Ադրբեջանը ծայրաստիճան ցինիկ է միջազգային կառույցների նկատմամբ. Եղիշե Կիրակոսյան

326
(Թարմացված է 12:13 29.04.2021)
Այս պահի դրությամբ Հայաստանից ՄԻԵԴ միջանկյալ միջոցի կիրառման դիմում է ներկայացվել ավելի քան 240 անձի վերաբերյալ։ ՄԻԵԴ–ում ՀՀ ներկայացուցչի խոսքով` այս անձանց վերաբերյալ հայկական կողմին հասանելի են որոշ ապացույցներ` տեսագրություններ, լուսանկարներ և այլն։

ԵԽԽՎ–ում Ադրբեջանի հասցեին արված հայտարարությունները տարբեր երկրների խորհրդարանական խմբերի ներկայացուցիչների կողմից ցավոտ էին Ադրբեջանի համար։ Sputnik Արմենիային տված հարցազրույցում նման տեսակետ հայտնեց ՄԻԵԴ–ում ՀՀ ներկայացուցիչ Եղիշե Կիրակոսյանը` հույս հայտնելով, որ դրանք պետք է նաև դրական ազդեցություն ունենան, հատկապես գերիների վերադարձման հարցում։

«Ես չեմ կարող ասել, թե Ադրբեջանն ինչպես կպահի իրեն այս ամենից հետո, որովհետև, ցավոք, իրենց պահվածքը միջազգային հանրության, միջազգային կազմակերպությունների հանդեպ, հատկապես վերջին տարվա ընթացքում շատ ցինիկ է դարձել։ Եվ այդ ցինիզմի պարագայում իրենք շարունակում են ծայրաստիճան արհամարհական վերաբերմունքը ցանկացած միջազգային կառույցի նկատմամբ։ Դա իրենց մոտ արդեն դարձել է սովորություն»,– ասաց Կիրակոսյանը։

Ադրբեջանը շարունակում է համառել նաև գերիների մասին տեղեկատվություն տրամադրելու` ՄԻԵԴ–ի կիրառած միջանկյալ միջոցի իրականացման հարցում։ Եղիշե Կիրակոսյանի խոսքով` Ադրբեջանի իշխանությունները չեն ընդունում անգամ տեսանյութերով հաստատված անձանց` իրենց երկրում գերի լինելու հանգամանքը։

Այս պահի դրությամբ Հայաստանից ՄԻԵԴ միջանկյալ միջոցի կիրառման դիմում է ներկայացվել ավելի քան 240 անձի վերաբերյալ։ Կիրակոսյանի պարզաբանմամբ` սա այն անձանց շրջանակն է, որոնց վերաբերյալ հայկական կողմին հասանելի են եղել որոշակի ուղղակի ու անուղղակի ապացույցներ` տեսագրություններ, լուսանկարներ, այլ հիմնավորումներ։ Այդ ավելի քան 240 անձանցից Ադրբեջանը հաստատել է միայն 72-ի գերեվարության փաստը։

Ցավոք, 3 դեպքերով էլ արդեն հաստատվել է, որ ադրբեջանցիները գերեվարված անձանց սպանել են պատերազմի ավարտից ամիսներ անց։ Նրանց սպանության փաստերը հաստատվել են արդեն որոնողական աշխատանքների արդյունքում կատարված դիակի դատաբժշկական փորձաքննությունից հետո։

«Օրինակ` դեպքերից մեկը ենթադրաբար տեղի էր ունեցել հունվարի առաջին կեսին, երբ Հադրութի շրջանում կատարվող որոնողական աշխատանքների արդյունքում գտնվել էր քաղաքացիական անձի դի` թաղված, որի փորձաքննության արդյունքում պարզվել էր, որ մահը վրա է հասել օրեր առաջ։ Այնտեղ առկա էր հրազենային վնասվածք, և դատաբժշկական փորձաքննության արդյունքում պարզվել էր, որ անձը կտտանքների է ենթարկվել»,– ասաց Կիրակոսյանը։

Երկու այլ սպանվածներից մեկը նույնպես քաղաքացիական անձ է, մյուսը` ռազմագերի։

«Սրանք այն դեպքեր են, որ հստակ ապացուցված են։ Բայց, ցավոք, սրանք կարող են միակը չլինել, կարող են լինել նաև դեպքեր, որոնց մասին մենք այս պահին չգիտենք»,– ասաց մեր զրուցակիցը։

ՄԻԵԴ ներկայացված գանգատի մեջ Հայաստանը ներկայացրել է նաև Ադրբեջանի կողմից իրականացվող մշակութային ցեղասպանության, կրոնական վայրերի սրբապղծման ու ոչնչացման, դավանանքի իրավունքի խախտման դեպքերով։ Այս գործընթացը ևս, Կիրակոսյանի խոսքով, դեռ ավարտված չէ, փաստերի հավաքագրումը շարունակվում է։

Գանգատում ներառված են նաև գույքային կորուստների փաստեր։ Դրանց համալրումը ևս շարունակվում է։ Կիրակոսյանը նշեց, որ հետագայում այս բոլոր փաստերի հիման վրա հայկական կողմը նաև գույքային վնասի փոխհատուցման պահանջ է ներկայացնելու Ադրբեջանին։

«Դա ամենակարևոր հատվածն է լինելու այս ամբողջ պրոցեսի, որովհետև ի վերջո ՄԻԵԴ–ում այս ամբողջ գործընթացի վերջնական նպատակը հատուցում ստանալն է` խախտված իրավունքների ու կորցրած գույքի դիմաց»,– ասաց նա։

Թե ինչ վնասի ու ինչ չափի փոխհատուցման պահանջի մասին է խոսքը, Կիրակոսյանը չհստակեցրեց, բայց նշեց, որ խոսքը շատ մեծ պահանջի գումարի մասին է։ Հաշվառվում է ադրբեջանական վերահսկողության տակ մնացած տարածքներում մնացած ամբողջ շարժական ու անշարժ գույքը։

326
թեգերը:
գերի, Եղիշե Կիրակոսյան, Ադրբեջան, Հայաստան
Ըստ թեմայի
Հայ գերիները Կարմիր խաչի միջոցով տեսահաղորդագրություն են փոխանցել ընտանիքներին. Ամատունի
Արման Թաթոյանը գերիների վերադարձի հրատապության հարցը ներկայացրել է Քերոլայն Քոքսին
Ֆրանսիացի պատգամավորը հայ գերիներին ազատելու պահանջով բանաձև է ներկայացրել խորհրդարան

Ի՞նչն է ստիպել Ռուսաստանին սկսել Բաց երկնքի մասին պայմանագրից դուրս գալու գործընթացը

25
Մինչև 2020 թվականի նոյեմբերը ավելի քան 30 երկիր մասնակցում էին դրան, բայց հետո ԱՄՆ-ն դուրս եկավ պայմանագրից:

Վլադիմիր Պուտինը ներկայացրել է ՌԴ Պետդումայում Ռուսաստանի կողմից Բաց երկնքի մասին պայմանագիրը չեղյալ հայտարարելու մասին օրինագիծը։ Համաձայնագիրը ստորագրվել է 1992 թվականին «սառը պատերազմից» հետո Եվրոպայում վստահության ամրապնդման համար։ Մինչև 2020 թվականի նոյեմբերը ավելի քան 30 երկիր մասնակցում էին դրան, բայց հետո ԱՄՆ-ն դուրս եկավ պայմանագրից: Ռուսաստանն այս տարվա հունվարի կեսերին նմանատիպ ընթացակարգ է սկսել։ Մեր տեսանյութում դիտեք՝ ինչու՞ է Մոսկվան որոշել դուրս գալ պայմանագրից։

ԱՄՆ-ն ուզում է բաց երկխոսություն հաստատել Ռուսաստանի հետ. Պետդեպ

25
թեգերը:
Պայմանագիր, ԱՄՆ, Ռուսաստան
Ըստ թեմայի
ԱՄՆ-ն նորից ուզում է բոլորին ապրել սովորեցնել․ Ռուսաստանն ու Չինաստանը հրավիրյալներ են
Ինչու է ԱՄՆ-ն վախեցել Ռուսաստանի «Ումկա-2021» արկտիկական գիտարշավից
Ռուսաստանն ու ԱՄՆ-ն կիսում են եվրոպական շուկան. ո՞վ կլցնի գազի պահեստարանները

Բարձրաստիճան զինվորականը կատարել է Ադրբեջանի հետախուզական ծառայությունների առաջադրանքները

1127
(Թարմացված է 10:23 12.05.2021)
Զինվորականը անձամբ մեկնել է Վրաստանում Ադրբեջանի դեսպանատուն, քողարկել իր արտաքինը, դեսպանատան շենքում հանդիպել հատուկ ծառայությունների աշխատակիցներին և նրանց փոխանցել իրենից պահանջված տեղեկությունները:

ՀՀ ԱԱԾ քննչական դեպարտամենտում ավարտվել է բարձրաստիճան զինվորականի կողմից պետական դավաճանություն կատարելու դեպքի առթիվ քննվող քրեական գործի նախաքննությունը։ Տեղեկությունը հայտնում է ՀՀ ԱԱԾ մամուլի ծառայությունը։

Ըստ հաղորդագրության` բավարար փաստական տվյալներ են ձեռք բերվել, որ ՀՀ զինված ուժերում նախկինում մի շարք բարձրաստիճան պաշտոններ զբաղեցրած զինվորականը կատարել է պետական դավաճանություն՝ ի վնաս Հայաստանի Հանրապետության տարածքային անձեռնմխելիության և արտաքին անվտանգության, ինչպես նաև ստեղծելով կազմակերպված խումբ, առանց պետական գրանցման, հաշվառման և հատուկ թույլտվության (լիցենզիայի), զբաղվել է լիցենզավորման ենթակա ձեռնարկատիրական գործունեությամբ` զուգորդված պետությանն առանձնապես խոշոր չափի վնաս պատճառելով, ապօրինի ձեռք է բերել և պահել ռազմամթերք հանդիսացող փամփուշտներ, նռնակ, մարտական պայթուցիչներ:

Սույն քրեական գործով որպես մեղադրյալ ներգրավված զինվորականը ծառայության մեջ գտնվելու ընթացքում ի պաշտոնե իրավունք է ստացել առնչվելու պետական և ծառայողական գաղտնիքին դասվող տեղեկությունների և այդ տեղեկությունները պարունակող փաստաթղթերի հետ:

Հիշյալ անձը տարիներ առաջ գտնվելով Վրաստանի տարածքում՝ հայտնվել է այդ երկրում գործունեություն ծավալած ադրբեջանական հետախուզական ծառայությունների տեսադաշտում և հավաքագրվելով վերջինների աշխատակիցների կողմից ստացել է կոնկրետ առաջադրանքներ, հանձնելու նպատակով հավաքել և իր մոտ պահել Հայաստանի ու Արցախի Հանրապետությունների արտաքին անվտանգության, զինված ուժերի, սպառազինությունների մասին տեղեկություններ, թշնամական գործունեություն իրականացնելու համար օտարերկրյա պետության ներկայացուցիչներին փոխանցել ծառայության բերումով իրեն հասանելի դարձած փաստաթղթեր ու տեղեկություններ, ինչպես նաև թշնամական գործունեություն իրականացնելու համար ցույց տվել այլ օգնություն:

Ունենալով ֆինանսական խնդիրներ և նպատակ ունենալով պետական դավաճանություն կատարելու եղանակով ստանալ նյութական օգուտներ՝ թշնամական գործունեությամբ զբաղվող ադրբեջանական հատուկ ծառայությունների՝ ինքնությունը չպարզված ներկայացուցիչներից ընդունել է վարձատրության դիմաց, ի վնաս Հայաստանի և Արցախի Հանրապետությունների տարածքային անձեռնմխելիության ու արտաքին անվտանգության, հանցավոր գործունեություն իրականացնելու առաջարկը, որից հետո ձեռնամուխ է եղել դրա իրականացմանը՝ օտարերկրյա կազմակերպության ներկայացուցիչների հետ մշակելով և ընտրելով ՀՀ պետական, այդ թվում՝ հակահետախուզական գործունեություն իրականացնող մարմիններից քողարկված եղանակներով նրանց հետ կապ հաստատելու, համապատասխան տեղեկություններ փոխանցելու և այլ օգնություն ցուցաբերելու տարբերակները:

Այնուհետև իր հանցավոր մտադրությունն իրագործելու նպատակով հավաքել և սեփականության իրավունքով իրեն պատկանող առանձնատանը պահել է Հայաստանի և Արցախի զորամասերի, դրանց տեղակայման վայրերի, նշանակության, ստորաբաժանումների կազմի, սպառազինության և ռազմական տեխնիկայի քանակների ու տեսակների, մարտական զորավարժությունների անցկացման ռադիոտվյալների, պայմանականչերի, ռադիոցանցերի, ռադիոուղղությունների, կապի պլանների, հայկական բանակային կորպուսների դիմաց առկա թշնամական ուժերի, այդ թվում՝ տանկերի, մարտկոցների, ուժեղացման միջոցների, դրանց ընդհանուր թվաքանակի, թշնամու առաջնահերթ խոցվող օբյեկտների (նշանակետերի), դրանց կոորդինատների, չափերի, խոցման միջոցների, հրթիռների քանակի, ինչպես նաև հայկական կողմի մոտ առկա Ադրբեջանի ԶՈւ, զորամասերի, միավորումների, ստորաբաժանումների, մարտական զրահամեքենաների, այդ թվում՝ հետևակի մարտական մեքենաների և զրահափոխադրիչների, հրետանու, ականանետերի, հակատանկային միջոցների, զորային հակաօդային պաշտպանության միջոցների, դրանց տեսակների, քանակի, Հայաստանի Հանրապետության զինված ուժերում ծառայող, պահեստազորում հաշվառված անձանց և այլնի վերաբերյալ ծառայողական և պետական գաղտնիք կազմող տեղեկություններ պարունակող փաստաթղթեր և տվյալներ:

Ավելին, օգտագործելով Հայաստանի Հանրապետության զինված ուժերում և Արցախի Հանրապետության ՊԲ սպայական անձնակազմի շրջանում իր ունեցած հարաբերությունները, պարբերաբար հանդիպումներ է ունեցել վերջինների հետ և հետաքրքրություններ ցուցաբերել Արցախի ՊԲ տարբեր ստորաբաժանումների կողմից իրականացվող կոնկրետ գործողությունների և հրետանու ընդհանուր գործունեության վերաբերյալ, հավաքել այդպիսի տվյալներ, որից հետո՝ պարբերաբար Հայաստանի Հանրապետությունից մեկնել է Վրաստան և ինչպես Ադրբեջանի դեսպանատան տարածքում, այնպես էլ դրանից դուրս հանդիպումներ և հեռախոսազրույցներ է ունեցել ադրբեջանական հետախուզական ծառայությունների աշխատակիցների կամ նրանց ներկայացուցիչների հետ և նրանց մաս-մաս հանձնել կամ հայտնել է իր կողմից հավաքագրված ու պահված պետական կամ ծառայողական գաղտնիք պարունակող տեղեկությունները՝ կատարելով թշնամական երկրի հետախուզական ծառայությունների առաջադրանքները՝ ի վնաս Հայաստանի Հանրապետության տարածքային անձեռնմխելիության և արտաքին անվտանգության:

Ընդ որում, բարձրաստիճան զինվորականն այդ ամբողջ ժամանակահատվածում փորձել է հնարավորինս գաղտնի պահել իր անձը, հետախուզական ծառայությունների հետ ունեցած կոնտակտային հեռախոսահամարներն ու կապի միջոցները:

Քննությամբ ձեռք բերված տվյալներով պարզվել է, որ որպես մեղադրյալ ներգրավված զինվորականը ադրբեջանական հատուկ ծառայությունների՝ ինքնությունը չպարզված աշխատակիցներին հանդիպելու և նրանց համապատասխան տեղեկություններ փոխանցելու նպատակով անձամբ մեկնել է Վրաստանում Ադրբեջանի դեսպանատուն, չբացահայտվելու նպատակով քողարկել իր արտաքինը, դեսպանատան շենքում հանդիպել հատուկ ծառայությունների աշխատակիցներին և նրանց փոխանցել իրենից պահանջված և իր կողմից հավաքած պետական, ծառայողական գաղտնիք կազմող, ինչպես նաև ծառայության բերումով կամ անձնական կապերով իրեն հայտնի դարձած տեղեկությունները:

Արդյունքում, ՀՀ զինված ուժերում բարձրաստիճան պաշտոններ զբաղեցրած անձը օտարերկրյա պետության ներկայացուցիչներին հանձնել է պետական և ծառայողական գաղտնիք պարունակող տեղեկություններ, որով հակառակորդին ընձեռել է իրական հնարավորություն՝ կատարելու ուժերի և միջոցների ճշգրիտ հաշվարկներ, որոշել տարբեր հատվածներում իր կողմից խնդիրների կատարմանն ընդգրկվող ուժերի և միջոցների քանակը, տեղադիրքերը, տեղաբաշխումները, դրանց համապատասխան կատարել տակտիկական փոփոխություններ, ինչպես նաև կանխորոշել ՀՀ ԶՈԻ տարբեր զորամասերի կողմից իրականացվելիք խնդիրների հնարավոր ծավալներն ու հավանական բնույթը, մարտական գործողությունների վարման ընթացքում նպատակային և արդյունավետ խոցման համար նպաստավոր պայմաններ ստեղծել և արդյունքում խոչընդոտել ՀՀ ԶՈԻ ստորաբաժանումների առջև դրված խնդիրների պատշաճ իրականացմանը՝ այդ կերպ լրտեսության, պետական գաղտնիք հանձնելու կամ թշնամական գործունեություն իրականացնելու համար այլ օգնություն ցույց տալու եղանակներով կատարել պետական դավաճանություն:

Այս ամենով հանդերձ, քրեական գործի նախաքննությամբ ձեռք բերված ապացույցներով պարզվել է նաև, որ նույն անձը, գործելով կազմակերպված խմբի կազմում, ապօրինի զբաղվել է լիցենզավորման ենթակա ձեռնարկատիրական գործունեությամբ, մասնավորապես ընկերոջ հետ միասին ձեռք է բերել և Հայաստանի Հանրապետություն ներմուծել ռազմական նշանակության ապրանք հանդիսացող 200-ից ավելի տանկային ականջակալ-սաղավարտներ, որոնք վաճառել է օտարերկրյա պետության քաղաքացուն և ստացել 7,466,505 ՀՀ դրամ հասույթ՝ պետությանը պատճառելով առանձնապես խոշոր չափերի վնաս:

Վերոնշյալից բացի, ՀՀ զինված ուժերում բարձրաստիճան պաշտոններ զբաղեցրած անձը քննությամբ չպարզված ժամանակահատվածում ապօրինի ձեռք է բերել, փոխադրել և մինչև 2020 թվականի հունիսի 3-ը ներառյալ ընկած ժամանակահատվածում սեփականության իրավունքով իրեն պատկանող առանձնատանը ապօրինի պահել է դիպուկահար հրացաններից, գնդացիրներից և այլ զենքերից ու ատրճանակներից կրակելու համար նախատեսված ռազմամթերք հանդիսացող ավելի քան 1000 հատ մարտական փամփուշտներ, «Ֆ-1» տեսակի ձեռքի բե¬կորային մար¬տա¬կան նռնակ, մար¬տա¬կան պայ¬թու-ցիչ:

Նախաքննությամբ ձեռք բերված ապացույցների բավարար համակցության պայմաններում բարձրաստիճան զինվորականը ներգրավվել է որպես մեղադրյալ և նրա նկատմամբ որպես խափանման միջոց է ընտրվել կալանավորումը:

Պետական դավաճանություն կատարելու, կազմակերպված խմբի կողմից պետությանն առանձնապես խոշոր չափերի վնասի պատճառմամբ ապօրինի ձեռնարկատիրական գործունեությամբ զբաղվելու և ռազմամթերք ապօրինի ձեռք բերելու, փոխադրելու և պահելու դեպքերի առթիվ հարուցված քրեական գործը մեղադրական եզրակացությամբ ուղարկվել է նախաքննության նկատմամբ դատավարական ղեկավարում իրականացնող դատախազին՝ այն հաստատելու և գործն ըստ էության քննության առնելու նպատակով դատարան ուղարկելու համար:

1127
թեգերը:
ՀՀ ազգային անվտանգության ծառայություն. ԱԱԾ, Հայաստան
Ըստ թեմայի
Պատերազմի օրերին առաջնագծի բոլոր հեռախոսային կայաններն անջատվել են. ԱԱԾ տնօրենի տեղակալ
Ինչպես է Ղազանչի համայնքի նախկին ղեկավարը գումարներ հափշտակել. ԱԱԾ–ի բացահայտումը
Ամենավարկաբեկված և ամենաչընդունված. ԱԱԾ նախկին պետը՝ ԱԱԾ «ավելի նախկին» պետի մասին
Матч Лиги Наций УЕФА между сборными Армении и Эстонии (8 сентября 2020). Еревaн

Վարազդատ Հարոյանը հեռանում է «Աստանայից». հայտնի է նրա նոր ակումբի անունը

0
(Թարմացված է 15:56 12.05.2021)
Հայաստանի ազգային հավաքականի պաշտպան Վարազդատ Հարոյանը «Աստանա» էր տեղափոխվել այս տարվա սկզբին։

ԵՐԵՎԱՆ, 12 մայիսի - Sputnik. Հայաստանի ազգային հավաքականի և ղազախական «Աստանայի» պաշտպան Վարազդատ Հարոյանը հաջորդ մրցաշրջանում հանդես կգա իսպանական Լա լիգայում: Տեղեկությունը հայտնում են ղազախական լրատվամիջոցները:

Ավելի վաղ լրագրող Արարատ Մամբրեյանը իր  տելեգրամ ալիքում հայտնել էր, որ Հայաստանի ազգային հավաքականի պաշտպան Վարազդատ Հարոյանը «Աստանայից» կտեղափոխվի եվրոպական ակումբ։

Sputnik Արմենիայի տեղեկություններով` հայ ֆուտբոլիստն արդեն համաձայնեցրել է պայմանագրի կետերը «Կադիսի» հետ:

Նշենք, որ Հարոյանը «Աստանա» էր տեղափոխվել այս տարվա սկզբին։

Մեր հավաքականի կենտրոնական պաշտպան Վարազդատ Հարոյանն այս մրցաշրջանում «Աստանայի» կազմում անցկացրել է 8 հանդիպում։ «Աստանան» միանձնյա գլխավորում է մրցաշարային աղյուսակը։

Հարոյանը` «Աստանա» գնալու, «Տամբովի» պարտքի ու իր նախասիրությունների մասին. բացառիկ զրույց

0