Նոյեմբերի 9-ից հետո, երբ Ադրբեջանի հետ ունեցանք նոր սահմանագիծ, չկա Գեղարքունիքի մարզին հարող որևէ հատված, որտեղ մեր համայնքների վարչական տարածքներից զիջվել է Ադրբեջանին։ Sputnik Արմենիայի հետ զրույցում այս մասին հավաստիացրեց մարզպետ Գնել Սանոսյանը։
Չնայած այդ հանգամանքին` կան որոշ հատվածներ, որտեղ, ըստ մարզպետի, կա ճշգրտումների կարիք։ Նա հույս հայտնեց, որ ապագայում ստեղծվելիք հանձնաժողովները, որոնք զբաղվելու են դեմարկացիայի հարցերով, այդ խնդիրները կկարգավորեն։
Մարզպետը նշում է, որ սահմանամերձ գյուղերի բնակիչները ամուր կանգնած են իրենց հողի վրա, չեն պատրաստվում արտագաղթել ու պատրաստ են օգտագործել սահմանից ներս ընկած տարածքները։
Նրա պնդմամբ` թեև ադրբեջանցիների կողմից մարզի սահմանին վերջին շրջանում անասնագողության դեպքեր չեն եղել, բայցևայնպես, հայկական ԶՈւ–ն պետք է ամեն ինչ անի, որ բնակիչներն իրենց ապահով զգան։
Տարածաշրջանային անվտանգությունը հարցականի տակ է. Բիյագովը ՀԱՊԿ–ում խոսել է Սյունիքի մասին
Վիճակագրական տվյալներով` Գեղարքունիքի մարզն արտագնա աշխատողների թվաքանակով առաջին տեղում է, սակայն մարզպետը տեղեկացրեց, որ շատերը վերադառնում են և աշխատած գումարի գերակշիռ մասը բերում են հայրենիք ու սկսում շենացնել համայնքները, ինչը և՛ տնտեսական, և՛ ժողովրդագրական առումով չափազանց կարևոր է։
Սյունիքում ադրբեջանական զինվորներին նկատել է հովիվը, որին հետո սպառնացել են. Արման Թաթոյան
