«Կալաշնիկով», նռնակներ... ապօրինի հրազենի կամավոր հանձնումները շարունակվում են

35
(Թարմացված է 17:13 04.05.2021)
«Զինանոց-2021» համալիր կանխարգելիչ միջոցառման շրջանակներում ոստիկանության ծառայողները շարունակում են ակտիվ բացատրական աշխատանքը։

«Զինանոց-2021» համալիր կանխարգելիչ միջոցառման շրջանակներում ոստիկանության տարածքային ստորաբաժանումների ծառայողները շարունակում են ակտիվ բացատրական աշխատանքը, ինչի արդյունքում մայրաքաղաքի Օհանովի փողոցի մի բնակիչ ոստիկանության Մալաթիայի բաժնում հանձնել է գործարանային համարով «Կալաշնիկովի» ինքնաձիգ, որն, ըստ նրա՝ պատկանել է հանգուցյալ հորը։ Տեղեկությունը հայտնում են ՀՀ ոստիկանության լրատվական ծառայությունից։

Կապան-Գորիս ճանապարհին հայտնաբերվել են հակատանկային արկեր, ականներ և զինամթերքի մնացորդներ

Մայրաքաղաքի Նելսոն Ստեփանյան փողոցի բնակիչներից մեկն էլ է գործարանային համարով «Կալաշնիկովի» ինքնաձիգ հանձնել ոստիկանության Արաբկիրի բաժին. ըստ բնակչի՝ զենքը բերել էր Արցախից։

Արաբկիրի համայնքային ոստիկանների բացատրական աշխատանքի շնորհիվ էլ մի տղամարդ կամավոր հանձնել է նռնակներ։

Գործարանային համարով «Կալաշնիկովի» ինքնաձիգի կամավոր հանձնման դեպք է արձանագրվել նաև ոստիկանության Վայոց ձորի մարզային վարչության ծառայողների բացատրական աշխատանքի շնորհիվ։ 

Մանրամասները՝ տեսանյութում։

35
թեգերը:
Ոստիկանություն, զինամթերք, «Կալաշնիկով» ինքնաձիգ
Ըստ թեմայի
Արցախից Հայաստան զենք-զինամթերք տեղափոխելու 95 քրեական գործերով դատապարտվել է 5 մարդ
Ապօրինի զենք–զինամթերք է հայտնաբերվել Կոտայքում, Գորիսում և Մարտունիում. տեսանյութ
«The Halo trust»-ը զինամթերքի պայթեցման աշխատանք է իրականացնելու Իվանյան գյուղում

Իսրայելի Հոլոն քաղաքի վրա հրթիռային հարվածի հետևանքները. տեսանյութ

3
Գազայի հատվածից բարձր ինտենսիվությամբ հրթիռակոծությունները Իսրայելի ուղղությամբ շարունակվել են։  Զինվորականները բնակիչներին խնդրում են թաքնվել ապաստարաններում։

Զինվորականների տվյալներով` վերջին 18 ժամվա ընթացքում Գազայի հատվածից Իսրայելի ուղղությամբ ավելի քան 300 հրթիռ է արձակվել, այսինքն գրեթե անդադար ռմբակոծել են` ամեն երեք րոպեն մեկ։

Հայտնում են, որ  Աշկելոն և Աշդոդ քաղաքներում արկերն ընկել են անմիջապես բնակելի շենքերի վրա։

Երկրի կենտրոնական և հարավային մասերի բնակիչներին զինվորականները խորհուրդ են տվել թաքնվել ռմբապաստարաններում։ Որքան ժամանակ է այնտեղ պետք մնալ, դեռ հայտնի չէ։

Հոլոն քաղաքում հրթիռն ընկել է «Էգեդա» ավտոբուսի վրա, որից հրթիռակոծությունից առաջ ուղևորները հասցրել են դուրս գալ։  Վարորդը, լսելով տագնապի ազդանշանը, բացել է դռներն ու խնդրել ուղևորներին դուրս գալ, որից հետո ինքն էլ լքել է ավտոբուսը։ Ավտոբուսը բնակելի թաղամասում էր գտնվում, այն ամբողջությամբ այրվել է։

Հիվանդանոց է տեղափոխվել 8 մարդ, այդ թվում 5 տարեկան երեխա։

3

Նույնիսկ հաղթանակի դեպքում Նիկոլ Փաշինյանը հինգ տարի չի կարողանա պաշտոնավարել. քաղաքագետ

122
(Թարմացված է 20:30 11.05.2021)
«Շրջադարձ հանուն զարգացման» հասարակական կազմակերպության նախագահ, քաղաքագետ Էդվարդ Անտինյանը Sputnik Արմենիայի հետ զրույցում անդրադարձել է հունիսի 20-ի արտահերթ ընտրություններով պայմանավորված գործընթացներին և հետագա հնարավոր սցենարներին։ 

Էդվարդ Անտինյանի կարծիքով` քաղաքական ուժերն ընտրություններին փաստորեն մասնակցում են Նիկոլ Փաշինյանի օրակարգով, ժամանակացույցով և խաղի կանոններով, հետևաբար պարտության դեպքում մեղավորներ թող չփնտրեն։ Ըստ նրա` գալիք ընտրությունների արդյունքում ատելության մթնոլորտը երկրում չի փոխվի, իրավիճակը չի բարելավվի, և արդեն իսկ տեսանելի է, թե ինչպես են հիմնական խաղացողները մտնում պայքարի մեջ, չնայած որ քարոզարշավի պաշտոնական մեկնարկը չի ազդարարվել։ 

«Փաշինյանն իր հերթին ընտրությունների գնում է ոչ թե արվածի հաշվետվությամբ, այլ չարվածի արդարացումներով։ Ընդդիմությունը պնդում է, որ Փաշինյանը չի կարող երկրի շահերը ներկայացնել դրսում պարտվածի կարգավիճակով, իսկ Փաշինյանն էլ ասում է, որ պարտվել է Ադրբեջանին ու Թուրքիային, իսկ Հայաստանում դեռ բոլորից ուժեղ է, այսինքն` Փաշինյանին մանդատ տալու է ոչ միայն ընտրազանգվածը, այլև նրա հետ ընտրություններին մասնակցող քաղաքական ուժերը»,– ասում է քաղաքագետը։ 

Անտինյանի կարծիքով` թեև ավելի շատ կլինեն փոխադարձ կոմպրոմատները, բայցևայնպես դրանք մեծ հաշվով էական նշանակություն չեն ունենա, որովհետև նույնիսկ առկա շիկացած մթնոլորտում ինչ ուզում է դարակից հանեն, միևնույնն է, արդյունավետությունը շատ փոքր է լինելու։ Քաղաքագետի համոզմամբ`այն ընտրողները, որոնք կատեգորիկ կերպով կայացրել են իրենց որոշումը, ոչ մի բանի վրա ուշադրություն չեն դարձնելու, ուստի գալիք ընտրություններն ունենալու են բոլորովին այլ որակ։ 

Անտինյանի գնահատմամբ`սա լինելու է ընտրություն, որտեղ պետք է գործել առանց սխալվելու իրավունքի, բայցևայնպես պարտված ուժերը պետք է նախաձեռնեն մի գործընթաց, որպեսզի ասպարեզ մտնեն նոր ուժեր, քանզի նույնիսկ հաղթանակի դեպքում Նիկոլ Փաշինյանը հինգ տարի չի կարողանա պաշտոնավարել։  

Արմեն Սարգսյանը ստորագրեց հրամանագիրը. ընտրությունների օրը հստակ է

122
թեգերը:
Ընտրություններ, Էդուարդ Անտինյան
թեմա:
Sputnik զրույց
Ըստ թեմայի
ՔՊ–ն արտահերթ ընտրություններին կմասնակցի առանձին՝ առանց դաշինքի. Մակունց
ՀՀ նախագահը խառնեց պլանները. Հայաստանում հնարավոր է` ընտրությունների երկրորդ փուլ անցկացվի
Հայտնի է` երբ կմեկնարկի ԱԺ ընտրությունների քարոզարշավը. ԿԸՀ–ն հաստատեց ժամանակացույցը