Հայոց ցեղասպանության ճանաչումը բխում է ԱՄՆ շահերից. «ՄԱԱԹ» ներկայացուցիչներ

118
(Թարմացված է 11:11 24.04.2021)
Միջազգային «ՄԱԱԹ» մարդասիրական, խաղաղապահական կազմակերպության իրավունքի մասով փորձագետ Էմիլի Շարփենտերը և նույն կազմակերպության ներկայացուցիչ Մատիս Ռոյ–Վինին Sputnik Արմենիայի հետ զրույցում անդրադարձել են Հայաստան կատարած այցի նպատակներին և առաքելությանը։

Էմիլի Շարփենտերի տեղեկացմամբ` «ՄԱԱԹ»–ը 2021 թվականի հունվարին հայ ռազմագերիների վերադարձի կոչով դիմել է Ադրբեջանին` նշելով, որ 44-օրյա պատերազմի ընթացքում ադրբեջանական կողմը պարբերաբար խախտել է միջազգային հումանիտար իրավունքը` մարդկության դեմ հանցագործություններ և ռազմական զանազան գործողություններ կատարելով։
«Ռազմագերիների վերադարձի խնդիրը մեզ համար նույնպես ունի հույժ կարևոր և առաջնային նշանակություն։ Նրանց հայրենադարձության հարցը բխում է միջազգային իրավունքից և համապատասխանում է միջազգային օրենքներին, հետևաբար դա ադրբեջանական կողմը պետք է ընկալի որպես պարտադիր պայման»,– նշեց Էմիլի Շարփենտերը։

Մատիս Ռոյ–Վինին իր հերթին անդրադարձավ Հայոց ցեղասպանության 106-րդ տարելիցի առթիվ ԱՄՆ–ում տիրող տրամադրություններին, ինչպես նաև կառավարական ու պետական շրջանակների դիրքորոշումներին` ևս մեկ անգամ կարևորելով այն հանգամանքը, որ 2019 թվականին ԱՄՆ–ի Սենատն ու Ներկայացուցիչների պալատն ընդունեցին Հայոց ցեղասպանությունը դատապարտող բանաձևեր։

«Ես մասնակցել եմ Ջո Բայդեի նախընտրական քարոզարշավին և կարող եմ հավաստել, որ նախագահի մակարդակով Հայոց ցեղասպանության ճանաչումը բխում է նրա շահերից։ Դա լոկ հայտարարություն չէ այն մասին, թե ինչ է եղել պատմության մեջ, այլ քննադատումն է Թուրքիայի սխալ վարքագծի։ Բայդենը երբեք չի հապաղել Էրդողանին քննադատելու գործում, քանի որ Թուրքիան հակամարտում է գրեթե բոլոր հարևանների հետ և ներգրավվել է մասնավորապես հայ–ադրբեջանական կոնֆլիկտում, ուստի ԱՄՆ–ի նախագահն իր դիրքորոշումը կարտահայտի նաև այդ առումով»,– նշեց Մատիս Ռոյ–Վինին։

Հայոց ցեղասպանության անպատժելիությունն այսօր ոգեշնչում է նոր հանցանքներ ծրագրողներին. ԱԳՆ

«ՄԱԱԹ» կազմակերպության ներկայացուցիչները նշեցին, որ այցի շրջանակներում պատրաստելու են համապատասխան զեկույց, որը ներկայացվելու է ՄԱԿ–ին։ Այն կարող է բարձրացնել իրազեկվածության մակարդակը միջազգային ասպարեզում և կարող է նաև լուրջ քննարկումների հիմք հանդիսանալ` շահագրգիռ կազմակերպություններին ու կառույցներին տրամադրելով հավաստի տեղեկություններ այն մասին, թե իրականում ինչ է տեղի ունեցել այս տարածաշրջանում։

Նրանց համոզմամբ` զեկույցի նպատակը ոչ միայն իրազեկության մակարդակի բարձրացումն է, այլև այն հիմքի ստեղծումը, որը թույլ կտա օբյեկտիվ հետաքննություն անցկացնել տարածաշրջանում տեղի ունեցած իրադարձությունների շուրջ։

118
թեգերը:
Հայոց ցեղասպանություն, Ջո Բայդեն, ԱՄՆ, Միավորված ազգերի կազմակերպություն (ՄԱԿ), Ադրբեջան, ռազմագերի, գերի, Արցախյան պատերազմ, Հայաստան
թեմա:
Sputnik զրույց (275)
Ըստ թեմայի
Քննարկվել է Հայոց ցեղասպանության ճանաչման հարցը. Ավինյանն ընդունել է ԱՄՆ դեսպանին
Արցախ, գերիներ, Հայոց ցեղասպանություն. հանդիպել են Փաշինյանն ու Ժան-Բատիստ Լըմուանը
Ռեյգանի հայ սպիչռայթերի շնորհիվ ԱՄՆ–ն ճանաչել է Հայոց ցեղասպանությունը դեռ 1982 թ–ին

Կարկուտը ծեծած տեղը չի ծեծի․ Արմավիրի հակակարկտային կայաններից գողացվածը հայտնաբերվել է

42
(Թարմացված է 18:00 10.05.2021)
27-ամյա երիտասարդը Արմավիրի մարզի 9 գյուղերի հակակարկտային կայաններից է գողություն է արել․ այս մասին խոստովանական բացատրություն է տվել։

Արմավիրի մարզի մի քանի հակակարկտային կայաններից գողացված մարտկոցները հայտնաբերվել են։ Տեղեկությունը հայտնում է ոստիկանության մամուլի ծառայությունը։

Նախապես ոստիկանությունը հաղորդում էր ստացել, որ մարտ-ապրիլ ամիսներին Երասխահուն, Վարդանաշեն, Արգավանդ, Մարգարա գյուղերի հակակարկտային կայաններից մարտկոցներ էին գողացել՝ պետությանը պատճառելով 240.000 դրամի վնաս:

«Քրեական հետախույզների պրոֆեսիոնալ աշխատանքի արդյունքում տեղեկություններ ստացվեցին, որ գողությունները հնարավոր է կատարած լինի Էջմիածին քաղաքի Վազգեն Առաջինի փողոցի 27-ամյա մի բնակիչ։ Նա Էջմիածնի Զվարթնոց թաղամասից բերման ենթարկվեց ոստիկանության Արմավիրի բաժին և տվեց խոստովանական բացատրություն»,- նշված է հաղորդագրության մեջ։

Գյումրիում պատանին հեռախոս էր խնդրել զանգելու համար ու գողացել այն. տեսանյութ

Պարզվել է, որ երիտասարդը ոչ միայն նշված 4 գյուղերի, այլև Սարդարապատ, Արևիկ, Ալաշկերտ, Մրգաշատ, Արազափ գյուղերի հակակարկտային կայանների մարտկոցներն էլ է գողացել։

Գողոնը մասամբ է հայտնաբերվել:

Հարուցված քրեական գործն ուղարկվել է Արմավիրի քննչական վարչություն:

«Վեոլիա ջուր» ընկերության տեղամասերից մեկից գողացել են ջրի պոմպը․ տեսանյութ

42
թեգերը:
գողություն, Ոստիկանություն, Արմավիրի մարզ, Հայաստան

«Սխալ կլինի գնալ նոր փրկիչներ փնտրելու ճանապարհով». Բենիամին Մաթևոսյան

88
(Թարմացված է 16:48 10.05.2021)
«Պոլիտէկոնոմիա» հետազոտական ինստիտուտի քաղաքագետ Բենիամին Մաթևոսյանը Sputnik Արմենիայի հետ զրույցում անդրադարձել է ընտրական օրենսգրքի փոփոխություններին և արտահերթ ընտրություններից առաջ հիմնական քաղաքական ուժերի դասավորվածությանն ու հնարավորություններին։

Բենիամին Մաթևոսյանի դիտարկմամբ` Ընտրական օրենսգրքի փոփոխությունը հիմնական խոստումներից մեկն էր, որի մասին խոսում էր քաղաքական իշխող ուժը դեռ իշխանության գալուց առաջ, և եթե 2018 թվականի ընտրությունների պարագայում կար ժամանակի հետ կապված օբյեկտիվ խնդիր, ապա դրանից հետո տրամաբանական էր ակնկալել, որ մինչև արտահերթ կամ հերթական խորհրդարանական ընտրությունները ինչ–որ փոփոխություններ կլինեն, բայց ամեն ինչ, այսպես ասած, ափալ–թափալ իրականացվում է վերջին պահին, ուստի մեծ փոփոխությունների չարժե սպասել։ 

«Մարդիկ Նիկոլ Փաշինյանից դժգոհ են այն պատճառով, որ նախկիններին չպատժեց, որովհետև հիմնական քաղաքական կոդը, որով նա գալիս էր իշխանության, այն էր, որ նախկինները ենթարկվելու էին պատասխանատվության, և ժողովրդից թալանվածն անպայման վերադարձվելու էր։ Մարդիկ այժմ տրամաբանորեն փորձում են գտնել մի ուժի, որը կգա և կպատժի թե՛ նախկիններին, թե՛ գործող իշխանությանը»,– նշեց քաղաքագետը։

Մաթևոսյանի կարծիքով` այդուհանդերձ սխալ կլինի գնալ նոր փրկիչներ փնտրելու ճանապարհով։ Հասարակության հետ, ըստ նրա, պետք է աշխատել, հասցնել մի մակարդակի կամ գիտակցության այնպիսի աստիճանի, որ մարդիկ ընտրեն ոչ թե անձի, այլ իրատեսական ծրագիր և պորֆեսիոնալ թիմ, հետևաբար այս քաղաքական աշխատանքը պետք է ձեռնարկի ու իրականացնի քաղաքական էլիտան։

Քաղաքագետը հույս հայտնեց, որ գալիք քարոզարշավը տարբեր կենտրոնների կողմից կօգտագործվի հենց այդ նպատակով և մենք ականատես կլինենք գաղափարների ու ծրագրերի միջև ընթացող պայքարի։

Ի՞նչ ցույց տվեց Ռոբերտ Քոչարյանի, ՀՅԴ–ի ու «Վերածնվող Հայաստանի» հանրահավաքը

88
թեգերը:
Ընտրություններ, Բենիամին Մաթևոսյան
թեմա:
Sputnik զրույց (275)
Ըստ թեմայի
«Հայաստան» դաշինքը չի կարելի կապել միայն Ռոբերտ Քոչարյանի անվան հետ. Վարդանյան
«Իմ քայլը» խմբակցությունը երկրորդ անգամ առաջադրեց Նիկոլ Փաշինյանի թեկնածությունը
Էսօր չեք տեսնի մի բիզնեսմեն, որն ասի` հարկայինն իրենց «քերում է». Փաշինյան
Սերգեյ Լավրով

Տրանսպորտային հանգույցը կարող է բարելավել Երևանի ու Բաքվի հարաբերությունները. Լավրով

0
(Թարմացված է 00:37 11.05.2021)
ՌԴ արտաքին քաղաքական գերատեսչության ղեկավարը շեշտել է, որ Ռուսաստանը հետաքրքրված է Ադրբեջանի և Հայաստանի միջև հարաբերությունների կարգավորմամբ։

ԵՐԵՎԱՆ, 11 մայիսի – Sputnik․ Հարավային Կովկասում տրանսպորտային հանգույցի ստեղծման հարցերը կնպաստեն Հայաստանի և Ադրբեջանի հարաբերությունների բարելավմանը։ ՌԻԱ Նովոստիի փոխանցմամբ՝ հայտարարել է Ռուսաստանի արտգործնախարար Սերգեյ Լավրովը Բաքվում Ադրբեջանի նախագահի հետ հանդիպման ժամանակ։

«Մենք անկեղծորեն շահագրգռված ենք Ադրբեջանի և Հայաստանի միջև հարաբերությունների կարգավորմամբ։ Կարծում ենք, որ ձգձգված հակամարտությունից դուրս գալու տնտեսական կողմի վրա կենտրոնանալու համատեղ աշխատանքը դրա համար օպտիմալ միջավայր է ստեղծում», - ասել Է Լավրովը։

ՌԴ արտաքին քաղաքական գերատեսչության ղեկավարի խոսքով՝ մարդիկ պետք է զգան, որ իրական բարելավում է տեղի ունենում։

Նա ընդգծել է, որ Ռուսաստանի, Ադրբեջանի և Հայաստանի փոխվարչապետերը երեք երկրների ղեկավարների ստեղծած աշխատանքային խմբի շրջանակներում պարբերաբար հանդիպում են, քննարկում են Հարավային Կովկասում բոլոր տնտեսական և տրանսպորտային հաղորդակցությունների ապաշրջափակման պայմանավորվածության շուրջ առկա գործնական հարցերը:

Լավրովն ընդգծում է՝ դա պոտենցիալ շատ լուրջ տրանսպորտային հանգույց է, որի նշանակությունը դուրս է գալիս տարածաշրջանային շրջանակներից։

Բայց չէ՞ որ ամենակարևորը ինքդ քեզ չկորցնելն է. Սոլովյովը`Հայաստանի ապաշրջափակման մասին

0
թեգերը:
Ադրբեջան, Հայաստան, Սերգեյ Լավրով
Ըստ թեմայի
Ապաշրջափակումն առայժմ քննարկվում է միայն փորձագիտական մակարդակով. փոխվարչապետ
Ապաշրջափակման անվան տակ խորը շրջափակում է լինելու. Օհանյանը` ԱԽՔ–ի հայտարարության մասին
Ադրբեջանը խոչընդոտելու է տարածաշրջանի ապաշրջափակմանը. ՀՀ վարչապետի պաշտոնակատար