Ազգականին դանակահարելու և ոստիկանների ուղղությամբ կրակելու դեպքով քրեական գործ է հարուցվել

46
(Թարմացված է 16:16 22.04.2021)
Միջոցառումներ են ձեռնարկվում Արմավիրի մարզում տեղի ունեցած դեպքի բոլոր հանգամանքները պարզելու ուղղությամբ:

Երեկ գիշեր Արմավիրում տեղի ունեցած կրակոցների և սպանության փորձի դեպքով քրեական գործ է հարուցվել։ Տեղեկությունը հայտնում է ՀՀ քննչական կոմիտեն։

Հայտնել էինք, որ Էջմիածին քաղաքի Զվարթնոց թաղամասում մի տղամարդ նախ դանակահարել է իր ազգականին, իսկ հետո կրակել ոստիկանների ուղղությամբ։ Վերջում տղամարդն ինքն իր ծնոտին է կրակել։

Դեպքի առթիվ ՀՀ քննչական կոմիտեի Արմավիրի մարզային քննչական վարչության Վաղարշապատի քննչական բաժնում հարուցվել է քրեական գործ՝ ՀՀ քրեական օրենսգրքի 34-104-րդ հոդվածի 1-ին մասի, 34-104-րդ հոդվածի 2-րդ մասի 2-րդ ու 6-րդ կետերի (սպանության) և 235-րդ հոդվածի 1-ին մասի հատկանիշներով (Ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը)»,–նշված է հաղորդագրության մեջ։

Կատարվում է նախաքննություն: Միջոցառումներ են ձեռնարկվում՝ դեպքի բոլոր հանգամանքները պարզելու ուղղությամբ:

Գյումրիում իրենց տան մեջ դանակահարել են ամուսինների

Նշենք, որ ոստիկանությունն էլ իր հերթին դեպքի առնչությամբ տեսանյութ է հրապարակել։

Հիշեցնենք` տղամարդը ապրիլի 22-ին ժամը 01:10-ի սահմաններում անձնական հարցերի շուրջ ծագած վիճաբանության ընթացքում կտրող-ծակող գործիքով հարվածել էր իր ազգականի կրծքավանդակին և հեռացել։

Որոշ ժամանակ անց վերադառնալով դեպքի վայր` տեսել է ոստիկաններին ու «ԱԿ 103» տեսակի ինքնաձիգից դիտավորյալ անկանոն կրակոց է արձակել նրանց ուղղությամբ։

Այս ամենից հետո նա նույն ինքնաձիգից մեկ անգամ կրակել է իր ծնոտին։ Ւնչպես տուժածը, այնպես էլ մեղադրյալը հոսպիտալացվել են։

Դանակահարություն Գեղարքունիքում. 30-ամյա տղամարդը դանակի 6 հարված է ստացել

46
թեգերը:
եզդի, Սպանություն, դանակահարություն, Արմավիր
Ըստ թեմայի
Վեճ ու դանակահարություն` Երևանում. խառն են պաշտոնյաների ու բարձրաստիճան սպաների որդիներ
Երևանում 10–րդ դասարանի աշակերտը 18-ամյա երիտասարդի է դանակահարել
Երևանի դպրոցներից մեկի բակում 15-ամյա տղան դանակահարել է համադասարանցուն

Չակ Նորիսին ու Վան Դամին չեն կարողանա ընտրել. Մուկուչյանը` քվեարկության մասին

117
(Թարմացված է 19:45 12.05.2021)
ՀՀ Կենտրոնական ընտրական հանձնաժողովի նախագահ Տիգրան Մուկուչյանը Sputnik Արմենիայի հետ զրույցում անդրադարձել է հունիսի 20-ին նախանշված արտահերթ ընտրությունների կազմակերպչական աշխատանքներին։

Տիգրան Մուկուչյանի փոխանցմամբ` Ընտրական օրենսգրքի փոփոխությունների մի հատվածն արդեն իսկ մտել է ուժի մեջ, ու թեև դրանք ընտրողի տեսանկյունից դյուրացրել են ընտրական գործընթացը, բայց ընտրությունների կազմակերպման տեսանկյունից ԿԸՀ–ի համար տեղին չի լինի օգտագործել «հեշտացնող» կամ «բարդացնող» եզրույթները։ 

Երկու պարագայում էլ, եթե տեղի է ունենում որևէ փոփոխություն, ապա հանձնաժողովը պետք է լրացուցիչ ջանքեր գործադրի տեղեկատվական նոր արշավների, սոցիալական հոլովակների միջոցով մարդկանց բացատրելու, լրացուցիչ նախապատրաստելու, իրազեկելու տեղի ունեցած փոփոխություններին։

«Մինչև հունիսի 20–նն ընկած ժամանակահատվածը բավարար է, որպեսզի պատրաստվենք ընտրություններին, պատրաստենք համապատասխան տեսահոլովակներ, որոնք կհեռարձակվեն պարբերաբար և պարզաբանում կտան նոր քվեակարգի առանձնահատկությունը։ Շատ լայն ծավալով կլինի սոցիալական գովազդների միջոցով քարոզչական արշավ, որպեսզի ընտրողներն առավելագույն չափով լինեն իրազեկված և պատրաստված գան ընտրատեղամասեր»,– նշեց ԿԸՀ նախագահը։

Մուկուչյանի կարծիքով` կարևոր խնդիրը համավարակի պայմաններում առողջապահական կանոնների պահպանմամբ ընտրական գործընթացի իրականացումն է, առավել ևս, որ նախկինում ԿԸՀ–ն նման փորձ չի ունեցել։ Ընտրատեղամասերում կլինեն անհատական պաշտպանիչ միջոցներ, հանձնաժողովի անդամները կունենան համապատասխան ուղեցույց, իսկ ընտրատեղամասերում հերթերի գոյացման ժամանակ պետք է արվի առավելագույնը, որպեսզի մարդկանց միջև պահպանվի սոցիալական հեռավորություն` հնարավոր ռիսկերից զերծ մնալու նկատառությամբ։   

Հիշեցնենք` 2021թ–ի մարտի 18-ին վարչապետ Նիկոլ Փաշինյանը հայտարարել էր, որ հունիսի 20-ին Հայաստանում ԱԺ արտահերթ ընտրություններ կկայանան: Ավելի ուշ Ազգային ժողովը հաստատել էր Ընտրական օրենսգրքի փոփոխությունների նախագիծը, ըստ որի՝ խորհրդարանական ընտրությունները տեղի կունենան միայն համամասնական ընտրակարգով։

Ապրիլի 25-ին Նիկոլ Փաշինյանը հայտարարեց իր հրաժարականի մասին։

ՀՀ նախագահ Արմեն Սարգսյանը մայիսի 10-ի հրամանագրով խորհրդարանական արտահերթ ընտրությունների օր է նշանակել հունիսի 20-ը։

117
թեգերը:
Տիգրան Մուկուչյան, քվեարկություն, Հայաստան, Ազգային ժողովի ընտրություններ
թեմա:
ԱԺ արտահերթ ընտրություններ 2021
Ըստ թեմայի
Հայտնի է` երբ կմեկնարկի ԱԺ ընտրությունների քարոզարշավը. ԿԸՀ–ն հաստատեց ժամանակացույցը
ԿԸՀ նախագահը հայտնեց` ինչպես է պետք քվեարկել առաջիկա ընտրություններում
Պատկերացնո՞ւմ եք` ընտրություններում հաղթի Քոչարյանը, իսկ Երևանի քաղաքապետ մնա դերասանը

Ի՞նչն է ստիպել Ռուսաստանին սկսել Բաց երկնքի մասին պայմանագրից դուրս գալու գործընթացը

68
Մինչև 2020 թվականի նոյեմբերը ավելի քան 30 երկիր մասնակցում էին դրան, բայց հետո ԱՄՆ-ն դուրս եկավ պայմանագրից:

Վլադիմիր Պուտինը ներկայացրել է ՌԴ Պետդումայում Ռուսաստանի կողմից Բաց երկնքի մասին պայմանագիրը չեղյալ հայտարարելու մասին օրինագիծը։ Համաձայնագիրը ստորագրվել է 1992 թվականին «սառը պատերազմից» հետո Եվրոպայում վստահության ամրապնդման համար։ Մինչև 2020 թվականի նոյեմբերը ավելի քան 30 երկիր մասնակցում էին դրան, բայց հետո ԱՄՆ-ն դուրս եկավ պայմանագրից: Ռուսաստանն այս տարվա հունվարի կեսերին նմանատիպ ընթացակարգ է սկսել։ Մեր տեսանյութում դիտեք՝ ինչու՞ է Մոսկվան որոշել դուրս գալ պայմանագրից։

ԱՄՆ-ն ուզում է բաց երկխոսություն հաստատել Ռուսաստանի հետ. Պետդեպ

68
թեգերը:
Պայմանագիր, ԱՄՆ, Ռուսաստան
Ըստ թեմայի
ԱՄՆ-ն նորից ուզում է բոլորին ապրել սովորեցնել․ Ռուսաստանն ու Չինաստանը հրավիրյալներ են
Ինչու է ԱՄՆ-ն վախեցել Ռուսաստանի «Ումկա-2021» արկտիկական գիտարշավից
Ռուսաստանն ու ԱՄՆ-ն կիսում են եվրոպական շուկան. ո՞վ կլցնի գազի պահեստարանները
Ռուստամ Մուրադով

Ով է փոխարինել գեներալ Մուրադովին. «Հրապարակ»

63
(Թարմացված է 10:02 13.05.2021)
Խաղաղապահ զորախմբի հրամանատարները պետք է փոխվեն 6 ամիսը մեկ։ Եթե կողմերը առարկություններ չունեն, ապա կարող է երկարաձգվել զորախմբի հրամանատարի ծառայությունը։

ԵՐԵՎԱՆ, 13 մայիսի - Sputnik. Արցախում տեղակայված ռուսական խաղաղապահ զորախմբի հրամանատար Ռուստամ Մուրադովին արդեն փոխարինող կա․ հաջորդ 6 ամիսն Արցախում ծառայությունը կշարունակի ՌԴ զինված ուժերի Հարավային ռազմական օկրուգի զորքերի հրամանատարի տեղակալ, գեներալ-լեյտենանտ Ալեքսեյ Ավդեևը, տեղեկացնում է «Հրապարակը»։

Ավդեևն արդեն այսօր կժամանի Ստեփանակերտ, 2 շաբաթվա ընթացքում գործերի ընդունում-հանձնում տեղի կունենա։ Ավդեևւն ազգությամբ ուզբեկ է, ծնվել է 1967-ին, Տաշքենդում, մոտոհրաձգային զորքերի գեներալ է:

Պարգևատրվել է ՌԴ «Հայրենիքին մատուցած ծառայությունների համար», 3-րդ և 4-րդ աստիճանի, Ժուկովի, «Զինվորական վաստակի համար», «Բարեկամության» շքանշաններով, Սուվորովի մեդալով և ՌԴ այլ գերատեսչական պարգևներով։ Ռուստամ Մուրադովն էլ է Հարավային ռազմական օկրուգի հրամանատարի տեղակալը։ Մուրադովի ջանքերի շնորհիվ հայրենիք վերադարձան Ադրբեջանում գերեվարված 67 հայ ռազմագերիներ։

Խաղաղապահ զորախմբի հրամանատարները պետք է փոխվեն 6 ամիսը մեկ։ Եթե կողմերը առարկություններ չունեն, ապա կարող է երկարաձգվել զորախմբի հրամանատարի ծառայությունը։

Գերիների վերադարձի ուղղությամբ զբաղվելու է անձամբ Ռուստամ Մուրադովը. Կոպիրկին

63
թեգերը:
Ալեքսեյ Ավդեև, Արցախ, Ռուստամ Մուրադով
Ըստ թեմայի
«Մուրադովը Փաշինյանի հետ հանդիպել է, գուցե մեզ նոր բան ասի»․ ծնողները կառավարությունում են
Ինչո՞ւ են Արցախում դադարեցվել որոնողափրկարարական աշխատանքները
Հայերի ու ադրբեջանցիների միջև միջադեպ է տեղի ունեցել Սարուշեն-Կարմիր գյուղ հատվածում