Ցույցեր Թբիլիսիում` Պոզների այցի պատճառով. հաղորդավարը ստիպված լքել է քաղաքը. տեսանյութ

163
(Թարմացված է 12:37 01.04.2021)
Ցուցարարները չեն ուզում տեսնել Պոզներին իրենց երկրում, քանի որ նա չի ճանաչում իրենց տարածքային ամբողջականությունը։

Ռուսաստանցի հայտնի լրագրող ու հեռուստահաղորդավար Վլադիմիր Պոզները ստիպված է եղել շտապ հեռանալ Թբիլիսիից, քանի որ նրա այցի պատճառով բողոքի ակցիաներ էին սկսվել քաղաքում: Տեղեկությունը հայտնում է ՌԻԱ Նովոստին՝ հղում անելով վրացական Առաջին ալիքին։

Մարտի 31–ին Թբիլիսիում բողոքի ակցիաներ էին կազմակերպվել Պոզների այցի պատճառով։ Լրագրողը Վրաստանի մայրաքաղաք էր ժամանել՝ իր ծննդյան օրը նշելու համար: Ցուցարարներն ասում էին` քանի որ Պոզները չի ճանաչում իրենց երկրի տարածքային ամբողջականությունը, ապա նրա ներկայությունն անընդունելի է։ Նրանք շրջապատել են հյուրանոցի շենքը, որտեղ ի սկզբանե կանգ էին առել Պոզներն ու նրա ընկերները։ Ավելի ուշ հյուրերը տեղափոխվել են Թբիլիսիի կենտրոնում գտնվող Romms hotel հյուրանոց: Ցուցարարները ձվեր են նետել շենքի վրա՝ պահանջելով, որ Պոզներն ու նրա ընկերները հեռանան Վրաստանից։

Պոզները ՌԻԱ Նովոստիին ասել էր, որ ժամանել է Թբիլիսի՝ ծննդյան օրը նշելու համար ու պատրաստվում է վերադառնալ ապրիլի 3-ին: Նա չի բացառել, որ կարող է ավելի վաղ վերադառնալ՝ ավելացնելով, որ հյուրանոցում է, որի անվտանգությունն ապահովում է ոստիկանությունը։

«Ռուս լրագրող Պոզները և նրա հյուրերը լքել են Վրաստանը։ Ինքնաթիռը մեկնել է Թբիլիսիի միջազգային օդանավակայանից։ Օդանավակայան են բերվել իրավապահներ ուժեր։ Այնտեղ հավաքվել են նաև ցուցարարները», - տեղեկացնում է TV-ն։

Հեռուստաընկերության կադրերում երևում է, թե ինչպես են հեռուստահաղորդավարն ու նրա ընկերները ոստիկանների ուղեկցությամբ դուրս գալիս հյուրանոցի շենքից, ցուցարարները ուղեկցում են նրանց օդանավակայան, բայց հեռանում են, երբ համոզվում են, որ ռուս այցելուները լքել են երկիրը:

Թբիլիսիում ձերբակալվել է ընդդիմության առաջնորդը. տեսանյութ

Մոսկվան 2008 թվականի օգոստոսի 26-ին Ցխինվալի դեմ Վրաստանի զինված ագրեսիայից հետո ճանաչեց Հարավային Օսեթիայի ու Աբխազիայի ինքնիշխանությունը: Ռուսաստանի ղեկավարները բազմիցս ասել են, որ վրացական երկու նախկին ինքնավարությունների անկախության ճանաչումն արտացոլում է առկա իրողությունները ու վերանայման ենթակա չէ: Սակայն Թբիլիսին հրաժարվում է ճանաչել հանրապետությունների անկախությունը։

Պոզները խոսել է Մանթաշյանի ու Էյվազովի միջև ծագած սկանդալի մասին

Աբխազիան ու Հարավային Օսիեթան Վրաստանի կողմից օկուպացված տարածքներ են ճանաչվել ի պատասխան այն բանի, որ Ռուսաստանը 2008 թվականի օգոստոսյան պատերազմից հետո ճանաչել է դրանց անկախությունը: «Օկուպացված տարածքների մասին» օրենքի համաձայն՝ առանց պաշտոնական Թբիլիսիի թույլտվության այդ տարածքներ այցելելն անօրինական է ու պատժվում է կա՛մ խոշոր դրամական տուգանքով, կա՛մ մինչև չորս տարի ազատազրկմամբ: Մոսկվան բազմիցս կոչ է արել չեղարկել այդ օրենքը։

163
թեգերը:
Աբխազիա, Օսեթիա, Վլադիմիր Պոզներ, Բողոքի ակցիա, Վրաստանի Հանրապետություն, Թբիլիսի

Փաշինյանը ծրագրավորված քանդեց այն ամենը, ինչի վրա խարսխված էր ազգային պետությունը. Աշոտյան

129
Հայաստանի Հանրապետական կուսակցության փոխնախագահ Արմեն Աշոտյանը Sputnik Արմենիայի հետ զրույցում անդրադարձել է արցախյան պատերազմին և դրանով պայմանավորված որոշ իրողությունների։ 

Արմեն Աշոտյանի դիտարկմամբ` այն հանգամանքը, որ Բելառուսի նախագահ Ալեքսանդր Լուկաշենկոն փորձում էր Ալիևի միջոցով կաշառել Սերժ Սարգսյանին, հայտնի դարձավ ավելի վաղ շրջանառված գաղտնալսումից և ակնհայտ է, որ նախորդ իշխանությունը երբեք չէր գնա հայրենիքը փողով վաճառելու գործարքին։ 

Ըստ նրա` կան բազմաթիվ խոսակցություններ, տեղեկություններ, որ նույն առաջարկն արվել է գործող իշխանությանը և Աշոտյանը կասկածներ ունի, որ Նիկոլ Փաշինյանը կարող էր գնալ նման գործարքի, որովհետև պատերազմը հասունացնելու, նման ապիկար ձևով տանելու, պատերազմից հետո հնարավոր ամեն ինչ հանձնելու շահագրգռվածությունը կարելի է բացատրել նաև Փաշինյանի կոռումպացված լինելով։ 

«Ադրբեջանը թեև մեզանից միշտ թվաքանակով ավել է եղել ու հարուստ, սակայն մենք նրանց հաղթում էինք ավելի լավ կազմակերպված լինելու շնորհիվ, որովհետև մեր մարտական ոգին ավելի բարձր էր, մեր բանակն իր առաքելությունը գիտակցող պրոֆեսիոնալ միավորում է եղել, հետևաբար, պետք է իշխանափոխությունից հետո մանրամասնորեն հետաքննել նաև այն հանգամանքը, թե այդ առումով ինչ փոխվեց, ինչու վարկաբեկվեց գեներալիտետը, ինչու վարկաբեկվեց արցախյան շարժումը»,– նշեց ՀՀԿ փոխնախագահը։ 

Աշոտյանի կարծիքով` երբ Նիկոլ Փաշինյանը եկավ իշխանության, ծրագրավորված կերպով սկսեց քանդել այն ամենը, ինչի վրա խարսխված էր ազգային պետությունը և այս ամենն, ըստ նրա, չէր կարող պատահականություն լինել։  

Սերժ Սարգսյանի գրասենյակը հրաժարվում է մեկնաբանել «կապիտուլյանտի հնչեցրած ստերը»

129
թեգերը:
Հայաստանի Հանրապետական կուսակցություն (ՀՀԿ), Արմեն Աշոտյան, Նիկոլ Փաշինյան
Ըստ թեմայի
«Կապիտուլյանտի կողմից պետության կազմաքանդումն անթույլատրելի է»․ Սարգսյանը նիստ է հրավիրել
«Մնացել է երգիս տակ». Աշոտյանը նեղվել է ու առաջարկ արել Փաշինյանին
Առանց ՀՀԿ-ի Հայաստանում դժվար է պատկերացնել լրջագույն քաղաքական պրոցես. Աշոտյան

Կոտայքի ոստիկանները շուրջ 2 կգ թմրանյութ են հայտնաբերել

16
(Թարմացված է 18:57 15.04.2021)
Բերման ենթարկվածը հայտնել է, որ իրենց տան մոտ գտնվող հողամասից է կանեփը քաղել։

Կոտայքի ոստիկաններն առանձնապես խոշոր չափի` շուրջ 2 կգ թմրանյութ են հայտնաբերել։ Տեղեկությունը հայտնում է ոստիկանության մամուլի ծառայությունը` հավելելով, որ ապօրինի թմրանյութ պահելու և օգտագործելու կասկածանքով Գետամեջից բերման է ենթարկվել նույն գյուղի 54-ամյա մի բնակիչ։

Կանեփ
© Photo : Пресс-служба Пограничного управления ФСБ России в Республике Армения

Նրա անձնական խուզարկությամբ հայտնաբերվել է դեղնականաչավուն, չորացված, մանրացված բուսական զանգված:

«Ոստիկանների բացատրական աշխատանքի շնորհիվ կասկածվողն իր տնից ներկայացրեց առանձնապես խոշոր չափի՝ 1 կգ 870 գրամ կանեփի 5 թուփ և ստվարաթղթե երկու արկղ՝ 800 գրամից ավելի կանեփանման զանգվածով»,–նշված է հաղորդագրության մեջ։

Ըստ բերման ենթարկվածի` հայտնաբերվածը կանեփ է, քաղել է իր տան հետնամասի հողատարածքից՝ իր օգտագործման համար:

Նախապատրաստվում են նյութեր:

«Ոստիկանապետն արդեն փոխվել է». ինչպես Հայաստանում թույլ տվեցին կանեփ աճեցնել, ապա այրեցին

16
թեգերը:
տեսանյութ, Ոստիկանություն, թմրանյութ, Կոտայք
Ըստ թեմայի
Անհրաժեշտ են այնպիսի մեխանիզմներ, որ բացառվի կանեփի հանցավոր շրջանառությունը
«Կանեփ-կակաչ - 2020». տնամերձ 5 հողամասից 405 բույս են գտել
Հայաստանը կանեփ կաճեցնի. համավարակի և պատերազմի տնտեսական շոկերը հաղթահարելու միջոց

Ամերիկացիները պատրաստվում են ակտիվանալ Արկտիկայում

0
(Թարմացված է 00:11 16.04.2021)

ԱՄՆ-ն ձգտում է կրճատել իր հետ մնալը Ռուսաստանից Արկտիկայում։ Օրերս Ցամաքային զորքերն Անդրբևեռային տարածքի համար ռազմական տեխնիկայի մշակման պայմանագիր են կնքել Oshkosh Defense կոնցեռնի հետ՝ սինգապուրյան ST Engineering-ի և BAE Systems-ի հետ համագործակցությամբ։ Պարզվել է, որ նման տիպի ժամանակակից մեքենաներ ամերիկացիներն ուղղակի չունեն, իսկ եղածներն էլ վաղուց հնացած են։ Ավելի մանրամասն՝ ՌԻԱ Նովոստիի հոդվածում։

Կառուցել մինչև հունիս

Արկտիկան լուրջ մարտահրավեր է ցանկացած բանակի համար։ Գերցածր ջերմաստիճաններ, սառցաբեկորներ, լողացող սառցալեռներ, ենթակառուցվածքների բացակայություն, բարդ լոգիստիկա, երկարատև բևեռային գիշեր՝ այս ամենը մեծապես բարդացնում է խոշոր ռազմական խմբավորման տեղակայումը:

Սառը պատերազմի տարիներին ԱՄՆ-ն, ի տարբերություն ԽՍՀՄ-ի, բավարար ուշադրություն չի դարձրել այդ տարածաշրջանին, ուստի այսօր Պենտագոնի տրամադրության տակ միայն մի սարքին սառցահատ կա՝ Polar Star-ը։ Ռուսաստանն այդ տիպի ավելի քան 40 նավ ունի։ Բացի այդ, ամերիկացիներն այնտեղ փաստացի ռազմակայաններ չունեն։

Ցամաքային զորքերի համար ևս տեխնիկան չի բավականացնում, որն ի վիճակի կլիներ բևեռային բարդ պայմաններում բեռներ ու զինծառայողներին տեղափոխել։

Դրա համար պիտանի միակ քարշակ-ամենագնացները շվեդական երկշղթա-թրթուրավոր Bandvagn 206-ներն են, որոնք սպառազինության մեջ ներառվել են Small Unit Support Vehicle նշումով (SUSV` ստորաբաժանումների աջակցության փոքր մեքենա)։ Սակայն այս տեսակի առաջին մեքենաները հոսքագծից դուրս են եկել դեռ 40 տարի առաջ և վաղուց արդեն չեն համապատասխանում ժամանակակից պահանջներին։

Բանակը որոշել է թարմացնել արկտիկական տեխնիկան և մրցույթ է հայտարարել ColdWeather, All-Terrain Vehicle (CATV, ամենագնաց սառը կլիմայի համար) ծրագրի շրջանակում։ Պենտագոնը պատրաստ է հեռանկարային քարշակի մշակման, կառուցման և փորձարկումերի վրա 2021 ֆինանսական տարում 6,6 միլիոն դոլար ծախսել, ևս 9,25 միլիոն՝ 110 միավոր CATV-ի վրա։

Այնուհետև պարկը կմեծացնեն՝ հասցնելով 163 ամենագնացի։ Նախատիպերը սպասվում են հունիսի 14-ին։ Օգոստոսից մինչև դեկտեմբերի վերջ՝ փորձարկումներ Ալյասկայի զինափորձարանում։ Հաղթողին կընտրեն 2022 թ․-ի ֆինանսական տարում։

Չորս տարբերակ

Սպասվում է, որ CATV-ն կներկայացեն 4 տարբերակով։ Ընդհանուր նշանակության ամենագնացը պետք է տեղավորի ոչ պակաս, քան 9 զինվոր, վարորդին չհաշվաց, ինչպես նաև երեք օրվա ինքնավար գործողությունների համար սարքավորումներ և պաշարներ ունենա։

Ռուսական հրթիռակիրները 8-ժամանոց թռիչք են իրականացրել Արկտիկայի ջրերի վրայով․ տեսանյութ

Սանիտարական տարբերակը՝ բժշկական սարքավորումներով, նախատեսված է երկու բժշկի, երկու պառկած և չորս թեթև վիրավոր մարդկանց համար։ Հրամանատարական ամենագնացը կհագեցնեն կապի և զորքերի կառավարման ժամանակակից միջոցներով։ Եվ վերջապես, բեռնակիր տարբերակը՝ նախատեսված խոշոր չափերի ռազմական սարքավորումները մեծ հեռավորություններ տեղափոխելու համար։

«Այդ մեքենաները կկարողանան խնդիրների լայն շրջանակ լուծել ծայրահեղ ցածր ջերմաստիճանի պայմաններում, այլ տեխնիկայի համար անանցանելի տեղանքում»,-լրագրողներին պատմել է ԱՄՆ բանակի սպա, CATV ծրագրի պատասխանատու Թիմ Գոդդեթը։-Նրանք պետք է առանց խնդիրների տեղաշարժվեն սառույցի վրայով, հաղթահարեն ջրային պատնեշները, հեշտությամբ բարձրանան բարձունքները, լինեն հեշտ սպասարկվող և խնայողաբար ծախսեն վառելիքը»։

Մրցույթի մասնակիցները հենվում են նախորդ մշակումներ վրա։ Oshkosh-ը և ST Engineering-ը որպես հիմք են վերցրել Bronco 3 երկշղթա քարշակը։ Այդ մեքենան արդեն ավելի քան 20 տարի բրիտանական բանակի սպառազինության կազմում է, մասնակցել է Աֆղանստանի մարտական գործողություններին։

Bronco 3-ն ունի հակագնդակային զրահապատում, աշտարակ՝ գնդացրով, V-աձև հիմք, որը նվազեցնում է վնասը ականի վրա պայթելու դեպքում։ Ամենագնացը ջրային պատնեշները հաղթահարում է հինգ կմ/ժ արագությամբ։

BAE Systems-ը նորարարություն կառաջարկի Beowulf երկշղթա քարշակի հիման վրա, որը հիմնականում նույնն է, ինչ Bronco 3-ն ու SUSV-ը, բայց ավելի մեծ բեռնատարողություն ունի։

Հասնել Ռուսաստանին

Մեկ ամիս առաջ հրապարակված «Արկտիկական ռազմավարության» մեջ ամերիկացիները բացեիբաց հայտարարել են տարածաշրջանում Մոսկվային ու Պեկինին դուրս մղելու ցանկության մասին։ Պենտագոնին հատկապես մտահոգում է Ռուսաստանը, որի տրամադրության տակ է աշխարհի ամենամեծ սառցահատ նավատորմը, հյուսիսային լայնություններում ռազմակայանների ցանցը և առանց էքստրեմալ ցրտի պայմաններում աշխատելու ընդունակ տեխնիկայի մեծ զինանոցը։

Հաղթանակի շքերթներին միշտ մասնակցում են հայրենական ՀՕՊ համակարգերի արկտիկական մոդիֆիկացիաները․ փոքր հեռահարության «Тор-М2ДТ» զենիթահրթիռային համակարգը, զենիթային հրթիռահրանոթային «Панцирь-СА»-ն, ինչպես նաև ապահովման մեքենաների հատուկ տարբերակներ։

Արկտիկական տարածաշրջանի համար գրեթե ամբողջ ցամաքային տեխնիկան հավաքված է ДТ-30 «Витязь» երկշղթա թրթուրավոր ամենագնացների հիման վրա, որին չի վախեցնում անգամ ամենասարսափելի ցուրտը (մինչև -55 աստիճան)։ Որոշ մոդիֆկացիաներ կարող են կտրել-անցնել ջրային պատնեշները, ինչը Հյուսիսային բևեռում սառույցների մշտական կուտակման պայմաններում նկատելիորեն ավելացնում է շարժունակությունը։ Նոր «Панцирь»-ներն ու «Тор»-ը ծածկում են 2015թ․-ի Արկտիկայում տեղակայված հեռահար զենիթահրթիռային С-400 համակարգերի տեղակայման շրջանները։

Բացառիկ զինանոց ունի նաև Ցամաքային զորքերի առաջին լիարժեք արկտիկական միավորումը՝ 80-րդ առանձին մոտոհրաձգային բրիգադը, որը տեղակայված է Մուրմանսկի մարզի Ալակուրտտի ավանում: Ցրտադիմացկուն հետևակը յուրացնում է, մասնավորապես, ТРЭКОЛ բարձր անցանելիության ձնաճահճագնացները, որոնք տեղաշարժվում են գերցածր ճնշման հսկայական անվադողերով անիվների վրա։ Այդպիսի մեքենաներն անգամ ընդհատուն տեղանքով ընթանում են առանց արագությունը նվազեցնելու։

Արդեն փորձարկել են․ Ռուսաստանն անսովոր զենքով կպաշտպանի հյուսիսային տարածքները

Բացի այդ, 80-րդ բրիգադի մարտիկներն ունեն «Урал» և КамАЗ լիաքարշ բեռնատարներ, որոնք հարմարեցված են ծայրահեղ սառնամանիքներին, ТТМ-1901 «Беркут» ձնագնացներ՝ ջեռուցվող խցիկով, օդային բարձիկով մոտորանավակներ, ինչպես նաև շների և եղջերուների լծվացքներ:

Հայրենական մեծ պատերազմի տարիներին լծվացքները կարևոր դեր են խաղացել Անդբևեռյան հատվածի պաշտպանության գործում։ Շներով և եղջերուներով նշանակված վայր էին հասցնում զինամթերքն ու անձնակազմը։ Կենդանիներն անցնում են այնտեղով, որտեղով տեխնիկան չի կարողանում անցնել։ Բացի այդ, արկտիկական բրիգադի համար մշակում են տանկերի, ՀՄՄ-ների և ուղղաթիռների հատուկ մոդիֆիկացիաներ, մասնավորապես՝ Ми-8АМТШ-ВА՝ ուժային սարքավորումների հիմնական ագրեգատների ջեռուցման համակարգով:

0
թեգերը:
ԱՄՆ, Ռուսաստան, Արկտիկա
Ըստ թեմայի
Ուղիղ սպառնալիք Ռուսաստանին. ի՞նչ է Պենտագոնը կառուցում Ալյասկայում
Վլադիմիր Պուտինը պատվավոր կոչում է շնորհել Արթուր Չիլինգարովին
ՌԴ-ն Սուեզի ջրանցքին փոխարինող է գտել․ ի՞նչ հեռանկարներ ունի Հյուսիսային ծովային ուղին