Պատերազմում է ոչ միայն բանակը, այլև ամբողջ պետությունը. Վաղարշակ Հարությունյան

57
(Թարմացված է 18:22 11.06.2021)
Անդրանիկ Փիլոյանը և Վաղարշակ Հարությունյանն այսօր հյուրընկալվել են ԱԻՆ Ճգնաժամային կառավարման պետական ակադեմիայում։

Առաջիկայում ԱԻՆ Ճգնաժամային կառավարման պետական ակադեմիայի բուհի ուսանողները հնարավորություն կստանան սպայական կոչումով աշխատել պաշտպանական գերատեսչությունում, տեղեկանում ենք ՀՀ արտակարգ իրավիճակների նախարարության կայքից։

Այսօր արտակարգ իրավիճակների և պաշտպանության նախարարների պաշտոնակատարներ Անդրանիկ Փիլոյանը և Վաղարշակ Հարությունյանը հյուրընկալվել են ակադեմիայում։

«Մենք մեր հնարավորությւոնների սահմանում պետք է պիտանի լինենք բանակին»,–հանդիպմանն ասել է Փիլոյանը։

Ի պատասխան Վաղարշակ Հարությունյանը նշել է, որ ԱԻՆ-ը լավագույն կառույցներից մեկն է և իր լուման ունի պաշտպանության ոլորտում, քանի որ պատերազմում է ոչ միայն բանակը, այլև ամբողջ պետությունը։ Վաղարշակ Հարությունյանին ներկայացվել են Ճգնաժամային կառավարման ակադեմիայում իրականացվող ռոբոտաշինության, մասնավորապես՝ անօդաչու թռչող սարքերի նախագծման ոլորտում իրականացված աշխատանքները:

Նախարարների պաշտոնակատարների մասնակցությամբ ՃԿՊԱ-ում անցկացվել է խորհրդակցություն հետագա անելիքների վերաբերյալ։

Սերգեյ Շոյգուն ու Վաղարշակ Հարությունյանը սուր խնդիրներ են քննարկել Մոսկվայում

57
թեգերը:
ՀՀ արտակարգ իրավիճակների նախարարություն (ԱԻՆ), Վաղարշակ Հարությունյան
Ըստ թեմայի
Հարությունյանը հայ-ադրբեջանական սահմանային իրադրությունը քննարկել է Գոլուբիցկիի հետ
Պատերազմը չի ավարտվել, չկա պայմանագիր, չկա խաղաղություն. Արմեն Սարգսյան
Լավրովն ասել է՝ երբ ավելի հեշտ կլուծվի Ղարաբաղի կարգավիճակի հարցը

Տեղատարափ անձրևները հեղեղել են Ղրիմը. ավելի քան 1700 մարդու են տարհանել

83
(Թարմացված է 17:05 19.06.2021)
Ղրիմում շարունակվում են տեղատարափ անձրևները․ ականատեսները պնդում են, որ ավելի քան քսան տարի նման բան չի եղել։

Երեկ գրեթե ամբողջ թերակղզում տեղացել է տեղումների մեկուկես ամսվա նորման՝ հեղեղելով Կերչը։

Մարզում արտակարգ դրություն է հայտարարվել: Թե ինչպիսի իրավիճակ է Կերչում, երևում է տեսանյութում։

Երևանից հնարավոր կլինի մեկնել Ղրիմ և վերադառնալ

Այնուհետև անձևները հասել են նաև Յալթա։ Այնտեղ տեղումների մեկ ամսվա նորմա տեղացել է ընդամենը վեց ժամում, հունից դուրս է եկել Վոդոպադնայա գետը, որը հեղեղել է քաղաքի փողոցները։ Ավելի քան 1770 մարդու տարհանել են։

Երևանում օդի ջերմաստիճանը կհասնի +40-ի. Գագիկ Սուրենյանը զգուշացնում է

83
թեգերը:
տեսանյութ, Անձրև, Ղրիմ

Հեռու ցնցումներից ու պառակտումներից. Գարեգին Բ–ն ընտրություններին ընդառաջ ուղերձ է հղել

45
(Թարմացված է 13:08 19.06.2021)
Ամենայն հայոց կաթողիկոսի խոսքով`կենսական անհրաժեշտություն է, որ հետընտրական շրջանում մեր երկրի ներքին կյանքն ընթանա հանդարտության և ողջախոհության մթնոլորտում։

Ն.Ս.Օ.Տ.Տ. Գարեգին Բ Ամենայն հայոց կաթողիկոսն ԱԺ արտահերթ ընտրություններին ընդառաջ հանդես է եկել ուղերձով։

«Սիրելի ժողովուրդ, մեր հայրենիքի համար վճռական օրվա շեմին ենք: Արտահերթ խորհրդարանական ընտրություններին մասնակցությամբ որոշելու ենք մեր երկրի գալիքի կերտման ուղին: Մենք ամենքս ուզում ենք ապրել խաղաղ ու անվտանգ, կայուն զարգացող երկրում, հեռու ցնցումներից ու պառակտումներից և կառուցել մեր արժանապատիվ ու բարօր կյանքը ազգաշահ ու հայրենաշեն ձեռքբերումների վրա։ Այսօր՝ մեզ պատուհասած ծանր կորուստների պայմաններում, առավել քան երբևէ, մենք պարտք ու պատասխանատվություն ունենք մեր անկախ պետականության պահպանման ու ամրապնդման, մեր հայրենիքի զորացման համար։ Պատասխանատվություն ունենք մեր զոհված նահատակների լուսավառ հիշատակի, մեր ներկայի ու գալիքի, մեր սերունդների առջև։ Ի Հայաստան, ի Արցախ և ի սփյուռս, մեր ժողովրդի առջև հառնած է հրամայականը՝ թոթափելու հետպատերազմյան և նախընտրական օրերին ստեղծված լարվածությունը, վերահաստատելու համերաշխությունը»,–ասել է կաթողիկոսը։

Նրա խոսքով`կենսական անհրաժեշտություն է, որ հետընտրական շրջանում մեր երկրի ներքին կյանքն ընթանա հանդարտության և ողջախոհության մթնոլորտում։ Երբեք և ոչ մի կերպ չեն կարող արդարացվել ազգը պառակտող գործողությունները և հասարակության մեջ թշնամանքի սերմանումը, բռնության ու հաշվեհարդարի կոչերը, բախումներ հրահրելը:

«Հայրապետական մեր հորդորն է, սիրելի ժողովուրդ, զերծ մնալ ատելության խոսքից, անհանդուրժողականությունից, դրսևորել զգոնություն, օրինահարգություն և նոր փորձություններով չվտանգել հայրենական մեր կյանքը։ Մեր պատմության նոր էջը կերտենք հավատքով ու լավատեսությամբ, սիրով ու միասնականությամբ»,–ասել է նա։

Կաթողիկոսը շեշտել է, որ Հայաստանում կայուն իրավիճակով, մեր ամուր պետականությամբ է նաև պայմանավորված Արցախի ապագան, արցախցիների հիմնախնդիրների հաղթահարումը։

Նա կոչ է արել մասնակցել ընտրություններին, անտարբեր չմնալ մեր երկրի վաղվա օրվա հանդեպ։

Հիշեցնենք`Հայաստանում ԱԺ ընտրությունները կայանալու են վաղը` հունիսի 20-ին։ 

Ոստիկանությունը հրապարակել է ընտրողների ռեգիստրում ընդգրկված ընտրողների ընդհանուր թիվը

45
թեգերը:
Ընտրություններ, կաթողիկոս, Հայաստան
Արմեն Չարչյան

Ինչու դատարանը չի հրապարակում Արմեն Չարչյանի վերաբերյալ որոշումը․ պաշտպանն իր վարկածն ունի

170
(Թարմացված է 23:57 19.06.2021)
Չարչյանի պաշտպանները հայտարարել էին, որ անգամ վարույթ իրականացնող մարմինը կասկած ունի, որ ձայնագրության մեջ լսվող ձայնը Արմեն Չարչյանինն է:

ԵՐԵՎԱՆ, 19 հունիսի – Sputnik. Երևան քաղաքի Ավան և Նոր Նորք վարչական շրջանների ընդհանուր իրավասության դատարանը «Իզմիրլյան» բժշկական կենտրոնի տնօրեն Արմեն Չարչյանի ձերբակալության իրավաչափության վերաբերյալ որոշումը պետք է հրապարակեր այսօր՝ ժամը 20։00-ին, սակայն հրապարակումից առաջ՝ ժամը 19։34-ին, պաշտպանները դատավորի օգնականից տեղեկացել են, որ նշանակված ժամին որոշման հրապարակումը տեղի չի ունենալու։ Տեղեկությունը հայտնում է Չարչյանի պաշտպան Էրիկ Ալեքսանյանը։

«Իսկ թե կոնկրետ երբ կհրապարակվի դատական ակտը, դատավորի աշխատակազմից որևէ տեղեկություն չի հաղորդվել և չի հաղորդվում մինչ այս պահը: Այս ամենը թույլ է տալիս պաշտպանության կողմին ողջամտորեն ենթադրելու, որ դատարանի նկատմամբ հենց այս պահին բիրտ ճնշումներ են գործադրվում իշխանության համար ցանկալի որոշում կայացնելու առումով։ Սա ևս մեկ անգամ հաստատում է այն հանգամանքը, որ պարոն Չարչյանի նկատմամբ իրականացվում է քաղաքական հետապնդում։ Հորդորում ենք դատավորին հավատարիմ մնալ իր երդմանը, մերժել բոլոր տեսակի ճնշումները և գործել բացառապես օրենքով»,- Facebook-ի իր էջում գրել է նա։

Նշենք, որ այսօր դատարանում տեղի էր ունեցել Արմեն Չարչյանի ձերբակալության դեմ բողոքի քննությունը:

Գործով քննիչը և դատախազը չէին ներկայացել դատական նիստին։ Քննության ավարտից հետո պաշտպանները հայտնել էին, որ Չարչյանի ձերբակալության իրավաչափության վերաբերյալ դատական ակտը կհրապարակվի 20։00-ին։

Չարչյանի պաշտպաններ Էրիկ Ալեքսանյանը և Արամ Վարդևանյանը լրագրողների հետ զրույցում հայտարարել էին, որ գործ ունեն բացառապես քաղաքական հետապնդման հետ, քանի որ ձերբակալման այն հիմքը, այն նպատակները, որոնք նշված են, աղերս չունեն իրավաբանության հետ։

Նրանք արձանագրել էին, որ վարույթ իրականացնող մարմինը երեկ որոշում է կայացրել ձայնագրային փորձաքննություն նշանակելու մասին և ի թիվս այլ հարցերի հարց է առաջադրել` արդյո՞ք այդ ձայնագրության մեջ խոսող անձն Արմեն Չարչյանն է: Ըստ նրանց` ստացվում է, որ անգամ վարույթ իրականացնող մարմինը կասկած ունի, որ այդ անձն Արմեն Չարչյանն է:

Հիշեցնենք` երեկ համացանցում հրապարակվեց մի ձայնագրություն, որում Չարչյանն ասում է` տնօրինությունը շատ կոշտ, խիստ համարժեք վերաբերմունք է ցուցաբերելու նրանց նկատմամբ, ովքեր ընտրություններին չեն մասնակցի։

Ավելի ուշ հայտնի դարձավ, որ ԱԺ արտահերթ ընտրություններին մասնակցող կուսակցությունների դաշինքի պատգամավորության թեկնածուների ցուցակում ընդգրկված Չարչյանը ձերբակալվել է իր ղեկավարած կենտրոնի աշխատակիցներին ԱԺ արտահերթ ընտրություններին մասնակցելուն առերևույթ հարկադրելու դեպքի առթիվ ՀՀ ՀՔԾ-ում քննվող քրեական գործի շրջանակում։

Չարչյանն ընդունել է ձերբակալման օրը գործընկերների հետ ունեցած զրույցի փաստը. Աբրահամյան

170
թեգերը:
Դատարան, Արմեն Չարչյան, Հայաստան
Ըստ թեմայի
Պրոֆեսոր Չարչյանը պետք է անհապաղ ազատ արձակվի. Արա Բաբլոյան
Գորիսի «Գուսան Աշոտ» մշակույթի կենտրոնի տնօրենը կալանավորվել է
Ընտրողներին կաշառք տալու կասկածանքով 3 մարդու են ձերբակալել, մեկը պատգամավորի թեկնածու է