Ռուս խաղաղապահները մարդասիրական օգնություն են փոխանցել Արցախի գյուղերից մեկի բնակիչներին

56
(Թարմացված է 11:19 04.06.2021)
Բժշկական ընդունելության ընթացքում հատուկ նշանակության ջոկատի բժիշկները խորհրդատվություն են անցկացրել և օգնություն են ցուցաբերել Պատարայի 73 բնակչի։

ԵՐԵՎԱՆ, 4 հունիսի – Sputnik. Ռուս խաղաղապահները մարդասիրական-բժշկական ակցիա են անցկացրել Լեռնային Ղարաբաղի Ասկերանի շրջանի Պատարա բնակավայրում: Այս մասին հայտնում է ՌԴ ՊՆ մամուլի ծառայությունը։

Մասնավորապես, ռուսական խաղաղապահ զորախմբի հումանիտար արձագանքման կենտրոնի սպաները ավելի քան 400 կգ մարդասիրական օգնություն են փոխանցել կարիքավորներին: Բազմազավակ ընտանիքներն ու հարկադիր տեղահանվածները ստացել են մթերքներ և առաջին անհրաժեշտության պարագաներ։

«Այսօր մեզ մոտ իրային գույք է տրվում երեխաների և մեծերի համար, մթերային օրապահիկներ՝ ապուրի պարագաների տեսքով, բաժանվում են նաև մանկական խաղալիքներ»,-հայտնել է Հումանիտար արձագանքման կենտրոնի ներկայացուցիչ Ռուսլան Իվանովը։

Նշվում է, որ Լեռնային Ղարաբաղի համար օգնությունը հավաքել են ռուսական հասարակական և բարեգործական կազմակերպությունները։

Արցախում խաղաղապահները պատրաստվում են դիրքերի վրա հնարավոր հարձակմանը

Բացի այդ, տեղի բնակիչներին բուժօգնություն ցուցաբերելու համար համայնքում դաշտային բուժկետ է տեղադրվել։

«Մեզ հետ ժամանել է հատուկ նշանակության առաջին բուժական ջոկատի անձնակազմը՝ երեք բժիշկ, այն է՝ վիրաբույժ, թերապևտ և քիթ-կոկորդ-ականջաբան»,-ասել է Իվանովը։

Բժշկական ընդունելության ընթացքում հատուկ նշանակության ջոկատի բժիշկները խորհրդատվություն են անցկացրել և օգնություն են ցուցաբերել Պատարայի 73 բնակչի։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուս խաղաղապահները մարդասիրական և հոգեբանական օգնություն են ցուցաբերում Արցախի բնակիչներին

56
թեգերը:
օգնություն, Արցախ, խաղաղապահ, Ռուսաստան
Ըստ թեմայի
Ավելի քան 100 հայ ուխտավորներ խաղաղապահների ուղեկցությամբ այցելել են Ամարասի վանք
Կոսովոյում բարձր են գնահատել հայ խաղաղապահների դերը և նշել Առաջին հանրապետության օրը
Մեծ խնդիրներ կան. խաղաղապահներն օգնել են վերականգնել էլեկտրամատակարարումը Մարտունիում

Արցախում ավարտվել է ռուսական խաղաղապահ զորախմբի բլոկ–մոդուլային ավանի կահավորումը

125
(Թարմացված է 12:30 21.06.2021)
Լեռնային Ղարաբաղում ռուս զինծառայողների բնակության և կենցաղի հարմարավետ, ժամանակակից պայմանների ստեղծման նպատակով ամենակարճ ժամկետում 30 բլոկ-մոդուլային ավան է կառուցվել։

ԵՐԵՎԱՆ, 21 հունիսի – Sputnik. Ստեփանակերտում կառուցվել է ռուսական խաղաղապահ զորախմբի հատուկ նշանակության բժշկական ջոկատի բլոկ-մոդուլային ավանը, հաղորդում է ՌԴ Պաշտպանության նախարարությունը:

Ավանը բաղկացած է 172 մոդուլից, այդ թվում՝ բնակելի և վարչական, սանիտարա-համաճարակաբանական և հոսպիտալային բաժանմունքներ, օպերացիոն բլոկ, ամբուլատորիա և մեկուսարան:

Մոդուլները հագեցած են ժամանակակից բժշկական սարքավորումներով՝ ռուսական խաղաղապահ զորակազմի զինծառայողներին որակյալ օգնություն ցուցաբերելու համար:

«Լեռնային Ղարաբաղում ռուսական խաղաղապահ զորակազմին ապահովելու նպատակով բժշկական ջոկատի համար կառուցվել է բլոկ-մոդուլային ավան՝ 40 մահճակալով: Բաղկացած է ամբուլատոր բաժանմունքից, ընդունիչ-տեսակավորման բաժանմունքից, վիրաբուժական, վերակենդանացման, հոսպիտալային բաժանմունքից և երկու ինֆեկցիոն բաժանմունքներից: Մասնագիտացված բժշկական օգնություն տրամադրելու հնարավորություններն ամբողջ ծավալով ստացիոնար են: Պայմաններ են ստեղծվել անձնակազմի բնակության համար։ Սարքավորումներն այսօրվա դրությամբ լավագույններից են Ռուսաստանի Դաշնությունում»,-ասել է բժշկական ջոկատի պետ Մարատ Խատագովը։

Խաղաղապահներն ապահովում են ջրագծերի վերականգնման անվտանգությունը Արցախում

Հոսպիտալի Ժամանակակից սարքավորվածությունը բարձր որակավորում ունեցող բժիշկներին օգնում է օպերատիվ և ճշգրիտ ի հայտ բերել այցելուների հիվանդությունները։

Ռուսաստանի Դաշնության պաշտպանության նախարարի տեղակալ, բանակի գեներալ Դմիտրի Բուլգակովի գլխավորությամբ և Ռուսաստանի Պաշտպանության նախարարության նյութատեխնիկական ապահովման մարմինների անմիջական մասնակցությամբ, կարճ ժամանակում ռուս զինծառայողների համար բնակության և կենցաղի հարմարավետ, ժամանակակից պայմանների ստեղծման նպատակով կառուցվել է 30 բլոկ-մոդուլային ավան՝ նախատեսված 250, 60, 40, 30 և 15 մարդու համար:

Այսպիսով, հատուկ նշանակության բժշկական ջոկատի բլոկ-մոդուլային ավանի կառուցումը թույլ է տվել ամբողջությամբ ավարտել Լեռնային Ղարաբաղի տարածքում ռուսական խաղաղապահ զորակազմի տեղակայումը:

Блочно-модульный городок медицинского отряда специального назначения ВС РФ в Карабахе
Մոդուլային ավանի հոսպիտալային բաժանմունքը

2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

125
թեգերը:
Ռուսաստան, խաղաղապահ, Արցախ
Ըստ թեմայի
Խաղաղապահները բժշկական սարքավորումներ են փոխանցել Ստեփանակերտի մանկական հիվանդանոցին
Արցախում խաղաղապահները հետ են մղել պայմանական հարձակումը
Արցախում ռուս խաղաղապահների մանդատը պետք է անժամկետ դարձնել․ Ռոբերտ Քոչարյան

Ինչպես են կենտրոնական շտաբի մոտ Փաշինյանին դիմավորում նրա կողմնակիցները. տեսանյութ

384
(Թարմացված է 03:21 21.06.2021)
Վարչապետի պաշտոնակատարը կեսգիշերից հետո այցելել է «Քաղաքացիական պայմանագրի» կենտրոնական շտաբ, որտեղ նրան սպասում էին բազմաթիվ կողմնակիցներ։

Թեպետ Կենտրոնական ընտրական հանձնաժողովը դեռ շարունակում է քվեարկության արդյունքների հաշվարկը, բայց արդեն «Քաղաքացիական պայմանագիր» կուսակցությունը տոնում է հաղթանակը։ Թե ինչպիսին կլինի խորհրդարանում քաղաքական ուժերի դասավորությունը, պարզ կլինի թերևս առավոտյան, բայց արդեն ակնհայտ է՝ ՔՊ-ն առաջատար է։

ՀՀ վարչապետի պաշտոնակատար Նիկոլ Փաշինյանին «Քաղաքացիական պայմանագիր» կուսակցության շտաբի մոտ նրա կուսակիցներն ու կողմնակիցները դիմավորեցին ծափերով ու ողջույնի խոսքերով։

Փաշինյանը շտաբ էր եկել կեսգիշերից հետո, երբ ԿԸՀ-ն ամփոփում էր քվեարկության արդյունքները։ Վարչապետի պաշտոնակատարն իր հերթին շնորհակալություն հայտնեց կողմնակիցներին աջակցության համար և հրավիրեց հանրահավաքին, որը տեղի կունենա Հանրապետության հրապարակում:

Sputnik Արմենիայի տեսախկցիկն արձանագրել է, թե ինչպես է երգիչ Արթուր Իսպիրյանը շնորհավորում ԱԺ պատգամավոր, ՔՊ-ական Հայկ Կոնջորյանին։

Ռոբերտ Քոչարյանի գլխավորած «Հայաստան» դաշինքը հայտարարություն է տարածել

Հիշեցնենք` հունիսի 20–ին, ժ. 08։00–20։00–ը Հայաստանում քվեարկություն է անցկացվել 2008 ընտրատեղամասերում։ Ընտրողների ցուցակներում ընդգրկված են 2 593 572 մարդ, որոնցից ընտրությանը մասնակցել են 1 281 174–ը կամ 49.4 տոկոսը։

Արտահերթ խորհրդարանական ընտրություններին մասնակցում են 21 կուսակցություն և 4 դաշինք։

Կուսակցությունների համար անցողիկ շեմը Ընտրական օրենսդրությամբ 5 տոկոս է, դաշինքների համար՝ 7 տոկոս։ Ընտրողների մասնակցության շեմ չկա։

Ընտրություններին մասնակցել է ընտրողների 49.4%-ը. ամենաբարձր մասնակցությունը Սյունիքում է

384
թեգերը:
քվեարկություն, «Քաղաքացիական պայմանագիր» կուսակցություն, Ընտրություններ, ԱԺ
Ըստ թեմայի
ՔՊ 59%, «Հայաստան» դաշինք`18. ԿԸՀ–ն ամփոփել է 501 ընտրատեղամասի արդյունքները
Փաշինյանի խորհրդական Արսեն Թորոսյանի բաց ակնարկը այլ ուժերի համար աշխատած համայնքապետներին
Ինչպիսի իրավախախտումներ են գրանցվել ընտրությունների ընթացքում․ դատախազության տվյալները
Վարդան Այվազյան

Ինչ կլինի, եթե «Հայաստան» դաշինքը որոշի հրաժարվել մանդատներից. բացատրում է սահմանադրագետը

0
(Թարմացված է 14:38 21.06.2021)
Երևանի պետական համալսարանի իրավագիտության ֆակուլտետի սահմանադրական իրավունքի ամբիոնի վարիչ Վարդան Այվազյանը Sputnik Արմենիայի եթերում անդրադարձել ընտրական գործընթացին առնչվող սահմանադրական որոշ իրողությունների։

Վարդան Այվազյանի դիտարկմամբ` սահմանադրական մեծամասնության կողմից կառավարություն ձևավորելու իրավունքն ամրագրված է Ընտրական օրենսգրքով, եթե տվյալ քաղաքական ուժն ընտրություններում ստացել է քվեների առնվազն 54 տոկոսը։ Ըստ նրա` դեռ վաղ է կարծիք հայտնել ընտրությունների վերաբերյալ, քանի դեռ հայտնի չեն «Հայաստան», «Պատիվ ունեմ» դաշինքի և մյուս ուժերի մոտեցումները: Նրանք կարող են բողոքարկել ընտրությունների արդյունքները և բացառված չէ, որ խորհրդարան անցած ընդդիմադիր ուժերն ընդհանրապես հրաժարվեն մանդատներից և առաջանա նոր քաղաքական ճգնաժամ։

«Այդ դեպքում խորհրդարանը կազմված կլինի միայն մեկ քաղաքական ուժից, որն, ըստ էության, կունենա լեգիտիմության հետ կապված խնդիր ու կհայտնվի ճգնաժամային իրավիճակում։ Բայց պետք է հստակեցվի, թե ինչպիսի դիրքորոշում կցուցաբերեն հիմնական ընդդիմադիր միավորները։ Իրավական տեսակետից` սկզբում ընտրված պատգամավորներն են հրաժարվում մանդատից, այնուհետև ցուցակից դուրս գալու դիմում են գրում մյուսները։ Սա տեխնիկական կողմն է։ Եթե քաղաքական ուժը որոշի հրաժարվել մանդատներից, դա իրավական առումով իրագործելի է, որևէ խոչընդոտ չկա»,– նշեց իրավագետը։

Այվազյանի կարծիքով` ընտրություններին մասնակցած հաջորդ ուժերը չեն կարող մանդատ ստանալ, նման ընթացակարգ գոյություն չունի, քաղաքական ուժն Ազգային ժողով անցնելու համար պետք է հաղթահարի օրենքով սահմանված անցողիկ  շեմը կուսակցությունների համար` 5 տոկոս, դաշինքների համար` 7 տոկոս։ Ըստ նրա` եթե «Հայաստան» դաշինքը չհրաժարվի մանդատներից, ապա այս խորհրդարանում կլինի 105 պատգամավորի տեղ, որովհետև 101 տեղը նախատեսում է Սահմանադրությունը, որին գումարվում են չորս պատգամավորներն ազգային փոքրամասնություններից։

ԿԸՀ–ն արձանագրություն կազմեց. Մուկուչյանը հայտնեց ընտրությունների նախնական արդյունքները

Իրավագետի խոսքով` Ընտրական օրենսգիրքը նախատեսում է, որ իշխանության և ընդդիմության փոխհարաբերակցությունը չի կարող լինել ավելին, քան 2/3–ը 1/3–ից։ Որքան էլ իշխանությունը ցանկանա ձայն ստանալ, ընդդիմությունը պետք է կազմի խորհրդարանի առնվազն 1/3-ը։ Եթե ամեն ինչ ընթանա իր հունով և զարգացումներ չլինեն, ապա ԱԺ–ն կունենա 105 պատգամավոր, որի 58 տոկոսը կկազմեն իշխանության ներկայացուցիչները։

Հիշեցնենք` հունիսի 20-ին Հայաստանում քվեարկություն է անցկացվել 2008 ընտրատեղամասերում։

Հայաստանում ընտրելու իրավունք ունեցող 2 593 572 քաղաքացիներից արտահերթ ընտրություններին մասնակցել է 1 281 174–ը կամ 49.4 տոկոսը։

Կուսակցությունների համար անցողիկ շեմը Ընտրական օրենսդրությամբ 5 տոկոս է, դաշինքների համար՝ 7 տոկոս։ Ընտրողների մասնակցության շեմ չկա։

Ընտրություններին մասնակցել է ընտրողների 49.4%-ը. ամենաբարձր մասնակցությունը Սյունիքում է

0
թեգերը:
ԱԺ, խորհրդարան, Ընտրություններ, Վարդան Այվազյան (սահմանադրագետ)
Ըստ թեմայի
Նիկոլ Փաշինյանը քվեարկության արդյունքների ամփոփումից հետո գրառում է արել
Քվեարկության արդյունքները 08։00-ի դրությամբ․ ամփոփվել են 1997 ընտրատեղամասի արդյունքները
ՀԱՊԿ ԽՎ-ն Հայաստանում չի հայտնաբերել թերություններ, որոնք կարող էին ազդել քվեարկության վրա