Որն է արտահերթ ընտրություններում հիմնական վտանգն ըստ Դունամալյանի

202
(Թարմացված է 22:56 20.05.2021)
Քաղաքագետ Նորայր Դունամալյանը Sputnik Արմենիայի հետ զրույցի ընթացքում անդրադարձել է գալիք խորհրդարանական արտահերթ ընտրություններին և այդ համատեքստում` մասնակից ուժերի կոնֆիգուրացիային ու հնարավորություններին։  

Նորայր Դունամալյանի դիտարկմամբ` արցախյան 44-օրյա պատերազմի հետևանքները շարունակում են հետապնդել մեր հասարակությանը, դրանք հանգեցրին նաև արտահերթ ընտրությունների ու ստիպեցին ՀՀ նախկին նախագահներին ու տարբեր քաղաքական ուժերին որոշ չափով ազդել ներքաղաքական գործընթացների վրա` կասեցնելով պետականության հետագա գահավիժումը։

«Ճիշտ է, իրավիճակը բավականին լարված է, բայց չեմ կարծում, որ ընտրությունները կչեղարկվեն ինչ–ինչ պատճառներով, քանզի ընտրությունների տապալումը չի բխում հենց իշխանության շահերից, որովհետև նրա վարկանիշն օրեցօր ընկնում է, ու եթե հիմա կա գոնե հարցն ընտրությունների միջոցով լուծելու հնարավորություն, ապա մեկ տարի սպասելու պարագայում իշխանությունը կանցնի ոչ թե ընտրությունների, այլ բոլորովին ուրիշ զարգացումների միջով»,– նշեց քաղաքագետը։ 

Անդրադառնալով այն հարցին, թե աշխարհաքաղաքական կենտրոնները կարո՞ղ են ազդել հայաստանյան ընտրությունների վրա, Դունամալյանն ընդգծեց, որ այդ ազդեցությունը կլինի անուղղակի ձևով, իսկ եթե Հայաստանի ինքնիշխանությունը շարունակի գահավիժել, արտաքին ուժերը կարող են դառնալ հիմնական գործոն, առավել ևս, որ պատերազմից հետո ձևավորված կոնֆիգուրացիան այդ ուժերին տվեց Հայաստանի վրա ազդելու բավականին շատ լծակներ։

Հիշեցնենք` Հայաստանում արտահերթ խորհրդարանական ընտրությունները նախատեսվում է անցկացնել հունիսի 20–ին։ 

«Ուզում են «Հայաստան» դաշինքում աշխատանքս խափանել». Արմեն Գևորգյանին մեղադրանք առաջադրվեց

202
թեգերը:
Հայաստան, Նորայր Դունամալյան, Ընտրություններ
թեմա:
Sputnik զրույց (285)
Ըստ թեմայի
ՀՀ նախագահը հայտնվել է ծուղակում, նրա համար հեշտ չէ հստակ քաղաքական քայլ անել
Պայքարի ապակենտրոնացում կամ պատասխան Փաշինյանին. ինչ է պատրաստվում անել ընդդիմությունը
Սնկի նման աճող նոր կուսակցություններն ու քաղաքականությունը. ի՞նչ խնդիր են նրանք լուծում

Ռուսաստանը լայնածավալ զորավարժություններ է սկսել Խաղաղ օվկիանոսում․ տեսանյութ

17
(Թարմացված է 14:38 13.06.2021)
Զորավարժություններին մասնակցում են շուրջ 20 մարտական նավեր, սուզանավեր և այլն։ Մասնակցում են նաևավիացիոն ուժերը։

Ռուսաստանը լայնամասշտաբ զորավարժություններ է սկսել Խաղաղ օվկիանոսում։ ՌԴ պաշտպանական գերատեսչությունը տեսանյութ է հրապարակել, թե ինչպես է Խաղաղօվկիանոսյան նավատորմը «դուրս շպրտում» պայմանական հակառակորդին։

Զորավարժությունների ընթացքում նավերի և հականավային ուղղաթիռների անձնակազմերը մշակել են հրետանային կրակ վարելը, նաև պայմանական հակառակորդի սուզանավի որոնումը, հետապնդումն ու դուրս մղումը:

Զորավարժություններին մասնակցում են շուրջ 20 մարտական նավեր, սուզանավեր և այլն։ Մասնակցում են նաևավիացիոն ուժերը։ Մարտական առաջադրանքների մշակմանը մասնակցում են հեռահար հականավային ինքնաթիռներ, ՄիԳ-31ԲՄ կործանիչներ և ՌԴ օդատիեզերական ուժերի այլ ինքնաթիռներ:

17
թեգերը:
օվկիանոս, Զորավարժություններ, Ռուսաստան

Հայաստանի և Վրաստանի մաքսային ոլորտի պատասխանատուները հանդիպել են Բագրատաշենի անցակետում

38
(Թարմացված է 12:52 12.06.2021)
Նախատեսվում է տեսակոնֆերանս իրականացնել և քննարկել հայ-վրացական համատեղ աշխատանքների իրականացման տեխնիկական հարցերը։

Հայաստանի և Վրաստանի մաքսային ոլորտի պատասխանատուները հանդիպել են Բագրատաշենի անցակետում: Տեղեկությունը հայտնում է ՀՀ պետեկամուտների կոմիտեն։

ՊԵԿ նախագահի տեղակալներ Շուշանիկ Ներսիսյանի և Աշոտ Մուրադյանի գլխավորած պատվիրակությունն ընդունել է հայկական կողմի հրավերով Հայաստանի սահմանային անցակետ ժամանած Վրաստանի ֆինանսների նախարարության եկամուտների ծառայության ղեկավարի տեղակալ Վլադիմեր Խունդաձեի գլխավորած պատվիրակությանը:

«Հանդիպման ժամանակ քննարկվել է Վրաստանի ու Հայաստանի միջև տրանսպորտային միջոցների և ապրանքների միջազգային փոխադրումներին առնչվող էլեկտրոնային տվյալների նախնական փոխանակումն առավել արդյունավետ իրականացնելու հարցը»,–նշված է հաղորդագրության մեջ։

ՊԵԿ–ը հայտնաբերել է մաքսային հսկողությունից թաքցված 2030 ադամանդե քար. տեսանյութ

Հայ և վրացի գործընկերները պայմանավորվել են ակտիվացնել երկու երկրների գործակցությունը, ինչը դրականորեն կանդրադառնա մաքսային կանոնների խախտման դեպքերի բացահայտման գործընթացի վրա:

Նախատեսվում է տեսակոնֆերանս իրականացնել և քննարկել համատեղ աշխատանքների իրականացման տեխնիկական հարցերը։

Կողմերը պատրաստակամություն են հայտնել ակտիվացնելու քայլերը` բեռնարկղերի վերահսկողության ծրագրին ՀՀ անդամակցության գործընթացը ավարտին հասցնելու համար։

Ի՞նչ է քննարկել ՊԵԿ նախագահը Համաշխարհային մաքսային կազմակերպության գլխավոր քարտուղարի հետ

38
թեգերը:
Վրաստանի Հանրապետություն, Պետական եկամուտների կոմիտե (ՊԵԿ), Բագրատաշեն անցակետ, Հայաստան
Ըստ թեմայի
Հայ-վրացական սահմանային անցակետերից միայն մեկը բաց կլինի. դեսպանություն
Մեղրիի անցակետի արդիականացման հարցերը ՊԵԿ նախագահը քննարկել է Իրանի գործընկերոջ հետ
Հայ-վրացական սահմանային անցակետերից ևս մեկը կբացվի քաղաքացիների համար
Член правления партии Национальная повестка, кандидат в депутаты Вараздат Арутюнян

Մերժել կապիտուլյացիոն փաստաթուղթը, խափանել Արցախի հանձնումը․ «Ազգային օրակարգի» ծրագրերը

0
«Ազգային օրակարգ» կուսակցության խորհրդի անդամ, պատգամավորության թեկնածու Վարազդատ Հարությունյանը Sputnik Արմենիայի եթերում անդրադարձել է արտահերթ խորհրդարանական ընտրությունների քարոզարշավին և այդ համատեքստում իրենց կուսակցության ծրագրային դրույթներին։

Վարազդատ Հարությունյանի փոխանցմամբ`քանի որ արտահերթ ընտրությունների հիմնական առարկան արցախյան խնդիրն է և անվտանգությունը, ուստի նշված հիմնահարցը դրված է «Ազգային օրակարգ» կուսակցության ծրագրի հիմքում։ Հարությունյանի պնդմամբ` իրենք արցախյան հիմնախնդրի կապակցությամբ հանդես են գալիս հստակ և կտրուկ դիրքերից` մերժելով 2020 թվականի նոյեմբերի 9-ին ստորագրված կապիտուլյացիոն փաստաթուղթը, դրան հաջորդած գաղտնի ու գաղտնազերծված հավելվածները, ինչպես նաև վերջերս ի հայտ եկած դեմարկացիայի և դելիմիտացիայի գործընթացը, որով վերջակետ է դրվելու հիմնահարցին և Արցախի հանձնումը դրվելու է իրավաչափ հիմքերի վրա։

«Ամեն գնով փորձելու ենք խափանել Արցախը հանձնելու գործընթացը։ Հիմնական պատճառը, որ առանձին մտել ենք քարոզարշավային տրամաբանության մեջ, հենց այդ գաղափարն առաջ տանելն է և այս անբովանդակ քարոզարշավային պոլեմիկան ճեղքելու և ընտրական գործընթացի սեղանին հենց այս հարցը, որպես օրակարգային թիվ մեկ հարց, դնելն է»,–նշեց Հարությունյանւ։

Նրա կարծիքով` իրենք արցախյան հարցի հիմնական ու վերջնական լուծումը պատկերացնում են Արցախի տարածքային ամբողջականության վերականգնման մեջ, ընդ որում` այն տեսքով, ինչ եղել է 2020 թվականի սեպտեմբերի 26-ի դրությամբ։ Պատգամավորության թեկնածուի պնդմամբ`աշխարհակարգային փոփոխությունների համատեքստում 1994 թվականի բիշքեկյան արձանագրություններից սկսած արատավոր բանակցային բաղադրիչը, որ մեզ համար գծվել է կարմիր գծեր, պետք է բացառվի, քանի որ մեր թշնամին չունի այդ կարմիր գծերը։

Անվտանգության ոլորտում Ռուսաստանի հետ հարաբերությունների խորացումն առաջնահերթ է․Փաշինյան

«Այսինքն` թշնամին ոչ միայն չի սահմանափակվում ԼՂԻՄ–ի սահմաններով, այլև նոր նկրտումներով ներխուժել է Հայաստանի սուվերեն տարածք, ինչի մասին կոնֆլիկտի որևէ փուլում խոսք անգամ չի եղել։ Նման պայմաններում մենք կոնֆլիկտի տրամաբանության մեջ չենք կարող տեսնել Արցախի Հանրապետության տարածքային ամբողջականությունն անվելի նվազ կարգավիճակով, քան եղել է 2020 թվականի սեպտեմբերի 26-ին»,– նշեց «Ազգային օրակարգ» կուսակցության խորհրդի անդամը։


Հարությունյանը նշում է, որ պետք է անհապաղ դադարեցնել դեմարկացիայի և դելիմիտացիայի գործընթացը, որովհետև միջազգային իրավունքի տեսանկյունից այն ստեղծելու է ձևական իրավական հիմքեր հարցը վերջնականապես Ադրբեջանի օգտին լուծելու համար։ Երկրորդ փուլում անհրաժեշտ է իրավական հիմքերով վիճարկել 2020 թվականի նոյեմբերի 9-ին ստորագրված կապիտուլյացիոն հայտարարությունն ու դրան հաջորդած պայմանավորվածությունները, մասնավորապես Սյունիքի որոշ հատվածներում իրականացված ապօրինի սահմանազատումները։

Այդ ամենին զուգահեռ, ըստ Հարությունյանի, անհրաժեշտ է հնարավորինս շուտ վերականգնել մեր անվտանգության համակարգը, մինչդեռ յոթ ամիս է, ինչ առաջնագիծը կահավորված չէ, հետևաբար պետք է ամբողջ Արցախի ու Հայաստանի տարածքում իրականացվեն օպերատիվ կահավորման աշխատանքներ`ստեղծելով ամրակառույցներ, ռմբապաստարաններ, տարատեսակ հանգույցներ և այլընտրանքային մատակարարման հուսալի ճանապարհներ։       

Նշենք, որ Հայաստանում հունիսի 7-ից պաշտոնապես մեկնարկել է խորհրդարանական ընտրությունների նախընտրական քարոզարշավը:
Արտահերթ խորհրդարանական ընտրություններին կմասնակցեն 21 կուսակցություն և 4 դաշինք, որոնք պայքարում են Հայաստանի ընտրողների ռեգիստրում ընդգրկված 2 581 093 ընտրողների ձայների համար։
Հիշեցնենք, որ խորհրդարանական արտահերթ ընտրությունները կայանալու են հունիսի 20-ին։

0
թեգերը:
Եռակողմ հայտարարություն, Սահման, Արցախ, Ազգային ժողովի ընտրություններ, Հայաստան
Ըստ թեմայի
Պատերազմ չի սկսվի․ Յուրի Խաչատուրովն ասաց՝ ինչու
ԱՄՆ–ն փորձում է ակտիվանալ արցախյան բանակցային գործընթացում․ Սաֆրաստյան
ՄԻՊ ներկայացուցիչները զրուցել են Հայաստան վերադարձած 15 ռազմագերիների հետ