«Հյուսիսային հոսք-2»–ը կարող է արգելեն. ինչպե՞ս կպատասխանեն Ռուսաստանն ու Գերմանիան

54
(Թարմացված է 13:39 02.05.2021)
«Հյուսիսային հոսք-2»–ը Բալթիկ ծովով Ռուսաստանից դեպի Գերմանիա ձգվող գազատարի կոմերցիոն նախագիծ է։ Գազատարով ռուսական գազը կհասնի եվրոպացիներին։ Ի՞նչ արձագանք ունեցավ Եվրախորհրդարանի բանաձևը Մոսկվայում և Բեռլինում, ի՞նչ կապ ունի ԱՄՆ–ն` մեր տեսանյութում։

Եվրախորհրդարանում քվեարկություն է իրականացվել բանաձևի համար, պահանջել են կասեցնել «Հյուսիսային հոսք - 2» գազատարի շինարարությունը։ Ապրիլի 29-ին ընդունված փաստաթղթում եվրոպացի պատգամավորները պնդում են, որ ԵՄ–ն պետք է նվազեցնի էներգետիկ կախվածությունը Ռուսաստանից։ «Հյուսիսային հոսք - 2»–ից բացի եվրոպացի խորհրդարանականները նաև կոչ են արել Մոսկվային անջատել SWIFT միջբանկային համակարգից։ 

«Եվրախորհրդարանը պնդում է, որ ԵՄ–ն պետք է նվազեցնի իր էներգետիկ կախվածությունը Ռուսաստանից և կոչ անում ԵՄ ինստիտուտներին և անդամ երկրներին դադարեցնել «Հյուսիսային հոսք -2» խողովակաշարի շինարարությունը»։

Մոսկվայում ընդգծել են, որ գազատարի շինարարության կասեցումից կտուժեն հասարակ մարդիկ

«Այս հայտարարությունը զարմանք չի առաջացնում։ Այլ հարց է, թե ինչպես իրենց կդրսևորեն եվրոպացի քաղաքական գործիչները։ Ընտրողները տարակուսանքով հետևում են դրան` չհասկանալով, թե ինչու սեփական գրպանից պետք է վճարեն որևէ մեկի քաղաքական խաղերի համար»,- ՌԴ Պետդումայի պատգամավոր Ռուսլան Բալբեկը։

Իսկ Գերմանիայում բանաձևն անհեթեթ են անվանել։

«Եվրախորհրդարանը պարզապես ապացուցել է իր ոչ պրագմատիկ ու իրականությունից կտրված լինելը։ Սա իսկական աբսուրդի թատրոն է»,-ասել է գերմանացի քաղաքագետ Ալեքսանդր Ռարը։
«Հյուսիսային հոսք-2»–ը Բալթիկ ծովով Ռուսաստանից դեպի Գերմանիա ձգվող գազատարի կոմերցիոն նախագիծ է
Ռուսական «Գազպրոմից» բացի նախագծին մասնակցում են նաև գերմանական և եվրոպական ընկերությունները։ Գազատարի դեմ է հանդես գալիս Միացյալ Նահանգները։

Նրանք ուզում են եվրոպացիներին իրենց ավելի թանկ հեղուկ բնական գազը վաճառել։ Այդ իսկ պատճառով փորձում են ձախողել «Հյուսիսային հոսք -2»–ի շինարարությունը` պատժամիջոցների և անմիջական քաղաքական ճնշումների ճանապարհով։

«Հյուսիսային հոսք – 2»․ ԱՄՆ-ը եվրոպական ընկերություններին սպառնում է նոր պատժամիջոցներով

Սակայն Ռուսաստանն ու Գերմանիան տեղի չեն տալիս։ Երկու կողմն էլ բազմիցս հաստատել են նախագծին իրենց հավատարմությունն ու դրա շինարարությունն ավարտին հասցնելու պատրաստակամությունը։
Բացի այդ գազատարի 90%–ից ավելին արդեն կառուցված է։

54
թեգերը:
Եվրամիություն, «Հյուսիսային հոսք» նախագիծ, Գերմանիա, Ռուսաստան, ԱՄՆ
Ըստ թեմայի
Սա արդեն «Ջավելիններից» լուրջ է. ԱՄՆ-ն Ուկրաինային նոր զենք կփոխանցի
Ինչո՞ւ է ԱՄՆ դեսպանը արժեզրկում Բայդենի կողմից Հայոց ցեղասպանության ճանաչումը
ԱՄՆ-ի կողմից Հայոց ցեղասպանության ճանաչումը մտրակի և քաղցրաբլիթի խաղի դրսևորում է. Պեսկով

Կարկուտը ծեծած տեղը չի ծեծի․ Արմավիրի հակակարկտային կայաններից գողացվածը հայտնաբերվել է

46
(Թարմացված է 18:00 10.05.2021)
27-ամյա երիտասարդը Արմավիրի մարզի 9 գյուղերի հակակարկտային կայաններից է գողություն է արել․ այս մասին խոստովանական բացատրություն է տվել։

Արմավիրի մարզի մի քանի հակակարկտային կայաններից գողացված մարտկոցները հայտնաբերվել են։ Տեղեկությունը հայտնում է ոստիկանության մամուլի ծառայությունը։

Նախապես ոստիկանությունը հաղորդում էր ստացել, որ մարտ-ապրիլ ամիսներին Երասխահուն, Վարդանաշեն, Արգավանդ, Մարգարա գյուղերի հակակարկտային կայաններից մարտկոցներ էին գողացել՝ պետությանը պատճառելով 240.000 դրամի վնաս:

«Քրեական հետախույզների պրոֆեսիոնալ աշխատանքի արդյունքում տեղեկություններ ստացվեցին, որ գողությունները հնարավոր է կատարած լինի Էջմիածին քաղաքի Վազգեն Առաջինի փողոցի 27-ամյա մի բնակիչ։ Նա Էջմիածնի Զվարթնոց թաղամասից բերման ենթարկվեց ոստիկանության Արմավիրի բաժին և տվեց խոստովանական բացատրություն»,- նշված է հաղորդագրության մեջ։

Գյումրիում պատանին հեռախոս էր խնդրել զանգելու համար ու գողացել այն. տեսանյութ

Պարզվել է, որ երիտասարդը ոչ միայն նշված 4 գյուղերի, այլև Սարդարապատ, Արևիկ, Ալաշկերտ, Մրգաշատ, Արազափ գյուղերի հակակարկտային կայանների մարտկոցներն էլ է գողացել։

Գողոնը մասամբ է հայտնաբերվել:

Հարուցված քրեական գործն ուղարկվել է Արմավիրի քննչական վարչություն:

«Վեոլիա ջուր» ընկերության տեղամասերից մեկից գողացել են ջրի պոմպը․ տեսանյութ

46
թեգերը:
գողություն, Ոստիկանություն, Արմավիրի մարզ, Հայաստան

«Սխալ կլինի գնալ նոր փրկիչներ փնտրելու ճանապարհով». Բենիամին Մաթևոսյան

96
(Թարմացված է 16:48 10.05.2021)
«Պոլիտէկոնոմիա» հետազոտական ինստիտուտի քաղաքագետ Բենիամին Մաթևոսյանը Sputnik Արմենիայի հետ զրույցում անդրադարձել է ընտրական օրենսգրքի փոփոխություններին և արտահերթ ընտրություններից առաջ հիմնական քաղաքական ուժերի դասավորվածությանն ու հնարավորություններին։

Բենիամին Մաթևոսյանի դիտարկմամբ` Ընտրական օրենսգրքի փոփոխությունը հիմնական խոստումներից մեկն էր, որի մասին խոսում էր քաղաքական իշխող ուժը դեռ իշխանության գալուց առաջ, և եթե 2018 թվականի ընտրությունների պարագայում կար ժամանակի հետ կապված օբյեկտիվ խնդիր, ապա դրանից հետո տրամաբանական էր ակնկալել, որ մինչև արտահերթ կամ հերթական խորհրդարանական ընտրությունները ինչ–որ փոփոխություններ կլինեն, բայց ամեն ինչ, այսպես ասած, ափալ–թափալ իրականացվում է վերջին պահին, ուստի մեծ փոփոխությունների չարժե սպասել։ 

«Մարդիկ Նիկոլ Փաշինյանից դժգոհ են այն պատճառով, որ նախկիններին չպատժեց, որովհետև հիմնական քաղաքական կոդը, որով նա գալիս էր իշխանության, այն էր, որ նախկինները ենթարկվելու էին պատասխանատվության, և ժողովրդից թալանվածն անպայման վերադարձվելու էր։ Մարդիկ այժմ տրամաբանորեն փորձում են գտնել մի ուժի, որը կգա և կպատժի թե՛ նախկիններին, թե՛ գործող իշխանությանը»,– նշեց քաղաքագետը։

Մաթևոսյանի կարծիքով` այդուհանդերձ սխալ կլինի գնալ նոր փրկիչներ փնտրելու ճանապարհով։ Հասարակության հետ, ըստ նրա, պետք է աշխատել, հասցնել մի մակարդակի կամ գիտակցության այնպիսի աստիճանի, որ մարդիկ ընտրեն ոչ թե անձի, այլ իրատեսական ծրագիր և պորֆեսիոնալ թիմ, հետևաբար այս քաղաքական աշխատանքը պետք է ձեռնարկի ու իրականացնի քաղաքական էլիտան։

Քաղաքագետը հույս հայտնեց, որ գալիք քարոզարշավը տարբեր կենտրոնների կողմից կօգտագործվի հենց այդ նպատակով և մենք ականատես կլինենք գաղափարների ու ծրագրերի միջև ընթացող պայքարի։

Ի՞նչ ցույց տվեց Ռոբերտ Քոչարյանի, ՀՅԴ–ի ու «Վերածնվող Հայաստանի» հանրահավաքը

96
թեգերը:
Ընտրություններ, Բենիամին Մաթևոսյան
թեմա:
Sputnik զրույց
Ըստ թեմայի
«Հայաստան» դաշինքը չի կարելի կապել միայն Ռոբերտ Քոչարյանի անվան հետ. Վարդանյան
«Իմ քայլը» խմբակցությունը երկրորդ անգամ առաջադրեց Նիկոլ Փաշինյանի թեկնածությունը
Էսօր չեք տեսնի մի բիզնեսմեն, որն ասի` հարկայինն իրենց «քերում է». Փաշինյան
«Նորք» ԲԿ

243 նոր դեպք, 7 մահ` մեկ օրում. կորոնավիրուսային հիվանդության ընթացքը Հայաստանում

40
(Թարմացված է 10:58 11.05.2021)
Հիվանդությունների վերահսկման և կանխարգելման ազգային կենտրոնը հրապարակել է Հայաստանում կորոնավիրուսային վարակի վերաբերյալ վերջին մեկ օրվա տվյալները:

ԵՐԵՎԱՆ, 11 մայիսի - Sputnik. Հայաստանում կորոնավիրուսով վարակվածների թիվը վերջին մեկ օրում ավելացել է 243–ով և դարձել  219596: Տեղեկությունը հայտնում է Հիվանդությունների վերահսկման և կանխարգելման ազգային կենտրոնը։

Այս պահին փաստացի բուժում է ստանում 8620 մարդ (-243), կատարվել է 1019359 թեստավորում (+2678), առողջացել են վարակվածներից 205675-ը (+475): Գրանցվել է մահվան 4256 դեպք (+7)։ Կորոնավիրուսով վարակված, բայց այլ պատճառով մահացածների թիվը ավելացել է 4-ով ու դարձել 1045։

Հիշեցնենք` 2020թ.–ի մարտի 16–ից Հայաստանում արտակարգ դրություն էր սահմանված, որը մի քանի անգամ երկարաձգվեց և տևեց մինչև սեպտեմբերի 11–ը։ Երկարաձգված արտակարգ դրության պայմանները որոշակի փոփոխությունների ենթարկվեցին։

Տնտեսական շատ գործունեություններ թույլատրվեցին, բայց սահմանվեցին պարտադիր պահանջներ։

Հանրային բաց տարածքներում դիմակ դնելը պարտադիր էր։ Դիմակ կարող էին չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները։

2020թ.–ի սեպտեմբերի 11–ին ՀՀ կառավարությունը որոշեց, որ երկրում սեպտեմբերի 12–ից մինչև 2021թ.–ի հունվարի 11–ը կգործի կարանտինի ռեժիմ։ Որոշ սահմանափակումներ մեղմացվեցին, բայց հասարակական վայրերում դիմակ դնելու պահանջը շարունակեց գործել։

Կորոնավիրուսային համավարակի կարանտինի սահմանափակումներից մի քանիսը հանվեցին

Հաշվի առնելով կորոնավիրուսի 3–րդ ալիքի գոյությունն աշխարհում և այն փաստը, որ Հայաստանում վարակակիրների թիվը շարունակում է բարձր մնալ` 2021թ.–ի հունվարի 11–ին ՀՀ կառավարությունը որոշեց երկրում կարանտինային ռեժիմը երկարաձգել ևս 6 ամսով։ Այն կտևի մինչև 2021թ.–ի հուլիսի 11–ը։

40
թեգերը:
Մահ, թեստ, Հայաստան, կորոնավիրուս
թեմա:
Կորոնավիրուսը Հայաստանում և Արցախում
Ըստ թեմայի
«Արսեն Թորոսյանը ճիշտ էր». ԱԺ պատգամավորները պատվաստվեցին COVID-19-ի դեմ AstraZenaca–ով
Որքան գումար է ծախսել ՀՀ առողջապահության նախարարությունը Covid-19–ի դեմ պայքարի շրջանակում
Հայաստանում արդեն մոտ 11 հազար մարդ է պատվաստվել Covid-19-ի դեմ