Պաղեստին, Երուսաղեմ, տեսանյութ, erusaxem, video,

Երուսաղեմում պաղեստինցիները քարեր են նետել ոստիկանների վրա. տեսանյութ

51
(Թարմացված է 15:52 10.05.2021)
Երուսաղեմի Հին քաղաքում կրկին բախումներ են սկսվել: Իսրայելի ոստիկանության և սահմանապահ ոստիկանության հազարավոր ներկայացուցիչներ այդ շրջան են տեղափոխվել։

Այսօր նշվում է Երուսաղեմի օրը, որը սահմանվել է վեցօրյա պատերազմից հետո քաղաքի՝ Իսրայելի վերահսկողության տակ անցնելու պատվին։ Սովորաբար այդ օրը դրոշներով երթ է անցկացվում, բայց այս անգամ ոստիկանությունը հրեաների համար փակել է Տաճարի լեռը։ Բախումներ են սկսվել Տաճարի լեռան դարպասների մոտ։  

Պաղեստինյան WAFA գործակալությունը պնդում է, որ ոստիկանությունը մեծ ուժեր է տեղակայել Ալ Աքսա մզկիթի շրջանում, բակերում դիպուկահարներ կան, իրավապահները արցունքաբեր գազ են կիրառել մարդկանց մզկիթի տարածքից հետ քաշելու համար: Մի քանի մարդու ձերբակալել են։ Մզկիթի տնօրեն Օմար ալ Կիսվանիի խոսքով՝ ոստիկանությունն աննախադեպ, բարբարոսական հարձակում է իրականացրել։

Փոխհրաձգություն Ռիո դե Ժանեյրոյի մետրոյում, ավելի քան 20 զոհ կա. տեսանյութ

«Ալ Աքսա մզկիթում տասնյակ մարդիկ են տուժել ռետինե փամփուշտներից»,– գրում է գործակալությունը:

Նամակը հաստատեց, որ մենք իրավացի ենք. Թուրքիան F-35-ի շուրջ երկխոսություն կսկսի ԱՄՆ-ի հետ

Պաղեստինցիները քարեր են նետել ոստիկանների վրա։

Արդեն մի քանի օր է` Արևելյան Երուսաղեմում բախումները շարունակվում են, սկզբում անկարգություններ գրանցվեցին Շեյխ Ջարախ թաղամասում, որտեղ Իսրայելի դատարանի որոշմամբ տեղահանում են արաբների ընտանիքներին, իսկ մայիսի 7-ի երեկոյան բախումները տեղափոխվեցին Տաճարի լեռ, որտեղ հարյուրավոր հավատացյալներ էին հավաքվել:

Կարմիր մահիկի տվյալներով՝ վերջին օրերին տուժել է ավելի քան 300 պաղեստինցի, իսրայելական ոստիկանությունը հաղորդել է, որ 17 ոստիկան է տուժել։

«Ֆրանսիայում քաղաքացիական պատերազմ է հասունանում». զինվորականները դիմել են Մակրոնին

51
թեգերը:
տեսանյութ, ոստիկան, Երուսաղեմ

Քաղաքական նշանակություն ունեցող բարեփոխում. Փաշինյանն այցելել է ոստիկանության կրթահամալիր

63
(Թարմացված է 16:57 24.06.2021)
Կառավարության անդամների ու ոստիկանության ղեկավարության մասնակցությամբ տեղի է ունեցել խորհրդակցություն, որը վարել է Նիկոլ Փաշինյանը։

ՀՀ ոստիկանության պարեկային նոր ծառայության առաջիկա մեկնարկին ընդառաջ ՀՀ վարչապետի պաշտոնակատար Նիկոլ Փաշինյանն այսօր այցելել է ոստիկանության կրթահամալիր ապագա պարեկային ծառայողների, պարեկային ծառայության ղեկավար կազմի թեկնածուների ուսումնական գործընթացի ամփոփման և դրա արդյունքներին ծանոթանալու նպատակով։ Տեղեկությունը հայտնում է ՀՀ ոստիկանության մամուլի ծառայությունը։

ՀՀ փոխվարչապետի պաշտոնակատար Մհեր Գրիգորյանի, ոստիկանության պետ Վահե Ղազարյանի, արդարադատության նախարարի պաշտոնակատար Ռուստամ Բադասյանի, բարձրաստիճան պաշտոնյաների ուղեկցությամբ Նիկոլ Փաշինյանը շրջել է ոստիկանության կրթահամալիրում, հանդիպել ապագա պարեկներին, ծանոթացել ուսումնական գործընթացին։

Ոստիկանության, ինչպես և կրթահամալիրի ղեկավար կազմը վարչապետի պաշտոնակատարին ներկայացրել են պարեկային ծառայության թեկնածուների ուսումնական գործընթացի կազմակերպման պայմանները և այդ ուղղությամբ արված աշխատանքները:

Այդ գործում, բացի կրթահամալիրի պրոֆեսորադասախոսական անձնակազմից, ներգրավված են եղել նաև մրցութային կարգով ընտրված դասախոսներ և ԱՄՆ-ից ժամանած մասնագետներ:

Փաշինյանին են ներկայացվել նաև պարեկային ծառայության գործարկման ուղղությամբ կատարված աշխատանքները և ծառայության հաջող մեկնարկն ապահովելու համար առաջիկայում իրականացվելիք միջոցառումները:

Կառավարության անդամների ու ոստիկանության ղեկավարության մասնակցությամբ տեղի է ունեցել խորհրդակցություն, որը վարել է Փաշինյանը։

«Պետք է արձանագրել, որ սա չափազանց կարևոր բարեփոխում է մեզ համար, որն ունի քաղաքական նշանակություն և կծառայի մեր երկրում իրավակարգի պահպանությունը նոր որակական մակարդակի բարձրացնելու ուղղությամբ »,–ասել է վարչապետի պաշտոնակատարը։

Փաշինյանի խոսքով ` այս ծավալի և բովանդակության աշխատանքներն ուղեկցվում են որոշակի դժվարություններով, ուստի պետք է ժամկետները հստակեցնել։

Խորհրդակցությանը քննարկվել են նաև ոստիկանության բարեփոխումների վերաբերյալ այլ հարցեր։

63
թեգերը:
Ոստիկանություն, Նիկոլ Փաշինյան, Հայաստան
թեմա:
ՀՀ վարչապետ Նիկոլ Փաշինյան

Գեղաշեն գյուղի սրբատեղիում կատարված սպանությունը բացահայտվել է

64
(Թարմացված է 14:58 24.06.2021)
Կոտայքի մարզի Կամարիս գյուղի 36-ամյա բնակչին հայտնաբերելու միջոցառումներն 8 օրից արդյունք տվեց։

Ոստիկանները բացահայտել են Գեղաշեն գյուղում կատարված սպանությունը, տեղեկացնում են ՀՀ ոստիկանությունից։

Հունիսի 15-ի գիշերը Կոտայքի մարզի Գեղաշեն գյուղից, անգիտակից վիճակում, «Աբովյան» բժշկական կենտրոն էր տեղափոխվել նույն գյուղի բնակիչ, 41-ամյա մի տղամարդ։ Հիվանդանոցից ահազանգել էին ոստիկանության Կոտայքի բաժին ու հայտնել, որ նրա կրծքավանդակին ու որովայնին կտրած-ծակած բազմաթիվ վերքեր կան։ Վերքերն անհամատեղելի էին կյանքի հետ. վիրահատարանում տղամարդը մահացել էր։

Դեպքի առթիվ Աբովյանի քննչական բաժնում սպանության հատկանիշներով քրեական գործ հարուցվեց։ Պարզվեց, որ դեպքը տեղի էր ունեցել գյուղի «Լույս գերեզման» կոչվող սրբատեղիում։ Տարածքի զննությամբ հայտնաբերվեցին արնանման հետքերով հագուստ, արնանման հետքեր, գարեջրի շիշ, երկաթե ձող, դանակ և այլն։ Սպանությանը նախորդել էր կենցաղային վեճ։ Կոտայքի քրեական հետախույզները, համագործակցելով մարզային վարչության, ինչպես և Աբովյանի քննչական բաժնի ծառայողների հետ, ձեռնարկեցին օպերատիվ-հետախուզական մի շարք միջոցառումներ, զուգահեռ կատարվեցին քննչական գործողություններ։ Համատեղ աշխատանքի արդյունքում պարզվեց սպանությունը կատարելու մեջ կասկածվող անձի ինքնությունը։

Կոտայքի մարզի Կամարիս գյուղի 36-ամյա բնակչին հայտնաբերելու միջոցառումներ սկսվեցին, իրականացվեց նաև բացատրական աշխատանք։ Արդյունքում՝ հունիսի 23-ին կասկածյալը գնաց ոստիկանության Կոտայքի բաժին, որտեղից ներկայացվեց Աբովյանի քննչական բաժին ու ձերբակալվեց։

Հարուցված քրեական գործի նախաքննությունը շարունակվում է։

«Մոսկվա» կինոթատրոնի մոտ կատարված սպանությունն իրականացրել էր պրոֆեսիոնալ մարդասպանը

64
թեգերը:
բացահայտում, Սպանություն
Ըստ թեմայի
Արտաշատի ոստիկանները բացահայտել են սպանությունը. տեսանյութ
Կրակել է համագյուղացու կրծքավանդակին. Արմավիրում կատարված սպանության դեպքը բացահայտվել է
Սպանություն՝ Կոտայքի մարզում. 41–ամյա տղամարդը հիվանդանոցում մահացել է

ՀՀ–ն ինչ է գնել Թուրքիայից և ինչ ծավալով

0
Հայաստանի կառավարությունը կես տարով երկարաձգեց թուրքական ապրանքների ներմուծման արգելքը։ Թուրքական ապրանքների տաբուն կգործի մինչև հունվարի 1-ը։ Մեր ինֆոգրաֆիկայում կտեսնեք, թե Հայաստանը ինչ է գնել Թուրքիայից և ինչ ծավալով։
Ներմուծում Թուրքիայից
© Sputnik / Shushanik Avdalyan

Թուրքական ապրանքների ներմուծման արգելքը Հայաստանում կգործի մինչև 2021թ–ի ավարտը։

ՀՀ Էկոնոմիկայի նախարար Վահան Քերոբյանը կառավարության նիստում հայտարարեց, որ թուրքական ապրանքների ներմուծման արգելքը պետք է դիտարկել ոչ միայն որպես Թուրքիայի հանդեպ տնտեսական սանկցիա, այլև անվտանգության տեսանկյունից` ՀՀ–ի կողմից Թուրքիայի պետական գանձարանի ֆինանսավորման դադարեցում։

Նա նաև հայտնեց, որ նախորդ 6 ամիսների ընթացքում սահմանված արգելքի արդյունքում Թուրքիայից ներմուծման ծավալները նվազել են շուրջ 70 տոկոսով։ Էապես փոխվել է նաև ներմուծվող ապրանքների կազմը։

Փաշինյանն առաջարկում է սպասել սեպտեմբերին. աշխատատեղերի հայտարարված թվերն ամենաբարձրը չեն

«Եթե նախկինում այնտեղ եղել են ավիավառելիք, ցիտրուսային մրգեր, բանջարեղեն, մաքրող միջոցներ, տրիկոտաժե գործվածք, ապա այժմ հիմնականում` շինանյութ, տրիկոտաժե և բամբակե գործվածք, բնական կաշի»,–ասաց Քերոբյանը։

Թուրքական ապրանքները շարունակում են հայկական շուկա մտնել ապօրինի սխեմաներով

Նա նաև հիշեցրեց, որ տեղական կաշվի արտադրությունը զարգացնելու նպատակով կառավարությունը նաև չմշակված կաշվի արտահանման արգելք է սահմանել, որպեսզի այն էժան գներով արտահանվելու փոխարեն մշակվի տեղում ու արտահանվի արդեն որպես պատրաստի արտադրանք։

0
թեգերը:
Հայաստան, Թուրքիա
Ըստ թեմայի
Ինչը կարող է դրական ազդակ լինել ներդրումների համար. Քթոյանը`տնտեսական միջավայրի մասին
Անկախ Հայաստանի պատմության մեջ աշխատանքի շուկան մայիսին ռեկորդ է խփել. Քերոբյան
Ներդրվել է էլեկտրոնային ՀԴՄ-ների համակարգը. օնլայն առևուրը կզարգանա