուղերի նշված բնակիչների, նրանց համագյուղացիների հետ առանձնազրույցներով, ինչպես նաև դա հաստատել են համայնքային մարմինները:

«Ադրբեջանական զինծառայողների կողմից ՀՀ սահմանային բնակիչների պատկանող կենդանիների գողությունները, նրանց վնաս պատճառելն ունի պարբերական բնույթ: Նրանց անօրինական արարքները խախտում են ՀՀ բնակիչների սեփականության իրավունքը, այդ արարքներն ուղղված են անասնապահությամբ զբաղվելու և ընտանիքի եկամուտը վաստակելու հնարավորությունից զրկելուն»,– նշել է Թաթոյանը:

Նա ընդգծել է, որ այս ամենն իր հերթին անվտանգությունից բացի, առաջացնում է սոցիալական բնույթի խնդիրներ, այդ թվում` լուրջ վնասներ է հասցնում ՀՀ սահմանային բնակչությանը:

ՌԴ սահմանապահները մասնակիորեն տեղակայվել են Սյունիքում. Կոպիրկին

ՀՀ ՄԻՊ–ը ևս մեկ անգամ վերահաստատել է, որ ՀՀ բնակչության պաշտպանության, իրավունքների երաշխավորման համար Սյունիքի և Գեղարքունիքի շուրջ անհրաժեշտ է ստեղծել անվտանգության գոտի:

Դա պահանջում է նրանց հեռացում ՀՀ սահմանային գյուղերի հարևանությունից և Սյունիքի համայնքների միջև ճանապարհներից:

65
թեգերը:
ՀՀ ՄԻՊ, Արման Թաթոյան, Հայաստան, Սյունիք, կով, ադրբեջանցի, զինծառայող
Ըստ թեմայի
«Խաղաղությունը, ցավոք, միայն մեզնից չի կախված». Փաշինյանը` նախընտրական խոստման մասին
Փաշինյանն ասել է` ինչու ՀՀ–ն սահմանային իրադրությունը լուծելու միջոցներ չի ձեռնարկում
Ռուսաստանի աջակցությամբ Հայաստան է վերադարձել 81 գերի. ՀՀ–ում ՌԴ դեսպան