Հայաստան, Ռուբեն Աղուզումցյան, հայկական ընտանիք, ruben axuzumcyan, haykakan jamanak, novosti armenii

Ինչի՞ կհանգեցնի ուրիշին նմանվելու ցանկությունը. Աղուզումցյանը` հայկական ընտանիքի մասին

253
ՀՀ պետական կառավարման ակադեմիայի հոգեբանության ամբիոնի վարիչ, hոգեբանության պրոֆեսոր Ռուբեն Աղուզումցյանը Sputnik Արմենիայի եթերում անդրադարձել է հայ ընտանիքների առջև ծառացած խնդիրներին և այն փոփոխություններին, որոնք ազդում են ընտանիքների նկարագրի վրա։

Ռուբեն Աղուզումցյանի դիտարկմամբ` հայկական ավանդական ընտանիքը գլոբալիզացիոն գործընթացների ազդեցության հետևանքով ենթարկվել է զգալի փոփոխությունների։ Ըստ նրա` հայկական ընտանիքների հիմքում վերջին 50 տարիների ընթացքում եղել են այն սկզբունքներն ու իրողությունները, որոնք Հայ առաքելական եկեղեցին ամրագրել է ընտանիք գաղափարի մեջ։

«Քանի որ տևական ժամանակ, նույնիսկ դարերի ընթացքում մենք չենք ունեցել պետականություն, հետևաբար դրան փոխարինել է նաև ընտանիքը, որն առաջնորդվել է եկեղեցու կողմից առաջադրվող արժեհամակարգով, իսկ խորհրդային տարիներին հայկականն ընտանիքն առաջնորդվում էր արդեն հասարակական գաղափարախոսությամբ, որը բնորոշ էր Խորհրդային Միությանը»,– Sputnik Արմենիայի եթերում ասում է հոգեբանը։

Աղուզումցյանի կարծիքով` մեր օրերում համատարած համահարթեցման պայմաններում նույնիսկ ազգերի միջև տարբերությունները կրճատվել են, մոտեցումները դարձել են ավելի ընդհանուր, ու թեև դա զարգացման օրինաչափությունն է, սակայն մյուս կողմից մենք կորցնում են ընտանեկան կարևոր սկզբունքները, որոնք հայերի համար միշտ եղել են սրբություն։

Ավելին, հոգեբանի համոզմամբ, Հայաստանն այսօր չունի ծնող պատրաստելու ինստիտուտ, հայկական ընտանիքների վրա ազդում են միանգամից մի քանի գործոններ` սոցիալ–տնտեսական, բարոյահոգեբանական, քաղաքական։ Հայկական ընտանիքների կենսագործունեության հարցում շատերը ձգտում են նմանվել զարգացած երկրներին, սակայն ընդօրինակումները որոշ դեպքերում, ըստ Աղուզումցյանի, կարող են հարուցել շատ լուրջ խնդիրներ, քանզի մեր հոգեկերտվածքն ու արժեքային համակարգն է բոլորովին տարբեր։

Պատասխանատու պաշտոնների պարագայում պետք է ավելի լուրջ մտածել ընտրության մասին. հոգեբան

253
թեգերը:
Ռուբեն Աղուզումցյան, Հայաստան

Աջափնյակում ևս 5 ապօրինի կառույց է ապամոնտաժվել. տեսանյութ

123
(Թարմացված է 13:01 25.06.2021)
Վերջին շաբաթվա ինտենսիվ ապամոնտաժումներից առաջ, վերջին վեց ամիսներին միայն Աջափնյակում 34 ինքնակամ կառույց է ապամոնտաժվել:

Երևանի քաղաքապետ Հայկ Մարությանի կարգադրությամբ երեկ` հունիսի 25-ին, միայն Աջափնյակում ևս 5 ապօրինի կառույց է ապամոնտաժվել: Տեղեկությունը հայտնում է քաղաքապետի խոսնակ Հակոբ Կարապետյանը։

«Քաղաքապետարանին ապամոնտաժման ընթացքում մեծապես աջակցում են ՀՀ ոստիկանության ուժերը՝ պահպանելով հասարակական կարգը քանդման աշխատանքների ընթացքում»,– Facebook–ի իր էջում գրել է նա:

Կարապետյանը նշել է, որ վերջին շաբաթվա ինտենսիվ ապամոնտաժումներից առաջ, վերջին վեց ամիսներին միայն Աջափնյակում 34 ինքնակամ կառույց է ապամոնտաժվել:

«Որպես միջանկյալ դիտարկում. ինքնակամ կառույցների սեփականատերերը այս օրերին հաճախ դժգոհում են, թե «մենք դիմել ենք քաղաքապետարանին՝ շինթույլտվություն ստանալու համար, քաղաքապետարանը չի տվել, դրա համար ստիպված ինքնակամ ենք կառուցել»: Ներեցեք, բայց դա մոտավորապես նույնն է թե ինչ-որ մեկից ուզես իր մեքենան և, չստանալով իր համաձայնությունը, առևանգես մեքենան, հետո, որպես արդարացում, ասես՝ «ես ուզեցի, ինքը չտվեց, ես էլ ստիպված գողացա»»,– ավելացրել է քաղաքապետի խոսնակը։

Նա շեշտել է, որ քաղաքային իշխանությունն է համայնքի սեփականությունը տնօրինում և տալիս շինթույլտվություններ, և պետք է ցանկացած պարագայում ստանալ քաղաքային իշխանության թույլտվությունը:

Հիշեցնենք` Երևանի ավագանու հունիսի 22-ի նիստում Հայկ Մարությանը, անդրադառնալով օրեցօր ավելացող ապօրինի կրպակներին ու շինություններին, հայտարարել էր, որ Աջափնյակ վարչական շրջանում ապօրինի շինարարության հարցում գործում է հանցավոր խումբ, որում ներգրավված են բազմաթիվ մարդիկ պետական մարմիններից, դատական համակարգից, թաղային հեղինակություններ։

Քաղաքապետը նշել էր, որ նախորդ տարվա դեկտեմբերից մինչև այսօր Աջափնյակ վարչական շրջանում իրավախախտման վերաբերյալ կազմվել է 60 վարչական արձանագրություն, որից 45-ը համայնքային հողամասի վրա, 15-ը՝ սեփական հանդիսացող հողամասի։

Քանդում են նաև Էրեբունու և Նոր Նորքի ապօրինի շինությունները. լուսանկարներ

123
թեգերը:
Աջափնյակ, Հայաստան

Թուրքիան փորձում է ազատվել ծովային լորձից․ տեսանյութ

108
(Թարմացված է 19:41 24.06.2021)
Մարմարա ծովում լորձի հայտնվելը կապում են արդյունաբերական ձեռնարկությունների թափոնների և կոյուղու ցանցերի արտահոսքերի հետ:

Թուրքիան փորձում է ազատվել ծովային լորձից, որը ծածկում է Մարմարա ծովի ամբողջ առափնյակը Ստամբուլի հատվածում։ Տեղեկությունը հայտնում է ՌԻԱ Նովոստին:

Այդ լորձը ֆոտոպլանկտոնի շերտ է, որը վտանգավոր է ծովային օրգանիզմների համար։ Դրա պատճառով թթվածինը չի թափանցում ջրի մեջ, և ծովի բնակիչները զանգվածաբար սատկում են։ Գիտնականներն արդեն հայտարարել են, որ իրավիճակն աղետալի է։

«Եթե ջրում թթվածին չկա, ուրեմն կյանք էլ չկա։ Ձկները, ոստրեները, անողնաշարավոր էակները կմահանան։ Լորձը խցանում է ձկների խռիկները, ինչի հետևանքով նրանք ջրահեղձ են լինում»,-պարզաբանել է հիդրոկենսաբանության ամբիոնի դոցենտ Մուհարեմ Բալչին։

Լորձի հայտնվելը կապում են արդյունաբերական ձեռնարկությունների թափոնների և կոյուղու ցանցերի արտահոսքերի հետ:

Կեսարիայի Սբ. Թորոս հայկական եկեղեցին` գանձագողերի թիրախում. 2 մետրանոց փոս են փորել

Այժմ գիտնականները փորձում են լորձի օգտահանման եղանակներ գտնել։ Նաև ջրի մաքրման աշխատանքներ են ընթանում։

Չինաստանում երկնաքերը հանկարծ թեքվել է, մարդիկ սարսափահար փախել են. տեսանյութեր

108
թեգերը:
Ծով, Ստամբուլ, Թուրքիա
Ապօրինի շինությունների ապամոնտաժում

Ընդունեք այս հայտարարությունը որպես զգուշացում. Մարությանը դիմել է քաղաքացիներին

0
(Թարմացված է 17:14 25.06.2021)
Երևանի քաղաքապետը վստահեցնում է, որ քաղաքապետարանը հաստատակամ է և հետևողականորեն գնալու է բոլոր ապօրինի շինությունների հետևից:

ԵՐԵՎԱՆ, 25 հունիսի - Sputnik. Երևանի քաղաքապետ Հայկ Մարությանը դիմել է Երևանի այն քաղաքացիներին, ովքեր Երևանի տարածքում ապօրինի շինություններ, այդ թվում՝ կրպակներ են կառուցել:

«Ինքնակամ կառույցներ նախաձեռնողները ի սկզբանե պետք է տեղյակ լինեին, որ ապօրինություն են գործում, հետևաբար, ըստ էության, ինքնակամ կառույցներ իրականացնելու պահից սկսած՝ նրանք ժամանակ և հնարավորություն ունեին «իրենց ձեռքով» կանխելու կամ վերացնելու ապօրինությունը»,- նշում է Մարությանն ի պատասխան ապօրինի կառույցների տերերի աայն առաջարկին, որ քաղաքային իշխանությունները չքանդեն դրանք, այլ իրենց ժամանակ տան ինքնուրույն քանդելու:

«Ընդունեք այս հայտարարությունը որպես ևս մեկ զգուշացում: Սրանով ևս մեկ հնարավորություն ենք տալիս ձեզ՝ ժամ առաջ ապամոնտաժելու ապօրինի կառույցները: Երբ քաղաքապետարանից գան ձեր ապօրինի կառույցը քանդելու, այլևս ժամանակ չեք ունենալու»,- նշում է նա:

Երևանի քաղաքապետը վստահեցնում է, որ քաղաքապետարանը հաստատակամ է և հետևողականորեն գնալու է բոլոր ապօրինի շինությունների հետևից:

Երևանյան կրիմինալը. ապամոնտաժվել են ապօրինի կրպակներ, Աջափնյակի ղեկավարը հրաժարական է տվել

Հիշեցնենք՝ Երևանի ավագանու հունիսի 22-ի նիստում Հայկ Մարությանը, անդրադառնալով օրեցօր ավելացող ապօրինի կրպակներին ու շինություններին, հայտարարել էր, որ Աջափնյակ վարչական շրջանում ապօրինի շինարարության հարցում գործում է հանցավոր խումբ, որում ներգրավված են բազմաթիվ մարդիկ պետական մարմիններից, դատական համակարգից, թաղային հեղինակություններ։

Քաղաքապետը նշել էր, որ նախորդ տարվա դեկտեմբերից մինչև այսօր Աջափնյակ վարչական շրջանում իրավախախտման վերաբերյալ կազմվել է 60 վարչական արձանագրություն։

0
թեգերը:
Երևան, ապօրինի շինություն, Հայկ Մարության
Ըստ թեմայի
Երևանում անհետացել է 21 թափոնաման. քաղաքապետարանը դիմել է կոչով
Ծառուկյանի նկարը և թեքահարթակի անհետանալը. Կինոյի տան մուտքը մի քանի օրում ձևափոխել են
Աջափնյակում ևս 5 ապօրինի կառույց է ապամոնտաժվել. տեսանյութ