Թուրքիայի վարձած ահաբեկիչները կօգտագործվեն նաև ԱՊՀ մյուս երկրներում. Մելիք–Շահնազարյան 

126
(Թարմացված է 14:08 01.04.2021)
«Ոսկանապատ» վերլուծական կենտրոնի ղեկավար, քաղաքագետ Հրանտ Մելիք–Շահնազարյանը Sputnik Արմենիայի հետ զրույցում անդրադարձել է Արցախի Հանրապետության անվտանգության հետ կապված հիմնախնդիրներին հատկապես հետպատերազմյան իրողությունների համատեքստում։ 

Հրանտ Մելիք–Շահնազարյանի դիտարկմամբ` ադրբեջանական զինուժը, որն այսօր տեղակայված է Շուշիում, Հադրութում և այլ վայրերում, իրականում կտրված է հիմնական բանակից, չունի մատակարարման ճանապարհներ դեպի Շուշի, հետևաբար ստիպված է օգտվել այն ճանապարհներից, որոնք գտնվում են հայկական կողմի վերահսկողության ներքո։ Քաղաքագետի խոսքով` այդ հանգամանքը դրդում է ադրբեջանցիներին ամեն ինչ անել, որպեսզի անվտանգ մատակարարում ապահովեն դեպի Շուշի, ուստի ցանկանում են հատկապես Կարմիր Շուկայի տարածքը դարձնել ապառազմականացված գոտի, որ այնտեղ չլինի հայկական զինուժ։ 

«Ադրբեջանական կողմը ռազմագերիների փոխանակում է առաջարկել վերոհիշյալ խնդրի լուծման դիմաց։ Ըստ մամուլում եղած տեղեկությունների, որոնց մի մասի հաստատումն ինձ հաջողվել է գտնել, պարզ է դառնում, որ ադրբեջանցիների առաջարկած փոխանակման նման ծրագրին Արայիկ Հարությունյանը և Նիկոլ Փաշինյանը դեմ չեն, սակայն դեմ են ԶՈւ ներկայացուցիչները, որոնց հանդեպ իրականացվում են քաղաքական արշավներ` գերիների հարազատների ներգրավմամբ, որոնց հաճախ մոլորեցնում են` տալով սխալ թիրախներ»,– նշեց քաղաքագետը։    

Հաղորդման ընթացքում ևս մեկ անգամ անդրադառնալով վարձկան ահաբեկիչների խնդրին, Հրանտ Մելիք–Շահնազարյանն ընդգծեց, որ սիրական Իդլիբում ԱՊՀ երկրներից ժամանած և Թուրքիայի վարձակալած անձինք փորձառություն ստացան արցախյան պատերազմում և այդ ահաբեկիչների կիրառումը դեռ կլինի ԱՊՀ մյուս երկրներում, համենայնդեպս Թուրքիան, ըստ Մելիք–Շահնազարյանի, դրանում շահագրգռվածություն ունի։ 

Վարձկաններին դուրս բերելու համար ԵԱՀԿ երկրները պետք է ազդեն Թուրքիայի վրա. Այվազյան

Քաղաքագետը խոսեց նաև արցախյան խնդրի բանակցային գործընթացի վերսկսման հեռանկարի ու Արցախի տարածքային ամբողջականության վերականգման մասին։

Անդրադառնալով հատկապես ռուս խաղաղապահների առաքելության արդյունավետությանը հրադադարի պահպանման գործում, Հրանտ Մելիք–Շահնազարյանը զուգահեռաբար կարևորել է հատկապես Հայաստանի կողմից Արցախի անվտանգության երաշխիքների ստեղծման ու ամրագրման անհրաժեշտությունը։  

ԵԱՀԿ ՄԽ–ն հորդորում է բոլոր վարձկաններին արագ հեռանալ Լեռնային Ղարաբաղի տարածաշրջանից

126
թեգերը:
Հրանտ Մելիք–Շահնազարյան, Անկախ պետությունների համագործակցություն (ԱՊՀ), ահաբեկիչ, վարձկաններ, Թուրքիա
թեմա:
Sputnik զրույց (264)
Ըստ թեմայի
Սաղաթելյանի ընկերները կապ են տեսնում նրա կալանքի և Փաշինյան–Ալիև պայմանավորվածության հետ
Մեր ճակատագիրը որոշվում է այլ պետությունների կողմից և այլ մայրաքաղաքներում. քաղաքագետ
ՀՀ իշխանությունների անգործությունից ադրբեջանցիներն ավելի սանձարձակ են դառնում. քաղաքագետ

Բռնցքամարտիկ Հովհաննես Փափազյանը փայլուն հաղթանակ տարավ ու դուրս եկավ եզրափակիչ. տեսանյութ

9
(Թարմացված է 14:22 21.04.2021)
Գերծանր քաշային կարգի եզրափակիչ մենամարտը կկայանա ապրիլի 23-ին: Հովհաննես Փափազյանը կմրցի Ուզբեկստանի ներկայացուցչի հետ:

ԵՐԵՎԱՆ, 21 ապրիլի - Sputnik. Լեհաստանի Կելց քաղաքում ընթացող աշխարհի երիտասարդական առաջությունում Հայաստանը ներկայացնող Հովհաննես Փափազյանը դուրս է եկել եզրափակիչ: Այս մասին տեղեկացնում է Բռնցքամարտի ֆեդերացիայի մամուլի ծառայությունը։

Նշվում է, որ գերծանր քաշային կարգի կիսաեզրափակչում Փափազյանը փայլուն հաղթանակ է տարել Կուբան ներկայացնող Ֆերնանդո Արզոլա Լոպեսի նկատմամբ: 3-րդ ռաունդում հայ բռնցքամարտիկը հուժկու հարվածով տապալել է մրցակցին, որից հետո մրցավարը դադարեցրել է մարտը:

«Փափազյանը գերազանց մենամարտ անցկացրեց: Կուբացիները միշտ էլ առանձնացել են իրենց տակտիկայով և տեխնիկայով, սակայն Հովհաննեսը մեծ կամքի ուժ դրսևորեց և կարողացավ փայլուն հաղթանակի հասնել»,-ասել է Հայաստանի երիտասարդական հավաքականի գլխավոր մարզիչ Կարեն Աղամալյանը:

Գերծանր քաշային կարգի եզրափակիչ մենամարտը կկայանա ապրիլի 23-ին: Հովհաննես Փափազյանը կմրցի Ուզբեկստանի ներկայացուցչի հետ:

9
թեգերը:
Հայաստան, հաղթանակ, բռնցքամարտ
Ըստ թեմայի
Հակոբ Մկրտչյանը դարձավ Եվրոպայի առաջնության բրոնզե մեդալակիր
Մահացել է բռնցքամարտի աշխարհի նախկին չեմպիոնը
Ադրբեջանցի բռնցքամարտիկները չեն մենամարտել նաև հայ մարզիկների հետ. որն է պատճառը

Ստեփանակերտն այժմ մեծ շինհրապարակ է․ Արցախի նախագահը կառուցապատման ծրագրեր է ներկայացրել

53
(Թարմացված է 18:55 20.04.2021)
Արցախի մայրաքաղաքում մեկնարկած ծրագրերը նախատեսվում է ավարտել 2023 թվականին: Զուգահեռ նախագծողներն աշխատում են մի շարք նոր ծրագրերի վրա:

Ստեփանակերտում կատարվում են ակտիվ շինարարական աշխատանքներ։ Տեղեկությունը հայտնում է Արցախի նախագահ Արայիկ Հարությունյանը։

«Պատերազմից հետո Արցախի իշխանությունների առջև ծառացած խնդիրներից մեկը Արցախի տեղահանված քաղաքացիների բնակարանային խնդիրների լուծումն է: Այս օրերին Ստեփանակերտը մեծ շինհրապարակ է: Վերացվում են պատերազմի հետքերը, կառուցվում է նորը», - գրել է նա։

Սոցիալական մի շարք խմբերի մեր քաղաքացիների բնակարանային խնդիրների լուծման և տեղահանված Հադրութ և Շուշի քաղաքի բնակիչների համար կառուցվում է ավելի քան 1000 բնակարան: Շենքեր են կառուցվում Ստեփանակերտի Թումանյան, Տիգրան Մեծ, Վարդան Մամիկոնյան, Կնունյանցների, Առաքելյան փողոցներում և Արցախ թաղամասում։

Մեսրոպ Առաքելյանը հայտնեց` արցախցի քանի ընտանիք է սպասում բնակարան ստանալու իր հերթին

Բնակարանամուտի առաջին արարողությունները տեղի կունենան մի քանի ամիս հետո: Արցախի մայրաքաղաքում մեկնարկած ծրագրերի ավարտը 2023 թվականն է: Զուգահեռ նախագծողներն աշխատում են մի շարք նոր ծրագրերի վրա:

Արցախում և մայրաքաղաքում իրականացվող բնակարանաշինական ծրագրերին պետությունից բացի զորավիգ են առանձին անհատներ, մասնավոր ու բարեգործական կառույցներ:

Ադրբեջանին անցած գյուղերի բնակիչների համար Արցախում նոր բնակարաններ կկառուցվեն

53
թեգերը:
տեսանյութ, Արցախի նախագահ Արայիկ Հարությունյան, շինարարություն, Ստեփանակերտ
Ըստ թեմայի
Մենք խաղաղության մեջ չենք, մենք ունենք թշնամական պետություն մեր առջև. արցախցի պաշտոնյա
Քնապարկերից մինչև միջնադարյան նախշեր․ երևանցի կնոջ բացառիկ նախագիծը արցախցիների համար
Հյուրանոցներում տեղ չկա. արցախցիներին բնակեցնելու գործընթացն առայժմ դադարեցվում է
Վլադիմիր Պուտին

ՌԴ–ն կարևոր դեր է խաղացել Ղարաբաղի զինված հակամարտությունը դադարեցնելու գործում. Պուտին

4
(Թարմացված է 14:46 21.04.2021)
ՌԴ նախագահի խոսքով` Մոսկվան ձգտում է աջակցել աշխարհի տարբեր տարածաշրջաններում հակամարտությունների կարգավորմանը։

ԵՐԵՎԱՆ, 21 ապրիլի – Sputnik. Ռուսաստանը գլխավոր դեր է խաղացել Լեռնային Ղարաբաղի հակամարտության կարգավորման գործում, Դաշնային ժողովին ուղղված ամենամյա ուղերձի ժամանակ ասել է ՌԴ նախագահ Վլադիմիր Պուտինը:

Նրա խոսքով՝ Ռուսաստանը բաց է միջպետական լայն համագործակցության համար, ձգտում է աջակցել տարածաշրջանային հակամարտությունների կարգավորմանը։

«Արդեն շատ բան ենք արել Սիրիայում իրադրությունը կայունացնելու, Լիբիայում քաղաքական երկխոսություն հաստատելու համար։ Ռուսաստանը գլխավոր դեր է խաղացել, որպեսզի հաջողվի դադարեցնել Լեռնային Ղարաբաղի զինված հակամարտությունը», - ընդգծել է Ռուսաստանի նախագահը։

Նա հավելել է` փոխադարձ հարգանքի հիման վրա է, որ Մոսկվան հարաբերություններ է կառուցում աշխարհի պետությունների բացարձակ մեծամասնության հետ Ասիայում, Լատինական Ամերիկայում, Ասիայում, Եվրոպայի շատ երկրների հետ:

ՌԴ նախագահի խոսքով ՝ Ռուսաստանը հետևողականորեն ընդլայնում է համագործակցությունը Շանհայի համագործակցության կազմակերպության, BRICS-ի, ԱՊՀ-ի, ՀԱՊԿ-ի դաշնակիցների հետ:

Հիշեցնենք` 2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորակազմը տեղակայվել է 5 տարի ժամկետով, որից հետո այդ ժամանակահատվածը մեխանիկորեն կերկարաձգվի ևս 5 տարով, եթե կողմերից որևէ մեկը ժամկետի ավարտից 6 ամիս առաջ չհայտարարի տվյալ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

4
թեգերը:
Վլադիմիր Պուտին, Լեռնային Ղարաբաղ, Ռուսաստան
Ըստ թեմայի
ՀՀ նախագահը խոսել է Արցախի հիմնախնդրի ծագման մասին ու հիշեցրել Պուտինի խոսքերը
Պուտինը բանակցություններ է վարել Էրդողանի հետ ու քննարկել Ղարաբաղի թեման
Ալիևը հայտարարել է, որ «Իսկանդերի» թեման քննարկել է Պուտինի հետ