«Այս փոփոխությունների անհրաժեշտությունը կար դեռ 2018 թվականին». Վահագն Հովակիմյան

107
(Թարմացված է 15:37 30.04.2021)
ԱԺ «Իմ քայլը» խմբակցության պատգամավոր Վահագն Հովակիմյանը Sputnik Արմենիայի հետ զրույցում անդրադարձել է իր հեղինակած՝ ՀՀ քրեական օրենսգրքում փոփոխություններ և լրացումներ կատարելու մասին հարցին։ 

Վահագն Հովակիմյանի դիտարկմամբ` նախատեսվում է քրեական պատասխանատվություն սահմանել ընտրական գործընթացը խոչընդոտելու դեպքերում, և օրինագիծը միտված է նաև ընտրական գործընթացներում գրանցվող իրավախախտումների կամ հանցագործությունների կանխարգելմանը։ 

«Ընտրական հանցագործությունների դեմ պայքարը կնպաստի նրան, որ ընտրություններն իսկապես անցնեն ազատ, արդար և թափանցիկ ու լինեն ավելի մրցակցային։ Եթե որևէ մեկը կմտածի, թե կարող է դիմել ընտրակեղծիքների ու զեղծարարությունների, ապա պետք է վստահ լինի, որ դրա համար անխուսափելիորեն պատժվելու է, ենթարկվելու է պատասխանատվության, որի բաժինն այս օրենքով ավելի է մեծանում»,– նշեց ԱԺ պատգամավորը։ 

Հովակիմյանի փոխանցմամբ` օրենսդրական փաթեթով առաջարկվում է պատասխանատվություն նախատեսել բոլոր այն դեպքերի համար, երբ ընտրական գործընթացի խոչընդոտման արդյունքում տեղամասերում քվեարկության արդյունքները ճանաչվում են անվավեր։ Նախագծով առաջարկվում է նախընտրական քարոզչության խոչընդոտման, տեղամասային կենտրոնում կամ տեղամասի մուտքի մոտ բռնություն գործադրելու կամ դրա սպառնալիքի համար ևս նախատեսել քրեական պատասխանատվություն։  

Համաձայն չեմ ՀՀ նախագահի մտահոգության հետ. Վարդանյանը` «Ընտրական օրենսգրքի» մասին

Պատգամավորի համոզմամբ`փոփոխությունների անհրաժեշտությունը կար դեռ 2018 թվականին, հետևաբար առանձնացվել են այն կարգավորումները, որոնք պետք է կիրառվեն հունիսի 20-ին նախանշված արտահերթ ընտրությունների ժամանակ։ 

107
թեգերը:
Վահագն Հովակիմյան, օրենսգիրք
թեմա:
Sputnik զրույց (274)
Ըստ թեմայի
Զինծառայողին ինքնասպանության հասցնելու հոդվածով հարուցվել է քրեական գործ
Դատախազության մոտ տեղի ունեցած բողոքի ակցիայի դեպքերով քրեական գործ է հարուցվել
ԱԺ–ն որոշեց` քարոզարշավը խոչընդոտողները կենթարկվեն քրեական պատասխանատվության

«Հաղթանակը չի տրվում որպես նվեր». նախագահը հյուրընկալել է Հայրենական պատերազմի վետերանների

35
(Թարմացված է 16:22 07.05.2021)
Վետերաններն իրենց հիշողություններն են պատմել պատերազմի տարիների, իրենց անցած մարտական ուղու մասին։

Հայաստանի Հանրապետության նախագահ Արմեն Սարգսյանն այսօր հյուրընկալել է Հայրենական մեծ պատերազմի վետերաններ Ռոզալիա Աբգարյանին, Շողիկ Սարաֆյանին, Պապին Մարուխյանին և Խաչիկ Հովակիմյանին: Տեղեկությունը լուսանկարներին և տեսանյութին կից հայտնում են ՀՀ նախագահի մամուլի ծառայությունը։

Президент Армен Саркисян встретился с ветеранами Великой Отечественной войны (7 мая 2021). Еревaн
© Photo / official site of the President of RA / Karo Sahakyan
ՀՀ նախագահը հյուրընկալել է Հայրենական պատերազմի վետերանների

Նախագահ Սարգսյանը շնորհավորել է նրանց ֆաշիզմի դեմ տարած հաղթանակի 76-րդ տարեդարձի առիթով: «Ազատությունն ու հաղթանակը երբեք չեն մատուցվում որպես նվեր, դրանք ձեռք են բերվել ձեր կամքի ու ջանքերի շնորհիվ, ձեր առողջության գնով»,-ասել է նախագահը:

Президент Армен Саркисян встретился с ветеранами Великой Отечественной войны (7 мая 2021). Еревaн
© Photo / official site of the President of RA / Karo Sahakyan
ՀՀ նախագահը հյուրընկալել է Հայրենական պատերազմի վետերանների

Պատերազմի վետերաններն իրենց հիշողություններն են պատմել պատերազմի տարիների, իրենց անցած մարտական ուղու, Հաղթանակի օրվա՝ մայիսի 9-ի զգացողությունների մասին, խաղաղության իրենց մաղթանքները փոխանցել ողջ հայ ժողովրդին:

Президент Армен Саркисян встретился с ветеранами Великой Отечественной войны (7 мая 2021). Еревaн
© Photo / official site of the President of RA / Karo Sahakyan
ՀՀ նախագահը հյուրընկալել է Հայրենական պատերազմի վետերանների

Նախագահը հյուրերին և, հանձինս նրանց, բոլոր վետերաններին մաղթել է քաջառողջություն՝ նշելով, որ նրանց կյանքի պատմությունները ռազմահայրենասիրական դաս են սերունդների համար:

35
թեգերը:
Հայրենական մեծ պատերազմի վետերան, Հայրենական մեծ պատերազմ, Հայաստան, Արմեն Սարգսյան
Ըստ թեմայի
Ադրբեջանը ոչնչացնում է ամեն հայկականը, անգամ Հայրենական պատերազմի հուշակոթողները. Բաբայան
100 ծառ ՝ ի հիշատակ Հայրենական պատերազմի զոհերի. Երևանը միացավ «Հիշատակի այգի» ակցիային
Ո՛չ պատերազմին. Հայաստանում Հայրենական մեծ պատերազմի 80-ամյակին նվիրված փառատոն կանցկացվի

Մասնակցելո՞ւ եք ընտրություններին և ինչո՞ւ. հարցախույզ Երևանում

116
(Թարմացված է 22:44 06.05.2021)
Sputnik Արմենիան հարցում է անցկացրել Երևանում և պարզել` ՀՀ քաղաքացիների մեծ մասը պատրաստվում է մասնակցել հունիսին նախատեսված արտահերթ ընտրություններին։

Sputnik Արմենիայի հարցման մասնակիցները համարում են, որ ընտրություններին մասնակցելը յուրաքանչյուր քաղաքացու պարտքն է։ Գնալու են քվեարկության, որովհետև մտավախությունները շատ են, իսկ ընտրություններից հետո շատ բան կարող է փոխվել։

Քաղաքացիներից մեկի կարծիքով՝ մեր միակ հույսը հզոր զենք ստեղծելն է։

«Մենք ուրիշ ճար չունենք», -ասաց նա։

Առաջիկա ընտրությունները հեշտ չեն լինելու. Ռոբերտ Քոչարյանը` փողոցային պայքարի մասին

Տղամարդկանցից մեկն էլ շեշտեց, որ ոչ մի դեպքում չի մասնակցելու ընտրություններին։

«Հերս էլ բանակից գա՝ չեմ մասնակցելու։ Նիկոլի ժամանակ եղել եմ, Ռոբերտի ժամանակ եղել եմ, Սերժի ժամանակ եղել եմ, Պարույրի՝ ևս, բայց ինչի՞ տեղ անցավ»,– նշեց նա։

Որպեսզի իմանաք, թե ինչ պատասխաններ են տվել հարցման մյուս մասնակիցները, դիտեք Sputnik Արմենիայի տեսանյութը։

Ընտրողները 2 հոգու են տեսնում վարչապետի պաշտոնում. քաղտեխնոլոգը` ընտրությունների մասին

 

116
թեգերը:
Հարցում, Երևան, Ընտրություններ, Հայաստան
Ըստ թեմայի
Ընտրությունները ՀՀ պետականության անփառունակ վախճանի նոր էջ կբացեն․ Աշոտյան
Եթե Փաշինյանն անգամ ընտրություններում պարտվի, միևնույնն է, ինքնակամ չի հեռանա. քաղաքագետ 
Լինելու են ՀՀ պատմության մեջ ամենավատ ընտրությունները. տեղամասերում կլինեն բախումներ
ԱԻՆ–ն ու ՀԿԵ–ն հուշագիր են ստորագրել

ԱԻՆ–ն ու ՀԿԵ–ն հուշագիր են ստորագրել. կողմերը միմյանց կփոխանցեն կուտակած փորձը

0
(Թարմացված է 19:02 07.05.2021)
Հուշագրի համաձայն՝ կողմերը պարտավորվում են անցկացնել համատեղ խորհրդատվություններ, ստեղծել համատեղ աշխատանքային խմբեր, իրականացնել տեղեկատվության, կուտակած փորձի փոխանակում:

ԵՐԵՎԱՆ, 7 մայիսի – Sputnik. ՀՀ արտակարգ իրավիճակների նախարարի պաշտոնակատար Անդրանիկ Փիլոյանը ընդունել է «Հարավկովկասյան երկաթուղի» (ՀԿԵ) ՓԲԸ գլխավոր տնօրեն Ալեքսեյ Մելնիկովի գլխավորած պատվիրակությանը: Տեղեկությունը հայտնում է ԱԻՆ մամուլի ծառայությունը։

Նախարարի պաշտոնակատարը, կարևորելով գերատեսչության և ՀԿԵ-ի միջև ձևավորված համագործակցությունը, հույս է հայտնել, որ այն ավելի կընդլայնվի և կունենա շարունակական բնույթ: Փիլոյանն անդրադարձել է COVID-19-ի պատճառով հետաձգված համատեղ ծրագրերին, որոնք սկսել են շարունակաբար կյանքի կոչվել:

Մելնիկովը ևս կարևորել է կողմերի միջև փոխգործակցությունը` նշելով, որ ամբողջ աշխարհում երկաթգիծը համարվում է բարձր վտանգավորության օբյեկտ: Նա տեղեկացրել է, որ ընկերությունում գործում է վերականգնողական ստորաբաժանում և առաջարկել՝ արդյունավետության բարձրացման նպատակով վերապատրաստել իրենց մասնագետներին ԱԻՆ-ում, և ապագայում նրանց դիտարկել որպես գերատեսչության այսպես կոչված «արտահաստիքային» աշխատակիցներ:

Փիլոյանը ողջունել է առաջարկը և գործընթացին աջակցելու պատրաստակամություն հայտնել: Այդ համատեքստում նախարարի պաշտոնակատարը նշել է, որ պարբերաբար ուսումնավարժություններ են անցկացվում օդանավակայանի անձնակազմի հետ։ Նա ընդգծել է, որ այդ աշխատանքներում հնարավոր է նաև ՀԿԵ-ի ներգրավումը:

Փիլոյանը կարևորել է նաև փրկարարական աշխատանքներում ընկերության տեխնիկայի ներգրավման հնարավորությունը: Մելնիկովը վստահեցրել է, որ այդ հարցում իրենք պատրաստակամ են:

Հանդիպման վերջում կողմերը «Երկաթուղային ենթակառուցվածքում վտանգավոր բեռներով վթարային իրավիճակները վերացնելիս ՀՀ արտակարգ իրավիճակների նախարարության և «ՀԿԵ» ՓԲԸ-ի փոխգործակցության մասին» հուշագիր են ստորագրել:

Փաստաթղթի համաձայն՝ կողմերը պարտավորվում են անցկացնել համատեղ խորհրդատվություններ կամ մասնակցել կողմերի մարմինների, կառույցների աշխատանքներին, ստեղծել համատեղ աշխատանքային խմբեր, իրականացնել տեղեկատվության, կուտակած փորձի փոխանակում և այլն:

Ճանապարհորդելն ավելի հարմարավետ կդառնա. ՀԿԵ–ն 27 նոր վագոն ու 2 նոր գնացք է շահագործելու

0
թեգերը:
Հարավկովկասյան երկաթուղի (ՀԿԵ), Անդրանիկ Փիլոյան, ՀՀ արտակարգ իրավիճակների նախարարություն (ԱԻՆ), Հայաստան