Ի՞նչ է արել Թուրքիան մեզ համար, որ ձգտում ենք հաշտության եզրեր գտնել նրա հետ. Բալասանյան

155
(Թարմացված է 22:05 01.04.2021)
Փորձագետ, ԵՊՀ Միջազգային հարաբերությունների և դիվանագիտության ամբիոնի դոցենտ Գրիգոր Բալասանյանն անդրադարձել է ԱՄՆ պետդեպարտամենտի հայտարարությանը, ըստ որի` Ադրբեջանն արցախյան պատերազմում հաղթել է Թուրքիայի անմիջական մասնակցությամբ ու միջամտությամբ։ 

Գրիգոր Բալասանյանի դիտարկմամբ` հայտարարությունը բավականին ուշագրավ է, և կողմերն այլևս դիվանագիտություն չեն խաղում, ԱՄՆ-ն բացեիբաց ասում է այն, ինչ մտածում է և ինչ իրեն անհանգստացնում է։ Ըստ նրա` լինելով Մինսկի խմբի համանախագահող երկիր` ԱՄՆ–ն նոյեմբերի 9-ի հայտարարության կազմման գործում որևէ մասնակցություն չունեցավ կամ գոնե առերևույթ չունեցավ, որովհետև այդ կապակցությամբ ամերիկյան կողմից որևէ հայտարարություն չարվեց։ 

«Միացյալ Նահանգները հասկանում է, որ Թուրքիան աստիճանաբար դուրս է գալիս իր ազդեցությունից և այդ ուղղությամբ ձեռնարկում է հակընդդեմ քայլեր, մյուս կողմից փորձում է հայկական համայնքին, իր պոտենցիալ ընտրողներին ցույց տալ, որ անկախ ամեն ինչից` ԱՄՆ-ն շարունակելու է հետևել և ակտիվ մասնակցություն ունենալ ղարաբաղյան հիմնախնդրի բանակցային գործընթացում»,- նշեց փորձագետը։

Անդրադառնալով ապրիլի 24-ին ընդառաջ հայ–թուրքական հարաբերությունների կարգավորման վերաբերյալ Հայաստանի քաղաքական վերնախավից ԱՄՆ–ին հղվող ազդակներին` Բալասանյանը տարակուսանքով ընդգծեց, որ նման մոտեցումն անհասկանալի է, որովհետև քայլը կլիներ տրամաբանված, եթե թուրքական կողմից նույնպես կատարվեր համարժեք քայլ և իջեցվեր հակահայկականության աստիճանը, մինչդեռ մենք, ըստ Բալասանյանի, տեսնում ենք բոլորովին այլ պատկեր։ Փորձագետը ՀՀ կառավարությանն ուղղեց հռետորական հարց, թե ի՞նչ է արել Թուրքիան Հայաստանի համար վերջին շրջանում, որ մենք պատրաստ ենք, նույնիսկ զոհելով մեր ազգային շահերը, անտեսելով պատմական հիշողությունը` ամեն գնով հաշտության եզրեր գտնել Թուրքիայի հետ։ 

Փորձագետը խոսել է նաև ԱՄՆ–ի կողմից Հայոց ցեղասպանության ճանաչման գործընթացի, ինչպես նաև ամերիկաթուրքական հարաբերությունների մասին, որոնք դիտարկվում են տարածաշրջանային զարգացումների համատեքստում՝ արցախյան վերջին պատերազմից հետո առկա իրողությունների ֆոնին։ 

Կարտաբերի՞ արդյոք Բայդենը «ցեղասպանություն» եզրույթը, և ի՞նչ կլինի դրանից հետո

155
թեգերը:
Ցեղասպանություն, ԱՄՆ, Թուրքիա, Հայաստան, Գրիգոր Բալասանյան
թեմա:
Sputnik զրույց (266)
Ըստ թեմայի
ԱՄՆ Սենատի հանձնաժողովը կոչ է արել Բայդենին ճանաչել Հայոց ցեղասպանությունը
Հավանականությունը մեծ է, որ Բայդենը կճանաչի Հայոց ցեղասպանությունը․ Սաֆրաստյան
Քարդաշյան քույրերն ու նրանց մայրը Բայդենին հորդորում են ճանաչել Հայոց ցեղասպանությունը

Վստահությունը բիզնեսում, կամ ինչպես են առևտուր անում հայ ու չինացի գործընկերները

22
(Թարմացված է 23:56 21.04.2021)
Հայաստանի առևտրային բիզնեսների մեծամասնությունն իր մոդելը կառուցել է Չինաստանից ապրանքների ներկրման և ներքին շուկայում դրանց վաճառքի կազմակերպման միջոցով շահույթի ստացման վրա։

Ժամանակն է անցնել այն մոդելին, երբ գործընկերոջ շնորհիվ կարող ես հեշտությամբ մտնել Չինաստանի շուկա` սկսած նախնական ուսումնասիրության, մարքեթինգի, լավագույն ու որակավորված արտադրողի որոնումից, վերջացրած բեռնափոխադրումով ու այլ հարակից ծառայություններով։

Հենց այսպիսի մոդելով է տեսնում հայ–չինական բիզնես համագործակցության զարգացման հեռանկարը «ԶԻԶԻ» ընկերության Հայաստանի և Չինաստանի տնօրեն Էդգար Մարգարյանը։

Այսօր Հայաստանի առևտրային բիզնեսների մեծամասնությունն իր մոդելը կառուցել է Չինաստանից ապրանքների ներկրման և ներքին շուկայում դրանց վաճառքի կազմակերպման միջոցով շահույթի ստացման վրա, և այս պարզ մոդելը կարելի է և պետք է կատարելագործել, բարձրացնել դրա արդյունավետությունը. ընկերությունները պետք է փորձեն օգտվել նաև լոգիստիկայի ու արտաքին մարքեթինգի ընձեռած հնարավորություններից:

Կենտրոնական բանկը միջամտեց, դրամը փոքր–ինչ արժևորվեց. իսկ ի՞նչ սպասել ապագայում

22
թեգերը:
բիզնես, Չինաստան, Հայաստան
Ըստ թեմայի
Հայաստանի դեսպանն ընդունել է Տամուրային. ավելի շատ արտադրանք կմատակարարվի Ճապոնիա
Չիրացված ներուժ կա․ նախարար Պապիկյանն ու Իրանի դեսպանը հանդիպել են
Ռուսաստանի տնտեսության վերելքը ձեռնտու է Հայաստանին. փորձագետը` Պուտինի ուղերձի մասին

Սյունեցու վախն անհիմն չէ, կամ ադրբեջանցիները Մեղրիով կարող են տեղաշարժվել 2 նախապայմանով

400
(Թարմացված է 13:27 22.04.2021)
Քաղաքագետ Գարեգին Պետրոսյանը Sputnik Արմենիայի հետ զրույցի ընթացքում անդրադարձել է ՀՀ վարչապետ Նիկոլ Փաշինյանի` Սյունիք կատարած այցին, այնտեղ տեղի ունեցած բողոքի զանգվածային ակցիաներին, ինչպես նաև խոսել է սյունեցիներին հուզող անվտանգային խնդիրների մասին։

Գարեգին Պետրոսյանի դիտարկմամբ` երբ երեկ հնչեց Ադրբեջանի նախագահ Իլհամ Ալիևի հերթական հայտարարությունը Մեղրիի միջանցքի մասին, որին զուգորդվեցին նաև Հայաստանում ԱՄՆ–ի դեսպանի, ՀՀ նախագահի ու վարչապետի` Սյունիք կատարած այցերը, արդյունքում սյունեցիների մոտ որոշ իրողությունների համադրության պարագայում առաջացան պատճառաբանված մտավախություններ առ այն, թե արդյոք չե՞ն ծավալվում խորքային գործընթացներ, կամ չե՞ն հակասում դրանք մեր ազգային շահերին։

«Սյունեցիների վախերն անհիմն չեն, եթե համադրենք ավելի վաղ տեղի ունեցած իրադարձությունները, երբ հայտարարվում էր, որ նոյեմբերի 9-ին ստորագրված հայտարարությունը հավելյալ փաստաթուղթ չունի, մինչդեռ հետագայում Սյունիք այցելած տարբեր գործիչներ, այդ թվում նախկին վարչապետ Հրանտ Բագրատյանը հայտարարեցին, որ ավելի ուշ կազմվել է լրացուցիչ փաստաթուղթ։ Եթե հիշում եք, նախորդ այցի ժամանակ Նիկոլ Փաշինյանին առհասարակ թույլ չտվեցին Սիսիանից առաջանալ և այցելել այլ բնակավայրեր»,– նշեց քաղաքագետը։

Պետրոսյանի խոսքով` նույն գործընթացը ծավալվել էր այն ժամանակ, երբ որոշակի դիրքեր և բնագծեր նորից անհասկանալի, չպատճառաբանված, չհիմնավորված կերպով վերադարձվեցին թշնամուն` առաջացնելով մի իրավիճակ, երբ Սյունիքում տեղաշարժվելը որոշ հատվածներում անվտանգության տեսանկյունից դարձել է խնդրահարույց։

Քաղաքագետի համոզմամբ` Մեղրիով ադրբեջանցիների տեղաշարժը հնարավոր է երկու նախապայմանով` նախ եթե համաձայնվեն, որ Նախիջևանում նույնպես տեղակայվեն ռուս խաղաղապահներ, և երկրորդ` եթե լուծվի Արցախի կարգավիճակի հարցը տեղի ազգաբնակչության կամարտահայտությամբ։

Պետրոսյանը համոզված է` լարված իրավիճակի ու քաղաքական ճգնաժամի հանգուցալուծումը նոր իշխանության ձևավորումն է, որը նախևառաջ սահմանին ապրող մարդկանց խնդիրներին պետք է տա հայանպաստ լուծումներ։

Հիշեցնենք` Նիկոլ Փաշինյանն ապրիլի 20-ից Սյունիքի մարզում էր։ Գիշերը նա այցելել է Շուռնուխ համայնք, որտեղ բնակիչները վարչապետին ընդունել էին վրդովմունքով։

Այսօր Փաշինյանին վիրավորական արտահայտություններով ու բողոքի ակցիաներով էին դիմավորել նաև Ագարակում, Մեղրիում ու Կապանում:

Ակնկալում եմ կտրուկ գործողություններ. Փաշինյանը` Սյունիքի ակցիաների մասին. տեսանյութ

 

400
թեգերը:
Սյունիք, Հայաստան
թեմա:
Sputnik զրույց (266)
Կոպիրկինը հանդիպել է Ծառուկյանի հետ

«Ռուս և հայ ժողովուրդները միասնական ապագա ունեն». Կոպիրկինը հանդիպել է Ծառուկյանի հետ

0
(Թարմացված է 15:30 22.04.2021)
Գագիկ Ծառուկյանն անդրադարձել է երկրի ներսում հակառուսական տրամադրություններ արթնացնողներին` ասելով, որ նրանք մեր երկրի թշնամին են։

ԵՐԵՎԱՆ, 22 ապրիլի - Sputnik. Ռուսաստանի համար շատ կարևոր է ԲՀԿ–ի և անձամբ ԲՀԿ առաջնորդ Գագիկ Ծառուկյանի անձնական աջակցությունը հայ–ռուսական հարաբերությունների ամրապնդման հարցում։ Ծառուկյանի հետ հանդիպման ժամանակ նման կարծիք է հայտնել Հայաստանում Ռուսաստանի դեսպան Սերգեյ Կոպիրկինը, տեղեկանում ենք Ծառուկյանի ֆեյսբուքյան պաշտոնական էջից։

«Դուք միշտ հանդես եք եկել ի պաշտպանություն հայ–ռուսական հարաբերությունների զարգացման, ինչը շատ կարևոր է հատկապես հիմա ինչպես Հայաստանի, այնպես էլ տարածաշրջանի ու ամբողջ աշխարհի համար»,–ասել է Կոպիրկինը։

Ի պատասխան Ծառուկյանը նշել է, որ հայ–ռուսական հարաբերությունների ամրապնդումն այլընտրանք չունի.«Ռուս և հայ ժողովուրդները միասնական ապագա ունեն։ Ես արդեն 15 տարի է` համոզմունք եմ հայտնում, որ մեր երկրները պետք է համատեղ բարգավաճեն»։

Ծառուկյանն անդրադարձել է երկրի ներսում հակառուսական տրամադրություններ արթնացնողներին` ասելով, որ նրանք, ովքեր Հայաստանում հակառուսական գործունեությամբ են զբաղվում, նրանք նաև հակահայկական գործունեությամբ են զբաղվում` նրանք մեր երկրի թշնամիներն են։

Նշենք, որ հանդիպման ընթացքում քննարկվել են տարածաշրջանում հետպատերազմական իրավիճակը, ռազմագերիների վերադարձի գործընթացը և ներքաղաքական օրակարգին առնչվող կարևորագույն այլ հարցեր:

0