Հայաստանը տնտեսական առումով ծանր վիճակում է. Թարվերդյանը լուծում է առաջարկում

942
(Թարմացված է 19:02 06.04.2021)
Տնտեսագետ, միջազգայնագետ Երվանդ Թարվերդյանը Sputnik Արմենիայի հետ զրույցում անդրադարձել է Հայաստանի տնտեսության ներկա վիճակին և տնտեսական խնդիրների լուծման ուղիներին։

Երվանդ Թարվերդյանի գնահատմամբ` Հայաստանը տնտեսական առումով հայտնվել է շատ ծանր իրավիճակում` անկախ իշխանությունների կողմից հնչող հայտարարությունների, որ տնտեսությունը հետզհետե վերականգնվում է, և անկախ այն տեսակետից, որ մենք կարձանագրենք երկնիշ տնտեսական ցուցանիշ։

«Այս տարվա առաջին ամիսների տվյալներով` ունենք բացասական ցուցանիշ, իսկ առանց ներդրումների հնարավոր չէ ակնկալել տնտեսական ցուցանիշի աճ։ Հայաստանն ունի բավականին լավ տնտեսական ներուժ քիմիական արդյունաբերության, հանքարդյունաբերության, գյուղատնտեսության, թեթև արդյունաբերության, տեղեկատվական տեխնոլոգիաների ոլորտներում։ Պարզապես պետք է ունենալ արհեստավարժ կառավարություն, որն արագ որոշումներ է կայացնում»,– Sputnik Արմենիային ասաց տնտեսագետը։

Թարվերդյանն առանձնացրեց հատկապես ռազմարդյունաբերության կարևորությունը, որը կապված է թե՛ մեքենաշինության, թե՛ տեղեկատվական տեխնոլոգիաների համաչափ զարգացման հետ։

«Հակառակ դեպքում ես այսօր չէի գա». ԿԲ փոխնախագահը վստահեցրել է` գնաճը կառավարելի է

Տնտեսագետը զրույցի ընթացքում անդրադարձավ նաև սահմանների վերաբացման ու ճանապարհների ապաշրջափակման խնդրին, տնտեսության դիվերսիֆիկացման հարցին, արտաքին շուկաներում հայկական ապրանքների մրցունակության ու իրացման հետ կապված հարցերին։

Կլինի երկնիշ աճ, թե ոչ` ժամանակը ցույց կտա. ՊԵԿ նախագահը հորդորում է սպասել

942
թեգերը:
Երվանդ Թարվերդյան, տնտեսություն, Հայաստան
թեմա:
Sputnik զրույց (266)
Ըստ թեմայի
Թուրքական լոլիկի փոխարեն՝ իրանական․ գյուղացիներն օգնություն են խնդրում իշխանությունից
ԵԱՏՄ երկրներում հնարավոր է` սպիտակ շաքարի ներմուծման մաքսատուրքը մի քանի ամսով վերացվի
«Արաքս Թռչնաֆաբրիկա» ընկերությունը ձվի գների վերաբերյալ որոշ գաղտնիքներ է բացել

Վստահությունը բիզնեսում, կամ ինչպես են առևտուր անում հայ ու չինացի գործընկերները

22
(Թարմացված է 23:56 21.04.2021)
Հայաստանի առևտրային բիզնեսների մեծամասնությունն իր մոդելը կառուցել է Չինաստանից ապրանքների ներկրման և ներքին շուկայում դրանց վաճառքի կազմակերպման միջոցով շահույթի ստացման վրա։

Ժամանակն է անցնել այն մոդելին, երբ գործընկերոջ շնորհիվ կարող ես հեշտությամբ մտնել Չինաստանի շուկա` սկսած նախնական ուսումնասիրության, մարքեթինգի, լավագույն ու որակավորված արտադրողի որոնումից, վերջացրած բեռնափոխադրումով ու այլ հարակից ծառայություններով։

Հենց այսպիսի մոդելով է տեսնում հայ–չինական բիզնես համագործակցության զարգացման հեռանկարը «ԶԻԶԻ» ընկերության Հայաստանի և Չինաստանի տնօրեն Էդգար Մարգարյանը։

Այսօր Հայաստանի առևտրային բիզնեսների մեծամասնությունն իր մոդելը կառուցել է Չինաստանից ապրանքների ներկրման և ներքին շուկայում դրանց վաճառքի կազմակերպման միջոցով շահույթի ստացման վրա, և այս պարզ մոդելը կարելի է և պետք է կատարելագործել, բարձրացնել դրա արդյունավետությունը. ընկերությունները պետք է փորձեն օգտվել նաև լոգիստիկայի ու արտաքին մարքեթինգի ընձեռած հնարավորություններից:

Կենտրոնական բանկը միջամտեց, դրամը փոքր–ինչ արժևորվեց. իսկ ի՞նչ սպասել ապագայում

22
թեգերը:
բիզնես, Չինաստան, Հայաստան
Ըստ թեմայի
Հայաստանի դեսպանն ընդունել է Տամուրային. ավելի շատ արտադրանք կմատակարարվի Ճապոնիա
Չիրացված ներուժ կա․ նախարար Պապիկյանն ու Իրանի դեսպանը հանդիպել են
Ռուսաստանի տնտեսության վերելքը ձեռնտու է Հայաստանին. փորձագետը` Պուտինի ուղերձի մասին

Սյունեցու վախն անհիմն չէ, կամ ադրբեջանցիները Մեղրիով կարող են տեղաշարժվել 2 նախապայմանով

392
(Թարմացված է 13:27 22.04.2021)
Քաղաքագետ Գարեգին Պետրոսյանը Sputnik Արմենիայի հետ զրույցի ընթացքում անդրադարձել է ՀՀ վարչապետ Նիկոլ Փաշինյանի` Սյունիք կատարած այցին, այնտեղ տեղի ունեցած բողոքի զանգվածային ակցիաներին, ինչպես նաև խոսել է սյունեցիներին հուզող անվտանգային խնդիրների մասին։

Գարեգին Պետրոսյանի դիտարկմամբ` երբ երեկ հնչեց Ադրբեջանի նախագահ Իլհամ Ալիևի հերթական հայտարարությունը Մեղրիի միջանցքի մասին, որին զուգորդվեցին նաև Հայաստանում ԱՄՆ–ի դեսպանի, ՀՀ նախագահի ու վարչապետի` Սյունիք կատարած այցերը, արդյունքում սյունեցիների մոտ որոշ իրողությունների համադրության պարագայում առաջացան պատճառաբանված մտավախություններ առ այն, թե արդյոք չե՞ն ծավալվում խորքային գործընթացներ, կամ չե՞ն հակասում դրանք մեր ազգային շահերին։

«Սյունեցիների վախերն անհիմն չեն, եթե համադրենք ավելի վաղ տեղի ունեցած իրադարձությունները, երբ հայտարարվում էր, որ նոյեմբերի 9-ին ստորագրված հայտարարությունը հավելյալ փաստաթուղթ չունի, մինչդեռ հետագայում Սյունիք այցելած տարբեր գործիչներ, այդ թվում նախկին վարչապետ Հրանտ Բագրատյանը հայտարարեցին, որ ավելի ուշ կազմվել է լրացուցիչ փաստաթուղթ։ Եթե հիշում եք, նախորդ այցի ժամանակ Նիկոլ Փաշինյանին առհասարակ թույլ չտվեցին Սիսիանից առաջանալ և այցելել այլ բնակավայրեր»,– նշեց քաղաքագետը։

Պետրոսյանի խոսքով` նույն գործընթացը ծավալվել էր այն ժամանակ, երբ որոշակի դիրքեր և բնագծեր նորից անհասկանալի, չպատճառաբանված, չհիմնավորված կերպով վերադարձվեցին թշնամուն` առաջացնելով մի իրավիճակ, երբ Սյունիքում տեղաշարժվելը որոշ հատվածներում անվտանգության տեսանկյունից դարձել է խնդրահարույց։

Քաղաքագետի համոզմամբ` Մեղրիով ադրբեջանցիների տեղաշարժը հնարավոր է երկու նախապայմանով` նախ եթե համաձայնվեն, որ Նախիջևանում նույնպես տեղակայվեն ռուս խաղաղապահներ, և երկրորդ` եթե լուծվի Արցախի կարգավիճակի հարցը տեղի ազգաբնակչության կամարտահայտությամբ։

Պետրոսյանը համոզված է` լարված իրավիճակի ու քաղաքական ճգնաժամի հանգուցալուծումը նոր իշխանության ձևավորումն է, որը նախևառաջ սահմանին ապրող մարդկանց խնդիրներին պետք է տա հայանպաստ լուծումներ։

Հիշեցնենք` Նիկոլ Փաշինյանն ապրիլի 20-ից Սյունիքի մարզում էր։ Գիշերը նա այցելել է Շուռնուխ համայնք, որտեղ բնակիչները վարչապետին ընդունել էին վրդովմունքով։

Այսօր Փաշինյանին վիրավորական արտահայտություններով ու բողոքի ակցիաներով էին դիմավորել նաև Ագարակում, Մեղրիում ու Կապանում:

Ակնկալում եմ կտրուկ գործողություններ. Փաշինյանը` Սյունիքի ակցիաների մասին. տեսանյութ

 

392
թեգերը:
Սյունիք, Հայաստան
թեմա:
Sputnik զրույց (266)
F-35

Միացյալ Նահանգները Թուրքիային պաշտոնապես հեռացրել է F-35 կործանիչների ծրագրից

0
Ամերիկացի պաշտոնյայի փոխանցմամբ՝ ծանուցագրում նշվում է, որ 2007թ. հունվարի 26-ին Թուրքիայի ստորագրած փոխըմբռնման հուշագիրը խզվում է, և նոր համաձայնագրի տեքստում Թուրքիան չի ընդգրկվում:

ԵՐԵՎԱՆ, 22 ապրիլի - Sputnik. Ամերիկայի Միացյալ Նահանգները Թուրքիային պաշտոնապես հեռացրել է F-35 կործանիչների ծրագրից։ Տեղեկությունը հայտնում է «Anadolu» լրատվական գործակալությանը:
Տեղեկացվում է, որ ԱՄՆ պաշտպանության նախարարությունը՝ Պենտագոնը, Անկարային ծանուցել է ամերիկյան F-35 նոր սերնդի կործանիչների արտադրության ծրագրից Թուրքիային պաշտոնապես հեռացնելու մասին: 

Պենտագոնի պաշտոնյաներից մեկը, որի անունը չի նշվում, թեմայի վերաբերյալ հարցազրույց է տվել թուրքական պետական «Anadolu» լրատվական գործակալությանը:

Ամերիկացի պաշտոնյայի փոխանցմամբ՝ ծանուցագրում նշվում է, որ 2007թ. հունվարի 26-ին Թուրքիայի ստորագրած փոխըմբռնման հուշագիրը, որը 2006թ. ստորագրվել էր մյուս մասնակից երկրների կողմից, խզվում է, և նոր համաձայնագրի տեքստում Թուրքիան չի ընդգրկվում:

Պաշտոնյան նաև հայտնել է, որ պայմանագիրը թարմացվել է 8 գործընկեր երկրների կողմից և որևէ նոր գործընկեր երկիր չի ավելացել: 

Հիշեցնենք` ԱՄՆ-ն Թուրքիայի նկատմամբ արգելք էր սահմանել ռուսական արտադրության S-400 զենիթահրթիռային ՀՕՊ համակարգերի ձեռքբերման համար: 

Թուրքական սերիալում ցուցադրված քարտեզում Արցախը և Ադրբեջանը ներկայացվել են որպես Հայաստան

5-րդ սերնդի գերժամանակակից F-35 կործանիչների նախագիծը  համատեղ իրականացվում էր ՆԱՏՕ-ի անդամ 1 տասնյակ երկրների կողմից։ Ի սկզբանե նախագծին մասնակցում էր նաև Թուրքիան, սակայն Ռուսաստանից S-400 բարձր հեռահարության հակաօդային պաշտպանության համակարգեր գնելու պատճառով 2020թ. հուլիսին Վաշինգտոնի նախաձեռնությամբ կասեցվեց Թուրքիայի մասնակցությունը կործանիչների արտադրության ծրագրին, իսկ այդ երկրի համար արդեն արտադրված կործանիչները չմատակարարվեցին։

Ավելի վաղ Պենտագոնում հայտարարել էին, որ Թուրքիան պետք է S-400  համակարգերը Ռուսաստանին վերադարձնի, եթե Անկարան ցանկանում Է ԱՄՆ-ից ստանալ Patriot հրթիռային համակարգեր: 

0
թեգերը:
Զենք, ԱՄՆ, Թուրքիա
Ըստ թեմայի
ԱՄՆ-ն հերքում է Լուկաշենկոյի սպանության և Բելառուսի հեղաշրջման ծրագրին իր մասնակցությունը
Թուրքիայի արտգործնախարարը սպառնացել է ԱՄՆ-ին ապրիլի 24-ի կապակցությամբ
ԱՄՆ–ի կողմից Ցեղասպանության ճանաչումը կարող է սաստել Թուրքիային. Հարություն Մարության