Արքայազն Ֆիլիպին հուղարկավորել են Վինձորի Սուրբ Գեորգիի մատուռում. տեսանյութ

121
(Թարմացված է 21:22 17.04.2021)
Հուղարկավորությանը ներկա են եղել հանգուցյալի միայն 30 մերձավոր ազգականներ՝ կորոնավիրուսի հետ կապված իրավիճակի պատճառով սահմանված սահմանափակումներին համապատասխան:

Մեծ Բրիտանիայի Եղիսաբեթ Երկրորդ թագուհու ամուսինը՝ արքայազն Ֆիլիպը, հուղարկավորվել է Վինձորի ամրոցի Սուրբ Գեորգի մատուռում։ Տեղեկությունը հայտնում են միջազգային առաջատար լրատվամիջոցները:

Հուղարկավորությանը ներկա են եղել հանգուցյալի միայն 30 մերձավոր ազգականներ՝ կորոնավիրուսի հետ կապված իրավիճակի պատճառով սահմանված սահմանափակումներին համապատասխան:

Թագուհու պնդմամբ՝ արքայական ընտանիքի բոլոր ավագ անդամները եղել են քաղաքացիական հագուստով՝ հրաժարվելով նման դեպքերի համար ավանդական համազգեստից:

Արքայազն Ֆիլիպը թաղվել է մատուռի թագավորական դամբարանում, սակայն դա կլինի նրա ժամանակավոր հանգրվանը։ Նրա այրու մահվանից հետո դքսի աճյունը կտեղափոխվի այն վայր, որտեղ արդեն հանգչում են թագուհու ծնողները՝ Գեորգ VI թագավորն ու Եղիսաբեթ թագուհին, նրա կրտսեր քույրը՝ արքայադուստր Մարգարեթը, ու որտեղ կթաղվի Եղիսաբեթ Երկրորդը: Այսպիսով, 73 տարի միասին ապրած ամուսինները կարող են կրկին վերամիավորվել։

Եղիսաբեթ Երկրորդ թագուհու ամուսինը մահացել է 99 տարեկան հասակում: Բուքինգհեմյան պալատի մամուլի ծառայությունը նշել էր, որ Էդինբուրգի դուքսը կյանքից հեռացել է Վինձորի դղյակում:

121
թեգերը:
Եղիսաբեթ 2-րդ, թաղում, հուղարկավորություն, արքայազն Ֆիլիպ, Մեծ Բրիտանիա
Ըստ թեմայի
Հունական արմատներով ու կոպիտ հումորով Էդինբուրգի դուքսը՝ արքայազն Ֆիլիպը
Արքայազն Ֆիլիպի հուղարկավորությունը տեղի կունենա նրա մահից մեկ շաբաթ անց
(0:44 / 5.00Mb / просмотров видео: 301)

«Լռության օր է». Լևոն Տեր-Պետրոսյանը լուռ քվեարկեց ու հեռացավ. տեսանյութ

128
(Թարմացված է 15:59 20.06.2021)
Հայաստանի առաջին նախագահ Լևոն Տեր-Պետրոսյանն ընտրատեղմաս էր գնացել մենակ։

ԵՐԵՎԱՆ, 20 հունիսի – Sputnik. ՀՀ առաջին նախագահ, «Հայ ազգային կոնգրեսի» վարչապետի թեկնածու Լևոն Տեր-Պետրոսյանը կատարեց իր քաղաքացիական պարտքը` քվեարկեց արտահերթ խորհրդարանական ընտրություններին։

Первый президент Армении Левон Тер-Петросян во время внеочередных парламентских выборов в Армении (20 июня 2021). Еревaн
© Sputnik / Asatur Yesayants
Լևոն Տեր-Պետրոսյանը լուռ քվեարկեց ու հեռացավ

Տեր-Պետրոսյանը հրաժարվեց պատասխանել լրագրողների հարցերին` ասելով, որ «լռության օր է»։ Առաջին նախագահը նստեց մեքենան և հեռացավ։

Նշենք, որ Տեր-Պետրոսյանն ընտրատեղամաս էր գնացել մենակ։

Նշենք, որ այսօր առավոտյանը ժամը 08։00–ին Հայաստանում տրվեց ԱԺ արտահերթ ընտրությունների մեկնարկը 2008 ընտրատեղամասում։ Տեղամասերից 479–ը տեղակայված են մայրաքաղաք Երևանում, 1 529–ը` մարզերում։

© Sputnik
Լեւոն Տեր–Պետրոսյանը մասնակցեց ընտրությանը

Ընտրողների ցուցակներում այս պահին ընդգրկված է 2 մլն 593 հազար 572 ընտրող: Բոլոր քաղաքական ուժերի ընտրական ցուցակներում միասին վերցրած ընդգրկված է 2510 թեկնածու: Ընտրություններին կհետևեն 8 միջազգային և օտարերկրյա դիտորդական առաքելություն իրականացնող կազմակերպություններ՝ թվով 833 միջազգային դիտորդներ։

Первый президент Армении Левон Тер-Петросян во время внеочередных парламентских выборов в Армении (20 июня 2021). Еревaн
© Sputnik / Asatur Yesayants
Լևոն Տեր–Պետրոսյանը մասնակցեց ընտրությանը

Արտահերթ ընտրություններին մասնակցում է 25 քաղաքական ուժ, որից 4-ը դաշինք են, 21-ը` կուսակցություն։

Ուր զանգել ընտրությունների ժամանակ խնդիր տեսնելիս․ ՄԻՊ-ը հեռախոսահամարներ է տրամադրել

128
թեգերը:
Հայ ազգային կոնգրես (ՀԱԿ), Ազգային ժողովի ընտրություններ, Լևոն Տեր–Պետրոսյան, Հայաստան
թեմա:
ԱԺ արտահերթ ընտրություններ 2021
Ըստ թեմայի
Արզաքանցյանն ահազանգում է, որ ընտրատեղամասերից մեկում բացակայում են ՀԴԿ ընտրաթերթիկները
Ոստիկանությունը նյութեր է նախապատրաստում Հայկ Սարգսյանի հրապարակած լուսանկարի փաստով
Ամենայն հայոց կաթողիկոսը կատարեց իր ընտրությունը

Արմեն Չարչյանն ազատության մեջ է. տեսանյութ

169
(Թարմացված է 09:17 20.06.2021)
Ավան և Նոր Նորք վարչական շրջանների ընդհանուր իրավասության դատարանի դատավոր բավարարել է պաշտպանների բողոքը:

«Իզմիրլյան» բժշկական կենտրոնի տնօրեն Արմեն Չարչյանն ազատ է արձակվել։ Նրա պաշտպան Արամ Վարդևանյանը հայտնել էր, որ Երևան քաղաքի Ավան և Նոր Նորք վարչական շրջանների ընդհանուր իրավասության դատարանի դատավոր Շահվերդյանը բավարարել է իր և Էրիկ Ալեքսանյանի բողոքը:

Քիչ առաջ պրոֆեսոր Չարչյանը դուրս է եկել «Շենգավիթ» ԲԿ-ից, ուր տեղափոխվել էր գիշերը՝ առողջական խնդիրների պատճառով։

Հիշեցնենք՝ օրեր առաջ համացանցում հրապարակվեց մի ձայնագրություն, որում Չարչյանն ասում է տնօրինությունը շատ կոշտ, խիստ համարժեք վերաբերմունք է ցուցաբերելու նրանց նկատմամբ, ովքեր ընտրություններին չեն մասնակցի։

Ավելի ուշ հայտնի դարձավ, որ ԱԺ արտահերթ ընտրություններին մասնակցող կուսակցությունների դաշինքի պատգամավորության թեկնածուների ցուցակում ընդգրկված Չարչյանը ձերբակալվել է իր ղեկավարած կենտրոնի աշխատակիցներին ԱԺ արտահերթ ընտրություններին մասնակցելուն առերևույթ հարկադրելու դեպքի առթիվ ՀՀ ՀՔԾ-ում քննվող քրեական գործի շրջանակում։

Պրոֆեսոր Չարչյանը պետք է անհապաղ ազատ արձակվի. Արա Բաբլոյան

169
թեգերը:
Դատարան, բժիշկ, Արմեն Չարչյան
Ըստ թեմայի
«Իզմիրլյան» ԲԿ–ի տնօրեն Արմեն Չարչյանը բերման է ենթարկվել. քրեական գործ է հարուցվել
Արմեն Չարչյանը ճնշում է գործադրել աշխատակիցների նկատմամբ. ՀՔԾ
Պրոֆեսոր Չարչյանը պետք է անհապաղ ազատ արձակվի. Արա Բաբլոյան
Առինջի ընտրատեղամասերից մեկում

ՄԻՊ աշխատակազմն ուսումնասիրել է ընտրություններին վերաբերող 59 ահազանգ ու 570 հրապարակում

0
Սոցցանցերի ու լրատվամիջոցների հրապարակումներում ավելի շատ բարձրացվել են քվեաթերթիկի տրամադրման կարգի խախտումներին, քաղաքացիների ու զինծառայողների ուղղորդված քվեարկության դեպքերի վերաբերյալ հարցեր։

ԵՐԵՎԱՆ, 20 հունիսի – Sputnik. Ժամը 15։00-ի դրությամբ ՀՀ Մարդու իրավունքների պաշտպանի աշխատակազմը ստացել է 59 ահազանգ ու դիմում, ուսումնասիրվել է սոցիալական ցանցերի ու լրատվամիջոցների 570 հրապարակում։

Աշխատակազմի թեժ գծին ստացված ահազանգերը հիմնականում վերաբերել են ընտրատեղամասի մատչելիությանը, հաշմանդամություն ունեցող անձի տեղամասային կենտրոններ ինքնուրույն ներկայանալու անհնարինությանը, ընտրողների լրացուցիչ ցուցակներում ընդգրկելու խնդրին, քվեարկության կարգի խախտմանը և այլն։

Սոցցանցերի ու լրատվամիջոցների հրապարակումներում ավելի շատ բարձրաձայնվել են քվեաթերթիկի տրամադրման կարգի խախտումներ, քաղաքացիների ու զինծառայողների ուղղորդված քվեարկության դեպքեր։

Պաշտպանի ներկայացուցիչներն իրականացրել են մի քանի արագ արձագանքման այցեր, այդ թվում` ոստիկանության ստորաբաժանումներ: Պարզաբանումներ են ստացվել Կենտրոնական ընտրական հանձնաժողովից, Պաշտպանության նախարարությունից, Նորքի տուն-ինտերնատից: Հատուկ ուշադրություն է դարձվել դիտորդների ու լրագրողների անխոչընդոտ աշխատանքների ապահովման հարցերին:

Հիշեցնենք, որ Պաշտպանի հանձնարարությամբ ստեղծված աշխատանքային խումբը վաղ առավոտից իրականացնում է ընտրական գործընթացի անկախ դիտարկում է ինչպես աշխատակազմի կենտրոնական, այնպես էլ Շիրակի, Գեղարքունիքի, Սյունիքի և Տավուշի մարզային ստորաբաժանումներում:

Պաշտպանի աշխատակազմում գործում է թեժ գիծ` 116 կամ (096) 116 100 հեռախոսահամարով:

0