Փաշինյանը շարունակում է լռել, ինչն առավել քան տարօրինակ է. Բագրատ Միկոյան

129
(Թարմացված է 18:53 05.07.2021)
ՀՀ երկրորդ նախագահ Ռոբերտ Քոչարյանի գրասենյակի աշխատանքների համակարգող, միջազգայնագետ Բագրատ Միկոյանը Sputnik Արմենիայի եթերում անդրադարձել է ԱԺ արտահերթ ընտրությունների արդյունքներին և մեր տարածաշրջանում առկա իրավիճակին։

Բագրատ Միկոյանի համոզմամբ` արտահերթ ընտրություններից հետո քաղաքական ճգնաժամի պատճառները տակավին չեն վերացել, ինչն ավելի է բարդացրել իրավիճակը, և պատահական չէ, որ ընտրությունների արդյունքները վիճարկելու նպատակով «Հայաստան» դաշինքը համապատասխան հայցադիմում է ներկայացրել Սահմանադրական դատարան։

«Եթե նույնիսկ Հայաստանում վեց անգամ անցկացվեն ընտրություններ, և իշխանության գա նույն իշխող ուժը, միևնույնն է, խնդիրը չի լուծվի։ 44-օրյա պատերազմի հետևանքները չեն վերացել, և հույս էլ չկա, որ գործող իշխանության պարագայում ծնկած վիճակից ոտքի կկանգնենք։ Իշխանությունը շարունակում է իր ընթացքը նույն կառավարման սխեմայով, և նրա մոտ նույնիսկ վերընտրվելուց հետո ոչինչ չի փոխվել», – Sputnik Արմենիայի հետ զրույցում ասաց ՀՀ երկրորդ նախագահի գրասենյակի աշխատանքների համակարգողը։

Միկոյանի խոսքով` արտահերթ ընտրություններում եղել են մոտ 200 հազար կասկածելի ձայներ, որոնց առկայությունը «Հայաստան» դաշինքի մոտ լուրջ կասկածներ է առաջացրել ընտրությունների արդար լինելու վերաբերյալ։ Անդրադառնալով ընտրություններից առաջ և հետո մեր տարածաշրջանում առկա իրավիճակին` միջազգայնագետն ընդգծեց, որ բոլոր մեծ խաղացողներն ու մեր հարևաններն արցախյան հարցում միշտ ցուցաբերել են զուսպ դիրքորոշում և 44-օրյա պատերազմի ընթացքում նրանց լռությունը պատահական չէր։

«Երևի սա առաջին դեպքն էր, երբ կար ակնհայտ ագրեսիա, տոտալ պատերազմ, ֆոսֆորային ռումբերի օգտագործում, սակայն դրան զուգահեռ կա նաև լռություն։ Պատերազմից առաջ գործող իշխանությունը խաթարեց ռազմավարական գործընկերոջ` Ռուսաստանի հետ հարաբերությունները, Իրանի հետ ռազմավարական նշանակություն ունեցող սահմանը դարձրեց պատվերով համերգ։ Աշխարհաքաղաքական առումով մենք մեզ գցեցինք մեկուսացման մեջ, ուստի Ադրբեջանը վերջին հիմարը կլիներ, եթե նման վիճակում պատերազմ չսկսեր»,– ասաց միջազգայնագետը։

Միկոյանը հիշեցրեց, որ պատերազմից առաջ Նիկոլ Փաշինյանը հայտարարում էր, թե այնպիսի բաներ կասի, որ Ադրբեջանում իրավիճակը կպայթի, բայց նա անգամ պատերազմից հետո շարունակում է այդ հարցում լռել, ինչն առավել քան տարօրինակ է։

«Հայաստան» դաշինքը սպասում է հարմար առիթի. իշխանությունը ստիպված ցավալի զիջումների կգնա

129
թեգերը:
Հայաստան, Ընտրություններ, Նիկոլ Փաշինյան, Արցախ, Ադրբեջան

Բեյրութի` ուրվական դարձած նավահանգիստը. ի՞նչ տեսք ունի այն պայթյունից 1 տարի անց

272
(Թարմացված է 20:03 01.08.2021)
Մոտ մեկ տարի առաջ ՝ օգոստոսի 4-ին, 3000 տոննա ամոնիումի նիտրատի պայթյունի հետևանքով Բեյրութի նավահանգստի տարածքում ավելի քան 200 մարդ մահացավ, 6500–ը տուժեցին։

Բեյրութի նավահանգիստը 2020-ի հզոր պայթյունից հետո վերածվել է ուրվականի. տպավորություն է, թե պայթյունից ընդամենը մի քանի օր է անցել։ Նավահանգստի մոտ փողփողում է երկրի դրոշը` հուշելով, որ նախկինում դա կարևոր տարածք է համարվել։

Կիսափլված շենքերը, կոտրված նավերը հուշում են, որ նավահանգիստը լքված է` ամենուր փլատակներ ու ավերակներ են։

Բեյրութի քաղաքապետն արտասվել է, երբ խոսել է պայթյունի զոհերի մասին. տեսանյութ

Հիշեցնենք` մոտ մեկ տարի առաջ ՝ օգոստոսի 4-ին, 3000 տոննա ամոնիումի նիտրատի պայթյունի հետևանքով այստեղ ավելի քան 200 մարդ մահացավ, տուժեցին 6500–ը, ավերվեց 6000 շենք ու շինություն, ավելի քան 250 000 բեյրութցի դարձավ անօթևան։

Բեյրութի պայթյունից հետո 1100 լիբանանահայ տեղափոխվել է Հայաստան մշտական բնակության

272
թեգերը:
Բեյրութ, պայթյուն, տեսանյութ

Կառնավա՞լ, թե՞ սպորտ. Սանկտ Պետերբուգում սապսերֆինգի փառատոն է կայացել․ տեսանյութ

29
(Թարմացված է 16:32 01.08.2021)
Սանկտ Պետերբուրգում կազմակերպված «Ֆոնտանկա-SUB» սապսերֆինգի փառատոնը 2021թ․-ին նույնքան զանգվածային ու տպավորիչ էր, որքան և նախորդ տարիներին։

Stand up paddle surfing–ը աշխարհում շատ սիրված և Ռուսաստանում ավելի ու ավելի մեծ թափ հավաքող մարզաձև է։

Այն առաջացել է դասական սերֆինգից։ SUP-ը սերֆինգով զբաղվողների անփոխարինելի բարեկամն է դարձել ալիքների բացակայության պայմաններում։ Այնպես որ սիրելի սպորտով կարելի է զբաղվել բացարձակ հարթ ջրում։

Ինչպես և նախորդ տարիներին, փառատոնը մասնակիցներին պարտավորեցրել է անպայման յուրահատուկ հագուստով լինել։ Իսկ եթե սերֆինգի տախտակին ընտանի կենդանի կա, նրան նույնպես պետք է զուգել-զարդարել։

Արցունք, ճիչ ու թենիսի կոտրված ռակետ. օլիմպիական խաղերի ամենավառ կադրերը

Փառատոնի մասնակիցները Մոյկա գետի առափնյակից շարժվել են Ֆոնտանկայի հունով, այնուհետև անցել Գրիբոյեդովի ջրանցքով և վերադարձել սկզբնակետ՝ անցնելով քաղաքի բազմաթիվ տեսարժան վայրերի կողքով։

Երթուղու ընդհանուր երկարությունը 8 կմ է։ 2019թ․-ին այս միջոցառումը ռեկորդային թվով մասնակիցներ էր հավաքել․ 1300 գրանցված մասնակցից ջուրն էին իջել 792-ը։ Դրանից մեկ տարի առաջ փառատոնին մոտ 500 մարդ էր մասնակցել։

Կարեն Խաչանովը Տոկիոյից կհեռանա արծաթե մեդալով. նա պարտվեց եզրափակիչում

 

29
թեգերը:
Սանկտ Պետերբուրգ, տեսանյութ, փառատոն
Շտապօգնություն

Ողբերգական ավտովթար` Արարատի մարզում. վարորդը տեղում մահացել է

0
(Թարմացված է 09:46 02.08.2021)
Քննիչի հանձնարարականով՝ ավտոմեքենաները տեղափոխվել են ոստիկանության Վեդիի բաժնի պահպանվող հատուկ տարածք։

ԵՐԵՎԱՆ, 2 օգոստոսի – Sputnik. Ողբերգական ավտովթար է այսօր տեղի ունեցել Արարատի մարզում։ Ինչպես հայտնում է Shamshyan.com–ը, ժամը 05։55-ի սահմաններում Վեդի-Վանաշեն միջհամայնքային ավտոճանապարհին բախվել են Արարատի մարզի բնակիչներ 64-ամյա Արամայիս Տերտերյանի վարած Opel Zafira մակնիշի և 27-ամյա Արամ Ղուկասյանի վարած ZIL MMZ մակնիշի ավտոմեքենաները։ 

Երևան-Սևան ավտոճանապարհին մեքենան գլորվել է ձորը

Վթարի հետևանքով Տերտերյանը տեղում մահացել է, իսկ ZIL-ը դուրս է եկել ճանապարհի երթևեկելի գոտուց և կողաշրջվել։

Փաստի առթիվ հարուցվել է քրեական գործ ՀՀ Քրեական օրենսգրքի 242 հոդվածի 2-րդ մասի հատկանիշներով։ 

Քննիչի հանձնարարականով՝ ավտոմեքենաները տեղափոխվել են ոստիկանության Վեդիի բաժնի պահպանվող հատուկ տարածք։

0
թեգերը:
Հայաստան, ավտովթար, ավտոմեքենա, Զոհ, վարորդ