Փաշինյանի իրավական խորհրդատուները տառապում են դիլետանտիզմով. փաստաբան

123
Փաստաբան Միհրան Պողոսյանը Sputnik Արմենիայի հետ զրույցում անդրադարձել է ՀՀ վարչապետ Նիկոլ Փաշինյանի` Սյունիք կատարած այցին հաջորդած իրավական զարգացումներին, բերման ենթարկվածների հանդեպ կիրառված միջոցների իրավաչափության խնդրին։

Միհրան Պողոսյանի դիտարկմամբ` վերջին երեք տարում տեղի ունեցած նման դեպքերի առթիվ իշխանությունների կողմից իրականացված գործողությունները զուտ քրեական հետապնդումների համատեքստում շատ հեռու են իրավական լինելուց կամ գնահատվելուց, քանզի ակնհայտ է, որ երկրում կան քրեական գործեր, որոնց նկատմամբ իշխանությունների հետաքրքրությունը խոսում է այն մասին, որ նշված դեպքերի առթիվ օբյեկտիվ քննություն չի կարող լինել. դա տեղավորվում է իշխանության  կողմից եկող քաղաքական պատվերի շրջանակներում։ 

Իսկ ինչ վերաբերում է կոնկրետ Սյունիքում տեղի ունեցած իրադարձություններին, ապա Միհրան Պողոսյանը նշեց, որ Փաշինյանն իր շքախմբով այցելել էր Սյունիքի մարզ, որտեղ կան հանրությանը առավելագույն չափով հուզող խնդիրներ, և պատահական չէ, որ տեղի բնակչությունը Նիկոլ Փաշինյանին ընդունում է որպես դավաճան, քանզի նրանք հայրանազրկվել են, իսկ թշնամին հասել է մինչև իրենց տան շեմը։ 

«Փաշինյանը ժամանակին հայտարարեց, որ երկրում կա երեք միլիոն վարչապետ, հետևաբար մոտ երկու հազար վարչապետ երեկ կարծիք էր հայտնում ևս մեկի մասին, ով ներկայանում է որպես վարչապետ։ Այդ ամենին հետևեց Կապանում կայացած փակ խորհրդակցությունը։ Ցավալի է, որ դրան ներկա էին ՀՀ դատախազության և քննչական կոմիտեի մարզային պատասխանատուները, թեև մեր օրենսդրության համաձայն` նշված կառույցները համարվում են անկախ մարմիններ, և այն խղճուկ տեսարանը, որ վերջիններս զեկույցներ էին ներկայացնում Փաշինյանին, իրավաբանության հետ որևէ աղերս չունի»,– նշեց փաստաբանը։

Պողոսյանի համոզմամբ`բերման ենթարկվածների նկատմամբ միանշանակ կիրառվել է ոչ իրավաչափ վերաբերմունք, ինչն արձանագրել են Սյունիքում աշխատող փաստաբանները։ Ըստ նրա` մեր դատախազական և քննչական մարմինները մեծ սիրով պատրաստ են կատարել իշխանությունից եկող բոլոր հրահանգները։

Երևանում ոստիկաններից մեկն ուշագնաց եղավ բողոքի ակցիայի ժամանակ, բերման ենթարկվածներ կան

Փաստաբանի համոզմամբ` Սյունիքում տեղի ունեցածը ոչ թե իրավական, այլ ռեպրեսիվ գործընթաց էր։ Մարզն ամբողջ գիշեր գտնվում էր ոստիկանների շարժի ու տեղապտույտի մեջ։ Պողոսյանը նշեց նաև այն հանգամանքը, որ գործող իշխանության օրոք գտնվում ենք իրավական վակխանալիայի գագաթնակետում, և դրա պատճառը նաև այն է, որ Փաշինյանի իրավական խորհրդատուները տառապում են դիլետանտիզմով։ 

123
թեգերը:
Ձերբակալություն, Սյունիք, Միհրան Պողոսյան
թեմա:
Sputnik զրույց (275)
Ըստ թեմայի
«Սյունեցիների քայլերն արդարացի էին». Սյունիքի նախկին մարզպետը մասնակցում է բողոքի ակցիային
ԱԱԾ պետն ու ոստիկանության պետը շտապ ժամանել են Սյունիք
Ակնկալում եմ կտրուկ գործողություններ. Փաշինյանը` Սյունիքի ակցիաների մասին. տեսանյութ

Կարկուտը ծեծած տեղը չի ծեծի․ Արմավիրի հակակարկտային կայաններից գողացվածը հայտնաբերվել է

46
(Թարմացված է 18:00 10.05.2021)
27-ամյա երիտասարդը Արմավիրի մարզի 9 գյուղերի հակակարկտային կայաններից է գողություն է արել․ այս մասին խոստովանական բացատրություն է տվել։

Արմավիրի մարզի մի քանի հակակարկտային կայաններից գողացված մարտկոցները հայտնաբերվել են։ Տեղեկությունը հայտնում է ոստիկանության մամուլի ծառայությունը։

Նախապես ոստիկանությունը հաղորդում էր ստացել, որ մարտ-ապրիլ ամիսներին Երասխահուն, Վարդանաշեն, Արգավանդ, Մարգարա գյուղերի հակակարկտային կայաններից մարտկոցներ էին գողացել՝ պետությանը պատճառելով 240.000 դրամի վնաս:

«Քրեական հետախույզների պրոֆեսիոնալ աշխատանքի արդյունքում տեղեկություններ ստացվեցին, որ գողությունները հնարավոր է կատարած լինի Էջմիածին քաղաքի Վազգեն Առաջինի փողոցի 27-ամյա մի բնակիչ։ Նա Էջմիածնի Զվարթնոց թաղամասից բերման ենթարկվեց ոստիկանության Արմավիրի բաժին և տվեց խոստովանական բացատրություն»,- նշված է հաղորդագրության մեջ։

Գյումրիում պատանին հեռախոս էր խնդրել զանգելու համար ու գողացել այն. տեսանյութ

Պարզվել է, որ երիտասարդը ոչ միայն նշված 4 գյուղերի, այլև Սարդարապատ, Արևիկ, Ալաշկերտ, Մրգաշատ, Արազափ գյուղերի հակակարկտային կայանների մարտկոցներն էլ է գողացել։

Գողոնը մասամբ է հայտնաբերվել:

Հարուցված քրեական գործն ուղարկվել է Արմավիրի քննչական վարչություն:

«Վեոլիա ջուր» ընկերության տեղամասերից մեկից գողացել են ջրի պոմպը․ տեսանյութ

46
թեգերը:
գողություն, Ոստիկանություն, Արմավիրի մարզ, Հայաստան

«Սխալ կլինի գնալ նոր փրկիչներ փնտրելու ճանապարհով». Բենիամին Մաթևոսյան

96
(Թարմացված է 16:48 10.05.2021)
«Պոլիտէկոնոմիա» հետազոտական ինստիտուտի քաղաքագետ Բենիամին Մաթևոսյանը Sputnik Արմենիայի հետ զրույցում անդրադարձել է ընտրական օրենսգրքի փոփոխություններին և արտահերթ ընտրություններից առաջ հիմնական քաղաքական ուժերի դասավորվածությանն ու հնարավորություններին։

Բենիամին Մաթևոսյանի դիտարկմամբ` Ընտրական օրենսգրքի փոփոխությունը հիմնական խոստումներից մեկն էր, որի մասին խոսում էր քաղաքական իշխող ուժը դեռ իշխանության գալուց առաջ, և եթե 2018 թվականի ընտրությունների պարագայում կար ժամանակի հետ կապված օբյեկտիվ խնդիր, ապա դրանից հետո տրամաբանական էր ակնկալել, որ մինչև արտահերթ կամ հերթական խորհրդարանական ընտրությունները ինչ–որ փոփոխություններ կլինեն, բայց ամեն ինչ, այսպես ասած, ափալ–թափալ իրականացվում է վերջին պահին, ուստի մեծ փոփոխությունների չարժե սպասել։ 

«Մարդիկ Նիկոլ Փաշինյանից դժգոհ են այն պատճառով, որ նախկիններին չպատժեց, որովհետև հիմնական քաղաքական կոդը, որով նա գալիս էր իշխանության, այն էր, որ նախկինները ենթարկվելու էին պատասխանատվության, և ժողովրդից թալանվածն անպայման վերադարձվելու էր։ Մարդիկ այժմ տրամաբանորեն փորձում են գտնել մի ուժի, որը կգա և կպատժի թե՛ նախկիններին, թե՛ գործող իշխանությանը»,– նշեց քաղաքագետը։

Մաթևոսյանի կարծիքով` այդուհանդերձ սխալ կլինի գնալ նոր փրկիչներ փնտրելու ճանապարհով։ Հասարակության հետ, ըստ նրա, պետք է աշխատել, հասցնել մի մակարդակի կամ գիտակցության այնպիսի աստիճանի, որ մարդիկ ընտրեն ոչ թե անձի, այլ իրատեսական ծրագիր և պորֆեսիոնալ թիմ, հետևաբար այս քաղաքական աշխատանքը պետք է ձեռնարկի ու իրականացնի քաղաքական էլիտան։

Քաղաքագետը հույս հայտնեց, որ գալիք քարոզարշավը տարբեր կենտրոնների կողմից կօգտագործվի հենց այդ նպատակով և մենք ականատես կլինենք գաղափարների ու ծրագրերի միջև ընթացող պայքարի։

Ի՞նչ ցույց տվեց Ռոբերտ Քոչարյանի, ՀՅԴ–ի ու «Վերածնվող Հայաստանի» հանրահավաքը

96
թեգերը:
Ընտրություններ, Բենիամին Մաթևոսյան
թեմա:
Sputnik զրույց (275)
Ըստ թեմայի
«Հայաստան» դաշինքը չի կարելի կապել միայն Ռոբերտ Քոչարյանի անվան հետ. Վարդանյան
«Իմ քայլը» խմբակցությունը երկրորդ անգամ առաջադրեց Նիկոլ Փաշինյանի թեկնածությունը
Էսօր չեք տեսնի մի բիզնեսմեն, որն ասի` հարկայինն իրենց «քերում է». Փաշինյան
«Նորք» ԲԿ

243 նոր դեպք, 7 մահ` մեկ օրում. կորոնավիրուսային հիվանդության ընթացքը Հայաստանում

0
(Թարմացված է 10:58 11.05.2021)
Հիվանդությունների վերահսկման և կանխարգելման ազգային կենտրոնը հրապարակել է Հայաստանում կորոնավիրուսային վարակի վերաբերյալ վերջին մեկ օրվա տվյալները:

ԵՐԵՎԱՆ, 11 մայիսի - Sputnik. Հայաստանում կորոնավիրուսով վարակվածների թիվը վերջին մեկ օրում ավելացել է 243–ով և դարձել  219596: Տեղեկությունը հայտնում է Հիվանդությունների վերահսկման և կանխարգելման ազգային կենտրոնը։

Այս պահին փաստացի բուժում է ստանում 8620 մարդ (-243), կատարվել է 1019359 թեստավորում (+2678), առողջացել են վարակվածներից 205675-ը (+475): Գրանցվել է մահվան 4256 դեպք (+7)։ Կորոնավիրուսով վարակված, բայց այլ պատճառով մահացածների թիվը ավելացել է 4-ով ու դարձել 1045։

Հիշեցնենք` 2020թ.–ի մարտի 16–ից Հայաստանում արտակարգ դրություն էր սահմանված, որը մի քանի անգամ երկարաձգվեց և տևեց մինչև սեպտեմբերի 11–ը։ Երկարաձգված արտակարգ դրության պայմանները որոշակի փոփոխությունների ենթարկվեցին։

Տնտեսական շատ գործունեություններ թույլատրվեցին, բայց սահմանվեցին պարտադիր պահանջներ։

Հանրային բաց տարածքներում դիմակ դնելը պարտադիր էր։ Դիմակ կարող էին չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները։

2020թ.–ի սեպտեմբերի 11–ին ՀՀ կառավարությունը որոշեց, որ երկրում սեպտեմբերի 12–ից մինչև 2021թ.–ի հունվարի 11–ը կգործի կարանտինի ռեժիմ։ Որոշ սահմանափակումներ մեղմացվեցին, բայց հասարակական վայրերում դիմակ դնելու պահանջը շարունակեց գործել։

Կորոնավիրուսային համավարակի կարանտինի սահմանափակումներից մի քանիսը հանվեցին

Հաշվի առնելով կորոնավիրուսի 3–րդ ալիքի գոյությունն աշխարհում և այն փաստը, որ Հայաստանում վարակակիրների թիվը շարունակում է բարձր մնալ` 2021թ.–ի հունվարի 11–ին ՀՀ կառավարությունը որոշեց երկրում կարանտինային ռեժիմը երկարաձգել ևս 6 ամսով։ Այն կտևի մինչև 2021թ.–ի հուլիսի 11–ը։

0
թեգերը:
Մահ, թեստ, Հայաստան, կորոնավիրուս
թեմա:
Կորոնավիրուսը Հայաստանում և Արցախում
Ըստ թեմայի
«Արսեն Թորոսյանը ճիշտ էր». ԱԺ պատգամավորները պատվաստվեցին COVID-19-ի դեմ AstraZenaca–ով
Որքան գումար է ծախսել ՀՀ առողջապահության նախարարությունը Covid-19–ի դեմ պայքարի շրջանակում
Հայաստանում արդեն մոտ 11 հազար մարդ է պատվաստվել Covid-19-ի դեմ