ԵՐԵՎԱՆ, 25 ապրիլի – Sputnik․ Երգչուհի Սյուզաննա Մելքոնյանը քիչ առաջ հաղթել է «Ռոսիա 1» հեռուստաալիքի «Ну-ка, все вместе» երաժշտական հեռուստամրցույթում։ Նա Սելին Դիոնի «I Surrender» երգի ցնցող կատարմամբ հիացրեց ժյուրիին և հնարավոր 100 միավորից հավաքեց 99-ը։ Ժյուրին գրեթե ամբողջ կատարման ընթացքում հոտնկայս էր ծափահարում Սյուզաննային։
Ժյուրիի նախագահ Սերգեյ Լազարևը պարզապես չէր կարողանում զսպել իր հիացական էմոցիաները։
«100 տվեք, 100․․․»,- բղավում էր Լազարևը։
Կատարման վերջում թվում էր, թե Լազարևն ուր որ է՝ ցատկելու է ժյուրիի տեղից։
«Հավատա՝ սա 100 է»,- ասաց Լազարև՝ տեսնելով, որ Սյուզաննան 99 միավոր է հավաքել։
«Սա եզրափակչի ամենավստահ ելույթն է»,- ավելացրեց Լազարևը։
«Այստեղ ամեն ինչ ասված է... Սյուզի, դու հիասքանչ էիր»,- նշեց հեռուստաշոուի հաղորդավար Նիկոլայ Բասկովը։
Թինա Կանդելակին պարել է Արսեն Շախունցի երգի տակ. ոմանք կասկածել են, որ նա հղի է
Այս ելույթից հետո Սյուզաննային սպասում էր վերջին՝ «Մենամարտ» փուլը, որի երեք մասնակիցներից մեկն էլ էր հայուհի՝ Արփի Աբգարյանը։ Արփին զբաղեցրեց 3-րդ պատվավոր տեղը, իսկ Սյուզաննան ցնցող հաղթանակ տոնեց՝ արժանանալով մրցույթի սուպեր գավաթին և ստանալով 1 միլիոն ռուբլի։
