Կուբանի 6 շրջաններում արտակարգ դրություն է հայտարարվել . կադրեր՝ տուժած հանգստավայրերից

78
(Թարմացված է 17:05 06.07.2021)
Ոժեղ քամիների ու հորդառատ տեղումների զոհ է դարձել մեկ մարդ, 2-ը վնասվածքներ են ստացել։

Կուբանի 6 շրջաններում արտակարգ դրություն է հայտարարվել հորդառատ տեղումների պատճառով, տեղեկացնում է ՌԻԱ Նովոստին։

Ջրի տակ են անցել տարածքներ Տուապսեում, Սլավյանսկում, Սեվերնիում, Սոչիում, Գելենջիկում (Արխիպո-Օսիպովկա ավան)։

Հուլիսի 6-ի առավոտյան տվյալներով՝ տարերքից տուժել են 267 բնակելի տուն ու 395 տնամերձ հողամաս 7 բնակավայրում։ Փրկարարները տարհանել են 136 մարդու, նրանցից 64-ը դեռ ժամանակավոր տեղաբաշխման կետերում են։

Պետավտոտեսչության աշխատակիցները ստիպված են եղել 2 անգամ դադարեցնել երթևեկությունը դաշնային A-147 ավտոմայրուղու Ջուգբա-Սոչի հատվածում։ Այժմ այն վերականգնված է։

Նախօրեին տարածաշրջանում ուժեղ քամիներ ու հորդառատ տեղումներ են գրանցվել, մեկ մարդ զոհվել է, 2-ը վնասվածքներ են ստացել։ Եղանակային վատ պայմանները Սոչիից տեղափոխվել են Տուապսեի շրջան։

Տասնյակ տներ են հեղեղվել Ղրիմի Բախչիսարայի շրջանում. տեսանյութ

78
թեգերը:
Սոչի, ջրհեղեղ, Ռուսաստան
Ըստ թեմայի
«Ջրհեղեղ» Նուբարաշենում. ջրատարի վթարի հետևանքով մեքենաները կիսով չափ հայտնվել են ջրում
Ջրհեղեղի պատճառով Յալթայի բնակիչներին տարհանում են
Ճապոնիայում ուժեղ սողանք է տեղի ունեցել, որն իր ճանապարհին սրբել է ամեն ինչ. տեսանյութ

Բաթումի փողոցները հեղեղված են անձրևաջրերով. տեսանյութ

104
(Թարմացված է 16:19 27.07.2021)
Տարերքի դեմ պայքարում են Աջարիայում, Սվանեթիայում և Սամեգրելոյում: Արևմտյան Վրաստանի մի քանի գյուղեր արտաքին աշխարհի հետ կապ չունեն։

Հորդառատ անձրևը հեղեղել է մի շարք փողոցներ վրացական Բաթում կուրորտային քաղաքում։ Որոշ փողոցներում դժվարությամբ են տեղաշարժվում նույնիսկ տրանսպորտային միջոցները։

Վրացական «Իմեդի» հեռուստաալիքը տեսանյութ է հրապարակել, որտեղ երևում են ջրհեղեղի հետևանքները։

Փրկարարներն աշխատում են արտակարգ ռեժիմով: Բաթումում հեղեղվել են շենքերի առաջին հարկերը, քաղաքի բնակիչները չեն կարողանում դուրս գալ տներից: «Բաթումի Ցկալի» («Բաթումի Ջուր») ՍՊԸ-ում հայտարարում են, որ հատուկ խմբեր են ուղարկվել այն փողոցներ,  որոնք հորդառատ անձրևների ժամանակ հաճախ են ջրածածկ լինում։

Բնակիչները մեղադրում են քաղաքի իշխանություններին ոչ որակյալ ենթակառուցվածքների համար։ Նրանք նշում են, որ նման իրավիճակ է ստեղծվում յուրաքանչյուր հորդառատ անձրևից հետո։ Ներկայումս աշխատանքներ են տարվում խողովակների մաքրման ուղղությամբ։

104
թեգերը:
ջրհեղեղ, Բաթում, Վրաստանի Հանրապետություն
Ըստ թեմայի
Ի՞նչ է կատարվում Չինաստանի Հենան նահանգում ջրհեղեղից հետո. լուսանկարներ
Թուրքիայում հորդառատ անձրևները վերածվել են ջրհեղեղի. տեսանյութ
Թուրքիայում ջրհեղեղի հետևանքով մարդիկ են մահացել. տարերքը տներ է քանդել

Պայթյուն Գերմանիայի քիմգործարանում. մեկ մարդ մահացել է, հինգին դեռ չեն գտել. տեսանյութ

37
(Թարմացված է 15:58 27.07.2021)
Քիմիական գործարանում գրանցված պայթյունից հետո իշխանությունը մարդկանց հորդորում է փողոց դուրս չգալ։

Գերմանական Լևերկուզեն քաղաքի քիմիական գործարանում պայթյուն է որոտացել, որի հետևանքով մեկ մարդ է մահացել։ Տեղեկությունը հայտնում է ՌԻԱ Նովոստին` հղում անելով Welt հեռուստաալիքին:

ԶԼՄ–ներն ավելի վաղ գրել էին, որ մի քանի տուժած կա, մեկի վիճակը ծայրահեղ ծանր է։

Հինգ աշխատակիցների ճակատագրի մասին ոչինչ հայտնի չէ, նրանք անհետ կորած են համարվում:

Դեպքը տեղի է ունեցել այսօր առավոտյան։ Ըստ նախնական տեղեկությունների` թափոնների վերամշակման և պահպանման կենտրոնում ցիստեռն է պայթել։

Խորտակված մեքենաներ, ջրասույզ եղած տներ և փողոցներ. Չինաստանի ջրհեղեղը` լուսանկարներով

Քաղաքը պատվել է թանձր ծխով: Իշխանությունը մարդկանց խնդրում է չլքել բնակարանները, փակ պահել դռներն ու պատուհանները։ Քաղաքային ճանապարհները մասամբ արգելափակվել են։

Թուրքիայի պաշտպանության նախարարի ինքնաթիռը արտակարգ վայրէջք է կատարել

37
թեգերը:
գործարան, տեսանյութ, պայթյուն, Գերմանիա
Ըստ թեմայի
Նորվեգիայում երկնաքար է ընկել․ մասնագետները փնտրում են բեկորները
Աֆղանստանում ռեկորդային թվով զոհեր են գրանցվել խաղաղ բնակիչների շրջանում. ՄԱԿ
Մինսկից Անթալիա մեկնած ինքնաթիռը հարկադրված վայրէջք է կատարել «Դոմոդեդովոյում»
Էանուել Մակրոն

«Սենց շարունակվի՝ Մակրոնը թուփ կդառնա». օգտատերերին զվարճացրել է Ֆրանսիայի նախագահի նկարը

0
(Թարմացված է 17:40 27.07.2021)
Տարածված կեղծ լուսանկարն ու տեսանյութը սոցցանցերի օգտատերերին կատակելու առիթներ են տվել։

ԵՐԵՎԱՆ, 27 հուլիսի – Sputnik. Ֆրանսիայում նախագահ Էմանուել Մակրոնի դեմ բազմահազարանոց ցույցեր են տեղի ունենում։ Մարդիկ բողոքում են նախագահի վարած կորոնավիրուսային քաղաքականության, մասնավորապես` պարտադիր պատվաստման դեմ։ Թվում էր՝ հենց այս պատճառով Մակրոնը պետք է հայտնվեր սոցցանցերի օգտատերերի ուշադրության կենտրոնում, բայց ե՞րբ են մարդիկ լուրջ հարցերը նախընտրել հումորից։ Երևի երբեք։

​Այսօր Ֆրանսիայի նախագահն առաջին անգամ այցելել է Պոլինեզիայի Մարկեսասյան կղզիներ (հայտնի է նաև որպես Թաիթի): Կղզու բնակիչները Մակրոնին դիմավորել են տեղական ավանդույթներով՝ 600 պարողով, ավանդական հագուստով և տեղական երաժշտությամբ։ Նախագահին անգամ նոր անուն են տվել՝ Te Haka Iki Taaoa, որը տեղացիների լեզվից թարգմանվում է որպես «մեծ առաջնորդ, որը հեռուն կգնա»:

Բայց այս ամենը չէ, որ գրավել է սոցցանցերի ակտիվիստների ուշադրությունը։ Տեղացիները ևս մեկ ավանդույթ ունեն՝ կարևոր հյուրերի պարանոցին ծաղկեշղթա են կախում։ Պարզվում է՝ որքան շատ, այնքան լավ։ Մակրոնի վզից մոտավորապես յոթ ծաղկեշղթա են կախել, համացանցում էլ ինչ-որ մեկը որոշել է արդեն բավականին զվարճալի պատկերը ուռճացնել և տարածել տեսանյութ և լուսանկար, որում Մակրոնը ոտքից գլուխ ծաղկեշղթաների մեջ է։

​Բացի տարածված նկարից, կա նաև մեկ այլ լուսանկար՝ այլ անկյունից, որում երևում է՝ որքան ծաղկեշղթա է եղել Մակրոնի վրա իրականում։

​Բայց ուրախ լուրի ֆեյք լինելը չի կանգնեցրել հանրությանը քննարկումներից, և Twitter-ում առավոտվանից խրախճանք է։

​««Ինչի՞ ա Մակրոնը քողարկվում որպես մոլախոտերի թագավոր։ Նոր բա՞ն ա եղել. տեղյակ չենք», «Էս նկարը սպանում ա ինձ», «Պարոն Մակրոն, Ձեզ մենակ պետք էր քիթը հանել շնչելու, ուղեղն էլ պետք չէր»,  «Էս ես եմ` եսիմ ում հարսանիքին տժժալուց հետո», «Երբ ինձ ասում են՝ սովորական բան ա, եսիմ ինչ չհագնես»,«Էս տեմպերով ամսվա վերջում Մակրոնը թուփ կդառնա»», –գրում են մարդիկ։

Որոշ կատակասերներ էլ նմանություններ են տեսել Մակրոնի և այս պերսոնաժների միջև ու համադրել նկարները։

Իսկ իրականում Ֆրանսիայի նախագահը շատ գոհ է եղել իր այցից։ Նա անգամ ողջունել է տեղացիներին իրենց լեզվով և մինչև օրվա վերջ չի հանել իր վրայից ծաղիկները։

0
թեգերը:
Էմանուել Մակրոն, նկար, Նախագահ, Ֆրանսիա
Ըստ թեմայի
«Սիրելի Թայիփ»․ Մակրոնն Էրդողանին «շատ լավ նամակ» է գրել
Էրդողանը Ֆրանսիային կոչ է արել ազատվել Մակրոնից
«Առաջիկայում սպասում ենք Ֆրանսիայի նախագահին». Փաշինյանն ու Մակրոնը մշտական կապի մեջ են