Սկանդալ՝ ՆԱՏՕ-ի զորավարժությունների ժամանակ․ զինվորները Բուլղարիայում գործարան են «գրավել»

367
(Թարմացված է 17:31 30.05.2021)
Գործարանը գտնվում է ռազմական օդանավակայանի մոտ, որտեղ անցկացվում էին զորավարժությունները։ Մի խումբ զինվորներ անցել են ցանկապատի վրայով և սկսել են «գրոհել» ձեռնարկությունը։

Բուլղարիայում ՆԱՏՕ-ի զորավարժությունների ժամանակ ամերիկացի զինծառայողների մասնակցությամբ սկանդալ է տեղի ունեցել, հաղորդում Է ՌԻԱ Նովոստին՝ հղում անելով Nova հեռուստաալիքին:

Նախորդ օրը նրանք հայտնվել էին տեսախցիկների տեսադաշտում, երբ ներխուժել էին Պլովդիվ քաղաքի շրջակայքում գտնվող ձիթապտղի յուղի արտադրության գործարան` միաժամանակ զենքով սպառնալով դրա աշխատակիցներին։

Պարզվել էր, որ գործարանը գտնվում է ռազմական օդանավակայանի կողքին, որտեղ անցկացվում էին զորավարժությունները։ Մի խումբ զինված զինվորներ անցել են ցանկապատի վրայով և սկսել են «գրոհել» ձեռնարկությունը։ Ներխուժած զինվորներն աշխատակիցներին հրահանգել են չշարժվել և խուզարկել են տարածքը։ Ավելի ուշ նրանք բացատրել են, որ շփոթմամբ այդ տարածքը մարզման գոտու մի մասն են համարել։

Գործարանատեր Մարին Դիմիտրովը տեղի ունեցածը ստորացուցիչ է անվանել և դատարան է դիմել։ «Ինձ համար սա լուրջ վիրավորանք է։ Կարելի է կարծել՝ ես ինչ-որ ահաբեկիչ եմ»,-ավելացրել է նա։

Ավելի ուշ հանրապետության պաշտպանության նախարար Գեորգի Պանայոտովը ներողություն է խնդրել միջադեպի համար` անվանելով այն «ակնհայտ թյուրիմացություն»։  Գերատեսչությունն ամերիկյան կողմի հետ միասին հայտարարել են, որ պատրաստ են փոխհատուցել տուժածների նյութական վնասը։

367
թեգերը:
Սկանդալ, Զորավարժություններ, Բուլղարիա, ՆԱՏՕ
Ըստ թեմայի
Առանց դրա հնարավոր չէ․ ինչով Հյուսիսային նավատորմը կպատասխանի ՆԱՏՕ-ի ռազմածովային ուժերին
Փորձագետը՝ ԱՄՆ-ի կողմից Հայոց ցեղասպանության ճանաչման մասին. Թուրքիան ՆԱՏՕ-ից դուրս չի գա
Հայաստանը չի մասնակցելու ՆԱՏՕ-ի «Defender Europe 21» զորավարժությանը. ՊՆ-ն կրկին հերքում է
(2:19 / 15.56Mb / просмотров видео: 2133)

«Գինի լիցն» ու հանրահավաքը. Սիրուշոն երգեց՝ ի աջակցություն «Հայաստանի»

1283
(Թարմացված է 21:24 18.06.2021)
Խորհրդանշականորեն երգչուհին կատարեց «Գինի լից» («Թալեաթի մահը») երգը, հավաքված բազմահազարանոց բազմությունն էլ ձայնակցեց երգչուհուն։

Այսօր կայացած «Հայաստան» դաշինքի ամփոփիչ հանրահավաքի ժամանակ բեմահարթակ բարձրացավ երգչուհի Սիրուշոն։ Նա կանգնեց ամուսնու հոր՝ ՀՀ երկրորդ նախագահ, «Հայաստան» դաշինքի վարչապետի թեկնածու Ռոբերտ Քոչարյանի ու ամուսնու՝ պատգամավորության թեկնածու Լևոն Քոչարյանի կողքին. աջակցության խոսքերի փոխարեն նա պարզապես երգեց։

Խորհրդանշականորեն երգչուհին կատարեց «Գինի լից» («Թալեաթի մահը») երգը, հավաքված բազմահազարանոց բազմությունն էլ ձայնակցեց երգչուհուն։

Ռոբերտ Քոչարյանը նշեց՝ ինքը մեծ ընտանիք ունի, բայց այսօր իր մեծ ընտանիքից երկուսն են բեմահարթակում՝ որդին ու հարսիկը։

Հիշեցնենք, որ Հայաստանում հունիսի 7–ից մեկնարկել է նախընտրական քարոզարշավը, այն ավարտվում է այսօր կեսգիշերին։ ԱԺ արտահերթ ընտրությունները կկայանան հունիսի 20–ին։ Դրանց մասնակցում է 21 կուսակցություն և 4 դաշինք։

 

1283
թեգերը:
հանրահավաք, երգ, Սիրուշո
թեմա:
ԱԺ արտահերթ ընտրություններ 2021
Ըստ թեմայի
Չկողմնորոշված ընտրողներ Երևանում, բևեռացվածներ` մարզերում. ո՞րն է ԼՀԿ–ի ընտրազանգվածը
Թույլ չենք տա սխալների կրկնություն. ՀԱԿ–ը նոր ԱԺ–ում հավակնում է դատավորի դերին
Ռոբերտ Քոչարյանն ասաց` որոնք են երկրի առաջ ծառացած 4 հիմնական խնդիրները
(1:25 / 9.70Mb / просмотров видео: 673)

«Քարոզարշավը հաղթարշավ դարձավ». «Հայաստան» դաշինքի քայլերթը` Երևանում. տեսանյութ

179
(Թարմացված է 21:02 18.06.2021)
Բազմահազարանոց բազմությունը, դաշինքի քաղաքական առաջնորդների գլխավորությամբ, հրապարակից Ամիրյան-Մաշտոց փողոցներով քայլում են դեպի Ազատության հրապարակ։

Հանրապետության հրապարակում այսօր անցկացված «Հայաստան» դաշինքի նախընտրական քարոզարշավի ամփոփիչ հանրահավաքը շարունակվեց քայլերթով։

Բազմահազարանոց բազմությունը, դաշինքի քաղաքական առաջնորդների գլխավորությամբ, հրապարակից Ամիրյան-Մաշտոց փողոցներով քայլում են դեպի Ազատության հրապարակ։

Ինչպես իրենք են ասում՝ գնում են այնտեղ, որտեղից սկսվեց այս պատմությունը՝ ապացուցելու, որ տասներկու օր անց քարոզարշավը հաղթարշավ դարձավ։

Քայլերթի ընթացքում դաշինքի առաջնորդներն ու անդամները ձեռքով ողջունում էի հարակից շենքերի բնակիչներին, որոնք պատշգամբներից իրենց աջակցությունն էին հայտնում։

Հիշեցնենք, որ Հայաստանում հունիսի 7–ից մեկնարկել է նախընտրական քարոզարշավը։ ԱԺ արտահերթ ընտրությունները կկայանան հունիսի 20–ին։ Դրանց մասնակցում է 21 կուսակցություն և 4 դաշինք։

179
թեգերը:
Ռոբերտ Քոչարյան, երթ, Ընտրություններ, «Հայաստան» դաշինք, Հայաստան
թեմա:
ԱԺ արտահերթ ընտրություններ 2021
Ըստ թեմայի
Հսկայական եռագույն և թմբուկներ. «Հայաստան» դաշինքի հանրահավաքը մեկնարկեց երթով
Չկողմնորոշված ընտրողներ Երևանում, բևեռացվածներ` մարզերում. ո՞րն է ԼՀԿ–ի ընտրազանգվածը
«Իզմիրլյան» ԲԿ–ի տնօրեն Արմեն Չարչյանը բերման է ենթարկվել. քրեական գործ է հարուցվել
Պուգաչովայի և Գալկինի զավակները

«Սա հիթ է». Գարի և Լիզա Գալկինները հայրիկի ծննդյան օրն անակնկալ են մատուցել. տեսանյութ

31
(Թարմացված է 23:59 18.06.2021)
Ալլա Պուգաչովան երեխաների հետ երաժշտական համար է նախապատրաստել հայտնի շոումեն ամուսնու համար։

ԵՐԵՎԱՆ, 18 հունիսի – Sputnik. Մաքսիմ Գալկինի և Ալլա Պուգաչովայի երեխաները` Գարին և Լիզան, որոշել են ուրախացնել հայրիկին արտասովոր շնորհավորանքով։ Հայտնի երգիծաբան և հեռուստահաղորդավար Մաքսիմ Գալկինը հունիսի 18-ին 45 տարեկան դարձավ։

Մեկնաբանություններում օգտատերերը նշել են, որ Գալկինն ու Պուգաչովան հրաշալի ընտանիք ունեն, երեխաներն էլ շատ դաստիարակված են։ Նրանց տոնական երգը հավանության արժանացել շատերի կողմից։

Արտիստը շնորհավորանքներ է ստանում ընկերներից, գործընկերներից և երկրպագուներից։  Բայց նախևառաջ ընտանիքի անդամներից։ Գարի և Լիզա Գալկինները հոր համար ռեփ են կատարել։ Այդ երգով նրանք շնորհավորել են հայրիկի ծննդյան օրն ու նշել, որ «նա արժանի և խելացի, օրինակելի, հավատարիմ և ուժեղ տղամարդ է մեծացել»։

Գարին և Լիզան խոստովանել են, որ ուրախ են նրա երեխաները լինելու համար և ուզում են նրա պես լինել։

«Սա հիթ է», «Վաու։ Ինչ հիանալի շնորհավորանք է։ Երեխաները հրաշք են», «Որքան լավ է նման բան տեսնելն ու լսելը», «Բրավո ռեփի աստղերին», – այսպիսի մեկնաբանություններ են թողել Գալկինի երկրպագուները։

Ալլա Պուգաչովան և Մաքսիմ Գալկինն ամուսնացած են 2011 թվականից։ Ամուսինները երկու երեխա են դաստիարակում` երկվորյակներ Լիզային և Գարիին։ Հեռուստահաղորդավար և երգիծաբան Գալկինի  համար սա առաջին ամուսնությունն է, երգչուհու համար` հինգերորդը։ Պուգաչովայի ավագ դուստրը` հայտնի երգչուհի Կրիստինա Օրբակայտեն, 50 տարեկան է։

 

31
թեգերը:
ծնունդ, երեխա, Մաքսիմ Գալկին, Ալլա Պուգաչովա
Ըստ թեմայի
Գալկինը հիանում է կնոջով, իսկ հետևորդներն այդ տեսանյութը տհաճ ու տարօրինակ են համարում
Ինչպես է հաջողվում 9 տարի շարունակ ապրել միասին. Գալկինը փակագծեր է բացել
Ծիրանագույնից մինչև «Կիմ Չեն Քարդաշյան»․ Գարիկ Մարտիրոսյանը զվարճացրել է հետևորդներին