Եթե ՊՆ–ն մեզ հստակ պատասխան չտա, հարցը կլուծենք դատական ճանապարհով. Հակոբյան

351
«Ազատագրում» շարժման համաղեկավար Սամվել Հակոբյանը Sputnik Արմենիայի հետ զրույցի ընթացքում անդրադարձել է այն զինծառայողների խնդրին, որոնք մասնակցել են արցախյան պատերազմին, սակայն մինչ օրս համաչափորեն չեն վարձատրվել պետության կողմից։ 

Սամվել Հակոբյանի տեղեկացմամբ` իրենք ստանում են բազմաթիվ բողոքներ առ այն, որ շատ մարդիկ, որոնք մոբիլիզացիայի արդյունքում մասնակցել են արցախյան պատերազմին, համաչափորեն չեն վարձատրվել և իրենց սոցիալական հարցերը չեն լուծվել։ Ըստ Հակոբյանի` հենց շարժման շարքերում կան նման խնդիրների առջև հայտնված տղաներ, ովքեր տալիս են համարժեք տեղեկատվություն, ինչն էլ հիմք է հանդիսացել «Ազատագրում» շարժման կողմից իրականացված հետազոտության համար։

«Միայն համեմատական ուսումնասիրությունը կարող է պարզել, թե արդյո՞ք տեղին է մարդկանց բողոքն առ այն, որ իրենք մասնակցել են պատերազմին նույն կարգավիճակով, հաստիքով և նույն ժամանակահատվածում, սակայն ստացել են տարբեր վարձատրություն։ Օրինակ` հավաքեցինք Հադրութի մոբիլիզացիոն գումարտակի առաջին դասակի տասը զինծառայողների տվյալները։ Նրանք բոլորն ունեն նույն խնդիրը, հայտնվել են ՊՆ–զորամաս–բանկ եռաստիճան շրջապտույտի մեջ, սակայն հստակ պատասխան չեն ստանում։ Նման զինծառայողների ցուցակը մեզ մոտ ավելացել է նոր անուններով»,– նշեց «Ազատագրում» շարժման համաղեկավարը։ 

Հակոբյանի պնդմամբ` շարժումը չի ցանկանում սևացնել հայկական բանակը կամ նսեմացնել պաշտպանության նախարարությանը, ավելին, իրենք կանգնած են հայկական բանակի կողքին, պարզապես ցանկանում են, որ պետությունը մինչև վերջ պատշաճ կերպով կատարի արցախյան պատերազմի մասնակիցների առջև ստանձնած պարտավորությունները։  

Նիկոլ Փաշինյանի որդին կամավորների շարքում մեկնեց առաջնագիծ. տեսանյութ

«Ազատագրում» շարժման համաղեկավարը հավաստիացրեց, որ իրենք մոտ օրերս պատրաստվում են նամակով դիմել ՊՆ–ին և ակնկալում են, որ իրենց կտրվեն սպառիչ բացատրություններ` զինծառայողների ֆինանսավորման հետ կապված խնդիրները հնարավոիրնս շուտ լուծելու ակնկալիքով, հակառակ պարագայում կդիմեն դատարան` հարցերն իրավական ճանապարհով լուծելու հաստատակամությամբ։ 

«Մեր կիսատ գործը մեր երեխեքին չենք թողնելու». երբ առաջնագծում կամավորներն են

351
թեգերը:
աշխատավարձ, Դատարան, կամավոր, ՀՀ Պաշտպանության նախարարություն (ՊՆ)
թեմա:
Sputnik զրույց (285)
Ըստ թեմայի
Պատերազմին մասնակցած կամավորականներից և մոբիլիզացվածներից ովքե՞ր առայժմ չեն վճարվել
Առաջնորդներ են պետք, ոչ թե փրկիչ. Արմեն Սարգսյանը հանդիպել է մի խումբ կամավորների հետ
Առաքելյանն ասաց` Հայաստանիդ վարչապետին բողոքիր. կամավորներն իրենց հասանելիք փողն են ուզում

Պուտինի ու Բայդենի` նեղ կազմով բանակցություններն ավարտվեցին. տեսանյութ

72
(Թարմացված է 18:01 16.06.2021)
Ժնևի Լա Գրանժ դղյակում կազմակերպված հանդիպումը տևեց մոտ երկու ժամ:

Ժնևում ավարտվեցին Վլադիմիր Պուտինի և Ջո Բայդենի` նեղ կազմով բանակցությունները։ Տեղեկությունը ՌԻԱ Նովոստիին է հայտնել Ռուսաստանի նախագահի մամուլի քարտուղար Դմիտրի Պեսկովը:

Լա Գրանժ դղյակում կազմակերպված հանդիպումը մեկնարկել էր Երևանի ժամանակով 15:30-ին, գագաթնաժողովի առաջին մասը տևեց գրեթե երկու ժամ:

Շուտով կողմերը կանցնեն երկրորդ հատվածին, որը կանցկացվի ընդլայնված ձևաչափով։ Հանդիպումը ընդհանուր առմամբ 5 ժամ է նախատեսված։

Պուտինն ասել է՝ որոնք են Բայդենի հետ հանդիպման գլխավոր նպատակները

Համատեղ ասուլիս չի լինելու, նախագահները լրագրողների առջև առանձին–առանձին ելույթ կունենան։

Սա Պուտինի և Բայդենի առաջին հանդիպումն է այս տարվա սկզբին ԱՄՆ նախագահի պաշտոնը ստանձնելու պահից ի վեր:

Պուտինն ու Բայդենը հատուկ ուշադրություն կդարձնեն Ղարաբաղի իրավիճակին․ Ուշակով

 

72
թեգերը:
տեսանյութ, բանակցություն, Ջո Բայդեն, Վլադիմիր Պուտին
Ըստ թեմայի
Չքնե՛ք Պուտինի հետ հանդիպման ընթացքում. Թրամփը` Բայդենին
Բայդենը վերափոխվում է «Պուտինի ցրիչի», կամ մինչև չգա հետինը, չի հիշվի առաջինը

Ո՞ր դեպքում Սանասարյանը կկանգնի Փաշինյանի կամ Քոչարյանի կողքին

73
(Թարմացված է 17:09 16.06.2021)
«Ինքնիշխան Հայաստան» կուսակցության նախագահ,  վարչապետի թեկնածու Դավիթ Սանասարյանը Sputnik Արմենիայի հետ զրույցում նշել է, որ միայն մի դեպքում պատրաստ է կանգնել ինչպես Փաշինյանի, այնպես էլ այն քաղաքական ուժերի կողքին, որոնց դեմ տարիներ շարունակ պայքարել է։ 

Օրվա իշխանությունը ձախողել է մինչ օրս տված գրեթե բոլոր խոստումները, նախկիններն էլժամանակին ունեցած ռեսուրսներն ի նպաստ Հայաստանի չեն օգտագործել։ Sputnik Արմենիայի հետ զրույցում նման կարծիք հայտնեց «Ինքնիշխան Հայաստան» կուսակցության նախագահ, վարչապետի թեկնածու Դավիթ Սանասարյանը։

«Մենք քաղաքացիներին ասում ենք, որ դուրս գան այդ մոլորությունից, որ, ի դեմս «Ինքնիշխան Հայաստանի», ունեք այլընտրանք` սկզբունքային, պայքարող, տարիներ շարունակ փողոցում և տարբեր ճգնաժամային իրավիճակներում քաղաքացու կողքը կանգնած, քաղաքացուն ուղղորդած գործիչներ, մի թիմ, որի մեծ մասը եղել է և՛ Ապրիլյանի, և՛ 44-օրյայի ամենածանր կետերում։ Այս թիմի միջոցով կարող եք տեսնել ձեր ներկայությունը խորհրդարանում»,- ասաց նա։

Խորհրդարան անցնելու դեպքում Սանասարյանի թիմը Փաշինյանի և նախկին իշխանությունների հետ ճանապարհ գնալու, կոալիցիա կազմելու հավանականությունը բացառում է, բայց եթե արտաքին քաղաքական ոլորտում համախմբվելու անհրաժեշտություն լինի, որտեղ հարկ կլինի պաշտպանել Հայաստանի շահը, պատրաստ են կանգնել նաև ՀՀ երրորդ հանրապետության երբեմնի ղեկավարների կողքին։

«Մենք բացառում ենք ուղղակի համագործակցությունը հատկապես այն ուժերի հետ, որոնց դեմ տարիներ շարունակ կռիվ ենք տվել։ Ներկաներն էլ չեն կարողանում երկիր կառավարել։ Եթե Հայաստանի արտաքին քաղաքական շահը սպասարկող մի բան լինի, հնարավոր է` նրանց հետ էլ համագործակցենք, բայց ներքաղաքական գործընթացներում որևէ մեկի հետ հակված չենք որևէ գործողություն անել»,- նշեց Սանասարյանը։

Պետք է Ռուսաստանին զուգահեռ զարգացնել հարաբերությունները նաև Արևմուտքի հետ. Գասպարյան

Սանասարյանը պատմել է նաև քարոզարշավի ընթացքում տարբեր քաղաքական ուժերի կողմից կիրառվող մանիպուլյացիաների, Փաշինյանի հետ վերջին հանդիպման, իր նկատմամբ հարուցված քրեական գործի ընթացքի, բանակի կառուցվածքի փոփոխության, արցախյան հիմնահարցի կարգավորման, արտաքին համագործակցության վեկտորը փոխելու, նոր դաշնակիցներ ունենալու, ինչպես նաև սոցիալ-տնտեսական մարտահրավերներին դիմակայելու կուսակցության տեսլականի մասին։

73
թեգերը:
Ընտրություններ, Դավիթ Սանասարյան
Ըստ թեմայի
Մարտի 1-ի նիստը հետաձգվեց. ընտրություններից հետո պարզ կլինի` ով ինչ կարգավիճակ կունենա
ԿԲ նախագահը կանխատեսում է՝ ընտրությունները չեն հանգեցնի գնաճի
Միհրան Պողոսյանը կմասնակցի ընտրություններին. ԿԸՀ–ն անվավեր է ճանաչել իր իսկ որոշումը
Լաչինի միջանցք

Ղարաբաղում կրկին ադրբեջանցիներ են մահացել․ այս անգամ՝ ՃՏՊ–ի հետևանքով

0
(Թարմացված է 23:18 16.06.2021)
ՄԱԶ բեռնատարը կորցրել է կառավարումը, գլորվել ճամփեզրին գտնվող ձորակը, ինչի հետևանքով մահացել են մեքենայում գտնվող զինծառայողները:

ԵՐԵՎԱՆ, 16 հունիսի - Sputnik. Լաչինի շրջանում ՃՏՊ-ի հետևանքով ադրբեջանցի երկու զինծառայողներ են մահացել։ Տեղեկությունը հայտնում է Sputnik Ադրբեջանի Telegram-ալիքը։

Նշվում է, որ պատահարը տեղի է ունեցել այսօր՝ ժամը 16:40-ի սահմաններում, Պետական սահմանային ծառայության սահմանապահ զորքերի «Գուբադլի» առանձին սահմանային բաժնի հատվածում:

Ադրբեջանի ՄԻՊ-ը հայտնել է, թե պատերազմից հետո քանի ադրբեջանցի է պայթել ականի վրա

ՄԱԶ բեռնատարը կորցրել է կառավարումը, գլորվել ճամփեզրին գտնվող ձորակը, ինչի հետևանքով մահացել են մեքենայում գտնվող զինծառայողները:

Նրանց անունները հայտնի են՝ ավագ լեյտենանտ Էլմեդդին Նասիբով և ենթասպա Ջամալ Ջամալլի:

Նախաքննություն է ընթանում։

Նշենք, որ հակամարտության գոտում հաճախ են միջադեպեր տեղի ունենում։

2020–ի դեկտեմբերի 14-ին Աղդամում ականի պայթյունից մեկ ադրբեջանցի էր մահացել, ևս երկուսը վիրավորվել էին։ Հունվարի 1-ին էլ Ֆիզուլու շրջանում մի ադրբեջանցի էր պայթել ականի վրա, նրա 2 ոտքերն անդամահատել էին։ Հունվարի 21–ին զինծառայող Ռաշադ Ջավադովն էր Ֆիզուլու շրջանում պայթել ականի վրա։ Նույն օրը ճանապարհաշինության աշխատանքների ժամանակ ականի վրա պայթել էր 41-ամյա Ալիյար Օջագվերդիևը, իսկ Կուբաթլուում ականի պայթյունի հետևանքով մահացել էր մայոր Մուխթարով Սարխան Իլգար օղլուն։

Հունվարի 29–ին հերթական ադրբեջանցին էր պայթել ականի վրա, նրա ոտքն ամպուտացրել էին։ Փետրվարի 3-ին երեք ադրբեջանցիներ պայթել էին ականի վրա Ֆիզուլիում (Վարանդա), նրանցից մեկը տեղում մահացել էր։ Փետրվարի 7-ին նույն շրջանում մեքենան պայթել էր հակատանկային ականի վրա, մեկ քաղաքացի մահացել էր, երկուսը` անհետ կորել։ Փետրվարի 19-ին Թալիշ գյուղում էր պայթել մեկ ադրբեջանցի։ Փետրվարի 25-ին նման միջադեպ էր տեղի ունեցել Ջրականում (Ջաբրայիլ), մարտի 3-ին և 15–ին` Ակնայում (Աղդամ)։

Ադրբեջանական ԶԼՄ-ները նշում են, որ քաղաքացիները հաճախ փորձում են ներխուժել Ադրբեջանի վերահսկողության տակ անցած տարածքներ ՝ առանց իշխանությունների թույլտվության:

Ադրբեջանցի պաշտոնյան Աղդամում պայթել է ականի վրա

0
թեգերը:
Մահ, զինծառայող, Ադրբեջան