Բանալի բառը «բոլորի վարչապետ լինելն է»․ հանդիպել են Նիկոլ Փաշինյանն ու Արամ Սարգսյանը

174
(Թարմացված է 16:18 22.06.2021)
«Հանրապետություն» կուսակցության ղեկավարը ծիծաղելի է համարել ընտրությունների արդյունքները ՍԴ-ում վիճարկելը՝ հիմք ընդունելով սոցիոլոգիական հարցումները կամ բազմամարդ հանրահավաքները։

ՀՀ վարչապետի պաշտոնակատար Նիկոլ Փաշինյանը քաղաքական խորհրդակցությունների շրջանակում հանդիպել է «Հանրապետություն» կուսակցության ղեկավար Արամ Սարգսյանի հետ։ Տեղեկությունը հայտնում է վարչապետի մամուլի ծառայությունը։ Արամ Սարգսյանը շնորհավորել է «Քաղաքացիական պայմանագիր» կուսակցության առաջնորդին, նրա թիմի հաղթանակը «շատ համոզիչ» անվանել ու բեղմնավոր աշխատանք մաղթել։

Փաշինյանը նշել է, որ հետևում էր «Հանրապետություն» կուսակցության քարոզարշավին և շատ լավ տպավորություն է ստացել։ Նաև անկեղծացել է․ կարծում էր՝ Արամ Սարգսյանի գլխավորած կուսակցությունը կհաղթահարի 5 տոկոսի շեմը, բայց ընտրությունները անկանխատեսելիության գործոն ունեն։

«Կուզեի լսել ձեր պատկերացումները ներքաղաքական կյանքի հետագա զարգացումների, ձեր կուսակցության և անձամբ ձեր պատկերացումները ձեր անելիքների վերաբերյալ, թե ինչպես եք տեսնում «Հանրապետություն» և կառավարության, խորհրդարանական մեծամասնության հարաբերությունները»,- նշել է Փաշինյանը։

Նա մանրամասնել է՝ այս ամենի նպատակն այն է, որ կառավարությունն ու արտախորհրդարանական ուժերը փոխադարձաբար ավելի լսելի լինեն։ Փաշինյանը նկատել է, որ կան գաղափարներ, առաջարկներ, որոնք աղմուկի մեջ կորչում են և չեն լսվում։

Արամ Սարգսյանը նախ շեշտել է, որ ընտրություններն «ամեն ինչ դրեցին իրենց տեղը»։

Նրա կարծիքով՝ ընդհանուր գործընթացների համար լավագույն տարբերակը կլինի այն, որ քննարկումները տեղափոխվեն ԱԺ հարթակ, և այնտեղ առաջին հերթին ԱԺ անցած խորհրդարանական ուժերի հետ «փորձվի գտնել մարդավարի լեզվով խոսելու, հին հռետորաբանությունից դուրս գալու, երկիրն այսս իրավիճակից հանելու հիմնական բանաձևը»։

«Հանրապետություն» կուսակցության ղեկավարի խոսքով՝ արտախորհրդարանական ուժերի խնդիրը հիմա շատ ավելի հեշտ է, ազդեցություններն էլ շատ ավելի փոքր։

«Այստեղ հիմնական բանալի բառը ձեր՝ «բոլորի վարչապետ լինելն է», անկախ նրանից, թե նրանք որ թիմից են։ Իհարկե, հասկանում եմ, որ էն թիմերում 20 տոկոսն է մոլորյալ, որոնց վարչապետն իսկապես արժի լինել, մյուսներն այլևայլ նպատակներ ունեն՝ իրենց նախկին ազդեցությունները վերականգնելու, հովանավորչությամբ զբաղվելու կամ որոշակի նյութական իրավիճակներից ելնելով՝ շտաբներում աշխատելով էդ քվեները ձևավորվել են»,- նշել է Սարգսյանը։

Նա նաև ծիծաղելի է համարել ընտրությունների արդյունքները Սահմանադրական դատարանում վիճարկելը՝ որպես հիմք ընդունելով սոցիոլոգիական հարցումները կամ բազմամարդ հանրահավաքները։

Ինչ վերաբերում է իրենց քաղաքական ուժին, ապա անկախ ընտրությունների արդյունքներից՝ մշտապես լինելու են պետության ու պետականության կողքին։

«Մեզ համար գերկարևոր է ՀՀ անկախությունը, էդ անկախության գիծն անընդհատ պահելու գործընթացը, որը մենք պահում ենք արևմտյան մոտեցումներ ներկայացնելով, արտաքին քաղաքական դաշտը բալանսավորելով»,- նշել է Արամ Սարգսյանը։

Նա ընդգծել է, որ իրենց թիմն այդ մոտեցումներով կարող է օգնել թե՛ պետությանը, թե՛ արտաքին քաղաքականությամբ զբաղվող գործիչներին։ Նշել է նաև, որ իրենք տնտեսական ոլորտում էլ առաջարկներ կներկայացնեն կառավարությանը, հետամուտ կլինեն, որ դրանք իրականություն դառնան կամ էլ «հիմնավոր մերժվեն», որ հնարավոր լինի չնեղացնել բիզնեսին։

Արմեն Սարգսյանը շնորհավորել է Նիկոլ Փաշինյանին

Հիշեցնենք` հունիսի 20–ին Հայաստանում ԱԺ արտահերթ ընտրություն անցկացվեց։ Ընտրողների ցուցակներում ընդգրկված 2 593 572 քաղաքացիներից քվեարկությանը մասնակցեցին 1 281 174–ը կամ 49.4 տոկոսը։

Հունիսի 21-ին ԿԸՀ–ն ամփոփեց բոլոր 2008 ընտրատեղամասերի նախնական արդյունքները, որոնց համաձայն` «Քաղաքացիական պայմանագիր» կուսակցությունը ստացել է 687 251 քվե (53.92%), «Հայաստան» դաշինքը՝ 268 165 (21.04%), «Պատիվ ունեմ» դաշինքը՝ 66 633 (5.23%), «Բարգավաճ Հայաստան» կուսակցությունը՝ 50 419 (3.95), «Հանրապետություն» կուսակցությունը՝ 38 713 (3,04), «Հայ ազգային կոնգրես» կուսակցությունը՝ 19 674 (1.54), «Լուսավոր Հայաստան» կուսակցությունը` 15 557 (1.22)։

174
թեգերը:
Արամ Սարգսյան, Նիկոլ Փաշինյան, Հայաստան

Քիչ էր մնում` պատնեշը պոկեր. Տոկիոյում ոսկու արժանացած լողորդի մարզչի խելահեղ արձագանքը

320
(Թարմացված է 15:47 26.07.2021)
Արիարնե Տիտմուսի մարզիչը չափազանց բուռն է արձագանքել իր սանի հաղթանակին: Դին Բոքսալը նախկինում էլ է աչքի ընկել իր զգացմունքայնությամբ, բայց այս անգամ նա պարզապես պայթեցրել էր համացանցը՝ դառնալով Տոկիոյի օլիմպիական խաղերի մեմը։

Ավստրալացի լողորդ Արիարնե Տիտմուսի մարզիչ Դին Բոքսալը չի կարողացել զսպել իր հրճվանքը, երբ նրա սանը 400 մետր ազատ ոճի լողում դարձել է օլիմպիական խաղերի եզրափակիչի հաղթող։

Բոքսալը «գժվել» է Տիտմուսի արդյունքից հետո: Մարզիչն իր վրայից պոկել է բժշկական դիմակը, բղավել, բռունցքով հարվածել, գրեթե պոկել տրիբունաների պատնեշը, իսկ հետո ուրախությունից արտասվել։

Մարզչի մասնակցությամբ տեսանյութն արագորեն տարածվում է համացանցում։

Տիտմուսը հաղթել է 3 րոպե 56,59 վայրկյան արդյունքով` առաջ անցնելով ամերիկուհի Քեթի Լեդեկիից, որն օլիմպիական հնգակի չեմպիոն է ու աշխարհի 15-ակի չեմպիոն:

Արթուր Դալալոյանը պատմել է` ինչու է արտասվել օլիմպիական խաղերի որակավորման փուլում

Մինչև 2019 թվականը Լոդեկին 400 մետր ազատ ոճում չէր պարտվել ոչ մի խոշոր մրցաշարում, քանի դեռ չէր հայտնվել Տիտմուսը: Ավստրալուհին առաջին ջախջախիչ պարտությունը հասցրեց Կվանջուի աշխարհի առաջնությունում։ Երկրորդը գրանցվեց Տոկիոյի խաղերում. Լեդեկին առաջին անգամ պարտվեց օլիմպիական եզրափակիչում:

Ավստրալական թիմը բուռն ոգևորությամբ ընդունեց Արիարնեի «ոսկին»։ Բայց, իհարկե, ոչ այնքան բուռն, որքան նրա մարզիչը։

Հայազգի Կարեն Խաչանովը հաղթանակով մեկնարկեց 32–րդ օլիմպիական խաղերում. լուսանկարներ

320
թեգերը:
տեսանյութ, մարզիչ, լողորդ
(1:02 / 7.43Mb / просмотров видео: 982)

Խոշոր վթար Երևանի կենտրոնում, 4 հոգու հիվանդանոց են տեղափոխել. տեսանյութ

438
2 վարորդները (մեկը` 29 տարեկան, մյուսը` 35) տեղափոխվել են «Էրեբունի» բժշկական կենտրոն, ևս մեկ վարորդ ու մեկ ուղևոր էլ` ««Հերացի» թիվ 1 հիվանդանոցային համալիր։

Այս գիշեր հերթական վթարն է գրանցվել Երևանի կենտրոնում։ Տեղեկությունը հայտնում է ՀՀ արտակարգ իրավիճակների նախարարությունը։

Հուլիսի 26-ին` ժամը 02։27-ին, Ճգնաժամային կառավարման ազգային կենտրոնն ահազանգ է ստացել, որ Երևանի Ամիրյան և Զաքյան փողոցների խաչմերուկում տեղի է ունեցել ՃՏՊ, կա տուժած։

Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ և Փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը:

Խոշոր ավտովթար Շիրակի մարզում. կան զոհեր ու բազմաթիվ վիրավորներ

Պարզվել է, որ բախվել են «Mercedes 350» (վարորդ՝ Ս․ Հ․, ծնված 1992 թ․), «Mercedes W124» (վարորդ՝ Ա․ Թ․, ծնված 1986 թ․), «Toyota Corolla» (վարորդ՝ Ա․ Ջ․, ծնված 1997 թ․) և «Toyota Camry» (վարորդ՝ Հ․ Հ․, ծնված 1991 թ․) մակնիշների ավտոմեքենաները։

Մինչ փրկարարների կանչի վայր հասնելը, «Mercedes 350» և «Toyota Corolla» մակնիշների ավտոմեքենաների վարորդները հոսպիտալացվել են «Էրեբունի» ԲԿ։

Փրկարարները «Mercedes 350» մակնիշի ավտոմեքենայի ուղևոր Ի․ Մ․-ին (ծնված 1987 թ․) և «Mercedes W124» ավտոմեքենայի վարորդին մոտեցրել են շտապօգնության ավտոմեքենաներին․ տուժածները հոսպիտալացվել են «Հերացի» թիվ 1 հիվանդանոցային համալիր։

Փրկարարները հոսանքազրկել են ավտոմեքենաները, փակել գազի բալոնների փականները և իրականացրել «Mercedes W124» մակնիշի ավտոմեքենայի շարժիչի հատվածի հովացման աշխատանքներ։

Կապանում 42-ամյա տղամարդն ընկել է ձորն ու մահացել

438
Ըստ թեմայի
Մեքենան պայթել է, հետո բախվել բեռնատարին. ՔԿ–ն ներկայացնում է սարսափելի վթարի մանրամասները
Վթար Վանաձոր քաղաքում. կա 7 վիրավոր, նրանցից մեկը կորցրել է երեխային
Ողբերգական վթար Երևան-Երասխ ճանապարհին. մահացածը դասակի հրամանատար էր
Каска работника пожарной службы

Արցախում մահացած զինվորն ինքնասպանություն է գործել. ՔԿ-ն մանրամասներ է հայտնել

0
Քննչական կոմիտեից տեղեկացնում են, որ քրեական գործով նախաքննությունը շարունակվում է:

 

Արցախում մահացած զինվորն ինքնասպանություն է գործել։ Տեղեկությունը հայտնում է ՀՀ քննչական կոմիտեն և որոշ մանրամասներ ներկայացնում։

«ՀՀ քննչական կոմիտեի զինվորական քննչական գլխավոր վարչության կայազորային վարչությունում ՀՀ քրեական օրենսգրքի 360.1-րդ հոդվածի 2-րդ մասի 3-րդ կետով հարուցված քրեական գործով կատարված նախաքննությամբ պարզվել է, որ 2021 թվականի հուլիսի 26-ին՝ ժամը 22։26-ի սահմաններում, ՊԲ N զորամասի պարտադիր ժամկետային զինծառայող Սարգիս Ժիրայրի Գրիգորյանը կրակային դիրքում իրեն ամրակցված ԱԿ տեսակի ինքնաձիգից ինքն իրեն կրծքավանդակի ձախ շրջանում արձակել է մենահատ կրակոց և ստացել մահացու հրազենային վնասվածք»,–ասված է հաղորդագրության մեջ:

Քրեական գործով նախաքննությունը շարունակվում է:

 

0
թեգերը:
ինքնասպանություն, Զինվոր, Արցախ