Կաթի արտադրություն և կաթնամթերքի թանկացում. Գիգոյանը խոսել է ոլորտի խնդիրների մասին

115
(Թարմացված է 11:33 13.04.2021)
Հայաստանի պանրագործների միության ղեկավար Արմեն Գիգոյանը Sputnik Արմենիայի հետ զրույցում անդրադարձել է կաթնամթերքի շուկայում առկա խնդիրներին, ապրանքների գնաճին, ինչպես նաև ոլորտի զարգացմանը խոչընդոտող հանգամանքներին։

Արմեն Գիգոյանի դիտարկմամբ` բնական կաթով աշխատող ու վերամշակող կազմակերպությունների մոտ գների մրցունակության առթիվ առաջանում են որոշակի խնդիրներ, և այդ հարցն առաջ է քաշվում արդեն երեք տարի։ Ըստ նրա` առանձին պրոբլեմ է դարձել նաև կաթնամթերքի պիտակավորումը, և շատ դեպքերում մարդիկ որոշ տեսականի գնելիս հստակ չգիտեն, թե ինչ են գնում։

«Այս խնդրի հետևանքները շարքային սպառողների համար կարող են շատ ավելի ծանր լինել։ Մենք պետք է օգնենք հանրությանը, այնպիսի պայմաններ ստեղծենք, որ հաճախորդները կարողանան տարբերել ապրանքներն ու կատարել ընտրություն։ Ռազմավարական նշանակություն ունեցող կաթի արտադրությունը Հայաստանում առանց այդ էլ տխուր վիճակում է, հետևաբար կա մեծ ծավալի աշխատանք իրականացնելու անհրաժեշտություն»,– նշեց պանրագործների միության ղեկավարը։

Անդրադառնալով կաթնամթերքների թանկացման խնդրին` Գիգոյանն ընդգծեց, որ Հայաստանը բազմաթիվ թույլ զարգացած այլ երկրների նման զգալիորեն կախված է արտաքին շուկաներում տեղի ունեցող գործընթացներից, ներկրվող կաթի փոշուց, ինչն, ըստ նրա, բացթողնման արդյունք է։ Բացի դրանից, Գիգոյանի տեղեկացմամբ, չկա կաթի արտադրության կենտրոնացված համակարգ և սննդի անվտանգության հայեցակարգի շրջանակներում Հայաստանում պրոտեինի անհրաժեշտ քանակի ապահովման հետ կապված հարցերին պատշաճ ուշադրություն չի դարձվում։ Մինչդեռ հստակ կարգավորումների արդյունքում կարելի է նույնիսկ կաթի արտադրության տեսակետից Հայաստանում ինքնաբավության վիճակի ձգտել։

Պանրագործների միության ղեկավարի համոզմամբ` բազմաթիվ խնդիրների առկայությունը պայմանավորված է ոլորտի զարգացման հստակ հայեցակարգի բացակայությամբ, իսկ կառավարությունն էլ իր հերթին այդ հայեցակարգի ստեղծման գործում հետևողական չէ։     

115
թեգերը:
գին, Հայաստան, Կաթնամթերք, կաթ
թեմա:
Sputnik զրույց (285)
Ըստ թեմայի
Ինչպես կազդի ՌԴ-ում բենզինի թանկացումը Հայաստանի ու ԵԱՏՄ անդամ մյուս երկրների վրա
Նախորդ տարվա ձվի թանկացման տուգանքը դեռ չվճարած` արտադրողները նոր «խաղեր» են սկսել
(0:44 / 5.00Mb / просмотров видео: 372)

«Լռության օր է». Լևոն Տեր-Պետրոսյանը լուռ քվեարկեց ու հեռացավ. տեսանյութ

152
(Թարմացված է 15:59 20.06.2021)
Հայաստանի առաջին նախագահ Լևոն Տեր-Պետրոսյանն ընտրատեղմաս էր գնացել մենակ։

ԵՐԵՎԱՆ, 20 հունիսի – Sputnik. ՀՀ առաջին նախագահ, «Հայ ազգային կոնգրեսի» վարչապետի թեկնածու Լևոն Տեր-Պետրոսյանը կատարեց իր քաղաքացիական պարտքը` քվեարկեց արտահերթ խորհրդարանական ընտրություններին։

Первый президент Армении Левон Тер-Петросян во время внеочередных парламентских выборов в Армении (20 июня 2021). Еревaн
© Sputnik / Asatur Yesayants
Լևոն Տեր-Պետրոսյանը լուռ քվեարկեց ու հեռացավ

Տեր-Պետրոսյանը հրաժարվեց պատասխանել լրագրողների հարցերին` ասելով, որ «լռության օր է»։ Առաջին նախագահը նստեց մեքենան և հեռացավ։

Նշենք, որ Տեր-Պետրոսյանն ընտրատեղամաս էր գնացել մենակ։

Նշենք, որ այսօր առավոտյանը ժամը 08։00–ին Հայաստանում տրվեց ԱԺ արտահերթ ընտրությունների մեկնարկը 2008 ընտրատեղամասում։ Տեղամասերից 479–ը տեղակայված են մայրաքաղաք Երևանում, 1 529–ը` մարզերում։

© Sputnik
Լեւոն Տեր–Պետրոսյանը մասնակցեց ընտրությանը

Ընտրողների ցուցակներում այս պահին ընդգրկված է 2 մլն 593 հազար 572 ընտրող: Բոլոր քաղաքական ուժերի ընտրական ցուցակներում միասին վերցրած ընդգրկված է 2510 թեկնածու: Ընտրություններին կհետևեն 8 միջազգային և օտարերկրյա դիտորդական առաքելություն իրականացնող կազմակերպություններ՝ թվով 833 միջազգային դիտորդներ։

Первый президент Армении Левон Тер-Петросян во время внеочередных парламентских выборов в Армении (20 июня 2021). Еревaн
© Sputnik / Asatur Yesayants
Լևոն Տեր–Պետրոսյանը մասնակցեց ընտրությանը

Արտահերթ ընտրություններին մասնակցում է 25 քաղաքական ուժ, որից 4-ը դաշինք են, 21-ը` կուսակցություն։

Ուր զանգել ընտրությունների ժամանակ խնդիր տեսնելիս․ ՄԻՊ-ը հեռախոսահամարներ է տրամադրել

152
թեգերը:
Հայ ազգային կոնգրես (ՀԱԿ), Ազգային ժողովի ընտրություններ, Լևոն Տեր–Պետրոսյան, Հայաստան
թեմա:
ԱԺ արտահերթ ընտրություններ 2021
Ըստ թեմայի
Արզաքանցյանն ահազանգում է, որ ընտրատեղամասերից մեկում բացակայում են ՀԴԿ ընտրաթերթիկները
Ոստիկանությունը նյութեր է նախապատրաստում Հայկ Սարգսյանի հրապարակած լուսանկարի փաստով
Ամենայն հայոց կաթողիկոսը կատարեց իր ընտրությունը

Արմեն Չարչյանն ազատության մեջ է. տեսանյութ

173
(Թարմացված է 09:17 20.06.2021)
Ավան և Նոր Նորք վարչական շրջանների ընդհանուր իրավասության դատարանի դատավոր բավարարել է պաշտպանների բողոքը:

«Իզմիրլյան» բժշկական կենտրոնի տնօրեն Արմեն Չարչյանն ազատ է արձակվել։ Նրա պաշտպան Արամ Վարդևանյանը հայտնել էր, որ Երևան քաղաքի Ավան և Նոր Նորք վարչական շրջանների ընդհանուր իրավասության դատարանի դատավոր Շահվերդյանը բավարարել է իր և Էրիկ Ալեքսանյանի բողոքը:

Քիչ առաջ պրոֆեսոր Չարչյանը դուրս է եկել «Շենգավիթ» ԲԿ-ից, ուր տեղափոխվել էր գիշերը՝ առողջական խնդիրների պատճառով։

Հիշեցնենք՝ օրեր առաջ համացանցում հրապարակվեց մի ձայնագրություն, որում Չարչյանն ասում է տնօրինությունը շատ կոշտ, խիստ համարժեք վերաբերմունք է ցուցաբերելու նրանց նկատմամբ, ովքեր ընտրություններին չեն մասնակցի։

Ավելի ուշ հայտնի դարձավ, որ ԱԺ արտահերթ ընտրություններին մասնակցող կուսակցությունների դաշինքի պատգամավորության թեկնածուների ցուցակում ընդգրկված Չարչյանը ձերբակալվել է իր ղեկավարած կենտրոնի աշխատակիցներին ԱԺ արտահերթ ընտրություններին մասնակցելուն առերևույթ հարկադրելու դեպքի առթիվ ՀՀ ՀՔԾ-ում քննվող քրեական գործի շրջանակում։

Պրոֆեսոր Չարչյանը պետք է անհապաղ ազատ արձակվի. Արա Բաբլոյան

173
թեգերը:
Դատարան, բժիշկ, Արմեն Չարչյան
Ըստ թեմայի
«Իզմիրլյան» ԲԿ–ի տնօրեն Արմեն Չարչյանը բերման է ենթարկվել. քրեական գործ է հարուցվել
Արմեն Չարչյանը ճնշում է գործադրել աշխատակիցների նկատմամբ. ՀՔԾ
Պրոֆեսոր Չարչյանը պետք է անհապաղ ազատ արձակվի. Արա Բաբլոյան
«Պատիվ ունեմ» դաշինք

Իրականացվել են ապօրինի խուզարկություններ և ձերբակալություններ. «Պատիվ ունեմն» ահազանգում է

16
(Թարմացված է 17:20 20.06.2021)
Դաշինքը հրավիրում է միջազգային ու տեղական դիտորդական առաքելությունների ուշադրությունը և պատրաստակամություն է հայտնում տրամադրել անհրաժեշտ աջակցություն:

ԵՐԵՎԱՆ, 20 հունիսի – Sputnik. «Պատիվ ունեմ» դաշինքը հայտարարություն է տարածել ընտրությունների ընթացքի վերաբերյալ` նշելով, որ հատկապես վերջին 48 ժամվա ընթացքում իշխանությունները լծվել են առաջատար քաղաքական ուժերի, անվանական՝ «Պատիվ ունեմ» դաշինքի թեկնածուների և աջակիցների դեմ բռնաճնշումներ իրականացնելու անպատվաբեր գործին: Տեղեկացվում է, որ իրականացվել են ակնհայտ ապօրինի խուզարկություններ և ձերբակալություններ, որոնց մեծ մասը դատական ատյաններն արդեն չեղարկել են:

«Ժամը 15:45-ի դրությամբ գերացանցապես մարզային ընտրատեղամասերից շարունակում ենք ստանալ բազմաթիվ ահազանգեր` տեղերում պաշտոնատար անձանց կողմից ուղղորդումների ու ճնշումների վերաբերյալ։ Մեր բոլոր թիմակիցներին ու համակիրներին կոչ ենք անում հետևել օրենքի տառին ու շարունակել պատվով կատարել իրենց վստահված աշխատանքը»,–ասված է հաղորդագրության մեջ:

Նշվում է նաև զինծառայողների՝ շարքայիններից մինչև սպայակազմի նկատմամբ իշխանությունների կողմից կիրառվող կազմակերպված ճնշման համատարած դեպքերի մասին: Դաշինքը խոստանում է, որ ընտրությունների օրինական ընթացքը խաթարող բոլոր անձինք պետք է չկասկածեն, որ իրենց գործողությունները մանրամասն հետաքննվելու ու պատժվելու են օրենքի ողջ խստությամբ:

«Հույս ենք հայտնում, որ տարբեր ընտրատեղամասերից ու դիտորդներից ստացվող տեղեկություններն ու փաստերը առ այն, որ «Պատիվ ունեմ» դաշինքի՝ 6-րդ համարի քվեաթերթիկի վրա առկա և օրենքով չնախատեսված հետքերը կամ նշումները պատրվակ չեն դառնա այդ քվեները անվավեր ճանաչելու համար։ Ընտրություններից հետո այդ ամենը նույնպես պետք է դառնա քննության առարկա»,–ասված է հաղորդագրության մեջ:

«Պատիվ ունեմ»-ը կոչ է անում մեր բոլոր քաղաքացիներին ոչնչից չվախենալ և այսօր մինչև ժամը 20:00 գնալ ընտրատեղամասեր ու կատարել իրենց ընտրությունը: «Այդ ընտրությունից է կախված Հայաստանի ու Արցախի ինքնիշխանությունը, սահմանների անվտանգությունը, մեր ազգային համերաշխության վերականգնումը եւ ինքնության պահպանումը»,–ասված է հաղորդագրության մեջ:

Նորամարգի երկու բնակիչ 15 000-20 000 դրամի սահմաններում ընտրակաշառք են բաժանել

Դաշինքը միջազգային ու տեղական դիտորդական առաքելությունների ուշադրությունն է հրավիրում այս հանգամանքների վրա և պատրաստակամություն հայտնում տրամադրել անհրաժեշտ աջակցություն:

Նշենք, որ այսօր առավոտյանը ժամը 08։00–ին Հայաստանում տրվեց ԱԺ արտահերթ ընտրությունների մեկնարկը 2008 ընտրատեղամասում։ Տեղամասերից 479–ը տեղակայված են մայրաքաղաք Երևանում, 1 529–ը` մարզերում։

Ընտրողների ցուցակներում այս պահին ընդգրկված է 2 մլն 593 հազար 572 ընտրող: Բոլոր քաղաքական ուժերի ընտրական ցուցակներում միասին վերցրած ընդգրկված է 2510 թեկնածու: Ընտրություններին կհետևեն 8 միջազգային և օտարերկրյա դիտորդական առաքելություն իրականացնող կազմակերպություններ՝ թվով 833 միջազգային դիտորդներ։

Արտահերթ ընտրություններին մասնակցում է 25 քաղաքական ուժ, որից 4-ը դաշինք են, 21-ը` կուսակցություն։

Ուր զանգել ընտրությունների ժամանակ խնդիր տեսնելիս․ ՄԻՊ-ը հեռախոսահամարներ է տրամադրել

16
թեգերը:
խախտում, Հայաստան, Ազգային ժողովի ընտրություններ, «Պատիվ ունեմ» դաշինք
թեմա:
ԱԺ արտահերթ ընտրություններ 2021
Ըստ թեմայի
ՄԻՊ աշխատակազմն ուսումնասիրել է ընտրություններին վերաբերող 59 ահազանգ ու 570 հրապարակում
Աբովյանի ընտրատեղամասերից մեկում ընտրողը փորձել է դուրս հանել քվեաթերթիկը
30 հազար դրամ՝ 2-ին. Վեդիում ոստիկանները ընտրակաշառքի դեպք են բացահայտել