Հայաստանն ու Սվերդլովսկի մարզը կրկին կհամագործակցեն. համաձայնագիր է ստորագրվել

57
(Թարմացված է 15:59 06.07.2021)
Համաձայնագրով նախատեսված է փոխգործակցություն մի շարք ոլորտներում, այդ թվում՝ զբոսաշրջության և գյուղատնտեսության։

Հայաստանն ու Ռուսաստանի Սվերդլովսկի մարզը կրկին կհամագործակցեն տարբեր ոլորտներում։ ՌԴ կատարած այցի շրջանակում այսօր` հուլիսի 6–ին, ՀՀ էկոնոմիկայի նախարարի պաշտոնակատար Վահան Քերոբյանը և Սվերդլովսկի մարզի նահանգապետ Եվգենի Կույվաշևը ստորագրել են «ՀՀ էկոնոմիկայի նախարարության և Սվերդլովսկի մարզի կառավարության միջև առևտրատնտեսական ոլորտում արտաքին տնտեսական կապերի իրականացման մասին» համաձայնագիր։ Տեղեկությունը հայտնում է ՀՀ Էկոնոմիկայի նախարարության մամուլի ծառայությունը։

Նշենք, որ ՀՀ կառավարության ու Սվերդլովսկի մարզի միջև համագործակցության համաձայնագիր նախկինում էլ է կնքվել։ Այն 10 տարի շարունակ գիտական, տեխնիկական և մշակութային համագործակցության զարգացման ամուր իրավական հիմք էր։ Առևտրատնտեսական, գիտատեխնիկական և մշակութային ոլորտում համագործակցության մասին այս համաձայնագիրն ավարտվել էր 2018 թ․-ին:

«Փոխադարձ առևտրի ծավալների մեծացման, համատեղ գիտական և տեխնիկական ծրագրերի մշակման և իրականացման դրական դինամիկան պահպանելու նպատակով Սվերդլովսկի շրջանի կառավարությունը 2019 թ. առաջարկել է դիտարկել նոր ժամանակահատվածի համար համաձայնագրի ստորագրման հնարավորությունը»,- նշված է հաղորդագրության մեջ։

Էկոնոմիկայի նախարարությունում վստահ են, որ համաձայնագրի ստորագրումը կնպաստի առևտրատնտեսական երկկողմ համագործակցության ընդլայնմանը՝ ուղղված ենթակառուցվածքների զարգացմանը և համատեղ ծրագրերի իրականացմանը։ Փաստաթուղթը կնպաստի նաև ՀՀ-ի և Սվերդլովսկի մարզի միջև նոր գործարար կապերի հաստատմանը:

Քերոբյանը ու Իրանի դեսպանը քննարկել են Երևան–Սպահան թռիչքների հնարավորությունը

Համաձայնագրով նախատեսվում է փոխգործակցություն տարբեր ոլորտներում, այդ թվում՝ զբոսաշրջության, գյուղատնտեսության, ներդրումների, արդյունաբերության, առևտրի և այլն։

Հիշեցնենք, որ ՀՀ էկոնոմիկայի նախարարի պաշտոնակատար Վահան Քերոբյանի գլխավորած պատվիրակությունը հուլիսի 5-ին մեկնել է ՌԴ՝ մասնակցելու «Իննոպրոմ-2021» միջազգային արդյունաբերական 11-րդ ցուցահանդեսին և ցուցահանդեսի շրջանակում կազմակերպվող միջոցառումներին:

57
թեգերը:
Վահան Քերոբյան, Ռուսաստան, Նախարար
Ըստ թեմայի
Վահան Քերոբյանը Ռուսաստանում է
Արմեն Սարգսյանն ընդունել է Վահան Քերոբյանին ու FAST–ի տնօրենին. ի՞նչ են քննարկել
Ինչ պետք է անի կառավարությունը արտագաղթը կանխելու համար. Քերոբյանը` ընտրությունների մասին

Բեյրութի` ուրվական դարձած նավահանգիստը. ի՞նչ տեսք ունի այն պայթյունից 1 տարի անց

310
(Թարմացված է 20:03 01.08.2021)
Մոտ մեկ տարի առաջ ՝ օգոստոսի 4-ին, 3000 տոննա ամոնիումի նիտրատի պայթյունի հետևանքով Բեյրութի նավահանգստի տարածքում ավելի քան 200 մարդ մահացավ, 6500–ը տուժեցին։

Բեյրութի նավահանգիստը 2020-ի հզոր պայթյունից հետո վերածվել է ուրվականի. տպավորություն է, թե պայթյունից ընդամենը մի քանի օր է անցել։ Նավահանգստի մոտ փողփողում է երկրի դրոշը` հուշելով, որ նախկինում դա կարևոր տարածք է համարվել։

Կիսափլված շենքերը, կոտրված նավերը հուշում են, որ նավահանգիստը լքված է` ամենուր փլատակներ ու ավերակներ են։

Բեյրութի քաղաքապետն արտասվել է, երբ խոսել է պայթյունի զոհերի մասին. տեսանյութ

Հիշեցնենք` մոտ մեկ տարի առաջ ՝ օգոստոսի 4-ին, 3000 տոննա ամոնիումի նիտրատի պայթյունի հետևանքով այստեղ ավելի քան 200 մարդ մահացավ, տուժեցին 6500–ը, ավերվեց 6000 շենք ու շինություն, ավելի քան 250 000 բեյրութցի դարձավ անօթևան։

Բեյրութի պայթյունից հետո 1100 լիբանանահայ տեղափոխվել է Հայաստան մշտական բնակության

310
թեգերը:
Բեյրութ, պայթյուն, տեսանյութ

Կառնավա՞լ, թե՞ սպորտ. Սանկտ Պետերբուգում սապսերֆինգի փառատոն է կայացել․ տեսանյութ

30
(Թարմացված է 16:32 01.08.2021)
Սանկտ Պետերբուրգում կազմակերպված «Ֆոնտանկա-SUB» սապսերֆինգի փառատոնը 2021թ․-ին նույնքան զանգվածային ու տպավորիչ էր, որքան և նախորդ տարիներին։

Stand up paddle surfing–ը աշխարհում շատ սիրված և Ռուսաստանում ավելի ու ավելի մեծ թափ հավաքող մարզաձև է։

Այն առաջացել է դասական սերֆինգից։ SUP-ը սերֆինգով զբաղվողների անփոխարինելի բարեկամն է դարձել ալիքների բացակայության պայմաններում։ Այնպես որ սիրելի սպորտով կարելի է զբաղվել բացարձակ հարթ ջրում։

Ինչպես և նախորդ տարիներին, փառատոնը մասնակիցներին պարտավորեցրել է անպայման յուրահատուկ հագուստով լինել։ Իսկ եթե սերֆինգի տախտակին ընտանի կենդանի կա, նրան նույնպես պետք է զուգել-զարդարել։

Արցունք, ճիչ ու թենիսի կոտրված ռակետ. օլիմպիական խաղերի ամենավառ կադրերը

Փառատոնի մասնակիցները Մոյկա գետի առափնյակից շարժվել են Ֆոնտանկայի հունով, այնուհետև անցել Գրիբոյեդովի ջրանցքով և վերադարձել սկզբնակետ՝ անցնելով քաղաքի բազմաթիվ տեսարժան վայրերի կողքով։

Երթուղու ընդհանուր երկարությունը 8 կմ է։ 2019թ․-ին այս միջոցառումը ռեկորդային թվով մասնակիցներ էր հավաքել․ 1300 գրանցված մասնակցից ջուրն էին իջել 792-ը։ Դրանից մեկ տարի առաջ փառատոնին մոտ 500 մարդ էր մասնակցել։

Կարեն Խաչանովը Տոկիոյից կհեռանա արծաթե մեդալով. նա պարտվեց եզրափակիչում

 

30
թեգերը:
Սանկտ Պետերբուրգ, տեսանյութ, փառատոն
Артур Ванецян перед началом первого заседания парламента Армении 8-го созыва (2 августа 2021). Еревaн

Քաղաքականության մեջ ընկեր կամ նախկին ընկեր չունեմ. Վանեցյանը` Ալեն Սիմոնյանի մասին

10
(Թարմացված է 10:43 02.08.2021)
Արթուր Վանեցյանի խոսքով` չի պատրաստվում անձամբ որոշումներ կայացնել, կա քաղաքական թիմ և կայացվում են քաղաքական որոշումներ։

ԵՐԵՎԱՆ, 2 օգոստոսի – Sputnik. «Պատիվ ունեմ» դաշինքի ղեկավար, պատգամավոր Արթուր Վանեցյանը ԱԺ–ում լրագրողների հետ զրույցում հայտարարեց, որ քաղաքականության մեջ ընկերներ չունի։

Նա նման հայտարարություն նա արեց` պատասխանելով լրագրողներից մեկի այն հարցին, թե անձամբ պատրա՞ստ է իր ընկեր կամ նախկին ընկեր Ալեն Սիմոնյանին ընտրել ԱԺ նախագահ, թե՞ ոչ։

«Քաղաքականության մեջ ընկեր կամ նախկին ընկեր, բարեկամ, հարազատ չունեմ։ Կա քաղաքական թիմ և կայացվում են քաղաքական որոշումներ։ Ինչպիսի որոշում կկայացվի քաղաքական թիմի կողմից, ես կառաջնորդվեմ այդ որոշմամբ»,–ասաց նա։ 

Նշենք, որ այս պահին ընթանում է նորընտիր` 8-րդ գումարման Ազգային ժողովի անդրանիկ նիստը։

Հիշեցնենք` հունիսի 20-ին կայացած խորհրդարանական արտահերթ ընտրություններում անցողիկ շեմը հաղթահարել են «Քաղաքացիական պայմանագիր» կուսակցությունը (53.92%) ու «Հայաստան» դաշինքը (21.04%)։ «Պատիվ ունեմ» դաշինքն էլ (5.23%) խորհրդարան կանցնի իրավունքի ուժով՝ որպես երրորդ ամենաշատ ձայներ ստացած քաղաքական ուժ։

10
թեգերը:
Արթուր Վանեցյան, ԱԺ, Ալեն Սիմոնյան, Հայաստան, քաղաքականություն