Ոստիկանների ու բողոքի ակցիա անողների միջև հրմշտոց սկսվեց, իրավիճակը լարված է. տեսանյութ

210
(Թարմացված է 20:53 22.04.2021)
Քաղաքացիները հավկիթներ նետեցին դատախազության շենքի ուղղությամբ, իսկ հետո ուզում էին ներս մտնել։

ԵՐԵՎԱՆ, 22 ապրիլի - Sputnik. Դատախազության առջև բողոքի ակցիա անողների մոտ ՀՀ գլխավոր դատախազը չիջավ։ ՀՅԴ–ական Գեղամ Մանուկյանը հայտնեց, որ իրենց փոխանցեցին` գլխավոր դատախազն արձակուրդում է, և կարող են ընդունել պատվիրակություն։

Նշենք, որ բողոքի ակցիան մեկնարկել էր ժամեր առաջ` Արամ Մանուկյան արձանի մոտից։ Մասնակիցները պահանջում են ձերբակալված սյունեցիներին ազատ արձակել։

Մանուկյանը նշեց` պատվիրակության իմաստ չկա այս պահին։ «Դատախազությունը պարտավոր էր այնպես անել, որ բանը չհասնել ձերբակալություններին։ Ամեն քաղաքացի այս պահից ազատ է իր պահանջն իրականացնելու»,–ասաց Մանուկյանը։

Նշենք, որ դրանից հետո քաղաքացիները հավկիթներ նետեցին դատախազության շենքի ուղղությամբ` բացականչելով. «Հետ տվեք մեր հողերը»։ Իրավիճակը բավականին լարված է, քաղաքացիները կարծես ուզում էին դատախազության շենք մտնել, սակայն ոստիկանները թույլ չեն տալիս։ Հրմշտոց է սկսվել քաղաքացիների ու ոստիկանների միջև։

Նշենք, որ բողոքի ակցիա անողները 20 րոպե ժամանակ էին տվել, որպեսզի գլխավոր դատախազն իջնի ու իրենց հարցերի պատասխանները տա։

«Սյունեցիներն ունեն այդ իրավունքը». բողոքի ակցիա` ի պաշտպանություն ձերբակալվածների

210
թեգերը:
ՀՀ գլխավոր դատախազություն, Բողոքի ակցիա
Ըստ թեմայի
Դուք իրավասու չեք կոնկրետ գործերով գնահատական տալ. ՄԻՊ–ի կոշտ արձագանքը Սյունիքի դեպքերին
Խոշտանգումներով բերման ենթարկված շուռնուխցուն տեղափոխել են հիվանդանոց
Բողոքի ակցիայի մասնակիցները Դավթյանին 20 րոպե ժամանակ տվեցին. պահանջում են` ցած իջնի

Նույնիսկ հաղթանակի դեպքում Նիկոլ Փաշինյանը հինգ տարի չի կարողանա պաշտոնավարել. քաղաքագետ

2
(Թարմացված է 20:30 11.05.2021)
«Շրջադարձ հանուն զարգացման» հասարակական կազմակերպության նախագահ, քաղաքագետ Էդվարդ Անտինյանը Sputnik Արմենիայի հետ զրույցում անդրադարձել է հունիսի 20-ի արտահերթ ընտրություններով պայմանավորված գործընթացներին և հետագա հնարավոր սցենարներին։ 

Էդվարդ Անտինյանի կարծիքով` քաղաքական ուժերն ընտրություններին փաստորեն մասնակցում են Նիկոլ Փաշինյանի օրակարգով, ժամանակացույցով և խաղի կանոններով, հետևաբար պարտության դեպքում մեղավորներ թող չփնտրեն։ Ըստ նրա` գալիք ընտրությունների արդյունքում ատելության մթնոլորտը երկրում չի փոխվի, իրավիճակը չի բարելավվի, և արդեն իսկ տեսանելի է, թե ինչպես են հիմնական խաղացողները մտնում պայքարի մեջ, չնայած որ քարոզարշավի պաշտոնական մեկնարկը չի ազդարարվել։ 

«Փաշինյանն իր հերթին ընտրությունների գնում է ոչ թե արվածի հաշվետվությամբ, այլ չարվածի արդարացումներով։ Ընդդիմությունը պնդում է, որ Փաշինյանը չի կարող երկրի շահերը ներկայացնել դրսում պարտվածի կարգավիճակով, իսկ Փաշինյանն էլ ասում է, որ պարտվել է Ադրբեջանին ու Թուրքիային, իսկ Հայաստանում դեռ բոլորից ուժեղ է, այսինքն` Փաշինյանին մանդատ տալու է ոչ միայն ընտրազանգվածը, այլև նրա հետ ընտրություններին մասնակցող քաղաքական ուժերը»,– ասում է քաղաքագետը։ 

Անտինյանի կարծիքով` թեև ավելի շատ կլինեն փոխադարձ կոմպրոմատները, բայցևայնպես դրանք մեծ հաշվով էական նշանակություն չեն ունենա, որովհետև նույնիսկ առկա շիկացած մթնոլորտում ինչ ուզում է դարակից հանեն, միևնույնն է, արդյունավետությունը շատ փոքր է լինելու։ Քաղաքագետի համոզմամբ`այն ընտրողները, որոնք կատեգորիկ կերպով կայացրել են իրենց որոշումը, ոչ մի բանի վրա ուշադրություն չեն դարձնելու, ուստի գալիք ընտրություններն ունենալու են բոլորովին այլ որակ։ 

Անտինյանի գնահատմամբ`սա լինելու է ընտրություն, որտեղ պետք է գործել առանց սխալվելու իրավունքի, բայցևայնպես պարտված ուժերը պետք է նախաձեռնեն մի գործընթաց, որպեսզի ասպարեզ մտնեն նոր ուժեր, քանզի նույնիսկ հաղթանակի դեպքում Նիկոլ Փաշինյանը հինգ տարի չի կարողանա պաշտոնավարել։  

Արմեն Սարգսյանը ստորագրեց հրամանագիրը. ընտրությունների օրը հստակ է

2
թեգերը:
Ընտրություններ, Էդուարդ Անտինյան
թեմա:
Sputnik զրույց
Ըստ թեմայի
ՔՊ–ն արտահերթ ընտրություններին կմասնակցի առանձին՝ առանց դաշինքի. Մակունց
ՀՀ նախագահը խառնեց պլանները. Հայաստանում հնարավոր է` ընտրությունների երկրորդ փուլ անցկացվի
Հայտնի է` երբ կմեկնարկի ԱԺ ընտրությունների քարոզարշավը. ԿԸՀ–ն հաստատեց ժամանակացույցը

Ի՞նչ է կատարվում Կազանի դպրոցում, որտեղ երեխաներ են սպանվել. շենքի ներսում արված կադրեր

538
(Թարմացված է 13:04 11.05.2021)
Կազանի դպրոցներից մեկում հնչած կրակոցների հետևանքով աշակերտներ են մահացել։ Զոհերի թվում նաև ուսուցիչ կա։ Չի բացառվում, որ շենքում էլի աշակերտներ կան։

Համացանցում կադրեր են հայտնվել, որոնցում երևում է, թե ինչ է կատարվում Կազանի դպրոցում, որտեղ այսօր կրակոցներ ու պայթյուն է հնչել։

Ուժայինները գրոհել են շենքը։ Չի բացառվում, որ շենքում էլի աշակերտներ կան։ Երկրորդ հրաձիգը մնացել է դասարաններից մեկում, որին չեզոքացրել են գրոհի ժամանակ։ 

Ավելի վաղ հայտնել էինք, որ այսօր անհայտ անձինք կրակ են բացել Ջաուդաթ Ֆայզի փողոցի թիվ 175 դպրոցում, պայթյուն է որոտացել, 9 զոհ կա, որոնցից 8-ը աշակերտներ են, մեկը` ուսուցիչ։ 

Վերջին տեղեկություններով` զոհերի թիվն արդեն հասել է 11-ի։

ՌԻԱ Նովոստին հայտնում է, որ դպրոցականներից երկուսը մահացել են` նետվելով երրորդ հարկի պատուհանից։

Նախնական տվյալներով՝ կրակողները դեռահասներ են, մեկին ձերբակալել են։

Դեպքի վայրում է նաև Թաթարստանի նախագահ Ռուստամ Միննիխանովը։

Ավելի ուշ ՆԳՆ-ն հերքեց երկրորդ հրաձիգի մասին տվյալները։

538
թեգերը:
կրակոց, դպրոց, Կազան