Ճանաչում, դատապարտում, հատուցում. Ազատության հրապարակից մեկնարկեց ջահերով երթը. տեսանյութ

238
(Թարմացված է 23:37 23.04.2021)
ՀՅԴ Հայաստանի Երիտասարդական միության կողմից կազմակերպվող ջահերով երթն առաջին անգամ անցկացվել է 1999թ.-ին։

Երևանի Ազատության հրապարակից մեկնարկեց Հայոց ցեղասպանության զոհերի հիշատակին նվիրված ավանդական ջահերով երթը։

Երթի կարգախոսն է «Ճանաչում, դատապարտում, հատուցում»:

Բազմահազարանոց երթի մասնակիցները, չխախտելով ավանդույթը, Ազատության հրապարակում այրեցին Թուրքիայի և Ադրբեջանի դրոշները, որոնք միացրել էին իրար։

Երթին մասնակցող երիտասարդները դրել էին միանման սև պաշտպանիչ դիմակներ, որոնց վրա պատկերված էր Ծիծեռնակաբերդ հուշահամալիրը։

Ավանդաբար երթի մասնակիցները  շարժվում են Բաղրամյան պողոտայով, Կիևյան փողոցով մինչև Ծիծեռնակաբերդի բարձունք, որտեղ Ցեղասպանության զոհերի հուշահամալիրի անմար կրակի մոտ խոնարհում են բոլոր այն երկրների դրոշները, որոնք ճանաչել են Հայոց ցեղասպանությունը։

ՀՅԴ Հայաստանի Երիտասարդական միության կողմից կազմակերպվող ջահերով երթն առաջին անգամ անցկացվել է 1999թ.։

Ջահերով երթը  կավարտվի Ծիծեռնակաբերդում միասնական աղոթքով։

Այս տարի նույնպես Հայաստանի տարբեր համայնքներում գրեթե միաժամանակ մեկնարկել է ավանդական դարձած ջահերով երթը:

238
թեգերը:
Հայ Յեղափոխական Դաշնակցություն (ՀՅԴ), Ծիծեռնակաբերդ, երթ, Հայոց ցեղասպանություն, Հայաստան, Երևան
թեմա:
Ապրիլի 24. Հայոց ցեղասպանության չմոռացվող էջը (128)
Ըստ թեմայի
Հայ արվեստագետները հիշեցրել են Ցեղասպանության ու կարմիր կակաչներով պատերազմի մասին
Արցախ, գերիներ, Հայոց ցեղասպանություն. հանդիպել են Փաշինյանն ու Ժան-Բատիստ Լըմուանը
Քննարկվել է Հայոց ցեղասպանության ճանաչման հարցը. Ավինյանն ընդունել է ԱՄՆ դեսպանին

Հնդկաստանում հզոր ցիկլոն է մոլեգնում, զոհեր կան. տեսանյութ

54
(Թարմացված է 12:43 18.05.2021)
Հնդկաստանի արևմտյան ափին հսկայական ցիկլոն է մոլեգնել, տարերքի հետևանքով մարդիկ են մահացել։

Հնդկաստանի արևմտյան ափին մոլեգնող «Տաուկտաե» հզոր ցիկլոնը, վերջին տվյալներով, 8 մարդու մահվան պատճառ է դարձել: Ավելի քան 150 հազար մարդու են տարհանել։

Հոկտեմբերի 17-ին ցիկլոնը մոտեցել է Մումբայ քաղաքին։

Մեգապոլիսի օդանավակայանը հայտարարել է, որ ժամանակավորապես դադարեցրել է բոլոր գործառնությունները:

Վրաստանում պարետային ժամը կրճատվեց

Քաղաքի իշխանությունների հաղորդմամբ՝ սաստիկ քամու պատճառով այնտեղ երկու մարդ Է մահացել, մեկի վրա լապտեր է ընկել, մյուսը մահացել է շենքերից մեկի աղյուսե շարվածքի փլուզման հետևանքով ։ Եվս չորս մարդ Էլ մահացել են Կարնատակա նահանգում տեղի ունեցած փլուզման հետևանքով, ևս երկուսը՝ հարևան Կերալա նահանգում:

Կորոնավիրուսը երկիրը մեծ դիակիզարանի է վերածել. խոսուն կադրեր Հնդկաստանից

54
թեգերը:
տեսանյութ, ցիկլոն, Հնդկաստան
Ըստ թեմայի
Վրաստանը նախատեսում է բացել ցամաքային սահմանը. Տուրնավան նախնական ժամկետ է ասել
«Հյուսիսային հոսք-2». ավարտին հասցնե՞լ, թե՞ միլիարդներ թաղել ծովի տակ
Իսրայելի պաշտպանության բանակը հայտարարել է, որ ոչնչացրել է ՀԱՄԱՍ-ի թունելները

Ուրեմն մենք էլ ենք և՛ Նախիջևանում, և՛ Ադրբեջանում միջանցք ունենալու. ԱԽ քարտուղար

683
(Թարմացված է 23:12 17.05.2021)
Երևանը հավատարիմ է մնում նոյեմբերի 9-ի եռակողմ հայտարարությանը։ Իսկ այնտեղ «միջանցք» հասկացություն չկա, այլ կա կետ, որը վերաբերում է տարածաշրջանային հաղորդակցության ուղիների ապաշրջափակմանը։

«Զանգեզուրի միջանցք» չի լինելու։ Sputnik Արմենիայի և Civilnet-ի հետ հարցազրույցում այս մասին հայտարարեց ՀՀ ԱԽ քարտուղար Արմեն Գրիգորյանը։

Նրա խոսքով` այսպես կոչված «Զանգեզուրի միջանցքը» բացառապես «ադրբեջանական նարատիվ է» (պնդում), և դա ոչ մի ընդհանրություն չունի 2020 թվականի նոյեմբերի 9-ի եռակողմ հայտարարության հետ:

Ավելի վաղ՝ ապրիլին, Ադրբեջանի նախագահ Իլհամ Ալիևը ադրբեջանական պետական հեռուստաընկերությանը տված հարցազրույցում հայտարարել էր, որ Բաքուն «կլուծի Զանգեզուրի միջանցքի իրականացման խնդիրը` ցանկանում է դա Հայաստանը, թե ոչ: Ընդ որում, Ադրբեջանի նախագահը սպառնացել էր ուժով լուծել հարցը։

«Հայտարարության մեջ «միջանցք» բառ չկա։ Մենք մնացել ենք, մնում ենք և մնալու ենք եռակողմ հայտարարության տրամաբանության շրջանակներում։ Ապաշրջափակում` չի նշանակում միայն մեկ ճանապարհի ապաշրջափակում, մենք բազմիցս հայտարարել ենք, որ մենք կողմնակից ենք «ապաշրջափակում» ասելով հասկանալ, որ հաղորդակցության բոլոր ուղիները, բոլոր ճանապարհներն են բացվելու»,- նշեց Գրիգորյանը։

Խոսքը, ըստ նրա, Հայաստանն ու Ադրբեջանը կապող ճանապարհների մասին է․ այդպիսի ճանապարհներ կան Տավուշում, Գեղարքունիքում, ինչպես նաև Սյունիքում։ ԱԽ քարտուղարի խոսքով՝ դրանք բոլորը պետք է բացվեն։ Եվ չի կարող լինել որևէ ճանապարհ, որով կարող են տեղաշարժվել միայն ադրբեջանցիները։ Նրանք կօգտվեն հայկական ճանապարհներից, իսկ Հայաստանը կօգտվի ադրբեջանական ճանապարհներից։

«Եթե Ադրբեջանը հարցն այդպես է դնում, ապա ես էլ կարող եմ միանշանակ պնդել, որ մենք էլ ենք և՛ Նախիջևանում, և՛ Ադրբեջանում միջանցք ունենալու։ Եթե Ադրբեջանի պնդումն այդպիսին է։ Չի կարող «միջանցք» բառն Ադրբեջանն օգտագործել այս կոնտեքստում, իսկ եթե օգտագործում է՝ ի նկատի ունենալով, որ ճանապարհները ապաշրջափակվելու են, ապա այդ կոնտեքստում մենք էլ ենք հայտարարում, որ միջանցք ունենալու ենք»,- նշում է Գրիգորյանը։

Պատասխանելով այն հարցին, թե ադրբեջանցիների «խաղաղասիրության» պարագայում արդյո՞ք հնարավոր է հայերի ազատ տեղաշարժը ադրբեջանական տարածքում, Գրիգորյանն ընդգծել է, որ այս պահին դժվար է խոսել այդ մասին, առավել ևս Սյունիքում և Գեղարքունիքում առկա սադրանքների պայմաններում:

Բայց ապագայում Ռուսաստանի միջնորդությամբ Հայաստանը հույս ունի գործարկել բոլոր այն մեխանիզմները, որոնք թույլ կտան հասնել այդ նպատակին։

ՀՀ ԱԽ քարտուղարը խոսել է սահմանային խնդրի լուծման հնարավոր ռազմական սցենարի մասին

Հիշեցնենք`2020թ.–ի սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։ 2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։ 

Հայաստանն ապահովում է տրանսպորտային կապ Ադրբեջանի արևմտյան շրջանների և Նախիջևանի Ինքնավար Հանրապետության միջև։ 

Ինչ տվեց Արցախի վերաբերյալ եռակողմ հայտարարությունը․ քարտեզ

Շփման գծի երկայնքով Լեռնային Ղարաբաղում և Լաչինի միջանցքում հաստատվում են ռուսական խաղաղապահ ուժեր, որոնք մնում են հինգ տարի ժամանակով` ավտոմատ երկարացման հնարավորությամբ, եթե հաջորդ հինգ տարվա համար կողմերը ժամկետի լրանալուց վեց ամիս առաջ չեն հայտարարում այս դրույթի կիրառությունը դադարեցնելու մասին։

Նշվում է նաև, որ ներքին տեղահանվածները և փախստականները վերադառնում են ԼՂ և հարակից շրջաններ, իրականացվում է ռազմագերիների փոխանակություն և մյուս պահվող անձանց փոխանակություն, ապաարգելափակվում են բոլոր տնտեսական և տրանսպորտային կապերը տարածաշրջանում։

683
թեգերը:
Անվտանգության խորհուրդ, Հայաստան, Ադրբեջան, Զանգեզուր, Արմեն Գրիգորյան
Ըստ թեմայի
Լավրովի կողմից Զանգեզուրի միջանցքին անդրադարձը մեսիջ է Ադրբեջանին և Թուրքիային. Դանիելյան
Լավրովը Երևանում անդրադարձել է «Զանգեզուրի միջանցքին»
Ալիևը բացատրել է, թե ինչու է «Զանգեզուրի միջանցքը» քննարկվում Ռուսաստանի հետ
Սահմանային գոտի, արխիվային լուսանկար

ՊՆ–ն հաստատեց` հայ և ադրբեջանցի զինվորականների միջև վիճաբանություն է եղել

73
(Թարմացված է 17:00 18.05.2021)
Ըստ տրամադրված մեկնաբանության, միջադեպը տեղի է ունեցել Գեղարքունիքում, երեկ` մայիսի 17–ին, և արագ հարթվել է։

ԵՐԵՎԱՆ, 18 մայիսի –Sputnik. Հայկական և ադրբեջանական ուժերի շփման գծի Վարդենիսի հատվածում հայ և ադրբեջանցի զինվորականների միջև երեկ վիճաբանություն է եղել։

Լուրը Sputnik Արմենիայի հետ զրույցում հասատեցին ՀՀ պաշտպանության նախարարությունից։

Ըստ տրամադրված մեկնաբանության, միջադեպը տեղի է ունեցել երեկ և արագ հարթվել է։  Այլ մանրամասներ ՊՆ–ը չի հայտնում։

Հիշեցնենք` մայիսի 12-ի առավոտյան ադրբեջանական զինուժը «սահմանների ճշգրտման» հիմնավորմամբ փորձել է որոշակի աշխատանքներ իրականացնել Սյունիքի և Գեղարքունիքի սահմանային հատվածներիում, սակայն հայկական ստորաբաժանումների ձեռնարկած միջոցառումներից հետո ադրբեջանական զինվորականները դադարեցրել են այդ աշխատանքները։

Ինչո՞ւ են Հայաստանի սահմանային հարցերը քննարկում ՀԱՊԿ-ը և Ադրբեջանը

Նույն օրը ՀՀ վարչապետի պաշտոնակատար Նիկոլ Փաշինյանն անվտանգության խորհրդի նիստում հայտարարեց, որ սա Ադրբեջանի կողմից դիվերսիայի փորձ է, և որ խնդիրը պետք է կարգավորվի բանակցությունների միջոցով։

ՊՆ–ն մայիսի 13-ին հայտնեց, որ Ադրբեջանը հերթական սադրանքն է իրականացրել Վարդենիսի և Սիսիանի սահմանային հատվածներում։

Մայիսի 14–ին Փաշինյանը հայտարարեց, որ կեսօրին պաշտոնապես դիմել են ՀԱՊԿ և ռազմական աջակցության հարցով դիմել ՌԴ նախագահ Վլադիմիր Պուտինին։

Մայիսի 13-ից ադրբեջանցիների հետ բանակցություններ են անցկացվում։

73
թեգերը:
Վարդենիս, Ծեծկռտուք, սահմանապահ, Սահման, Գեղարքունիքի մարզ, ադրբեջանցի, Ադրբեջան, ՀՀ Պաշտպանության նախարարություն (ՊՆ)
թեմա:
Սահմանային խախտումներ. իրադրությունը Սյունիքում և Գեղարքունիքում
Ըստ թեմայի
ԱԽ քարտուղարն ասել է, թե ինչու Հայաստանի սահմանը խախտած ադրբեջանցիները չեն գերեվարվել
Ինչո՞ւ են Հայաստանի սահմանային հարցերը քննարկում ՀԱՊԿ-ը և Ադրբեջանը
Գրիգորյանը սահմանային իրավիճակը քննարկել է ՀԱՊԿ ԱԽ քարտուղարների կոմիտեի նախագահի հետ