Սեր կտաս, սեր կստանաս. ինչպես է նշվելու Վարդավառը Կոռնիձոր համայնքում

281
(Թարմացված է 15:28 07.07.2021)
«Կէան» կրթամշակութային կենտրոնի հիմնադիր Վանուհի Սիմոնյանը և «Դեպի Համայնք» ՀԿ նախագահ Կարապետ Թոմիկյանը անդրադարձել են Վարդավառի հետ կապված միջոցառումներին, որոնք նախատեսված են անցկացնել Սյունիքի մարզի սահմանամերձ Կոռնիձոր համայնքում։

Կարապետ Թոմիկյանի խոսքով` Սյունիքի մարզի Կոռնիձոր գյուղում իրականացվում է համայնքային զարգացման ծրագիր, որը ներառում է մշակութային, կրթական, սոցիալ–տնտեսական, ինչպես նաև անվտանգության հետ կապված հարցեր, և ծրագրի նպատակն է աջակցել Կոռնիձոր համայնքին։

«Մեր կազմակերպությունը համագործակցում է 19 համայնքի հետ, նրանք համագործակցության ծրագրեր են ներկայացրել մեզ, հայտերը քննարկման փուլում են։ Հերթով կայցելենք բոլոր համայնքներ, որոնց աշխարհագրությունը լայն է և ընդգրկվում է գրեթե բոլոր մարզերը։ Սյունիքում մեզ հետ համագործակցում է Կոռնիձորը։ Այցի ժամանակ ուղղակի հիացանք գյուղի բնաշխարհով և որոշեցինք տոնակատարություններից Վարդավառը մեծ շուքով նշել հենց այդ համայնքում»,– Sputnik Արմենիային ասաց «Դեպի Համայնք» ՀԿ–ի նախագահը։

«Կէան» կրթամշակութային կենտրոնի հիմնադիր Վանուհի Սիմոնյանն իր հերթին հանգամանորեն ներկայացրեց, թե Վարդավառի շրջանակում ինչ կոնկրետ ծիսակատարություններ են նախատեսում անցկացնել Կոռնիձորում, ինչ խորհուրդ են պարունակում հայկական այդ ավանդական ծեսերը։ Նա նաև նշեց, որ հետաքրքրությունը միջոցառման նկատմամբ բավականին մեծ է, որովհետև գյուղ է այցելելու մի քանի հարյուր մարդ։

Ինչ է պետք անել, որ Վարդավառը «բոլոլա» չդառնա. 12 կանոն` Ռուբեն Մելիքյանից

281
թեգերը:
Վարդավառ, Սյունիքի մարզ, Հայաստան
թեմա:
Sputnik զրույց (292)

Հնից եկած ընդդիմությունը չի կարող նորը դառնալ. Սուրենյանցը մեծ ցնցումներ է կանխատեսում

219
(Թարմացված է 21:29 27.07.2021)
Քաղաքագետ Սուրեն Սուրենյանցը Sputnik Արմենիայի եթերում անդրադարձել է հետընտրական իրողություններին, ԱԺ–ում նախատեսվող քննարկումներին, իշխանության և ընդդիմության վարքագծի, մարտավարության հետ կապված հարցերին։

Հայաստանում գործ ունենք հիբրիդային ռեժիմի հետ, քանի որ քաղաքական համակարգն ինքնաբավ չէ, և ընտրություններում ռեսուրսների անհավասարության պատճառով բացակայում է մրցակցային բաղադրիչը։ Այսպիսի կարծիք ունի քաղաքագետ Սուրեն Սուրենյանցը։

«Հայաստանում դեմոկրատիան անշրջելի չէ, դա հնարավոր է այն երկրներում, որտեղ ընտրությունների միջոցով իշխանություն է փոխվել, մինչդեռ մեր երկրում անցած երեսուն տարիների ընթացքում չի հիշվի գեթ մեկ դեպք, երբ ընտրությունների ճանապարհով տեղի է ունեցել իշխանափոխություն։ Հայաստանում գործ ունենք հիբրիդային ռեժիմի հետ, որը ֆորմալ առումով պահպանում է դեմոկրատիայի կանոնները, բայց իրականության մեջ իշխանությունը պաշտոնավարում է ավտորիտար մեթոդներով»,– Sputnik Արմենիային ասաց քաղաքագետը։

Սուրենյանցի պնդմամբ` թեև Փաշինյանի վերընտրության շուրջ կար արտաքին քաղաքական կենտրոնների կոնսենսուս, սակայն ընդդիմությունը պետք է ունենար դրան հակադրվելու օրակարգ, որի պայմաններում կտեսնեինք հետընտրական ակտիվություն, փողոցային պայքար, մինչդեռ հիմա ԱԺ–ում ունենք երկու ընդդիմադիր ֆրակցիա, որոնք վստահ են, որ Նիկոլ Փաշինյանը մեկ կամ երկու տարվա ընթացքում սայթաքելու է, հետևաբար հույս ունեն դիվիդենտներ շահել գործող իշխանության ֆիասկոյից։ Ընդ որում` ընդդիմադիրներն, ըստ քաղաքագետի, սպասելու են առանց ֆիասկոյին նպաստելու, առանց նախաձեռնողականության, ինչի մասին ակնառու կերպով բարձրաձայնում են։

«Բայց եթե նույնիսկ խորհրդարանի ներսում հանգիստ լինի, արտաքին մարտահրավերները գնալով ահագնանում են, և Հայաստանի շուրջ օղակն ավելի է սեղմվում։ Բոլորը սպասելու են նոր քաղաքական ճգնաժամին, որի հանգուցալուծումը լինելու են նոր արտահերթ ընտրությունները։ Գալիք երկու տարվա ընթացքում գործող քաղաքական համակարգն իր իշխանական և ընդդիմադիր թևերով կփլուզվի, մեզ սպասում է քաղաքական շատ մեծ վակուում, որը լցնելու համար պետք է այսօրվանից սկսած փնտրենք ու պատրաստենք այդ վակուումը լցնելու քաղաքական այլընտրանքներ»,–ասաց քաղաքագետը։

Սուրենյանցի գնահատմամբ` եթե ֆորսմաժորային իրավիճակը չհաղթահարվի, ապա կլինեն ավելի մեծ ցնցումներ, որովհետև ունենք իշխանություն, որը շատ ակտիվ վազում է դեպի հին բարքերը, և ունենք հնից եկած ընդդիմություն, որը նոր դառնալ չի կարող։

219
թեգերը:
ԱԺ, Սուրեն Սուրենյանց, Հայաստան
թեմա:
Sputnik զրույց (292)
Ըստ թեմայի
Եթե Փաշինյանը նախապես ասեր, թե ինչ է անելու` հաստատ այդքան ձայն չէր հավաքի. քաղաքագետ
Փաշինյանի կադրային ռեզերվը բավական սահմանափակ է. Հրանտ Միքայելյան
Սուր ելույթներ, շոուներ, թատրոն. ինչպիսի՞ն կլինի 8-րդ գումարման խորհրդարանը

Բաթումի փողոցները հեղեղված են անձրևաջրերով. տեսանյութ

261
(Թարմացված է 16:19 27.07.2021)
Տարերքի դեմ պայքարում են Աջարիայում, Սվանեթիայում և Սամեգրելոյում: Արևմտյան Վրաստանի մի քանի գյուղեր արտաքին աշխարհի հետ կապ չունեն։

Հորդառատ անձրևը հեղեղել է մի շարք փողոցներ վրացական Բաթում կուրորտային քաղաքում։ Որոշ փողոցներում դժվարությամբ են տեղաշարժվում նույնիսկ տրանսպորտային միջոցները։

Վրացական «Իմեդի» հեռուստաալիքը տեսանյութ է հրապարակել, որտեղ երևում են ջրհեղեղի հետևանքները։

Փրկարարներն աշխատում են արտակարգ ռեժիմով: Բաթումում հեղեղվել են շենքերի առաջին հարկերը, քաղաքի բնակիչները չեն կարողանում դուրս գալ տներից: «Բաթումի Ցկալի» («Բաթումի Ջուր») ՍՊԸ-ում հայտարարում են, որ հատուկ խմբեր են ուղարկվել այն փողոցներ,  որոնք հորդառատ անձրևների ժամանակ հաճախ են ջրածածկ լինում։

Բնակիչները մեղադրում են քաղաքի իշխանություններին ոչ որակյալ ենթակառուցվածքների համար։ Նրանք նշում են, որ նման իրավիճակ է ստեղծվում յուրաքանչյուր հորդառատ անձրևից հետո։ Ներկայումս աշխատանքներ են տարվում խողովակների մաքրման ուղղությամբ։

261
թեգերը:
ջրհեղեղ, Բաթում, Վրաստանի Հանրապետություն
Ըստ թեմայի
Ի՞նչ է կատարվում Չինաստանի Հենան նահանգում ջրհեղեղից հետո. լուսանկարներ
Թուրքիայում հորդառատ անձրևները վերածվել են ջրհեղեղի. տեսանյութ
Թուրքիայում ջրհեղեղի հետևանքով մարդիկ են մահացել. տարերքը տներ է քանդել
Երասխ

Երասխում այս պահին իրավիճակը հանգիստ է

0
(Թարմացված է 14:46 28.07.2021)
Արարատի մարզպետի օգնականը հերքեց շրջանառվող լուրերը, թե Երասխում հայկական կողմը զոհ ունի։

ԵՐԵՎԱՆ, 28 հուլիսի – Sputnik. Իրավիճակը հայ–ադրբեջանական սահմանի Երասխի հատվածում այս պահին հանգիստ է։ Տեղեկությունը Spսtnik Արմենիային հայտնեց Արարատի մարզպետի օգնական Քրիստինե Պողոսյանը։

Նշենք, որ առավոտյան Գեղարքունիքում ընթացող մարտերից հետո սոցցանցերում լուրեր էին շրջանառվում, որ Երասխում նույնպես իրավիճակը լարված է, անգամ` զոհ ունենք։

«Իրավիճակը հանգիստ է Երասխի ուղղությամբ։ Բացի այդ, ՊՆ հայտարարության մեջ կոնկրետ նշված էր` որ ուղղությամբ է թշնամին մարտեր սկսել, և այնտեղ նշված չէր Երասխի անունը»,–ասաց նա։

Պողոսյանը հերքեց նաև զոհ ունենալու մասին լուրերը` ևս մեկ անգամ շեշտելով, որ Երասխում այս պահին իրավիճակը լարված չէ։

Հիշեցնենք` հուլիսի 28-ին, ժամը 03:40-ի սահմաններում, ադրբեջանական ԶՈւ ստորաբաժանումները հերթական անգամ դիմել են սադրանքի և խախտել հրադադարը հայ-ադրբեջանական սահմանի հյուսիսարևելյան հատվածում: Հայաստանն ու Ադրբեջանը համաձայնել են Մոսկվայի միջնորդությամբ դադարեցնել կրակը։

Ադրբեջանական ստորաբաժանումները, տալով կորուստներ, հետ են շպրտվել. ՊՆ

Հայկական կողմն ունի երեք զոհ, չորս վիրավոր։

0
թեգերը:
կրակոց, Ադրբեջան, Սահման, Հայաստան, Երասխ
թեմա:
Սահմանային խախտումներ. իրադրությունը Սյունիքում և Գեղարքունիքում
Ըստ թեմայի
Ադրբեջանում 2 հայ զինծառայողի 15 տարվա ազատազրկման են դատապարտել
Ֆրանսիան Հայաստանին և Ադրբեջանին քաղաքական գործընթացների վերսկսման կոչ է անում. Լաքոտ
Անհետ կորած զինծառայողը գտնվել է. նրան տեղափոխել են Երևան, վիճակը ծայրահեղ ծանր է